32% hækkun álverðs frá áramótum

Þegar álverð reis hæst fyrir um 10 dögum hafði það hækkað um 36% frá áramótum í dollurum en síðan hefur það verið á nokkru flökti 2n er nú 32% hærra en um áramót.  Helstu ástæður hækkunarinnar má rekja til aukinnar eftirspurnar á áli í Austur-Asíu og vegna hærra raforkuverðs og síðast en ekki síst kuldakastsins í Kína. Á móti kemur 9% lækkun dollars gagnvart evru.  Haldist verðið þetta hátt út árið svara áhrifin til þokkalegrar loðnuvertíðar og hefur gríðarleg áhrif á rekstur Landsvikjunnar og þjóðarbúsins alls. Því er spáð að álframleiðsla muni aukast um 7% á árinu en eftirspurnin um 8%.

Burt séð frá umhverfisþættinum, sem er umdeildur, þá hljóta þessir framkvæmdir, ef af verður, að verða lyftistöng fyrir Hitaveitu Suðurnesja og Orkuveitu Reykjavíkur. 

 

Norðurál

Engin óvissa vegna orkuöflunar

Ættflokkadeilur Afganistan mikilvæg úrlausnarefni

Geir Haarde og Árni Matt verða að sjá um að leysa efnahags- og mannréttindamál á Íslandi. Önnur og brýnni mál bíða Ingibjargar, þe. gamall ættflokkarígur í Afganistan. Eins og hún sagði sjálf:  Það skiptir mjög miklu máli að þegar svona stórpólitískt mál er rætt á þessum vettvangi, að mér hafi gefist kostur á að hitta stjórnmálamenn, ráðamenn og fulltrúa ýmissa samtaka, svo ég hafi tilfinningu fyrir viðhorfi þarlendra".

Ingibjörg á vandasamt verkefni fyrir höndum að sætta alla þessa ólíku ættbálka.

 

 

 

 

Ingibjörg Sólrún í Afganistan

Ætli maður hafi efni á að komast í bústaðinn?

Þetta er afleiðingin af því að eyða um efni fram með því að soga erlent fjármagn til landsins með háum stýrivöxtum.  Hvernig væri nú að hæga á þenslu og ofvexti utanríkisráðuneytisins meðan verðið er að borga niður skuldirnar?

Eldsneytisverð hækkar

Þjóðhetja og góður drengur er fallinn -

Helgi Hallvarðsson, fyrrum skipherra er látinn á 77. aldursári.  Lengst af sinni starfsævi  helgaði hann Landhelgisgæslunni  og lauk 4. stigs varðskipadeildarprófi frá Stýrimannaskólanum í Reykjavík 1962.  Sjálfur kynntist ég Helga í 50 mílna þorskastríðinu  þegar  ég var í skipsrúmi  á varðskipinu  Þór þar sem hann stýrði sem skipherra.  Ég minnist  Helga Hallvarðssonar, sem ósérhlífins  hugsjónamanns, sem var óþreytandi að berjast fyrir hagsmunum Íslands.  Hann var ákveðinn húsbóndi en gerði þó ávalt mestar kröfur til sín. Hann var áreiðanlegur og útsjónasamur og við fundum til öryggis að hafa hann við stjórnvölinn, samt var hann ávalt léttur í lund. Þannig var hann góður leiðtogi og félagi.Helgi starfaði á öllum varðskipum ríkisins, á flugvélum hennar og á stjórnstöðinni.
                                                                                

 

 
Klippurnar góðu sem Helgi var öðrum flinkari með

 

Helgi Hallvarðsson, lét sig varða um málefni sjómanna og hag lands og þjóðar. Hann tók frá upphafi virkan þátt í starfi Frjálslynda flokksins, skarð er fyrir skildi og er hans sárt saknað á okkar vettvangi.  Meiri er þó missir fjölskyldu hans, eftirlifandi eiginkonu Þuríði Erlu Erlingsdóttur  og barna þeirra Guðfinnu, Sigríði og Helga. Með þessum línum vil ég þakka Helga Hallvarðssyni fyrir samveruna og votta eftirlifandi ættingjum hans mína dýpstu samúð.

 

Skattleysismörk helmingi of lág skv úrteikn. ASÍ

Skattleysismörk helmingi hærri ef persónuafsláttur hefði fylgt launavísitölu

Skattleysismörk væru nærri helmingi hærri í dag ef persónuafsláttur hefði fylgt launavísitölu síðastliðin tólf ár samkvæmt útreikningum ASÍ.

Í nýútkominni skýrslu OECD kemur fram að skattbyrði hér á landi hafi aukist á undanförnum árum. Er meðal annars bent á í því samhengi að persónuafsláttur hafi ekki hækkað í samræmi við verðbólgu - og hafi því í raun rýrnað.

Frá árinu 1996 hefur persónuafslátturinn hækkað um tæpar tíu þúsund krónur. Úr tæpum 25 þúsund krónum í þrjátíu og fjögur þúsund.

Rétt er að taka fram að á sama tíma hefur hlutfall staðgreiðslu lækkað úr tæpum 42prósentum í 35,72 prósent - eða um 6 prósentustig.

Skattleysismörkin eru nú rúmar 95 þúsund krónur en fara á næstu tveimur árum upp í 125 þúsund krónur samkvæmt stefnuyfirlýsingu ríkisstjórnarinnar. Á persónuafslátturinn að hækka um 7 þúsund krónur á næstu þremur árum umfram almennar verðuppfærslur.

Forvitnilegt er hins vegar að skoða hvernig persónuafslátturinn hefði þróast ef hann hefði fylgt vísitölu neysluverðs síðastliðinn tólf ár. Þá væri hann nú tæpar 39 þúsund krónur eða um fimm þúsund krónum hærri en hann er í dag samkvæmt útreikingum hagdeildar Alþýðusambandins. Skattleysismörkin væru samkvæmt því um 108 þúsund krónur.

