Afleiðing lúsaleitarinnar: Baugur borgar skatta erlendis.

Margvíslegar ásakanir hafa verið settar fram gegn Baugi t.a.m fann fyrrum forsætisráðherra út að vínber væru ódýrari í London en hjá Bónus!  Og nú er kostnaðarsamri lúsaleit lokið hjá Baugi og upp komst um tittlingaskít. Það var allt og sumt.  Samt dugði það til að hrekja fyrirtækið úr landi og mun það framvegis borga skatta erlendis. Seðlabankinn getur ekki glaðst yfir efnahagsástaninu en hann getur kannski glaðst yfir þessu?

Times: Gaumur að kaupa starfsemi Baugs á Íslandi

Athugasemdir

[Gilbert (IP-tala skráð) 4.7.2008 kl. 00:19]

Baugsmálið er ekki tittlingaskítur heldur vont dæmi um slæmt viðskiptasiðferði

[Gestur Guðjónsson, 4.7.2008 kl. 00:24]

Þetta er leiðindamál. Menn mega ekki brjóta lög og því fer sem fer, en um leið er eðlilegt að þetta fyrirtæki, eitt fyrirtækja þurfi að hlýða þeim með öðrum hætti en önnur.

[Sigurður Þórðarson, 4.7.2008 kl. 00:37]

Auðvitað eiga allir að hlíta lögum. En það var hátt reitt til höggs.

Og skamma stund var höndin því fegin. Við skulum ekki gleyma að  yfirlýstur tilgangur var að verja hluthafana, sem urðu fyrir tug milljarða tjóni. 

Þessu mætti líkja við að ef kviknaði í öskubakka og allt innbúið yrði eyðilagt vegna vatnstjóns slökkviliðs sem þó hefði ekki verið kallað til af húseiganda.  

[Aðalsteinn (IP-tala skráð) 4.7.2008 kl. 01:05]

Hluthafarnir töpuðu á stjórnendunum en ekki lögreglunni og dómsvaldinu, Baugur var almenningshlutafélag þegar brotin voru framin en einkafyrirtæki stjórnendanna í dag. Þannig að það eru stjórnendurnir sem brutu lögin sem eru að tapa á þessu, ekki almennir hluthafar, þeir eru ekki lengur til. 

Samlíkingin við eld í öskubakka er nú bara fáránleg.

Niðurstaðan úr dómsmálinu sýnir nú bara að ef menn eiga nóg af peningum til að ráða til sín alla bestu lögfræðinga og sérfræðinga geta þeir komist upp með hvað sem er.

Svo skemmir nú ekki heldur fyrir að eiga megnið af fjölmiðlum landsins og geta beitt þeim til að móta almenningsálitið.  Ég skil nú reyndar ekkert í þeim að vera ekki búnir að beita afli sýnu til að láta almúgann kjósa sig keisara yfir Íslandi.

[IP (IP-tala skráð) 4.7.2008 kl. 02:29]

Líklega eru þeir að undirbúa hvaða fyrirtæki verða látin
í gjaldþrot og hverjum verði bjargað.

[bimbó (IP-tala skráð) 4.7.2008 kl. 08:29]

Hafskipsmálið,,??  Baugsmálið,,??  Menn geta  sjálfum sér um kennt sem ryðjast óboðnir að veisluborði Kolkrabbans,, Baugsmenn máttu vita að starfsemi þeirra hér á landi væri í óþökk veislustjórans,, Þeir hafa allan tíman verið óvinsælir og óvelkomnir með starfsemi sína hér, af öllum nema almúganum,, Til margra ára var og er eina raunhæfa kjarabót almúgans , tilkoma Bónusverslana,, 'A sama tíma og verkalýðsfélögin lögðu lítið eða ekkert til málanna,, Við aumingjarnir þökkum þeim það sem gott af leiddi, og vonum að áfram verði óbreitt kjarabót í heiðri höfð við rekstur Bónusverslana,,

[Ásdís Sigurðardóttir, 4.7.2008 kl. 12:09]

Ég hefði gaman að því að vita hversu miklu ríkið hugsanlega tapar við þessar breytingar.

[Sigurður Þórðarson, 4.7.2008 kl. 16:14]

Sæl Ásdís, fyrst tapaði griðarlegum skattekjum tegar Baugur missti af kaupum á verslunarkeðju, eitthvað sem hafði verið lengi í undirbúningi. Þetta var  meira fjármagn en Kárahnjúkar.

[Sigurbjörn Friðriksson, 4.7.2008 kl. 16:28]

Einhverntíma sagði þáverandi formaður Framsóknarflokksins Hermann Jónasson þessi fleygu orð: "Það er betra að vanta brauð en að hafa her í landi."  Ekki þjáðist Hermann þessi af ófeitinni. 

Davíð Oddsson hefur sagt með gjörðum sínum það sama en aðeins í öðrum orðum: "Það er betra að vanta brauð en að hafa Bónus (Baugur Group) í landi."

Um Framsóknarmenn er stundum sagt: "Illt er að eiga framsóknarmann fyrir vin."

Um Sjálfstæðismenn er rétt að segja: "Keep your enemies close, keep your friens closer." (Hafðu auga með óvinum þínum, hafðu augu með vinum þínum. Betur sjá augu en auga.)

Ekki rétt Siggi?

Kv. Björn bóndi.

[Sigurður Þórðarson, 4.7.2008 kl. 16:39]

Sæll Bjössi,

 Takk fyrir þetta skemmtilega innlegg, talsvert mikið til í því.