Neysla Rauðs Eðalginsengs eykur frjósemi

Í Austur- Asíu hefur ginseng um aldir ekki einungis verið notað til hressingar og uppbyggingar líkamlegs og andlegs þreks heldur einnig sem frjósemislyf.

Fyrir nokkru framkvæmdu japanskir vísindamenn undir forystu Dr. Yamamoto, rannsókn á 21 karlmanni sem átt hafði við ófrjósemisvandamál að stríða vegna ónógrar sæðisframleiðslu. Rannsóknin fólst í því að gefa þeim Rautt Eðalginseng frá Kóreu um þriggja vikna skeið.

Skemmst er frá  því að segja að hjá 15 varð nokkur framför og 7 náðu fullum bata á meini sínu.

Ekki er vitað af hverju þetta gerðist en menn geta sér til að líkleg skýring sé að ginsengsneyslan auki kjarnasýruframleiðslu kynkirtla en jafnframt hjálpar það lifrinni að losa sig við eiturefni.  Því geta þetta verið samverkandi áhrif.   Sala á Rauðu Eðalginsengi jókst milli ára. Kannski er þar komin skýringin.  

 

 Undirritaður með fullt fang af rótum

Frjósemi eykst á Íslandi

Athugasemdir

[Heimir Lárusson Fjeldsted, 18.3.2008 kl. 12:53]

Þessi skýring þín Sigurður þykir mér ákaflega sennileg á aukinni frjósemi íslenskra kvenna.

Til hamingju með þitt framlag til fjölgunar mannkyns.

[Óskar Arnórsson, 18.3.2008 kl. 12:55]

þetta er líka hægt að nota á meðferðarstöðvum. En það þykir of dýrt...

[Gísli Baldvinsson (IP-tala skráð) 18.3.2008 kl. 12:59]

En hvernig virkar þá gingsen á frjósemi kvenna? Það væri fróðlegt að vita.

[Ásthildur Cesil Þórðardóttir, 18.3.2008 kl. 13:34]

Gingsen skilar sínu.

[Guðsteinn Haukur Barkarson, 18.3.2008 kl. 13:37]

Gingsen er frábært ! Get kvittað undir það. 

[Sigurður Þórðarson, 18.3.2008 kl. 13:39]

Þakka ykkur innlitin og athugasemdir Heimir, Mannsi og Gísli. Það er skemmtilegt að taka þátt í þessu. Gísli, ég hef ekki hugmynd um það sem þú spyrð  en til að snúa mig út úr spurningunni get ég þó sagt að það þurfi tvo til og frjósemi para, sem ekki leita annað verður aldrei meiri en þess aðila sem takmörkun hefur. 

[Sigurður Þórðarson, 18.3.2008 kl. 14:44]

Gaman að sjá ykkur Ásthildur og Guðsteinn.  Sægreifinn sagði mér eitt sinn frá kraftmikilli uppskrift sem hann sagði að ekkert slægi út en það var: Kæst skata, selspik og rautt ginsengþykkni undir tunguna.  Ég prufa þetta næst.

[Rósa Aðalsteinsdóttir, 18.3.2008 kl. 22:15]

Sæll Siggi sæti. Ég var á Egilsstöðum í dag og þá keypti ég Rautt eðalginseng frá Kóreu. Fyndin tilviljun þegar ég kom heim aftur fór ég að skoða  hvað Siggi sæti var að blogga um í dag.. Ætlaði að kaupa ginseng hér í vetur en það var ekki til. Sem betur fer er ég komin á aldur = komin í KASKÓ svo ég þarf ekki frjósemislyf, frekar eitthvað kynörvandi.

Eðalginsengkveðjur

[Sigurður Þórðarson, 18.3.2008 kl. 23:19]

Takk Rósa mín verði þér að góðu.  Við Guðsteinn vorum réttí þessu að tala um þig.

Góða nótt.