Hefði persónuafslátturinn hins vegar fylgt launavísitölunni hefði hann rúmlega tvöfaldast á síðustu tólf árum og væri nú rétt rúmar 56 þúsund krónur. Skattleysismörkin væru um 157 þúsund krónur eða um þrjátíu þúsund krónum hærri en yfirlýst markmið ríkisstjórnarinnar.

Björn Bjarnason: Líklegt að Sjálfstæðisflokkurinn klofni

Ekki ólíklegt að Sjálfstæðisflokkur klofnaði vegna ESB

Björn Bjarnason dómsmálaráðherra segir ekki ólíklegt að Sjálfstæðisflokkurinn myndi klofna ef kæmi til umræðu um aðild að Evrópusambandinu. Málið gangi þvert á alla flokka og þjóðin myndi skiptast í fylkingar. Þetta sagði ráðherra í viðtali við Sigmund Erni Rúnarsson í Mannamáli í kvöld. Björn segir gallann á umræðunni um ESB vera þann að vegvísi vanti eins og notast sé við þegar leysa eigi alþjóðadeilur.

„Við þurfum að átta okkur á því að þetta snýr að heimavinnu sem við þurfum að vinna," sagði Björn. Ákveða þurfi hvort við ætlum að hafa þjóðaratkvæðagreiðslu um viðræður, aðild, hvernig stjórnarskránni verði breytt eða hvaða reglur við setjum áður en mönnum sé still um við vegg og látnir taka afstöðu með eða á móti.

Hann sagði ekki rétt að Sjálfstæðisflokkurinn væri á móti aðild að Evrópusambandinu.

 

Vertíðarlok - Stuttri en snarpri loðnuvertíð lokið

Í kvöld var flotinn að veiði upp í landsteinum austan við Heimaey. Loðnan er sest og stuttri en snarpri vertíð er líklega lokið. Gagnrýnt hefur verið hvað vertíðin fór seint í gang og þar sem hver dagur skiptir gríðarlegu máli fyrir þjóðarbúið þykir mörgum undarlegt að ekki skuli vera hægt að taka ákvarðanir um helgar. Starfsfólk útgerðirnar og fiskvinnslan tóku höndum saman um að gera sem mest úr þessum verðmætum, á þessum stutta tíma. 

Sjómenn og fiskverkafólk, við þökkum fyrir okkur 

Við veiðar uppi í landsteinum

Af hverju ganga Íslendingar ekki í Noreg?

Íslendingar eru dvergþjóð, sem sem býr að tveimur sérlega verðmætum auðlindum, sem eru auðugustu fiskimið í N-Atlandshafi og endurnýjanlegar orkuauðlindir. Eftir nokkra ára kæruleysi í efnahagsstjórninni er svo komið að fjölmargir hafa tapað lönguninni til að varðveita sjálfsstæði Íslands.  Heill stjórnmálaflokkur, hvers formaður er nú í Langtíburtustan, með fulltingi 5 sérsveitarmanna sem lífvara,  að kynna sér ólík sjónarmið stríðandi ættflokkahöfðingja,  gengur þar lengst og lítur á það sem sáluhjálparatriði að losna við krónuna og forræði yfir fiskimiðunum.  Þeim finnst þetta komið í vonlausa stöðu hvort sem er og nenna ekki að pælaíþví.  En fyrst að er kominn þessi leiði, getum við væri ekki haldið áfram á sömu braut.  Evrópusambandið  vill að sjálfssögðu komast yfir fiskimiðin okkar sem myndi endanlega gera út af við sjávarbyggðirnar. Væri ekki nær fyrir okkur að ganga í Noreg? Það virðist  styttra og áhættuminna skref fyrir Ísland.

Ingibjörg greiðir úr gömlum ættflokkadeilum í Afganistan

Ég er sárhneykslaður fyrir hönd Ingibjargar Sólrúnar Gísladóttur eftir hafa heyrt frænku mína sem er framsóknarkona, reyna að koma af stað kjaftasögu um að Ingibjörg sé í verslunarferð í Afganistan á kostnað íslenska ríkisins! Ef þið heyrið þetta vara ég ykkur við að trúa sögunni, enda er hún í afar brýnum erindum að leysa úr gömlum ættflokkaríg í landinu. Eða eins og Ingibjörg sagði sjálf: „Það skiptir mjög miklu máli að þegar svona stórpólitískt mál er rætt á þessum vettvangi, að mér hafi gefist kostur á að hitta stjórnmálamenn, ráðamenn og fulltrúa ýmissa samtaka, svo ég hafi tilfinningu fyrir viðhorfi þarlendra".

Ingibjörg á vandasamt verkefni fyrir höndum að sætta alla þessa ólíku ættbálka.

 

 

 

 

Fer til Afganistan á sunnudag

Davíð / Golíat -Vonandi gengur litla íslendingaliðinu vel

Ég verð í fermingu bróðurdóttur minnar á morgun þegar litla íslendingaliðið Reading sækir stórliðið Liverpool heim á Anfield kl:15:00. Það verður í nógu að snúaast hjá Ívari Ingimundarsyni fyrirliða, sem jafnframt er lykilmaður í vörninni. Ég ætla engu að spá um úrslitin. En bið Liverpool aðdáendur forláts að ég óska litla íslendingaliðu heilla á morgun.                       

 

 

Brynjar Björn til vinstri er á sjúkralista.

 

Ívar Ingimarsson th verður fyrirliði á morgun.                      Vonandi tekst vörninni að halda hreinu gegn firnasteku Liverpoolliðinu

Ívar vonast eftir góðum úrslitum á Anfield