Bill Clinton slær Obama undir buxnastreng, fyrir frúnna.

Þær eru sérkennilegar gróusögurnar um Barrak Obama, sem rekja má til kosningateymis Hillary Clinton.  Þeim kvitt hefur  verið komið á  kreik að hann sé  muslimi og andasnúinn  gyðingum , sem hvorutveggja er drottinssvik í  henni Ameríku.  Á netinu má lesa urmul greina um að hann skilji Kóraninn aldrei við sig  og geymi hann á náttborðinu.  Sjaldnast hefur verið hægt að reka þetta til háttsettra kosningastjóra.

 

Nú var undartekning á því þegar gamli Bill Clinton gaf í skyn að Barrak Obama hefði föðurlandsást og ynni ekki landi sínu.

Einhvertíma  heyrði ég það hjá Bubba og Ómari að það ætti að draga stig af dónum sem kýldu undir beltisstað.

Bill Clinton gagnrýndur

Lögreglan hvetur og tælir sjúka og þroskahamlaða til lögbrota!

 Það fyrsta sem kemur upp í hugann þegar maður les þessa frétt er botnlaus fyrirlitning á barnaníði og samúð með fórnarlömbunum. Samt undrast ég þá bloggara eða aðra sem fagna þessari lögregluaðgerð. Það er nefnilega þannig að í Bandaríkjunum sitja lögreglumenn við síma liðlangan daginn við að tæla fólk til lögbrota. Þeir sem þannig lenda í klóm "réttvísinnar" fyrir brot sem ekki hafa verið framin eru oftar en ekki leiðitamir, illa gefnir og jafnvel sjúkir einstaklingar.  Vinsæl fórnarlömb þessara "veiðimanna" eru einstaklingar í viðskiptalífinu sem komist hafa í fréttir fyrir að hafa tapað stórt í hlutabréfaviðskiptum eða öðru. Slíkir menn þykja vænleg bráð sem hægt er að hvetja til auðgunarbrota. Þegar þeir loks fallast á að taka þátt eru þeir gómaðir og dæmdir til refsivistar.                                                                                                                                                                                                                                            

 

 

Var einhver þessara manna blekktur til að hugleiða afbrot?

Fór til Bandaríkjanna til að hafa kynmök við barn

Afnam Morgunblaðið siðareglurnar?

Eins og alþjóð veit kynnti Morgunblaðið á dögunum splunkunýjar siðareglur sem gengu út að ekki mætti segja frá þjóðerni eða uppruna  grunaðra eða dæmdra brotamananna.  Mörgum  þótti þessi nýja sjálfsritskoðun undarleg  ennfremur töldu aðrir að slík þöggun gæti leitt til leitt til óþarfa fordóma. Nú skömmu síðar greinir Morgunblaðið skilmerkilega frá þjóðerni manns sem kærður var fyrir brot gegn valdstjórninni  og ofbeldi gagnvar lögreglu hafi verið handtekinn  með  með nokkurt magn fíkniefna. Ég er sammála Morgunblaðinu í því að afnema þessa skrýtnu siðareglu.  Ef farið væri út í ystu æsar mætti ekki segja jákvæðar fréttir t.d. að tiltekinn hópur "erlendra aðila" væri löghlýðin, því þá gæti einhver gagnályktað að einhverjir aðrir höguðu sér verr, sem er væntanlega rökrétt. Ef vandamál eru til staðar verða þau ekki leyst með því að setja upp eyrnahlífar og svellþykk sólgleraugu. Persónulega er ég á móti ritskoðun eða fréttasíu, ef slík takmörkun á frétta ætti að hafa áhrif til að breyta eða viðhalda einhverri "æskilegri" skoðun þyrfti slík takmörkun að vera alger.  Ritskoðun hluta fjölmiðla er vanhugsuð aðgerð sem mun væntanlega hafa áhrif í aðra átt en ætlast er til.

Maður sem sló lögreglumann tekinn með fíkniefni

Íslensku bankarnir fá öflugan stuðning

Braking News sem taka upp hanskann fyrir íslenska banka, með því að gefa þeim þá einkunn að þeir séu tiltölulega öruggur fjárfestingakostur, njóta virðingar innan fjármálageirans um víða veröld.  Þeir eru með 27 blaðamenn sem eru sérhæfðir í helstu verðbréfamörkuðum Ameríku og Evrópu. Áskrifendur af vegreinum þeirra eru 15000 leiðandi atvinnufjárfestar um víða veröld. Áhrif veftímaritsins eru þó miklu meiri. Búast má við að þessi jákvæða umfjöllun hafi veruleg áhrif

Íslensku bankarnir ekki slæmur kostur

Er Bin Laden í Wasington?

