Íslendingar eiga tvo kosti, uppgjöf eða viðnám.

Íslendingar voru svo slegnir þegar hvert áfallið öðru verra dundi yfir að maður hafði sterklega á tilfinningunni að ráðamenn ætluðu að láta leiða þjóðina eins og lömb til slátrunar án andmæla. Nú eru þeir að vakna hver á fætur öðrum og hinn annars hófsami Geir Haarde talar umbúðalaust og bregður upp skildi fyrir hagsmuni landsins. Ástæðan liggur fyrir: Færustu lögmenn telja að Bretar hafi skapað sér skaðabótaábyrgð þegar þeir brutust inn í banka sem alltaf hafði staðið í skilum og engar reglur brotið. Jafnvel þó þeir þyrftu ekki að borga nema 1/4 af því tjóni sem þeir hafa valdið myndi það hjálpa þjóðfélaginu verulega og bjarga mörum lífeyrissjóðum.

Bretar knésettu stærsta fyrirtæki Íslendinga með valdníðslu

Athugasemdir

[Jóna Kolbrún Garðarsdóttir, 12.10.2008 kl. 02:21]

Við eigum að slíta stjórnmálasambandi við tjallana og segja okkur úr Nato. 

[Ólafur Als, 12.10.2008 kl. 11:47]

Sæll félagi,

ekki er ég nú sammála bölsýni þinni á aðkomu IMF að málum hér - mér sýnist þú vitna í aðgerðaáætlanir sem settur eru fram gagnvart ríkjum sem eiga við annars konar - og stærri - vanda að etja en við. En hvað um það.

Nú er Baugur að leggjast á hliðina, þrátt fyrir að hafa berstrípað Glitni af fé undir það síðasta og fengið veðbandalaust fé í gegnum ýmsa sjóði þar síðustu misserin - Björgúlfur vissi að Landsbankinn var farinn á hausinn vegna útistandandi skulda sem lá fyrir að þyrfti að afskrifa, þ.á.m. til félaga undir hatti Jóns Ásgeirs og Baugs sjálfs en einnig annarra félaga, innlendra sem erlendra.

Annars er ljóst að nú þegar ýmsar vitleysur eru þjóðinni orðnar kunnar er varða stjórn efnahags- og peningamála er næsta víst að ýmsir auðjöfrar hafa stundað sín viðskipti að sið glæpamanna frá Sikiley. Það mun margt ljótt komast upp á yfirborðið áður en yfir lýkur og í þetta sinn mun aðilum ekki takast að kaupa sig upp í Hæstarétt.

[Jens Guð, 12.10.2008 kl. 20:41]

  Það er full ástæða til að sýna breskum stjórnvöldum fulla hörku.  Ég efast þó um að Geir Haaarde hafi bein í nefinu til þess.

[Sigurður Þórðarson, 12.10.2008 kl. 23:14]

Þakka ykkur Jóna, Ólafur og Jens. Gulli við þig segi ég: Mæl þú manna heilastur.

[Guðrún Sæmundsdóttir, 14.10.2008 kl. 21:56]

ætla svo íslendigar að treysta bretum og dönum fyrir hagsmunum sínum innan ESB? þar sem við verðum með ígildi tveggja Þingmanna á 500 manna þingi?

Nei takk! nú vitum við að þessar þjóðir eru ekki vinir í raun og við getum engum öðrum þjóðum  treyst fyrir okkar velferð. Höldum okkar sjálfstæði og vinnum okkur útúr þessu!