Þetta sögðu bankarnir líka

Ég fæ alltaf einkennilega tilfinningu þegar einhver kveður sér hljóðs á mannfagnaði til að lýsa því yfir í heyranda hljóði að hann eða hún sé heiðarleg manneskja. Reynslan hefur kennt mér að slíku fólki er illa treystandi og ef viðkomandi segist vera strangheiðarlegur tel ég fingurna eftir að hafa heilsað viðkomandi.

Bakkavör hefur sent frá sér yfirlýsingu um "að grunnrekstur félagsins sé sterkur og reksturinn sé arðbær, sjóðsmyndun sterk og félagið njóti góðra tengsla við bæði viðskiptavini og birgja og viðskiptakjör milli aðila séu eðlileg."

Hvað er þá að? 

Bakkavör segir grunnrekstur sterkan

Það á að selja orkuna hæstbjóðanda

Þegar samið var um álverið á Reyðarfirði viku arðsemissjónarmið að einhverju leyti fyrir atvinnusjónarmiðum. En þó verðinu hafi kannski þess vegna verið haldið "leyndu" hefur ýmislegt síast út. Ef álverðið fer niður í rúma 1900 dollara fer Landsvirkjun að tapa á Kárahnjúkavirkjun. Álverðið fór hæst í 3300 dollara en er komið niður í 2100 á þremur mánuðum, þessi þróun má því alls ekki halda áfram  ef ekki á illa að fara. Orkuframleiðslan er í samfélagslegri eigu og það er hagur allra landsmanna að fá sem hæst verð. Þess utan getur ekki verið gott  fyrir Íslendinga að hafa öll eggin í sömu körfunni. Álver á Bakka er sjálfsagt hið besta mál. En hvað ef álverðið lækkar eða nauðsynlegt reynist að loka verksmiðjunni af öðrum orsökum?  Sameiginlegt umhverfismat þýðir að einungis má nota orkuna til álvers og ekki í neitt annað. Hefur einhver reynt að  útskýra þetta fyrir Þórunni Sveinbjarnardóttur?

Fylgjast náið með niðursveiflu

ESB býðst til að skuldsetja Íslendinga í 7 ættliði

Fyrr í dag bárust fréttir af því að leiðtogar ESB vildu styðja Ísland. Fregnin hafði ekki fyrr birst en samfylkingarsinnar þustu út á götur og fögnuðu. Sjálfur bloggaði ég um að hér byggi eitthvað annað og meira undir og hefur það nú komið á daginn. Bretar hafa í krafti hryðjuverkalaga og hótana við íslensk fyrirtæki t.d. Baug reynt að þvinga Íslendinga til að greiða meira en 4.000 milljarða og jafnvel  boðist til að lána íslenska ríkinu fyrir þessum drápsklyfjum á Íslendinga næstu 200 árin. Nú hefur þeim borist mikilvægur liðsauki frá  Brussel sem vill liðka fyrir lánum en krefst þess að "Ísland standi við alþjóðlegar skuldbindingar sínar".  Hvern fjandann þýðir þetta? Bretar stunda grófa fjárkúgun og nota ESB

Ísland standi við alþjóðlegar skuldbindingar

Stuðningur ESB að undirlagi Breta

Bretar eru að spila þann leik sem þeir kunna best. Með því að fá ESB til að lýsa því yfir að "sýna þurfi Íslandi stuðning í baráttunni við fjárhagslegt hrun". Undanfarið hafa þeir leikið þann leik að senda vinaleg bréf og senda diplómata sem sýna af sér fágun og kurteisi meðan stjórnmálamenn þeirra tala í myndavélarnar og senda okkur tóninn jafnframt því sem þeir beita hryðjuverkalögum og leggja á ráðin að knésetja íslenskt fyrirtæki í Bretlandi. Stuðningurinn sem þeir bjóða er að lána Íslendingum svo stjórnmálamenn geti samið við Breta um að borga allar skuldir bankanna og skuldsett komandi kynsóðir.

 Ég vil trauðla trúa því að Samfylkingin vilji draga landið í þá gildru. Sé það svo, mætti ég þá heldur þiggja ráð Davíðs í þessu máli.

ESB-leiðtogar styðja Ísland

Íslandsvinurinn Abramovich kaupi Baug

Sagt er að Abramovich sé í himnasælu þar sem hann er nýbúinn að ná endurkjöri með 97% atkvæða í Tsjúkotka. Nú er gráupplagt fyrir forsetann að hringja í vin sinn Abramovich og fá hann til að gera kjarakaup með því að kaupa Baup á tvöföldu brunaútsöluverði. Þannig gæti forsetinn slegið tvær flugur í einu höggi: Takmarkað tjón Íslenska ríkisins (sem á bankana) og gert vini sínum greiða með því að benda honum á gott viðskiptatækifæri.                          

