Breski forsætisráðherrann sendir Íslendingum tóninn

Bresk  stjórnvöld eru ekki fyrr búin beita hryðjuverkalögum til að senda sérsveit lögreglunnar til að loka Kaupþingi í Bretlandi. Þetta upphlaup stafar af því að Alistair Darling, fjármálaráðherra Bretlands, hringdi í  Árna M. Mathiesen fjármálaráðherra á þriðjudaginn og skildi hann þannig að Íslendingar ætluðu ekki  að standa við skuldbindingar sínar. Nú hefur þetta allt verið leiðrétt og íslendingar sitja upp með hundruð milljarða tjón vegna misskilningsins.  Samt heldur Gordon Brown áfram og segir framgöngu íslenskra yfirvalda óviðunandi og hótar málssókn. Ætla íslensk yfirvöld að láta Gordon vaða yfir sig á skítugum skónum?  Hvað segir Árni M. Mathiesen?                                       

Brown: Viðhorf íslenskra stjórnvalda óviðunandi

Var það dýralæknir eða seðlabankastjóri? Hvað gera landvættirnar?

Nú liggur fyrir að misskilningur breskra yfirvalda á afstöðu íslenskra stjórnvalda hefur átt ríkan þátt í að skaða hagsmuni Íslands um hundruð milljarða króna. Einkum tvennt kemur hér til álita. Í fyrsta lagi er nefnt samtal fjármálaráðherra Breta Aliistair Dslandi við kollega sinn á Íslandi. Undirmenn íslenska ráherrans hafa yfirfarið samtalið og komist að því að þarna sé einhver misskilningur á ferð. fjarmálaráherra hafi aldrei fullyrt að breskir sparifjáreigendur yrðu sviknir. Í öðru lagi beinist athyglin að Davíð Oddssyni sem lét gamminn geysa í Kastljósi. Samfylkingin vill gera Davíð Oddsson að blóraböggli en hver er þeirra ábyrgð? Hver gaf Landsbankanum leyfi til að auglýsa að Icesave reikningarnir séu ríkistryggðir? Af hverju gerði viðskiptaráðuneytið ekkert fyrst þetta var vafasamt eða rangt? Það kemur í ljós að  Samfylkingin er svo upptekin við að vinna að kjöri Íslands í öryggisráðið að hún hefur engan tíma til að huga að  hagsmunum Íslands. Ríkisstjórn og seðlabanki hafa brugðist. Nú verðum við að setja allt okkar traust á landvættirnar.

Atburðir í Bretlandi felldu Kaupþing

Davíð Oddsson æsti Brown upp. -- Geir eyddi deginum í að róa hann

Það voru ummæli Davíðs Oddssona í Kastljósi um að við ætluðum ekki að sópa upp eftir óreiðumenn í útlöndum, sem æstu Gordon Brown upp svo um munaði. Í þessum heimshluta eru menn vanir því að seðlabankastjórar tali af ábyrgð og varkárni en þess utan talaði sá maður sem bar mesta ábyrg allra embættismanna.  Því má segja að þarna hafi höggvið  sá er hlífa skyldi. Davíð þóttist enga ábyrgð bera og sagðist þvert á móti hafa margsinnis varað ríkisstjórnina við.  Enda ættu opinberir aðilar ekki að bera ábyrgð á einkaaðilum.  Bíddu! Var það ekki einmitt DO forsætisráðherra sem sótti fast að Íslensk erfðagreining fengi ríkisábyrgð?  Og ef hann hefði fengið það í gegn væri ríkið um það bil að fara að borga núna.  Davíð sagði líka að bankarnir hefðu verið orðnir of stórir en var það ekki hann sem kom í veg fyrir að þeir flyttu starfsemina út með því að banna þeim að gera upp í erlendri mynnt? Og jókst framboð af jöklabréfum og eftirspurnin eftir myntkörfulánunum einmitt vegna þess hvað stýrivextirnir eru háir? Geir hélt blaðamannafund kl. 16:00 og reyndi að róa Bretana  " some Damage Control"

Brown hótar aðgerðum

Rússarnir koma - til aðstoðar

Nú liggur fyrir að Rússar, "óvinaríki" okkar, ætla að koma Íslendingum til aðstoðar á ögurstundu.Upp koma í hugann fleyg orð Guðrúnar Ósvífilsdóttur "þeim var ég verst er ég unni mest". Ekki voru það Rússar sem níddust á Íslendingum í þorskastríðunum, nei þvert á móti þá studdu þeir okkur, gegn "vinum" okkar Bretum. Frændur okkar Norðmenn standa í stappi við okkur um réttindi okkar við Svalbarða og Jan Mayen sem íslenska ríkið hefur rætt um í mörg ár að fara með fyrir alþjóðlegan dómstól en ekkert gert í því.

