Ráðherra spillingar og misréttis hækkar leiguverð á kvóta

Með frumvarpi sínu um flutning á 33% aflamarks á milli ára er ríkisstjórnin að stuðla að hækkun leiguverðs á kvóta og auknum tekjum kvótagreifa á kostnað leiguliða í kerfinu. Leiguliðar eru núna að borga nálæt 2/3 af verðmæti aflans brúttó til leigusala með þessari ráðstöfun minnkar það magn sem er í umferð , sem þrýstir verðinu upp á leigukvótanum

Ég heiti á Karl V. Matthíasson og aðra góða ,jafnaðarmenn, ef þeir vilja standa undir því nafni, að gera sjávarútvegsráðherra afturreka með þetta frumvarp. 

Burt með spillingarliðið, hvar í flokki sem það stendur!    

Mega geyma þriðjung kvótans milli ára

"Framboð Íslands út í hött"

Nánast allir Íslendingar nema stjórnvöld og þeir embættismenn sem éta úr lófa þeirra, vissu og létu í ljós að framboð Íslands til öryggisráðsins væri ekki bara peningasóun heldur heldur uppskafnings- og spjátrungsháttur. Til hvers ætlar land með 320.000 íbúa að sækjast eftir því að ákveða við hvaða lönd eigi að fara í stríð við? Einkum og sérílagi þar sem landið hefur ekki aðra leyniþjónustu en greiningardeild eða annan her en Hjálpræðisherinn. Kannski hefði eina gagnið verið að halda utanríkisráðherranum og nánustu fylgifiskum í New York. Gallinn var sá að það hefði verið kostnaðarsamt. "Betri er hálfur skaði en allur"

Framboð Íslands út í hött?

Þar fóru olíupeningarnir!

Jæja, þar fóru olíupeningarnir í bili. Sjeik Muhamed Bin er hættur við í bili að fjárfesta í Alfesca, hann er hálf sjokkeraður eftir að hafa tapað 25,6 milljörðum í Kaupþingi síðan í síðasta mánuði. En hann tekur það þó fram að hann er ekki hættur við að fjárfesta á Íslandi en ætlar að bíða þangað til óróinn fer yfir. Kunnugir halda því fram að það myndi hjálpa ef við leyfum muslimum að reisa mosku í Reykjavík.

Sjeik hættir við Alfesca

Verða orkulindirnar seldar? "Indíánar í eigin landi"

Pétur Blöndal alþingismaður viðraði þá hugmynd í Silfrinu að  mögulegt væri að selja virkjanir og orkulindir landsins til að mæta væntanlegum skuldaklafa. Ég er algjörlega fráhverfur þessum hugmyndum þingmannsins. Fiskimiðin og orkulindirnar eru þær auðlindir sem eiga eftir að verða okkur til bjargar. Að selja orkulindirnar er jafn fráleitt og að selja útsæðið en búa áfram á jörðinni.  Þá yrðu Íslendingar um ókomna framtíð indíánar í eigin landi.  Ég vara við hugmyndum frjálshyggjumanna að koma börnum okkar og niðjum þeirra í þá ömurlegu stöðu með því að selja frá þeim lífsbjörgina um alla tíð til að greiða fyrir skuldir gulldrengjanna. Nei takk!

Borgarmálafélag Frjálslyndra í Reykjavík stofnað

Í kvöld var haldinn framhaldsstofnfundur Borgarmálafélags Frjálslyndra í Reykjavík.  Kjörin var 11 manna samvirk stjórn 50 manna fulltrúaráð Jón Magnússon alþingismaður var sjálfkjörinn. Ég vil óska öllu þessu góða fólki til hamingju og velfarnaðar í störfum  sínum.  Þetta er upptakturinn af því að Frjálslyndir mæti sterkir til leiks í næstu sveitarstjórnarkosningum í Reykjavík.

KR kaupir allt kvikt á fæti

Miðað við stöðu Akranes í Landsbankadeildinni þyrftu  þeir á öllu sínu að halda.  Nú er einn þeirra besti maður, sonur fyrrum þjálfara, Bjarni Guðjónsson genginn til liðs við KR.  Stundum finnst manni litlu félögin vera þjálfunarbúðir og útungunarstöðvar fyrir peningamaskínurnar.  "Það er af sem áður var".

Hvar er ungmennafélagsandinn? 

Bjarni genginn í raðir KR

Nýr hestur í miðri á.

Gunnari Guðmundssyni þjálfara HK var sagt upp í dag, þar sem árangur liðsins er undir væntingum, þrátt fyrir mjög góðan árangur hans undanfarin ár.  Sem knattspyrnuáhugamaður fullyrði ég að Gunnar er ekki versti þjálfari Landsbankadeildar karla, árangurinn er ekki til að hrópa húrra fyrir núna í byrjun en á það ber að líta að HK er ekki heldur stjörnum prýtt lið eins og sum sem eru lítið eitt ofar. En hvort sem þetta er sanngjarnt eða ekki þá orkar alltaf tvímælis  að skipta um hest á sundreið í straumharðri  á þótt hrossið beri tímabundið af leið undan þungum straumnum. Vonandi farnast báðum vel.

Gunnar Guðmundsson á góðum degi 

Gunnari sagt upp sem þjálfara HK

Stuðningur við ríkisstjórnina hruninn

Stuðningur við ríkisstjórnina er hruninn úr 85% í byrjun ársins niður í rétt rúm 50% s.k.v. mælingu Fréttablaðsins. Fylgi færist á milli ríkisstjórnarflokkana Sjálfstæðisflokknum í óhag en Frjálslyndir bæta við sig. 

Athygli vekur miklar breytingar á fylgi Frjálslyndra og Sjálfstæðisflokksins. Frjálslyndir hafa alltaf mælst minni í könnunum en í kosningum öfugt við Sjálfstæðisflokkinn. Því má búast við að hreyfingin sé enn stærri.

 

Fylgi Sjálfstæðisflokksins minnkar í könnun

Kóngafólk hundelt af ljósmyndurum!

Það er með ókíkinum hvað kóngafólk er hundelt af fjölmiðlum. Þetta myndband fer nú ljósum logum um Bretland. Hvernig er það má þetta fólk ekki eiga neitt prívatlíf

Guðni Ágústsson fái málfarsverðlaun.

Ég geri það hér með að tillögu minni að Guðni Ágústsson fái málfarsverðlaun:

„Samfylkingin sveik alþýðuna hún ætlaði að vera turninn sem stæði vörð um lífskjör almennings. Nú hvílir Samfylkingin rjóð og undirleit í faðmi Sjálfstæðisflokksins, blessuð litla stúlkan. Samfylkingin hefur forðast það svæði í pólitíkinni sem jafnaðarmenn á Norðurlöndum varða svo vel, Samfylkingin nefnir sjaldan láglaunastéttirnar, verkakonuna, sjómanninn og bóndann. Samfylkingin vill vera og er flokkur hinnar menntuðu elítu. Þess vegna hefur skírskotun Ingibjargar Sólrúnar verið að þrengjast. Við framsóknarmenn munum stilla upp til sóknar á skákborði okkar öflugri sveit karla og kvenna sem mun verja hagsmuni hins almenna borgara á Íslandi,"

Ríkisstjórn brostinna vona