Varðar nauðgun á börnum ekki almannaheill?

Sálfur myndi ég svara þessari spurningu játandi. 

Maður þekkir mýmörg dæmi þess að smákrimmar séu dæmdir í öryggisgæslu vegna ítrekaðra brota. Þetta er ekki gert til að verja rannsóknarhagsmuni heldur vegna almannaheilla, þar sem ekki er talið öruggt að viðkomandi láti af ætlaðri iðju sinni meðan hann bíður dóms.

Nú sætir fullorðinn maður rannsókn vegna meintra marítrekaðra brota gegn börnum og ætlaðar sakir eru það alvarlegar að í mörgum slíkum tilvikum missa fórnarlömbin andlega heilsu sína fyrir fullt og allt. Samt er meiningin að sleppa honum lausum! Ég er ósammála því mati að taka beri vægar á þessum brotum en t.d. ítrekuðu hnupli. Eru ekki allir sammála því að þetta varði almannaheill?

Gæsluvarðhaldsúrskurður til Hæstaréttar

Afleiðing lúsaleitarinnar: Baugur borgar skatta erlendis.

Margvíslegar ásakanir hafa verið settar fram gegn Baugi t.a.m fann fyrrum forsætisráðherra út að vínber væru ódýrari í London en hjá Bónus!  Og nú er kostnaðarsamri lúsaleit lokið hjá Baugi og upp komst um tittlingaskít. Það var allt og sumt.  Samt dugði það til að hrekja fyrirtækið úr landi og mun það framvegis borga skatta erlendis. Seðlabankinn getur ekki glaðst yfir efnahagsástaninu en hann getur kannski glaðst yfir þessu?

Times: Gaumur að kaupa starfsemi Baugs á Íslandi

Stuðningur við ríkisstjórnina hruninn

Stuðningur við ríkisstjórnina er hruninn úr 85% í byrjun ársins niður í rétt rúm 50% s.k.v. mælingu Fréttablaðsins. Fylgi færist á milli ríkisstjórnarflokkana Sjálfstæðisflokknum í óhag en Frjálslyndir bæta við sig. 

Athygli vekur miklar breytingar á fylgi Frjálslyndra og Sjálfstæðisflokksins. Frjálslyndir hafa alltaf mælst minni í könnunum en í kosningum öfugt við Sjálfstæðisflokkinn. Því má búast við að hreyfingin sé enn stærri.

 

Fylgi Sjálfstæðisflokksins minnkar í könnun

Reis upp frá dauðum

Kraftaverkin gerast enn. Gefið var út dánarvottorð á sjúkrahúsi á Indlandi fyrir barn sem fæddist andvana enda hafði það hvorki hjartslátt né púls. Við útförina vaknaði barnið til lífsins. Það er greinilega margt yfirskilvitlegt í þessum heimi.

 

Látið barn vaknaði til lífsins

Dómar fyrir guðlast

Við Íslendingar skiljum ekkert í firna þungum dómum í ýmsum múslimaríkjum vegna guðlasts. Sjálfur tel ég að guðir séu ekkert sérlega uppnæmir fyrir leiðinlegu umtali um sig, hvort sem það er byggt á misskilningi eða hreinni meinbægni. Enda eru allir alvöru guðir með með breitt bak og veraldarvanari en svo að kippa sér upp við eitthvað nagg og nöldur um sjálfan sig. Enda hafa þeir annað og meira við sinn tíma að gera. Þetta er viðtekinn skilningur flestra Íslendinga í dag en svo hefur þó ekki alltaf verið.  Ætli það séu ekki u.þ.b.  40 ár síðan Spegillinn var gerður upptækur og ritstjórinn, Úlfar Þormóðsson, var dæmdur í svo þungar sektir að hann missti aleiguna. Tilefnið var teiknimynd af róna sem sagðist hafa  fengið fyrsta snafsinn við altarisgöngu á fermingardaginn. Þessi ströngu lög eru enn í gildi en þau eru ekki í takt við tíðarandann þannig að þegar Spaugstofumenn voru kærðir af biskupnum fyrir fáeinum árum flissaði þjóðin.

 

 

Úlfari Þormóðssyni var refsað grimmilega.  

Dæmdur til dauða fyrir guðlast

Umhverfisráðherra fjármagnar lögbrot

Var að velta fyrir mér hversu óheppilegt það var fyrir umhverfisráðherra að vera viðstaddur í ljósi  Fyrstu málsgr. 3ju og 16. gr villidýralaga 

Ráðherrann virðist líta á þessi lög sem marklaust plagg. Rétt eins og forystumenn ríkisstjórnarflokkana líta á skuldbindingu Íslands að hlíta úrskurðum mannréttindanefndarinnar. 

Eins og sjá má í þeim málsgreinum sem ég vísa til, er meginreglan sú að ísbirnir eru friðaðir og umhverfisráðherra ber sérstaka ábyrgð í því sambandi.  Einungis má fella dýrin í þeim undantekningatilvikum að bein hætta stafi af dýrinu. Þannig njóta dýrin algerrar friðunar á sundi. Dýrið var í flæðarmálinu á leið til hafs og átti því örfá metra í friðland, fyrir augum umhverfisráðherra, sem lögum samkvæmt bar alla ábyrgð á vettvangi.  Þarna hjó sá er hlífa skyldi.

 

 

Þórunn virðist ekki hafa kynnt sér villidýralögin 

Ráðuneytið greiðir fyrir leiguflug

Barnaklám

Jafn ógeðfelld sem þessi iðja er, þá er til lítils gagns að uppræta þetta illgresi nema að komast fyrir ræturnar þ.e. að hafa hendur í hári mannanna sem framleiða þennan viðbjóð og neyða ungabörn til að "leika" í  myndunum.                                                      

 

Flestar heimasíður fyrir barnaklám eða 55% eru upprunar  í Bandaríkjunum en næstflestar í Rússlandi 28%.  

Áhlaup á 38 dönsk heimili í tengslum við dreifingu barnakláms

Siðsemislögreglan passar upp á slæður og nekt

Meðan Danir mega spranga um baðstrandir berir að neðan og jafnvel kviknaktir eru menn umsvifalaust handteknir í Bandaríkjunum af siðsemislögreglunni fyrir að vera berir að ofan að viðlögðu févíti og fangelsi. Þetta minnir óneitanlega á siðsemislögregluna í Íran sem passar að konur séu með slæðu að viðlagðri hæfilegri refsingu. Ég geri ráð fyrir að mun fastar sé tekið á strippi.

Sektaður fyrir að vera ber að ofan

Frábærar fréttir fyrir þjóðarbúið

Fyrst koma þörungarnir, átan sem er númer tvö í keðjunni er fæða uppsjávarfiska og ef hana brestur hverfur síldin og loðnan, sem keppast við hvali um þessa fæðu. Mikil áta er ávísun á betra fæðuframboð og meiri lífmassa í hafinu.

Mikil áta í kringum landið

Heill sé þér fertugum Ægir!

Varðskipið Ægir, sem nú er fertugt og komið á efri ár ef svo má segja um lífaldur skipa, var helsta vopn okkar í  50 mílna  þorskastríðinu við  Breta frá  1972 til  1974.  Ægir var flaggskip okkar allt þangað til systurskip þess Týr kom til landsins undir lok þess stríðs. Skipherra Ægis var lengst af Guðmundur Kærnested. Óhætt er að fullyrða að farsælar lyktir landhelgisdeilunnar er ekki síst hægt að þakka þessu skipi og áhöf þess.   Fyrir það vil ég þakka.                 

Ægir í fullu fjöri á fertugsafmælinu