Gott að fá þessa milljarða í vasan en þeir stoppa stutt við

Það eru góðar fréttir sem berast af loðnumiðunum, loðnan er í þéttum torfum feit og falleg.  Margir líta á loðnuna sem fundið fé fyrir þjóðarbúið, því  sjófuglar  hafa ekki enn glatað hæfileikum til að finna hana þrátt fyrir  nýjustu tækni og vísindi.   Almenningur vonar að  hluti af þessu peningum verði notaðir til að mæta yfirvofandi lánsfjárkreppu  og vaxandi viðskiptahalla .  Ríkisstjórnin er ekki á sama máli .  Þeim finnst að vísu gott að fá þessa milljarða í vasann en þeir eiga að stoppa stutt við.

 

 

 

 Við þessar fréttir hefur utanríkisráðuneytinu hlaupið kapp í kinn og Kristín Árnadóttir sem stýrir þessu mikilvæga verkefni segir að nú sé rífandi gangur. Núna er búið að eyða 1000 milljónum og verið er að vinna markvisst um allan heim, ekki síst í New York þar sem Ingibjörg Sólrún og Geir Haarde voru nýlega,

 

 Ekki er pláss fyrir alla afdankaða pólitíkusa í sendiráðum eða seðlabanka. Því horfa margir hýru auga til öryggisráðsins.

 

Athugasemdir

[Rósa Aðalsteinsdóttir, 29.2.2008 kl. 21:31]

Sæll Siggi. Persónulega finnst mér algjört rugla að reyna að komast í öryggisráðið. Þetta er mjög dýrt fyrir þessa litlu þjóð. Ég skil ekki þennan rembing í ríkisstjórninni. Snobb og ekkert annað. Það væri nær að nota peningana í að hjálpa fólki sem á við erfiðleika að stríða hér innanlands.

Ég er mjög hrifin af tveimur setningum í pistlinum þínum. Þær eru: "feit og falleg" og "sjófuglar  hafa ekki enn glatað hæfileikum til að finna hana þrátt fyrir  nýjustu tækni og vísindi."

Frjálslyndarfriðarkveðjur

[Sigurður Þórðarson, 29.2.2008 kl. 22:03]

Þakka þér fyrir þetta Rósa,  ég er sammála þér í þessu. Þetta er vissulega snobb en þetta er líka flottræfils- og uppskafningsháttur. Já ég gat ekki á mér setið að hæðast að öllum þessum vísindum. Ég  skal segja þér skrýtna sögu:

Ég er nú einu sinni  gamall loðnu-og síldarsjómaður.  Eitt sinn sem oftar fengum við um borð mann sem var að gera athuganir á hvölum og þar sem hann var landkrabbi bað hann okkur um að útskýra það sem fyrir augu bar. Það er skemmst frá því að segja að við fórum í keppni í hver gæti búið til ótrúlegustu söguna. Okkur til mikillar undrunar skráði hann allt niður af mikilli samviskusemi.  Í feralok fékk ég heiftarlegt samviskubit og reyndi því árangurslaust að  leiðrétta misskilninginn en hann hló að mér.

[Rósa Aðalsteinsdóttir, 29.2.2008 kl. 22:20]

Sæll Siggi. Minnir mig á að hér var einu sinni unglingur sem var beðinn að ná í smiðsauga. Flott verkfæri smiðsaugað og plankastrekkjari.  Heldur þú að fleiri hafi verið búnir að skrifa athugasemdir áður en slysið varð? Vona að þau komi þá aftur. Ég hélt að Guðsteinn væri búinn að kenna þér en nú er brjálað að gera hjá honum á blogginu að reyna að kristna Doctor E. og fleiri. Við vinir hans segjum bara: Áfram Guðsteinn. Frjálslyndarfriðarkveðjur.

[Sigurður Þórðarson, 29.2.2008 kl. 22:48]

Já það voru eitthvað fleiri. Þetta er nú meiri þolinmæðin hjá honum Guðsteini við suma.