Milljarðar í súginn

Það vita allir sem vilja vita að það fara milljarðar í súginn ár hvert vegna brottkasts.  Það er innbyggður hvati í kvótakerfinu til brottkasts. Ef leiguverðið er hærra en það verð sem fæst fyrir fiskinn verður honum hent, svo einfalt er það. Ef menn vilja koma í veg fyrir brottkast er einfaldast að afnema kvótakerfið. Þá þarf engar myndavélar.  Svo einfalt er það.

Brottkastsmyndavélar um borð

Þórunn flýgur til Hveravalla í loftbelg

Samkvæmt óáreiðanlegum heimildum hefur  Þórunn Sveinbjarnardóttir falið aðstoðarmönnum sínum að undirbúa komu sína ásamt fylgdarliði til Hveravalla. Eina vandamálið í því sambandi er að þar er ekki flugvöllur, þannig að verið er að byggja lendingarpall fyrir loftbelg. Grunur leikur á að þarna sé enn á ferðinni hinn hrekkjótti Hveravallamóri en þetta er grátt gaman hjá honum ef satt reynist auk þess sem hann gæti átt á hættu að vera svæfður og fluttur til Grænlands.

Hálendisbjörn er hugsanlegur

Reis upp frá dauðum

Kraftaverkin gerast enn. Gefið var út dánarvottorð á sjúkrahúsi á Indlandi fyrir barn sem fæddist andvana enda hafði það hvorki hjartslátt né púls. Við útförina vaknaði barnið til lífsins. Það er greinilega margt yfirskilvitlegt í þessum heimi.

 

Látið barn vaknaði til lífsins

Dómar fyrir guðlast

Við Íslendingar skiljum ekkert í firna þungum dómum í ýmsum múslimaríkjum vegna guðlasts. Sjálfur tel ég að guðir séu ekkert sérlega uppnæmir fyrir leiðinlegu umtali um sig, hvort sem það er byggt á misskilningi eða hreinni meinbægni. Enda eru allir alvöru guðir með með breitt bak og veraldarvanari en svo að kippa sér upp við eitthvað nagg og nöldur um sjálfan sig. Enda hafa þeir annað og meira við sinn tíma að gera. Þetta er viðtekinn skilningur flestra Íslendinga í dag en svo hefur þó ekki alltaf verið.  Ætli það séu ekki u.þ.b.  40 ár síðan Spegillinn var gerður upptækur og ritstjórinn, Úlfar Þormóðsson, var dæmdur í svo þungar sektir að hann missti aleiguna. Tilefnið var teiknimynd af róna sem sagðist hafa  fengið fyrsta snafsinn við altarisgöngu á fermingardaginn. Þessi ströngu lög eru enn í gildi en þau eru ekki í takt við tíðarandann þannig að þegar Spaugstofumenn voru kærðir af biskupnum fyrir fáeinum árum flissaði þjóðin.

 

 

Úlfari Þormóðssyni var refsað grimmilega.  

Dæmdur til dauða fyrir guðlast

Umhverfisráðherra fjármagnar lögbrot

Var að velta fyrir mér hversu óheppilegt það var fyrir umhverfisráðherra að vera viðstaddur í ljósi  Fyrstu málsgr. 3ju og 16. gr villidýralaga 

Ráðherrann virðist líta á þessi lög sem marklaust plagg. Rétt eins og forystumenn ríkisstjórnarflokkana líta á skuldbindingu Íslands að hlíta úrskurðum mannréttindanefndarinnar. 

Eins og sjá má í þeim málsgreinum sem ég vísa til, er meginreglan sú að ísbirnir eru friðaðir og umhverfisráðherra ber sérstaka ábyrgð í því sambandi.  Einungis má fella dýrin í þeim undantekningatilvikum að bein hætta stafi af dýrinu. Þannig njóta dýrin algerrar friðunar á sundi. Dýrið var í flæðarmálinu á leið til hafs og átti því örfá metra í friðland, fyrir augum umhverfisráðherra, sem lögum samkvæmt bar alla ábyrgð á vettvangi.  Þarna hjó sá er hlífa skyldi.

