Lögreglumenn eru hneykslaðir og reiðir:

Lögreglumenn eru bæði hneykslaðir og reiðir vegna sýknudóms yfir tveim Litháum og skilorðsbundinnar  refsingar yfir öðrum vegna hrottalegrar árásar þeirra á lögreglumennina, að sögn Steinars Adolfssonar framkvæmdastjóra landsambands lögreglumanna, sem misbýður nýgenginn dómur.  Lögreglumennirnir, sem voru óeinkennisklæddir fíkniefnalögreglumenn, halda því fram að þeir hafi allir  kallað police, police og sýnt lögreglustjörnuna en áður en ofbeldismennirnir réðust að einum þeirra, slógu hann ítrekað í höfuðið og spörkuð tvisvar í höfuð hans eftir að þeir höfðu fellt hann. Steinar Adólfsson telur fullvíst að árásin hafi verið skipulögð. Yfirmaður fíkniefnalögreglunnar, Karl Steinar Valsson, er miður sín yfir dómnum og segir félaga sína hafa orðið fyrir miklum vonbrigðum,

Þungt hljóð í lögreglumönnum

Dóminum verður að áfrýja!

Mennirnir sem réðust með offorsi á fíkniefnalögregluna og slösuðu þá sluppu vel í dag. Það varð lögreglumönnunum til happs að þeir fengu skjóta aðstoð. Einn fékk skilorðsbundinn dóm en hinir sluppu alveg. Ef þessum dómi verður ekki áfrýjað mætti kalla þetta svartan dag í íslenskri réttarsögu hvað  varðar öryggi löggæslumanna.  Í stuttu máli  voru orð lögreglumananna  sem urðu fyrir  árásinni ekki tekin trúarleg  um að þeir hefðu  kynnt sig sem lögreglumenn.  Það gengur ekki að fáliðuð lögreglan sem reynir að vinna sitt starf af samviskusemi  geti átt undir högg að sækja frá erlendum ofbeldismönnum  og þeir sleppi frá því refsilaust.

Einn dæmdur og tveir sýknaðir af ákæru fyrir árás á lögreglu

Guðjón A. Kristjánsson vildi ekki slátra lambi fátæka mannsins.

Á hátíðarstundum tala menn um að létta byrðar hinna verst settu.
Skv. OECD hefur ríkisstjónin gengið í hina áttina. 

 Besta ráðið hefði verið að fara að ráðum Guðjóns Arnars Kristjánssonar og hækka skattleysismörkin. Það hefði komið lálaunafólki og samfélaginu öllu til góða. Auk þess hefði það  minnkað þörf fyrir almennar launahækkani. Það er sérkennileg pólitík að vinnandi fólk þurfi að þiggja aðstoð til að komast af.

 

 

 

Áfellisdómur yfir skattastefnu

Þrjár milljónir útlendinga á Íslandi draumfarir eða martröð?

Ágúst Einarsson, rektor að Bifröst og faðir varaformanns Samfylkingarinnar segist eiga sér þann draum að hingað komi 3 milljónir útlendinga til að setjast hér að.  Þar sannast hið fornkveðna að það er svo margt sinnið sem skinnið. Fyrir flesta yrði  svona draumur óþægileg martröð.  Enda eru flestir  Íslendingar gestrisnir og vilja taka vel á móti gestum sínum og vilja því ekki bjóða fleirum en þeir geta hýst.

 

 

 

 Ágúst upplýsir um draum sinn.

 

 

 

 

 

 

 

 

 

6,8% íbúa erlendir ríkisborgarar

Góðar fréttir úr höfuðborginni - Ömmur og afar best á leikskólunum

Haustið 2007 hratt Reykjavíkurborg af stað áætlun um að útvega eldra fólki störf við hæfi og er vinnutíminn  frá 30- 100%.  Gamla fólkið  hefur tekið þessu tækifæri  fagnandi  og það velur sér mismunandi starfsvettvang enda hefur það ólíkan bakgrunn , menntun og reynslu, þannig að það nýtist víða sjálfum sér og öðrum til gagns. Einna best hefur reynslan þó verið á leikskólunum, sem hefur komið sér í sérlega góðar þarfir í manneklunni. Það  er örugglega hollt fyrir eldri kynslóðina og ekki síður þá upprennandi að brúa kynslóðabilið með þessum hætti. 

Börnin hafa líka gaman af að kenna afa og ömmu að púsla, meðan þau hlusta á sögur.

