Yfirgangur LÍÚ

Stór hluti af efnahagsvanda íslensku þjóðarinnar felst í því að sjávarútvegurinn hefur skuldsett sig gríðarlega og mörg fyrirtæki eru löngu komin í kaf þrátt fyrir himinhátt afurðarverð afleiðingin er að afraksturinn fer til erlendra banka og krónan helst lág. Afleiðing kerfisins er minni afrakstur fiskistofna og gríðarlegt brottkast. Hvert mannsbarn sér að þetta sóunarkerfi þarf að afnema en ríkisstjórnin er hikandi. Hún er samt að hugleiða að efna kosningaloforð sitt um 5% innköllun kvótans sem LÍÚ mega ekki heyra minnst á og gera hróp að stjórninni.

Í Færeyjum urðu bankar gjaldþrota fyrir um 10 árum þar var landflótti, lána- og skuldakreppa og hvað gerðu Færeyingar?  Jú þeir afnámu kvótann, ekki á 20 árum  heldur ekki tveimur nei þeir afnámu hann á einni nóttu og þar með allt brottkast. Afleiðingin er sú að færeysk útgerð stendur vel og Færeyingar eru vel aflögufærir og lána Íslendingum stórfé án skilyrða og vaxtalaust.

 

Óvitaskapur í sjávarútvegsráðuneytinu

Hlýr hugur til björgunarsveitarmanna

Ég er afar þakklátur björgunarsveitarfólkinu sem er alltaf tilbúið til að láta til sín taka, í þágu annarra þegar þörf krefur. Þeim fylgja mínar bestu óskir með von um að starf þeirra verði gifturíkt.

Fátæka Ísland fyrst til Haítí

Er forsætisráðherra illa við málsvara Íslands?

Forsætisráðherra hraunar yfir forsetann í laumi:

Forseti Íslands hefur með framgöngu sinni snúið áliti alþjóðasamfélagsins Íslandi í vil og hlýtur að launum illmælgi Hrannars B. Arnarssonar aðstoðarmanns forsætisráðherra, sem bókstaflega hraunar yfir hann á fésabókarsíðu sinni sem er með 1729 áskrifendur.  Skemmst er að minnast þess þegar Jóhanna sleppti Hrannari lausum síðast gegn Evu  Joly fyrir að taka upp hanskann fyrir Ísland.

 Þessi leikþáttur Jóhönnu og Hrannars minnir dálítið á séra Árna Þórarinsson prófast og hinn trygglynda Þórð húskarl hans, sem þekkti í þaula alla lesti þeirra sem prófastinum var í nöp við.

Fésbókarsíðan ekki opinber

Hneykslanleg kvennsemi Krisjáns Hreinssonar!

 

Kvennahylli Kristjáns rómuð er

komast færri en vilja,

í kjörklefana  kvennaher

að krossa og hjarta hans ylja.

 

Kristjáni, heillaskáldi úr Skerjafirðinum er  óskað velfarnaðar í prófkjörsbaráttunni. 

 

Framboð Kristjáns flestir hér
fyrirgefa honum
en dæmalaust hann dáður er
og dýrkaður af konum.

Sækist eftir 4. sæti í forvali VG

Ólína skildi samninginn til hlítar löngu áður en hún sá hann

Ólínu Þorvarðardóttur þykir lítið koma til Alain Lipietz sem tekur málstað Íslands af því að sjónvarpið þýddi starfsstöð sem útibú  og vegna þess að hann hafi setið á þingi í skamman tíma.  Ólína áttar sig ekki á að  Alain hefur verið þekktur hagfræðingur í fjölda ára áður en hann kom á þing. Vandamálið er að almenningur les sig ekki til og því er hægt að hagræða sannleikanum endalaust með verulegum árangri.  Ólína samþykkti Æsseif löngu áður en hún sá samninginn. Það er kannski þess vegna sem hún gerir lítið úr Lipietz.  Samfylkingin hefur líka horn í síðu Evu Joly sbr óviðeigandi ummæli aðstoðarmanns forsætisráðherra í hennar garð.

Margir lögmenn hafa dregið ábyrgð Íslands í efa t.d. Evrópulögfræðingarnir próf Stefá Már,  dr. Elvíra, prof. Sigurður Líndal, Magnús Thoroddsen fyrrv hæstaréttardómari, Ragnar Hall og dr.  Herdís Þorgeirsdóttir.