Seðlabankinn fær lán frá Rússlandi

Frítt í strætó -- Góð hugmynd hjá Ólafi F. Magnússyni

Það er fín tillaga hjá Ólafi F. Magnússyni að leggja til að frítt verði í strætó og satt að segja gat þessi skynsamlega tillaga ekki komið á betri tíma, til að öðlast skilning og meðbyr. Núna þegar kreppan er að halda innreið sína munu margir þurfa að leggja einkabílnum eða keyra hann minna.  Það er líka samfélagslega hagkvæmt að minnka álagið á götunum og sparar borginni heilmikið í kostnað við malbikun.  Kannski verður hreinna og betra loft sem fólk andar að sér í peningaleysinu.  "Fátt er svo með öllu illt ...." 

 

Ólafur F.: Leggur til niðurfellingu fargjalda í Strætó

Þjóðstjórn strax! Hvað myndi FF gera núna?

Ráðamenn eru mjög hissa og vita ekki sitt rjúkandi ráð en telja þó að ástandið, sem þeir hafa engin tök á, sé mun alvarlegra en talið hafi verið. Þegar öllu er á botninn hvolft eru þrjár leiðir út úr vandanum. 1. Auka tekjur 2. Eyða minna 3. Taka meiri lán.   Ríkistjórnin hirðir ekki um að skoða neitt nema þriðju leiðina og situr föst í því fari. 

 Ef stjórnarandstaðan yrði kölluð til væri hægt að ræða nýjar leiðir og lausnir.

Frjálslyndir myndi byrja á að gefa krókaveiðar frjálsar og losna þannig við brottkastið  hjá smábátum. Síðan myndu þeir skipta flotanum upp í flokka og losna alveg við brottkast með afnámi aflamarks á báta en vera með svæðabundna sókn. Þannig mætti auka tekjurnar um tugi og jafnvel hundruð milljarða jafnframt því sem stofninn væri byggður upp.

Þá myndu þeir skera niður ofþenslu í utanríkisþjónustunni og öryggisráðsruglið.

Guðjón Arnar, traustur aflaskipstjóri að vestan hefur af góðum hug boðist til að aðstoða ríkisstjórnina. Hún ætti að þekkjast það. Góður skipstjóri hafnar ekki neinni aðstoð, síst af öllu vaskra manna við að berja ís í ágjöf. 

Alvarlegri en talið var

Sendiherrar sendir með betlibauk til Norðurlandanna!

Nú er loksins búið að finna hlutverk fyrir a.m.k. hluta af þeim mörgu tugum sendiherra sem þeir Davíð og Halldór skipuðu, hvor um sig, ýmist  til að launa frændsemi eða pólitíska vináttu og hafa verið aðgerðalausir síðan: Þeir eiga að fara strax á mánudaginn með betlibauk til stjórnvalda í hverju Norðurlandanna fyrir sig.  Sendiherranrnir eru mjög glaðir yfir þessu enda þreyttir á aðgeraleysinu.                                                                                        

Biðlað til helstu vinaþjóða

Skelfilegur sunnudagsmorgunn: Timbraður heimilisfaðir ásælist sparifé barnanna!

Hvað finnst ykkur um að ríkisstjórnin fari að spila með þvingaðan lífeyrissparnað landsmanna? Er þetta  ekki hættulegt fordæmi?  Það finnst mér enda er hlutverk lífeyrissjóðanna eingöngu að tryggja framfærslu sjóðfélaga sinna. Þarna minnir ríkisstjórnin mig á drykkfelldan  heimilisföður sem sér í örvinglan ekkert annað ráð en að "fá lánaðan" sparibauk barnanna sinna sem höfðu vaknað  fyrir allan aldur til að bera út Morgunblaðið til að eiga fyrir skólabókum. Peningana vill drykkjurúturinn nota til að rétta sig af og fá lánuð kjólföt til að fá að þjóna til borðs í fína öryggisklúbbnum.

