Stuðningur við ríkisstjórnina hruninn

Stuðningur við ríkisstjórnina er hruninn úr 85% í byrjun ársins niður í rétt rúm 50% s.k.v. mælingu Fréttablaðsins. Fylgi færist á milli ríkisstjórnarflokkana Sjálfstæðisflokknum í óhag en Frjálslyndir bæta við sig. 

Athygli vekur miklar breytingar á fylgi Frjálslyndra og Sjálfstæðisflokksins. Frjálslyndir hafa alltaf mælst minni í könnunum en í kosningum öfugt við Sjálfstæðisflokkinn. Því má búast við að hreyfingin sé enn stærri.

 

Fylgi Sjálfstæðisflokksins minnkar í könnun

Athugasemdir

[Rósa Aðalsteinsdóttir, 22.6.2008 kl. 15:14]

Sæll og blessaður.

Ekki finnst mér það skrýtið að fólk sé búið að fá upp í kok á þessari ríkisstjórn. Eigum við að fara í framboð ég og þú? Við værum miklu flottari en konungsparið og alveg er ég viss um að Jón Valur styður okkur.

Baráttukveðjur/Rósa

[Sigurður Þórðarson, 22.6.2008 kl. 17:23]

Takk fyrir góða ábendingu Rósa. Já, við gætum verið nokkuð viss um stuðning Jóns Vals og það munar um minna.

[Sigurður Þórðarson, 22.6.2008 kl. 19:50]

Sæll Gulli,

kannski ekki þannig en hafa ekki sama vind í seglin og eru eitthvað að missa flugið.  

Það var óttalegt rugl hjá Haarde að úrskurður mannréttindanefndarinnar skipti engu máli og að Ísland þyrfti ekki að fara neitt eftir honum þó landið hafi skuldbundið sig til þess.   Þetta var hrikalega hrokafullt.  

[Guðrún Magnea Helgadóttir, 23.6.2008 kl. 17:09]

Þjóðin virðist vera að vitkast þótt hægt gangi.

[Georg Eiður Arnarson, 23.6.2008 kl. 19:48]

Vonandi heldur þetta bara áfram . kv .

[Halla Rut , 25.6.2008 kl. 19:33]

Það kom að því að þjóðin segði hingað og ekki lengra.

[Ásdís Sigurðardóttir, 26.6.2008 kl. 20:18]

Þetta eru of miklar væntingar hjá ykkur, þetta mun breytast og ekki get ég hugsað mér að hér verði vinstri stjórn, það hefur aldrei gert landi og þjóð gott, sagan kennir okkur það.

[Rósa Aðalsteinsdóttir, 26.6.2008 kl. 21:06]

Sæll Siggi minn.

Stelpurnar voru flottar gegn Grísku dömunum. Tóku þær í bakaríið.

Kær kveðja/Rósa

[Árni Gunnarsson, 27.6.2008 kl. 23:19]

Sjálfstæðisflokkurinn er útbrunnið apparat í íslenskri pólitík og lafir einungis á fylgi fólks sem er haldið vinstri fóbíu. Geldstaða samfélagsins birtist svo í því að þeir sem benda á aðrar lausnir en stóriðju í formi álbræðslu með niðurgreiddri orku og innflutningi því samfara á einhverju eitraðasta hráefni sem um getur og það í milljóna tonna vís, þeir eru taldir neikvæðir afturhaldsseggir. Þeir sjá ekki framtíðina! Þeir sjá ekki hið bjarta ljós framtíðarinnar á Íslandi í starfsemi sem allar aðrar þjóðir eru að ýta frá sér í viðleitni til að hreinsa andrúmsloftið.

Af hverju leitar Norsk Hydro eftir orku á Íslandi þegar vitað er um næg fallvötn óvirkjuð í Noregi? Það er litið á okkur sem svo vanþróaða þjóð að okkur er stillt upp við vegg af erlendum auðhringum og við neydd til að selja hreina orku á undirverði sem hlegið er að. Og reyndar er þessi atvinnu-og útflutningsteknaneyð að nokkru tilbúin með því að hafna þeirri einföldu lausn að veiða þorskinn upp við landsteina sem er að úrkynjast vegna offjölgunar sveltandi uppvaxtarstofna.

Hinir tröllheimsku Vinstri grænu hafa þráfaldlega bent á margar lausnir á atvinnumálum þjóðarinnar með ábendingum um hinar ýmsu leiðir aðrar en þær að tína fjallagrös en kommúnistum áætlunarbúskaparins hugnast ekki að leyfa þjóðinni að bjarga sér að eigin frumkvæði. Hversu mörg störf væri hægt að byggja undir í vatnsútflutningi með andvirði 20 starfa í álveri t.d.

Eru ekki viðræður í gangi við Araba um að selja þeim vatnslindir til útflutnings í átöppunarstöð sem skapar 600 störf í Hafnarfirði?

Verðum við ekki bara að vona að Samfylkingarþokan þétti sig og nái kjarki til að losa þjóðina við íhaldsþjáninguna með því að stefna í kosningar á næstu mánuðum?

Miðað við skoðanakannanir ætti það að vera vænlegur kostur núna. Og þá yrði  ástæða til fyrir Flokkinn að þylja í kór þá setningu sem forystan kann best.

" Við munum fara vandlega yfir þetta mál og draga af því lærdóm!"

[Sigurður Þórðarson, 29.6.2008 kl. 23:47]

Þakka ykkur öllum Gulli, Erlingur, Guðrún, Halla, Ásdís, Rósa og Árni.

Ásdís, ég er ekki  talsmaður vinstristjórnar en vil segja þetta: Efnahagsstjórn undanfarana ára, undir stjórn Sjálfstæðisflokksins, hefur ekki bara verið afspyrnu slök heldur ábyrgðarlaus. Hagfræðingar eru allir sammála  um að 90% húsnæðislán hafi verið sem bensín á viðskiptahallann og verðbólgubálið.  að vísu var þetta að frumkvæði Framsóknar en framkvæmt af Sjálfstæðisflokknum í óþökk allra sem þekkja til þjóðhagfræði. Núverandi ríkisstjórn hefur lagt drápsklyfjar reglugerðafargans á þá sem vilja fara með útlendinga í sjóstangveiði frá Vestfjörðum auk þess að gera þeim að greiða tolla til sægreifa.  Á sama tíma reynir þessir sömu ráðamenn að liðka fyrir olíuhreinsunarstöð á sama stað.