 Ég efast um að meira en 3% landsmanna hafi lesið þetta og því eiga stjórnmálamenn auðvelt með að segja hvað sem er. 

 

 

Segir misskilnings gæta hjá Lipietz

Fengi Alain Lipietz að ganga í Samfylkinguna?

Alain Lipietz franski þingmaðurinn á Evrópuþinginu, einn þeirra sem kom að því að semja lögin sem Bretar og Hollendingar byggja kröfu sína á sagði í Silfri Egils að enginn lagalegur grundvöllur væri til þess að krefja íslensku þjóðina um greiðslu.  Fyrir Bretum og Holledingum vakti að gera Ísland að efnahagslegri nýlendu til langs tíma.

 

Því stærri sem meirihlutinn verður sem fellir frumvarpið því betri verður samningsstaða Íslands.

Lipietz: Veikur málstaður

Góð tillaga frá Lilju Mósesdóttur til lausnar Icesave

Lilja Mósesdóttir hagfræðingur hefur oft vakið athygli fyrir að koma með frumlegar tillögur.   Sú alvarlega staða sem upp er komin vegna sjálfheldu Æsseifmálsins, kallar á frjóa og frumlega hugsun sem öllum er ekki gefin. 

Eftir frábæra frammistöðu forsetans og Evu Joly hefur skapast nýtt sóknarfæri.  Mér finnst vinstri græn ættu að gefa Lilju svigrúm til að fylgja hugmyndum sínum eftir. 

Það er engu að tapa en allt að vinna.

Vill þýskan sáttasemjara

Skeggið ekki skylt hökunni

Spánverjar, sem sækja stíft að fá sinn sanngjarna skerf af fiskveiðiauðlind Íslendinga hafa nú gert Össuri vini sínum þann greiða að segja að Icesave og væntanleg ESB aðild Íslendinga séu tvö aðskilin mál.

ESB og Icesave aðskilin mál

Frestur á illu bestur

Evrópusambandið hefur nú sent Íslendingum skilaboð: Þjóðaratkvæðagreiðslan getur tafið innlimun Íslands í Kæfubelginn Brussel. Nú er Evrópufylkingin viðþolslaus, hún er meira en fús til að leggja Klafann sem vöggugjöf í hvílu hvílu hvítvoðunga þessa lands.

Einn talsmanna Evrópufylkingarinnar, Þórunn Sveinbjarnardóttir hefur sagt að þjóðaratkvæðagreiðslan sé barátta upp á líf eða dauð milli forsetans og ríkisstjórnarinnar.

Þannig tryggir Evrópufylkingin það að þó þjóðin hafni aðild að ESB núna muni börnin þegar þau vaxa úr grasi neyðast til að greiða með auðlindunum þegar annað verður ekki til að greiða með.

Gordon Brown treystir á flokksbræður sína á Íslandi

 

 

Gæti frestað aðildarviðræðum

Eva Joly reynir að telja kjark í ríkisstjórnina

Ólíkt hafast þau að forsetinn og Eva Joly annars vegar sem tala fyrir málstað Íslendinga og Samfylkingin sem túlkar málstað Breta og Hollendinga og reynir allt hvað hún getur til að koma þjóðinni í Evrópusambandið  þó það kosti að þjóðin verði  leidd þangnn í skuldafjötrunum Icesave.

Einn helsti talsmaður Samfylkingarinnar Þórunn Sveinbjarnardóttir sagði nýlega að  sú aðgerð forsetans að leyfa almenningi að ráða framtíð sinni með því að kjósa um Æsseif þýddi að ríkisstjórnin væri komin í baráttu við forsetann upp á líf eða dauða. Skynsömu fólki líður ekki vel að þessi ísbjarnardrottning sem treyst er fyrir hagsmunum okkar skuli líta á besta talsmann íslenskra hagsmuna á erlendri grundu sem óvin ríkisstjórnar Íslands númer 1. Og aðstoðarmaður forsætisráðherra hefur hnýtt í og sent Evu Joly tóninn fyrir að taka málstað þjóðarinnar.

Íslendingar þurfa kannski vinveittar þjóðir en þeir þurfa samt fyrst og fremst vinveitta ríkisstjórn

 

Joly harðorð í garð Hollendinga