Þetta var allt vitað. Skoðið skýrsluna

Bresku hagfræðingarnir, sem spáðu fyrir um bankakreppuna í apríllok og létu ríkisstjórnina fá fullbúna skýrslu um það í júni greindu vandann mjög ítarlega og sögðu kvað væri til ráða til að forða stórslysi.  Engum ráðum var fylgt. Ekkert var gert í málinu annað en að þegja það í hel. Hér er skýrslan

Sjá ennfremur færslu að neðan

Nýr Glitnir stofnaður

"Núna er ekki tími til að benda á sökudólgana" Er vit í þessari klisju?

 Bresku hagfræðingarnir Willem H. Buiter og Anne C. Sibert, sem sögðu til um yfirvofandi bankakreppu og fall bankanna voru beðnir að þegja yfir skýrslunni. Í fyrstu var skýrslan kynnt fyrir þröngum hóp en 11. júní  var hún endurbætt og kynnt fyrir hagfræðingar frá Seðlabankanum, fjármálaráðuneytinu, einkageiranum og háskólasamfélaginu. Þetta var sem sagt allt vitað fyrir. (Ætli einhver þeirra hafi skyndilega þurft að tæma peningabréfsreikninga?) Nú þrástagast ráðamenn á að ekki megi benda á  sökudólga, meðan verið sé að slökkva elda. Þetta stenst ekki, því að  það er allt brunnið sem brunnið getur. Það er því engin þörf á að brennuvargarnir meldi sig í slökkviliðið eða til starfa við vettvangsrannsókn. 

Professor Willem H. Buiter

Æviágrip

Bankaskýrsla undir stól

Ég set allt mitt traust á Austurríki og Tyrkland

Þegar ég leggst  með eyrað á koddann í kvöld ætla ég að biðja til almættisins um að Austurríki og Tyrkland vinni sæti í öryggisráði Sameinuðu þjóðanna á föstudaginn. Það sama gerir mikil meirihluti þjóðarinnar, sem hugsar til þess með hryllingi ef ríkisstjórninni tekst að komma okkur í ráðið.

Kosningabarátta Íslands í New York

"Fjórðungi bregður til fósturs"

 Haldið þið að það sé gaman fyrir Geir H Haarde að senda fjármálaráðherrann að ræða við Alþjóðagjaldeyrissjóðinn og lesa það í blöðunum að ISG vilji semja skilyrðislaust víð IMF?

"Fjórðungi bregður til fósturs"  segir gamalt orðtak. Fjórðungur ríkistjórnar Geirs Hilmar Haarde eru meðlimir í breska Verkamannaflokknum og lúta því leiðsögn Gordons Brown. Þar sannaðist hið fornkveðna, að erfitt er að þjóna tveimur herrum.

Bíða niðurstaðna sérfræðinga IMF

ISG sér tækifæri í stóraukinni utanríkisþjónustu

Ingibjörg Sólrún Gísladóttir hefur nú loks tjáð sig um lausn á yfirvofandi skuldafeni. Hún vill ekki pakka í  vörn, nei þvert á móti vill hún ótrauð að blásið verði til sóknar, slá meiri lán og efla utanríkisþjónustuna. Í samræmi við þessa stefnu var öllum starfsmönnum og fulltrúum Sameinuðu þjóðanna boðið í kaffi og rjómapönnukökur í gær. Hvað ætli séu margir meðlimir Breska Verkamannaflokknum innan ríkisstjórnarinnar?

Ingibjörg Sólrún: Fyrst IMF og svo ESB

Nýtur Árni Mathiesen trausts?

Búast má við að Alþjóðagjaldeyrissjóðurinn setji Íslendingum óaðgengileg skilyrði og jafnvel afarkosti. Reiknað er með því að sjóðurinn taki eindregna afstöðu með Bretum í deilu þeirra við Íslendinga og muni krefjast þess að við semjum við  þá. Þá er ekki ótrúlegt að sjóðurinn krefjist þess að Íslendingar selji náttúruauðlindir sínar. Því er spurt hvort menn treysti Árna, óvinsælasta ráðherra Íslands til að fara með samningsumboð okkar? Árni hefur átt í vök að verjast eftir að Darling tók upp á því að vitna í tveggja manna tal. Árni er með upptöku af samtalinu og ætti ekki að hika við að birta hana og afhjúpa þannig smekklaus ósannindi breska ráðherrans. Það kann heldur ekki góðri lukku að stýra að meðlimir Breska verkamannaflokksins fari með málið fyrir okkar hönd.

Fundað stíft með IMF

Íslendingar eiga tvo kosti, uppgjöf eða viðnám.