Bin Laden og Bush eiga margt sameiginlegt. Báðir eru þeir trúarofstækismenn.  Báðir telja þeir sig vera handgengna Guði og að þeir fari með vald hans hér á jörðu. Báðir trúa þeir á heilagt stríð og svo mætti lengi telja. Margir telja að þeir kumpánar séu í raun kunningjar og allt ófriðartal þeirra sé í raun ekkert annað sýndarmennska. Nýlega barst mér í hendur mynd sem virðist einmitt  sanna þetta og að  Bin Laden komi fram  fyrir hönd félaga síns  Herra Bush. Aðrar heimildir herma að Bush bergði sér og í gerfi Bin Laden, sem sé hættur að hafa gaman af þessum ærslalátum Bush.

Ný upptaka með bin Laden

Fjölskylduhjálpin, ómetanlegt starf.

Ásgerður Jóna Flosadóttir, formaður Fjölskylduhjálpar Íslands, hringdi í mig og bað mig, vegna forfalla, um hjálpa til við að útdeila páskamat til nauðstaddra í gær  og var það auðsótt mál. Ég  og mitt fólk hefur aldrei skort nauðsynjar og þó maður hafi heyrt af fátækt kom mér á óvart sár neyð fólks sem vegna sjúkdóma eða fötlunar getur ekki séð sér og börnum sínum farborða.

 

Formaður Fjölskylduhjápar Íslands

 

 Það var óvenju mikið að gera í gær þegar yfir 200 fjölskyldur, sem skrá höfðu sig á biðlista, leituðu aðstoða. Enginn fór tómhentur heim, og það var sterk tilfinning að horfa í augu fátækra og þakklátra barna sem auðsjáanlega höfðu lítið fyrir sig að leggja en gátu hlakkað til páskamatarins eins og önnur börn.-    

                       Fyrir þetta vil ég þakka:

Ég vil þakka Ásgerði Jónu fyrir hennar frumkvæði. Ég vil þakka fyrirtækjum og einstaklingum sem leggja starfseminni til mat og fjármagn. Ég vil þakka sjálfboðaliðunum fyrir að leggja hönd á plóg.    Að lokum vil ég þakka fyrir þá ánægju að fá að gleðja þá sem minna mega sín.

 

 

 

 

 

 

 

Ómetanlegt starf

Gríðarlega árangursrík ferð

Það er sannarlegar vert að  óska Ingibjörgu  Sólrúnu  Gísladóttur og íslensku þjóðinni innilega til hamingju með gríðarlega árangursríka ferð hennar til  Afganistan.  Þjóðfélagsástanið þarna er mjög flókið og litast af gömlum ættflokkaríg  og það er ekkert áhlaupaverk að setja sig almennilega inn í það.  Sjá meðfylgjandi mynd :  

 

 

 

Áhrifasvæði ættflokkana eru merkt með mismunandi litum.

 

 

 

 

 

 

 

Það þarf enginn að reikna með því að hægt sé að setja sig inn í málin í einni ferð en önnur ferð verður vonandi farin sem fyrst.   Ingibjörg reyndi að fá Hamid Karzai forseta til að styðja aðildarumsókn íslands að öryggisráðinu og hann var til í að hugleiða málið.

Utanríkisráðuneytið óx mikið í tíð Halldórs Ásgrímssonar en Ingibjörg fer vel af stað og það er engin ástæða til að ætla að hún muni standa sig verr.  

