Óþarfi að örvænta Óskar

 

Óskar Bergsson er að fara á límingunum vegna þess að einni jarðgufuvirkjun er hafnað af umhverfisástæðum.

Veit Óskar ekki að verið er að byggja Hellisheiðarvirkjun, sem á eftir að stækka um helming. Fyrirhuguð er virkjun við Hverahlíð og stefnt að rannsóknaborunum við Meitil og Gráhnjúka. Þar með verða víst heilar 5 jarðgufuvirkjanir á Hellisheiðar- Hengilssvæðinu. Einhverra hluta vegna hefur Óskar Bergsson alveg gleymt þeim. Óskar er ungur maður við hestaheilsu og ekki gleymnari en gengur og gerist. Skyldi þetta vera pólitísk  kölkun?

Segir flumbrugang einkenna samþykkt stjórnar OR

Ég er að koma frá spákonu, sem spáði fyrir mér í beinni á Sögu!

  Ég er  bæði sleginn og dasaður enda er ég að koma  frá Torfa  Geirmundssyni sem ætlaði að spjalla við mig um ginseng en skellti mér í meðferð hjá Sirrý  spákonu  sem jafnframt er norn  að eigin sögn.  Ég dró 30 spil og  flett var ofan af fortíð minni  og upplýst um framtíðina og  heimilishagi  í beinni útsendingu. Ég vona bara að enginn hafi verið að hlusta!

Hannes Hólmssteinn gegn einkavæðingu

Ég er endilega sammála því sem sumir vinstrimenn halda fram að það sé ósamræmi í því að Hannes Hólmsteinn vilji láta einkavæða allt sem hægt sé að koma í verð en neiti samt að láta einkavæða sig.  Hannes, (sem stundum er kenndur hornið) er þekktur fyrir að bulla heil ósköp þannig skilst mér að hann hafi skrifað greinar í erlend blöð þar sem hann vegsamar kvótakerfið og stórfellt skuldafen sjávarútvegsins og aflasamdrátt, sem hann kallar hagræðingu og telur að sé drifkraftur efnahagsframfara á Íslandi.  Samt læðist að mér sá grunur að ánægja Hannesar með kvótakerfið lúti að því að einkaaðilar geti veðsett sameign þjóðarinnar. Nú hefur verið hleypt af stokkunum söfnun fyrir Hannes til að greiða fyrir sektir vegna ritstulds á íslensku og óhróðurs sem hann skrifaði á ensku um nafngreindan mann.  Hannes er sannarlega skemmtilegur og kynlegur kvistur í mannflórunni og með öllu meinlaus.

 

Segir Ísland ekki vera að bráðna

Góðar fréttir úr höfuðborginni

Það hefur lengi vantað heildarskipulag fyrir miðbæ Reykjavíkurborgar, með einni undantekningu, sem er Grjótaþorpið og eru menn fyrst nú að vakna upp við vondan draum til að huga að þessu.  Þær sögur ganga fjöllum hærra að braskarar kaupi upp gömul hús, sem hafa menningarsögulegt gildi sem hluti af heildarmynd og sjái hag sínum best borgið með því að þau drabbist niður svo leyfi fáist til að byggja á dýrum lóðum. Nú sjást merki þess að borgararnir séu vaknaðir og séu að ýta við stjórnmálamönnunum. Góðverkssamtökin betri bær hafa málað yfir veggjakrot og sóðaskap í miðborg Reykjavíkur og er það vel. Okkur Reykvíkingum stendur ekki á sama, við viljum ekki slömm í miðbænum.

Máluðu yfir veggjakrot í miðborginni

32% hækkun álverðs frá áramótum

Þegar álverð reis hæst fyrir um 10 dögum hafði það hækkað um 36% frá áramótum í dollurum en síðan hefur það verið á nokkru flökti 2n er nú 32% hærra en um áramót.  Helstu ástæður hækkunarinnar má rekja til aukinnar eftirspurnar á áli í Austur-Asíu og vegna hærra raforkuverðs og síðast en ekki síst kuldakastsins í Kína. Á móti kemur 9% lækkun dollars gagnvart evru.  Haldist verðið þetta hátt út árið svara áhrifin til þokkalegrar loðnuvertíðar og hefur gríðarleg áhrif á rekstur Landsvikjunnar og þjóðarbúsins alls. Því er spáð að álframleiðsla muni aukast um 7% á árinu en eftirspurnin um 8%.