Abramovich fékk 97% atkvæða

Fagnandi þorskar í fjörugri veislu

Það hlýtur að vera gaman að vera þorskur í Breiðafirði núna, þegar allt er að fyllast af síld skammt utan Stykkishólms. Þorskurinn hefur verið óvenju magur og rýr í Breiðafirðinum sem er ein stærsta hrygningarslóð þorskins hér við land. Þess vegna samgleðjast sjómennirnir þorskunum, jafnframt því sem þeir eru að fylla næturnar af feitri og fallegri síld.

Ekki veitir af að búa til  gjaldeyri núna. 

Á síld innan við Stykkishólm

Guð forði okkur frá Alþjóðagjaldeyrissjóðnum

Þar sem Aljóðagjaldeyrissjóðurinn nær hreðjataki á ríkjum t.d. í Afríku og S-Ameríku setja þeir ýmiss skilyrði en þessi eru algengust:

1. Kröfur um að grunnatriði þjónustu við almenning verði aflögð með öllu

2. Náttúruauðlindir verði SELDAR og það STRAX.

3. Þar sem ekki eru til aurar innanlands, verði að selja útlendum aðilum auðlindirnar. S:S Kananum eða þeim sem þeir hafa velþóknun á.

Rússar og IMF sameinist um lán

Lykillinn að lausn efnahagsvandans

Ríkisstjórnin hefur sýnt mikinn dug í að reyna að komast í öryggisráðið en stendur algjörlega ráðþrota gagnvart efnahagsvandanum. Veðbólga hefur ekki verið hærri í 18 ár og fer vaxandi. Helst er talað um að taka erlent lán fyrir 500 eða jafnvel 1000 milljarða króna til að bjarga bönkunum. Vextir af slíku láni yrðu amk 30 til 40 milljarðar á ári. Vanamálið í hnotskurn er ekki flókið við höfum eytt meiru en aflað hefur verið. Jón Kristjánsson fiskifræðingur hefur bent á einfalda og örugga lausn vandans sem sé sú að fara aftur að veiða þorsk við Íslandsstrendur. Þó við myndum ekki veiða nema helming þess afla sem við veiddum áður en kvótaruglið byrjaði myndi skapa tug milljarða beinharðan gjaldeyri og við  þyrftum ekki að taka nein lán, jafnvel ekki fyrir öryggisráðsóráðsíunni.

 

Sjávaútvegsráðherra getur leyst efnahagsvandann

Einn reyndasti og besti fiskifræðingur landsins Jón Kristjánsson, skrifaði ágæta grein í Fréttablaðið í dag þar sem hann kom með einu haldbæru lausnina út úr efnahagsvandanum.  Hún fólst ekki í því að taka risa lán í útlöndum á lán ofan heldur að auka tekjur. Tillaga hans er sú að einfaldlega sú að fara að veiða þorsk  og kasta kvótakerfinu fyrir róða.  Hann bendir réttilega á að tilraunastarfsemi Hafrannsóknarstofnunar í 30 ár hafi algjörlega  mistekist.  Því sé ráð að reka þjálfarann og leyfa nýjum mönnum að spreyta sig.  Ef farið yrði úr aflamarkinu myndi brottkast hverfa bara sú aðgerð ein myndi hjálpa gríðarlega.

 

 Afnám kvótakerfisins myndi leysa allan efnahagsvanda og gott betur. Það myndi hleypa nýju lífi í landsbyggðina og leysa öll umferðvandamál í höfuðborginni.

Efnahagsstjórnunin fær falleinkunn frá Alþjóðagjaldeyrissjóðnum

Ingibjörg Sólrún er nýkomin frá Sýrlandi en hún hefur gert víðreist  til að afla sér fylgis til að komast í  öryggisráðið sem á hug hennar allan. En hún var  ekki fyrr komin en hún varð fyrir óvæntri truflun. Sendinefnd frá Alþjóðagjaldeyrissjóðnum er komin hingað til lands og kvartar undan því að það litla sem ríkisstjórnin gerir í efnahagsmálum sé að vinna gegn Seðlabankanum.  Formaður sendinefndarinnar Petya Koeva heldur því fram að ríkisstjórnin átti sig ekki á vandanum, meðan Seðlabankinn reyni að ausa skútuna sé ríkisstjórnin að opna botnlokuna. Þannig hafi breytingar á lánum Íbúðalagnasjóðs hvetjandi áhrif meðan hærri stýrivöxtum  Seðlabankans sé ætlað að kæla efnahagslífið.   Það var einmitt síðasta ríkisstjórn sem kom verðbólguskriðunni í gang með 90% lánum Íbúðasjóðs og reyndi að hefta bálið með því að hella á það eldsneyti.   Rétt eins og sendiráðin hefur Seðlabankinn verið hvíldaheimili fyrir afdankaða stjórnmálamenn. Dýralæknirinn sem á að stjórna fjármálunum er alveg hissa og skilur ekkert í þessu. Hann er sagður koma til álita ef Ísland fær sæti í Öryggisráðinu.