"Heiðursmorð" á Hrauni við Skaga

Ekki tókst  danska sérfræðingnum Carsten Gröndal að skjóta deyfilyfi í dýrið, srem til stóð að bjarga enda eru ísbirnir í mikilli útrýmingarhættu. Miklu hafði verið til kostað til björgunaraðgerðanna fengin var flutningavél með sérstakt búr og til stóð að senda varðskip með dýrið á haf út. Og til að að kóróna herlegheitin mætti umhverfisráðherra til að baða sig í sviðsljómanum. En dýrið vildi ekki láta bjarga sér og flýði  til hafs. En það var dauðasök, þvílíka háðung gagnvart sjálfum umhverfisráðherranum sem var búinn að leggja á sig allt þetta ferðalag var ólíðandi. Það varð að bjarga heiðri ráðherrans og fella dýrið "sem virtist vera sært á fótum".  Þetta var sem sé heiðursmorð.

En ráðherrann sagði að því miður hefði reynst nauðsynlegt að drepa dýrið þar sem það synti á haf út. Veit ráðherrann ekki að einmitt það er ólöglegt sjá 16. gr 

http://www.althingi.is/lagas/nuna/1994064.html

 

 

Ísbjörninn að Hrauni dauður

Athugasemdir

[Sigurður Þór Guðjónsson, 18.6.2008 kl. 00:33]

Mér finnst lýsingarnar á tildrögum drápsins óljósar og einkennilegar. Var þetta ekki bara handvömm og svo kattarþvottur - ísbjarnarþvottur vildi ég sagt hafa.  

[Sigurður Þórðarson, 18.6.2008 kl. 00:36]

Mér sýnist það. "Dýrið virtst vera sært á fótum"

Allavega var þetta kolólöglegt 

[halkatla, 18.6.2008 kl. 00:43]

ætlar enginn að kæra íslendinga fyrir þessi gengdarlausu ísbjarnardráp?

[Jón Valur Jensson, 18.6.2008 kl. 00:49]

Við erum sammála í þessu máli, ágæti Sigurður, og gott hjá þér að benda ráðfrúnni á að lesa betur heima lagaákvæðin! Sjá hér harða gagnrýni mína á þetta hvítabjarnardráp. – Með kærri kveðju,

[Sigurður Þórðarson, 18.6.2008 kl. 00:52]

Sæl Anna Karen, eins og þú veist tekur ríkisstjórnin ekkert mark á alþjóðlegum skuldbindingum eins og sást best þegar hún ákvað að hundsa úrskurð mannréttindanefndar Sameinuðu þjóðanna og neita að borga sjómönnunum bætur sem mannréttindi voru brotin á.  En þarna voru brotin íslensk lög sem banna að drepa ísbirni á sundi.

[Sigurður Þórðarson, 18.6.2008 kl. 00:57]

Ég er á leið til "kojs" eins og stundum var slett þegar ég var til sjós.

Ég óska ykkur til hamingju með daginn Sigurður, Anna Karen og Jón Valur 
og þakka góðar athugasemdir. 

[Jens Guð, 18.6.2008 kl. 10:32]

  Eru ekki til einhver fyrirbæri sem kallast Dýraverndarsamtökin eða eitthvað álíka?  Þau hljóta að kæra umhverfisráðherra og taka hart á málum.

[Gunnar (IP-tala skráð) 18.6.2008 kl. 11:17]

 
 16. gr. Hvítabirnir.
 Hvítabirnir eru friðaðir samkvæmt lögum þessum á landi, hafís og á sundi, sbr. þó 3. mgr.
 [Gangi hvítabjörn á land þar sem fólki eða búfénaði er ekki talin stafa bráð hætta af er Umhverfisstofnun heimilt að láta fanga björninn og flytja hann á stað þar sem ekki stafar hætta af honum.]1)
 Fella má hvítabjörn sem gengið hefur á land og fólki eða búfénaði er talin stafa hætta af.
 Hafi hvítabjörn verið felldur skv. 3. mgr. skal það tilkynnt umhverfisráðherra án tafar og getur hann þá krafist þess að björninn verði afhentur Náttúrufræðistofnun Íslands til athugunar og ráðstöfunar, enda greiði ríkissjóður áfallinn kostnað.

og hér má sjá hversu mikil ógn ísbirnir eru við fólk: http://www.hondahookup.com/forums/showthread.php?t=117389

 svo ættir þú (og mjög margir aðrir) að hugsa smá áður en þú opnar kjaftinn..

[Kolgrima, 18.6.2008 kl. 12:25]

Fyndið! Særðum og svöngum ísbirni á að sjálfsögðu að taka opnum örmum Legg til að komi þessi staða upp aftur, farir þú sjálfur Sigurður og setjir plástur á ísbjörninn.

Á Grænlandi hefði dýrið verið umsvifalaust fellt. Það er vegna þess að ísbirnir eru með hættulegustu skepnum jarðar Ísbirnir sem hafa lært að þeim stafar ekki hætta af mönnum, eiga það til að leggja leið sína aftur í byggð. Þetta vita Grænlendingar.  

En það er algerlega sársaukalaust af minni hálfu að þú takir ekki mín orð fyrir því