 

 

Þórunn virðist ekki hafa kynnt sér villidýralögin 

Ráðuneytið greiðir fyrir leiguflug

Barnaklám

Jafn ógeðfelld sem þessi iðja er, þá er til lítils gagns að uppræta þetta illgresi nema að komast fyrir ræturnar þ.e. að hafa hendur í hári mannanna sem framleiða þennan viðbjóð og neyða ungabörn til að "leika" í  myndunum.                                                      

 

Flestar heimasíður fyrir barnaklám eða 55% eru upprunar  í Bandaríkjunum en næstflestar í Rússlandi 28%.  

Áhlaup á 38 dönsk heimili í tengslum við dreifingu barnakláms

"Heiðursmorð" á Hrauni við Skaga

Ekki tókst  danska sérfræðingnum Carsten Gröndal að skjóta deyfilyfi í dýrið, srem til stóð að bjarga enda eru ísbirnir í mikilli útrýmingarhættu. Miklu hafði verið til kostað til björgunaraðgerðanna fengin var flutningavél með sérstakt búr og til stóð að senda varðskip með dýrið á haf út. Og til að að kóróna herlegheitin mætti umhverfisráðherra til að baða sig í sviðsljómanum. En dýrið vildi ekki láta bjarga sér og flýði  til hafs. En það var dauðasök, þvílíka háðung gagnvart sjálfum umhverfisráðherranum sem var búinn að leggja á sig allt þetta ferðalag var ólíðandi. Það varð að bjarga heiðri ráðherrans og fella dýrið "sem virtist vera sært á fótum".  Þetta var sem sé heiðursmorð.

En ráðherrann sagði að því miður hefði reynst nauðsynlegt að drepa dýrið þar sem það synti á haf út. Veit ráðherrann ekki að einmitt það er ólöglegt sjá 16. gr 

http://www.althingi.is/lagas/nuna/1994064.html

 

 

Ísbjörninn að Hrauni dauður

Forsætis- og utanríkisráðhera rifta undirskrift í beinni

Fyrir um 17 árum undirritaði utanríkisráðherra fyrir hönd ríkisstjórnar Íslands valfrjálsa en bindandi bókun sem skuldbatt Ísland til að hlíta úrskurði Mannréttindanefndar Sameinuðu Þjóðanna undanbragðalaust ef til þess kæmi að hún þyrfti að úrskurða um mannréttindabrot á Íslandi.  Færustu lögmenn hafa fullyrt að þessi samningur hafi þjóðréttarlegt gili og þar með ætti hann samkvæmt dómahefð að hafa réttaráhrif.

Forystumenn ríkisstjórnarflokkanna riftu þessum samningi einhliða sjá hér

 

Siðsemislögreglan passar upp á slæður og nekt

Meðan Danir mega spranga um baðstrandir berir að neðan og jafnvel kviknaktir eru menn umsvifalaust handteknir í Bandaríkjunum af siðsemislögreglunni fyrir að vera berir að ofan að viðlögðu févíti og fangelsi. Þetta minnir óneitanlega á siðsemislögregluna í Íran sem passar að konur séu með slæðu að viðlagðri hæfilegri refsingu. Ég geri ráð fyrir að mun fastar sé tekið á strippi.

Sektaður fyrir að vera ber að ofan

Frábærar fréttir fyrir þjóðarbúið

Fyrst koma þörungarnir, átan sem er númer tvö í keðjunni er fæða uppsjávarfiska og ef hana brestur hverfur síldin og loðnan, sem keppast við hvali um þessa fæðu. Mikil áta er ávísun á betra fæðuframboð og meiri lífmassa í hafinu.

Mikil áta í kringum landið