Góð reynsla af eldri borgurum í vinnu hjá borginni

Landvættirnar

Fæstar þjóðir eru jafn heppnar og við Íslendingar að búa í fámennu og ómenguðu landi með tvær auðlindir þ.e. ein gjöfulustu fiskimið heims og endurnýjanlegar en takmarkaðar orkulindir.  Óumdeilt er að  lífsafkoma okkar byggir á þessum tveim  auðlindum. Sagan kennir okkur, og það er jafn víst og sólin kemur upp í austri, að hér munu koma fram tækifærissinnaðir stjórnmálamenn , sem verða tilbúnir til  að gerast feitir þjónar erlendra aðila, sem ásælast þessi verðmæti. Takist það, sem ekki má verða, yrðu Íslendingar indíánar í eigin landi. 

 

 

Þessi fallegi foss í Elliðaánum er í miðri

Reykjavík

 

            

 

 

En hætturnar leynast víðar. Svokallaðir Evrópusinnar vilja fórna fullveldinu fyrir Evru og eiga jafnvel þá draumsýn að flytja til landsins 3 milljónir útlendinga. (rektor Bifrastar) 

 Treysta Íslendingar því að landvættirnar standi þessa vakt einar og óstuddar?

 Auðvitað ætti okkur að renna blóðið til skyldunnar að leggja þeim lið, ekki okkar vegna, heldur vegna barna okkar og niðja þeirra. Komum í veg fyrir að hlutskipti niðja okkar verði að vera indíánarí eigin landi. 

Fyrsta skrefið gæti verið að afnema mannréttindabrot í sjávarútvegi með því að setja X fyrir framan F í næstu kosningum. Hinir flokkarnir gera ekkert í málinu.

Meiri nettóábati af áli en þorski

Björk þú ert alltaf flottust!

Náttúrutalent,  skemmtilegur tónlistarmaður,  náttúrutrúar með stórt hjarta, gleymir aldrei  íslensku rótunum, alþýðleg  og kemur eins fram við alla.  Þannig kemur hún mér fyrir sjónir. 

Yfirlýsing frá Björk

Góðar fréttir af Kaupþingi

Baráttan um takmarkað sparifé er nú í algleymingi.  Eftir að menn sáu fyrir að alþjóðlegir  lánamarkaðir myndu lokast var lögð aukin áhersla á að ná beint til sparifáeigenda erlendis og sleppa milliliðum. Net innlánsreikningarnir Kaupþing Edge, hafa verið reyndir með þokkalegum árangri í Finnlandi og Noregi.  Nú eru þeir að slá í gegn í Belgíu og það áður en sjálf markaðssetningin er hafin.                                                                                                                                                                                            Hreiðar Sigurðsson, gulldrengurinn frá Stykkishólmi.

Kaupþing Edge: Kaupþing vinsælt í Belgíu

Til hamingju valsmenn!

Valur var rétt í þessu að ná bikarmeistaratitli í meistaraflokki karla í handbolta í sjötta sinn á s.l. ellefu árum í hörkuleik gegn Fram sem þeir unnu 30:26

Frammarar hafa sjaldan verið betri en einmitt núna og því spáðu flestir þeim sigri. Þeir virtust samt ekki vera alveg tilbúnir í fyrri hálfleik. Að mínu mati byggðist sigurinn á liðsheildinni, þéttri og ákafri vörn, útsjónasemi Sigfúsar í sókninni og síðast en ekki síst frábærri markvörslu.  Frammarar gáfust ekki upp og áttu góðan seinni hálfleik bæði í sókn og vörn en sendingarnar hefðu mátt vera betri.

Til hamingju.

Úr 5 í 9% Borgarstjórnin hefur verk að vinna

Aðeins 9% borgarbúa bera traust til borgarstjórnarinnar af þeim sem tóku þátt í skoðanakönnun Gallup en í upphafi síðustu valdaskipta mældist traustið einungis 5%.  Ekki er tekið fram hvort átt er við meiri- eða minnihluta borgarstjórnar.

Ljóst er að borgarfulltrúar eiga verk að vinna að endurheimta traust borgarbúa. Eini borgarfulltrúinn sem blandaðist ekki með einhverjum hætti í REI klúðrið var Ólafur F. Magnússon enda var hann í veikindaleyfi á þeim tíma. 

Hann hefur einsett sér að vinna traust borgarbúa með því að láta gott af sér leiða og verkin tala.  Ég treysti honum til þess.

 

Aðeins 9% treysta borgarstjórn