Burt séð frá umhverfisþættinum, sem er umdeildur, þá hljóta þessir framkvæmdir, ef af verður, að verða lyftistöng fyrir Hitaveitu Suðurnesja og Orkuveitu Reykjavíkur. 

 

Norðurál

Engin óvissa vegna orkuöflunar

Davíð / Golíat -Vonandi gengur litla íslendingaliðinu vel

Ég verð í fermingu bróðurdóttur minnar á morgun þegar litla íslendingaliðið Reading sækir stórliðið Liverpool heim á Anfield kl:15:00. Það verður í nógu að snúaast hjá Ívari Ingimundarsyni fyrirliða, sem jafnframt er lykilmaður í vörninni. Ég ætla engu að spá um úrslitin. En bið Liverpool aðdáendur forláts að ég óska litla íslendingaliðu heilla á morgun.                       

 

 

Brynjar Björn til vinstri er á sjúkralista.

 

Ívar Ingimarsson th verður fyrirliði á morgun.                      Vonandi tekst vörninni að halda hreinu gegn firnasteku Liverpoolliðinu

Ívar vonast eftir góðum úrslitum á Anfield

Ingibjörg Sólrún fær prik fyrir þetta.

Það er gott að Ingibjörg Sólrún skuli hafa gefið sér tíma frá kapphlaupinu um að komast í öryggisráðið til að bera hönd fyrir höfuð íslensku bankana. Ingibjörg getur verið skeleggur og öflugur talsmaður þeirra sjónarmiða sem hún berst fyrir. Ég er aftur á móti ekki sammála henni um að okkur sé best borgið í Evrópubandalaginu. Ekki bara vegna þess að það muni rústa sjávarútveginn, heldur vegna þess svigrúms sem við höfum utan þess t.a.m. fyrir bankana.  Talið er að sá mikli uppgangur sem verið hefur í fjármálalífi Írlands og Luxemburg sé brátt á enda vegna þess að Efnahagsbandalagið muni brátt samræma skattastefnu sína.  Í því gæti falist mikil tækifæri fyrir íslenska banka.

Dönsku bankarnir keppa við þá íslensku

Framkvæmdir hófust í Helguvík í morgun!!

Þau stórtíðindi gerðust í morgun að framkvæmdir hófust í Helguvík, strax eftir að forstjóri Norðuráls fékk afhent byggingarleyfi. (Sjá frétt) Þessar framkvæmdir virðast vera gerðar í fullri andstöðu við hluta ríkisstjórnarinnar ef marka má orð Þórunnar Sveinbjarnardóttur umhverfisráðherra. Núverandi áætlun gerir ráð fyrir að fyrsta áfanga verði lokið árið 2010 og verði þá framleidd150.000. tonn af ál. Næsta víst er að þetta mun stöðva lækkunarferli krónunnar. 

 

 Í Helguvík er mjög góð hafnaraðstaða

 

 

 

 

 

 

 

 

 

 

 

Myndin er af álveri Norðuráls við Grundartanga.

Framkvæmdir hafnar í Helguvík

Hannes Hólmsteinn fær létta æfingu í að borga skaðabætur

Hæstiréttur hefur dæmt Hannes Hólmstein til að borga ekkju Halldórs Laxness 1,5 milljónir í bætur fyrir brot á höfundarétti. Það má segja að þetta sé létt upphitun fyrir Hannes sem á von á´glaðningi fyrir enskum dómstól, vegna meintra ærumeiðinga gegn Jóni Ólafssyni á vef Háskólans. Fram til þessa hefur Hannes eingöngu tekið til varna á tæknilegum forsendum

Bótaskyldur vegna ævisögu

Reykjavíkurflugvöllur í herkví

Mikill og vaxandi meirihluti er fyrir því að hafa flugvöllinn áfram í Vatnsmýrinni enda er flugvallarstæðið frábært frá náttúrunnar hendi og enginn annað boðlegur kostur er sjáanlegur. Nú er mál að andstæðingar flugvallarins aflétti þeirri herkví sem þeir hafa haft flugvöllinn í.

 

  

 

 

 Aðstöðuna þarf nauðsynlega  að betrumbæta

Vandræðaástand í Vatnsmýri