Íslendingar voru svo slegnir þegar hvert áfallið öðru verra dundi yfir að maður hafði sterklega á tilfinningunni að ráðamenn ætluðu að láta leiða þjóðina eins og lömb til slátrunar án andmæla. Nú eru þeir að vakna hver á fætur öðrum og hinn annars hófsami Geir Haarde talar umbúðalaust og bregður upp skildi fyrir hagsmuni landsins. Ástæðan liggur fyrir: Færustu lögmenn telja að Bretar hafi skapað sér skaðabótaábyrgð þegar þeir brutust inn í banka sem alltaf hafði staðið í skilum og engar reglur brotið. Jafnvel þó þeir þyrftu ekki að borga nema 1/4 af því tjóni sem þeir hafa valdið myndi það hjálpa þjóðfélaginu verulega og bjarga mörum lífeyrissjóðum.

Bretar knésettu stærsta fyrirtæki Íslendinga með valdníðslu

Fjárlagafrumvarpið eða ríksstjórnin í frosti?

Allir nema ríkisstjórnin eru búnir að átta sig á að veislunni er lokið. Ólíkt hafast þeir að aðilar vinnumarkaðarins sem skilja nauðsyn þess að framlengja kjarasamninga þrátt fyrir kjaraskerðingu og ríkisvaldið sem þenur út utanríkisráðuneytið. Meðan venjulegir lífeyrisþegar  taka á sig gríðarlega kjaraskerðingu munu ráðherrarnir sem létu handlangara sína samþykkja eftirlaunafrumvarpið njóta óskertra launa. Þetta sjálftökulið minnir óþægilega á gesti í selskap sem belja sig út og fara ekki þó partýinu sé lokið fyrr en tómt er úr öllum glösum.  Meðan gjaldeyrir er skammtaður fyrir olíu og lyf er enn stefnt á að koma landinu í öryggisráðið og eyðsla til sendiráða aukin um þriðjung nema í Pretoríu þar sem hún eykst um 72%. Meðan íslenskir námsmenn eru í neyð er ákveðið að styrkja einhver eyríki sem kjósa viðja Ísland í öryggisráðið um 800 milljónir.

Fjárlagafrumvarpið er í frosti

Hryðjuverk í skjóli hryðjuverkalaga

Gordon Brown beitti fyrir sig hryðjuverkalögum þegar hann réðist inn í Kaupþing í Bretlandi, sem var breskur banki og hafði alltaf staðið við allar sínar skuldbindingar enda stóð bankinn langbest allra íslenskra banka og hafði fengið risa fyrirgreiðslu hjá íslenska og sænska seðlabankanum og margir Eina sýnilega ástæðan var sú að bankinn var í eigu íslenskra aðila.  Það réttlætir ekki þessa aðgerð þó Landsbankinn sem er í eigu íslenskra aðila hafi misstigið sig. Brown hótar að brjótast inn í fleiri íslensk fyrirtæki sem væri ólöglegt og siðlaust.  Nú er Brown sigri hrósandi enda fór Kaupþing á hliðina við þessa aðgerð og getur þar af leiðandi ekki staðið við skuldbindingar sínar. Það hlakkar í Brown sem segir Íslendinga vera gjaldþrota.  Ríkisstjórnin verður að fara með málið fyrir dómstóla og kyrrsetja verðmæti úr bankagjaldþrotunum fyrir væntanlegum skaðabótum.

 

 

Þetta smámenni rústaði stærsta banka á Íslandi og svipti meirihluta Íslendinga stórum hluta af lífeyrissparnaði sínum.

„Sparkað í liggjandi (Ís)land"

Vernd gegn vinum

Ég er ekki sammála Vilhjálmi Egilssyni um að við eigum að fara með betlistaf til Alþjóða gjaldeyrissjóðsins þar sem ráðandi þjóðir með USA í broddi fylkingar hafa áður hafnað okkur. Þá hugnast mér betur að þiggja aðstoð frá Rússum, sem alltaf hafa sýnt okkur velvild þegar við höfum þurft á að halda t.d. í þorskastríðunum við "vini" okkar Breta. Viðskipti okkar við Rússa voru alltaf mjög hagstæð við fengum olíu og járn en greiddum með síld og karfa sem við höfðum ekki markað fyrir annars staðar. Núna borgar ríkisstjórnin "vinum" okkar fúlgur fjár til að fara í útsýnisflug yfir landið tvisvar á ári til að aðgæta hvort þeir sjái  Rússa. Af hverju ekki að snúa þessu við og fá Rússa til að fljúga yfir tvisvar á ári og aðgæta hvort þeir finni einhverja Breta?  

Vill fá aðstoð Alþjóða gjaldeyrissjóðsins