 Heimilisfaðirinn vaknar nakinn,blankur og þunnur í forstofunni á sunnudagsmorgni.  Óttaslegin og meðvirk börnin koma með sparibaukinn.

Rætt við norræna seðlabanka

Kolbrún mannfjandsamleg!

Kolbrún Bergþórsdóttir, hefur heilmikið vit á menningu en leiðist slorlykt. Þetta birtist meðal annars í því að frjálslyndir fara óskaplega mikið í hennar hárfínu hámenningartaugar. Í pistli sem hún  skrifar á miðopnu Morgunblaðsins í dag segir hún þá vera mannfjandsamlega (les = hámenningarfjandsamlega). Þrátt fyrir allt eru frjálslyndir menn og hlýt ég að gagnálykta að Kolbrún Bergþórsdóttir sé mannfjandsamleg a.m.k. að þessu leyti.

Leiguliði lýsir kvótakerfinu:

Leiguliðar athugið!

Ólafur R. Sigurðsson skrifar:

 

Kvótakerfinu var, illu heilli, komið á fyrir um 24 árum síðan.

 

Yfirlýstur tilgangur þess var að vernda fiskistofnana og tryggja byggðir við sjávarsíðuna.

 

Skemmmst er frá því að segja að hvorugt markmiðið hefur náðst. 
 

Vegna kvótakerfisins er þorskstofninnn ekki svipur hjá sjón og margar byggðir eiga í vök að verjast.

 

Þrátt fyrir að fiskverð hafi margfaldast að raungildi hafa skuldir sjávarútvegsins aukist með enn risavaxnari skrefum. Þannig hafa skuldir sjávarútvegsins aukist um 350% á tíu árum þó umsetningin sé nánast sú sama. Eina leið stjórnvalda til að taka á brottkasti og sóun í kvótakerfinu er að setja upp rándýrt en gagnslaust eftirlitskerfi og refsa þeim sem eru svo heiðarlegir að viðurkenna brot sín. Þrátt fyrir þetta augljósa árangursleysi hefur verið haldið áfram á sömu braut.

Ekki hef ég getað varist þeirri hugsun að raunverulegur tilgangur þeirra er réðu för hafi verið sá að koma á lénskipulagi í sjávarútvegi. Eða eigum við kannski að trúa því að það sé hrein tilviljun að guðfaðir kvótakerfisins hafi komið þeim breytingum á að "sameign þjóðarinnar" erfðist og hann yrði þannig lénsherra í fyllingu tímans?

Óvenju lítið fer þó fyrir umræðu um sjávarútvegsmál þó sá atvinnuvegur skili enn, meira en helmingi þjóðartekna okkar Íslendinga. Ekki er öll sú umræða frumleg enda hafa allir flokkar að undanskildum Frjálslynda flokknum gefist upp fyrir þeirri sögulegu nauðsyn að brjótast út úr kerfinu.

Þessa dagana eru flokkarnir í óða önn að viðra fjaðrirnar fyrir kjósendum.

Sumir flokkarnir reyna, að því er virðist, fremur af vilja en mætti að hafa skoðun á öllum málum, s.s. sjávarútvegsmálum. Jafnvel Vinstri grænir eru þar engin undantekning.

 

Kosningaloforð þeirra í sjávarútvegsmálum er að gera upptæk í ríkissjóð 5% af leigukvóta. Þetta myndi draga úr framboði leigukvóta og hækka hann til muna. Hagsmunir okkar leiguliðanna eru þeir, að meðan við þurfum að búa við þetta kerfi, sé nægt magn kvóta til leigu og á skikkanlegu verði.

Í dag þurfum við að borga 7 krónur af hverjum 10 til kvótagreifanna. Af þessum 30% sem eftir eru þurfum við að greiða allan útgerðakostnað. Af þessu má sjá að þetta forréttindakerfi hefur ekki skapað okkur neitt sældarlíf. Ef Vinstri grænir gefa sig út fyrir vera flokk jafnaðar, þá heggur sá er hlífa skyldi, því tillögur þeirra miða að því að auka á þjáningar okkar leiguliðanna og skaða byggðirnar.

 

Leiguliðar, oft var þörf en nú er nauðsyn, tölum við vini og vandamenn og kjósum F fyrir frelsi 12. maí.

Ólafur R. Sigurðsson, skipstjóri Grindavík.

Nýtt fiskveiðiár mörgum erfitt