 

 

 

 

 

 

„Ferðin árangursrík"

Útrásin á krít - Kauphöllin hrynur - Árangur í Afganistan

Ríkisstjórnin hlustaði ekki á ráðleggingar OECD, sem hvöttu til aðhalds í rísfjármálum og að skattalækkunum yrði frestað. Davíð í seðlabankanum var skilinn einn eftir með vandann sem alnafni hans í forsætisráðherrastól skóp. Sameign þjóðarinnar hefur verið veðsett í útlöndum og Íslenska þjóðarbúið skuldar 1800 milljarða umfram eignir. Gengið heldur áfram að falla og bensínið hækkar örugglega aftur í kvöld. Góðu fréttirnar eru þær að Ingibjörg Sólrún er orðin margs vísari um rót gamalla deilumála milli ættflokka í Afganistan og gerir sér vonir um að ríkisstjórnin muni styðja aðild Íslands að öryggisráðinu. Samt vona ég innst inni að Afganir gerið það ekki því betra væri að nota peningana í að borga skuldir en fyrir setu í ráðinu

Neider Muhammed er stoltur af sverðinu                     

 

Þessir afgönsku  lögreglumenn í Kabúl höfðu aldrei heyrt talað um öryggisráðið en eru samt til í að styðja Ingibjörgu í það.

Hrun í kauphöllinni

Krossfarinn Bush fagnar í kvöld

Fimm ár eru síðan Búskur forseti tilkynnti að hann hefði hafið "krossferð" til Íraks (trúarstríð í Írak). Ummæli hans vöktu mikla reiði og skelfingu í hinum muslimska heimi og áttu blaðafulltrúi hans og ráðgjafar fullt í fangi með að leiðrétta mistökin.

Það er þó ekki hægt að segja að þetta hafi allt farið fram undirbúningslaust. Vanbúin íraski herinn féll fljótlega saman gegn bandarísku hernaðarvélinni. Í hverri borgin á fætur annarri mátti sjá mannfjölda fagna innrásarliðinu. Tvær grímur runnu á menn þegar hægt var að  greina sömu brosandi andlitin fagna á mismunandi stöðum í landinu. Öll rataði þessi vitleysa á forsíður blaðanna ásamt skrípafréttinni sem þakti forsíðu Morgunblaðsins að Íslendingar hefðu fundið gereyðingavopn. En það eru takmörk fyrir því hvað heiðarlegir blaðamenn láta plata sig lengi og svo kom að Morgunblaðið snérist gegn innrásinni. Seðlabankastjórinn situr einmana við fótskör meistara síns.

 

Fáir telja að þátttaka Íslands, hafi orðið landinu  til sóma og því vonuðu margir að landið yrði tekið af listanum, hér eru nokkrar ástæður:

Stríðið var undirbúið og rekið á upplognum forsendum.

Innrásin var ólögleg árás á fullvalda ríki. 

Bandaríkjamenn notuðu bannaðar napalm-og fosfórsprengjur inni í borgum.  

Víðtækar og skipulagðar pyntingar fóru fram um allt Írak að undirlagi innrásarliðsins.

Hundruð þúsunda óbreyttra borgara hafa fallið frá því stríðsátökin hófust.

Milljónir manna eru á vergangi sem flóttamenn bæði í Írak og nágrannaríkjum þess.

Írak er smátt og smátt að breytast í útungunarstöð fyrir hryðjuverkamenn.

Tortryggni milli trúarhópa og hatur á Vesturlöndum hefur aukist í hinum muslimska heimi.  

 

Foreldrar voru neyddir til kynferðislegra athafna á börnum sínum.

 

Neysla Rauðs Eðalginsengs eykur frjósemi

Í Austur- Asíu hefur ginseng um aldir ekki einungis verið notað til hressingar og uppbyggingar líkamlegs og andlegs þreks heldur einnig sem frjósemislyf.

Fyrir nokkru framkvæmdu japanskir vísindamenn undir forystu Dr. Yamamoto, rannsókn á 21 karlmanni sem átt hafði við ófrjósemisvandamál að stríða vegna ónógrar sæðisframleiðslu. Rannsóknin fólst í því að gefa þeim Rautt Eðalginseng frá Kóreu um þriggja vikna skeið.

Skemmst er frá  því að segja að hjá 15 varð nokkur framför og 7 náðu fullum bata á meini sínu.

Ekki er vitað af hverju þetta gerðist en menn geta sér til að líkleg skýring sé að ginsengsneyslan auki kjarnasýruframleiðslu kynkirtla en jafnframt hjálpar það lifrinni að losa sig við eiturefni.  Því geta þetta verið samverkandi áhrif.   Sala á Rauðu Eðalginsengi jókst milli ára. Kannski er þar komin skýringin.  

 

 Undirritaður með fullt fang af rótum

Frjósemi eykst á Íslandi