Litháinn fær engin útflutningsverðlaun

Þá sólin skíni  jafnt á réttláta  sem rangláta þá er gæðum heimsins misskipt. Þetta fékk Lithái nokkur að reyna þegar hann ætlaði að flytja út þýfi. Honum var stungið í gæsluvarðhald og fær engin útflutningsverðlaun.

Reyndi að flytja þýfi úr landi

Góði fjárhirðirinn Finnur, finnur fé

Finnur Ingólfsson fyrrum ráðherra Framsóknarflokksins og forveri Davíðs í Seðlabankanum hefur verið ákaflega aðsópsmikill fjárhirðir á undanförnum árum. Finni er mikill fjáraflamaður sem sent verður talinn löstur og í Biblíunni eru menn með þá eiginleka a' geta ávaxtað sitt pund kallaðir "góðir hirðar". Einn  núverandi stjórnarþingmanna  taldi það líka til mannkost, ef ég man rétt, að hirða fé án hirðis. Ef til vill er "góði fjárhirðirinn" í sérstöku uppáhaldi hjá þessum þingmanni?  Til að fyrirbyggja misskilning er fjárhirðir ekki maður sé hirðir annarra manna fé, þó hann hirði kannski um það. Orðabók Menningarsjóðs skilgreinir orðið svona: smali, hjarðmaður 2. gjaldkeri, féhirðir. Við óskum Finni innilega til hamingju

Finnur á góðum degi með læriföður sínum.

Milljarðahagnaður á viðskiptum með Icelandair

Útrásarvíkingur með öklaband

Bernard Madoff, bandarískur útrásarvíkingur, einn af virtustu fjármálamönnum New York gengur nú með ökklaband eftir að hafa orðið uppvís að því að svíkja út 6500 milljarða króna. Nokkrir kunnir Íslendingar eru meðal fórnarlamba hans. Þetta er áttföld sú upphæð sem við skuldum í Jöklabréfum en hann er samt ekki nema hálfdrættingur miðað við íslensku bankana. Vel  af sér vikið fyrir mann á áttræðisaldri!

 

 

Bernard Madoff er góðlátlegur útrásarvíkingur

 

Madoff í stofufangelsi

Skatan í Sægreifanum

Ég átti erindi í  Tollinn í gær og rann bókstaflega á lyktina eða réttara sagt ilminn af vel kæstri skötu hjá vini mínum honum Kjartani sægreifa, þar sem hann er að undirbúa fiskverslun hjá veitingastaðnum. Skatan er misjafnlega mikið kæst allt eftir smekk hvers og eins. Sjálfur mæli ég með vel kæstri tindabikkju með kartöflum rúgbrauði og vestfirskum hnoðmör með örlítilli flís af selspiki, sem ég vandist á að borða þegar ég var til sjós fyrir vestan.

Þetta úrvalsfæði fæ ég hvergi nema hjá Kjartani sægreifa, sem ólíkt öðrum sægreifum er kvótabani.

„Ætti að vera orðin vel kæst“

Auðveldara að taka upp bandarískan $ en Evru

Lilja Mósesdóttir tók nýlega saman þær skuldir sem íslenska ríkið lagði á þegna sína að borga að kröfu Evrópusambandsins og reiknaði út að þær næmu um 11 milljónum á hvert mannsbarn og rúmlega helmingi hærri upphæð á hvern vinnandi mann á Íslandi. Dálítið rausnarlegt hjá ríkisstjórninni því þetta er rúmlega meðal íbúðaverð á hverja fjögurra manna fjölskyldu.   Að vísu eru lánin afborgunarlaus í fyrstu þrjú árin svo ríkisstjórnin getur andað léttar í bili.  Hvað um það þá er talsvert mikið fyrir almenning að greiða í ofanálag þessa háum stýrivexti sem hér eru.  Ef við horfum til að skipta um mynt er mun auðveldara að taka upp bandaríkjadal. þar sem stýrivextir eru einungis 0,5% en evru því annars eigum við á hættu að vera þvinguð til að ganga í evrópska tollamúrabandalagið, því þá myndu tollar hækka á fiskafurðir frá Íslandi til Asíu. 

Lilja Mósesdóttir lagði á sínum tíma til að við tækjum Rússalán og slepptum IMF láninu, þessu var ISG ósammála, og því munu ófædd börn og komandi kynslóðir þurfa að athafna sig í skuldahlekkjum eða flytja af landi brott.

Vextir 0-0,25% í Bandaríkjunum

Að selja allar jólagjafirnar í janúar

Hillary Clinton hafði vel uppúr því að þiggja gjafir sem forsetafrú, því hún seldi þær allar jafnharðan aftur. Þannig var það t.d. með gjöfina sem forseti Íslands gaf henni þó hann hafi valið hana af kostgæfni. Ekki skrítið að hún vilji  nú verða utanríkisráðherra. Skyldi hún selja  jólagjafirnar sínar óopnaðar í janúar?

Gjöfin til Hillary fór á 115 þúsund

Marklaus Evrópunefnd

Þorgerður Katrín varaformaður Sjálfstæðisflokksins hefur sagt að Íslendingar hafi ekkert val, þeir verði að ganga í Evrópusambandið.  Samfylkingin hefur sett Sjálfstæðisflokknum skilyrði um að þeir verði að fallast á aðild að ESB. Sjálfstæðisflokkurinn hefur ákveðið að láta ríkisstjórnina halda eins lengi og þeir geta helst út kjörtímabilið.  Niðurstaðan liggur fyrir: Einn kostur ekkert val.  Til hvers er þá verið að skipa Evrópunefnd, fyrst þetta er málamyndatilbúningur?  Svarið liggur í augum uppi: Þetta er lýtaaðgerð af svipuðum toga og almannatengslaráðgjöfin sem kostar hundruð milljóna. Hvað munar um einn kepp í sláturtíðinni?

350 milljónir í ráðgjöf og almannatengsl

Hana langar greinilega á fleiri handboltaleiki

 Þorgerður Katrín er augljóslega til í að gera allt til að halda völdum, fyrst hún er tilbúin til að fórna sjávarauðlindinni, okkar eina möguleika til að komast  út úr skuldafeninu, til þess eins að halda í stjórnarsamstarfið við Samfylkinguna. Sjávarútvegurinn er eina máttarstoðin sem efnahagur okkar stendur á eftir að álverð lækkaði niður í 1500$ fyrir tonnið, þó það eigi eftir að koma upp.

Sveiattann!

Það er nú heldur aumt hjá ábyrgðarlausum stjórnmálamönnum að kenna krónunni óábyrga efnahagsstjórn. 

Ekkert annað hægt en sækja um aðild

Hver verður þróun álverðs? Sennileg hækkun í febrúar

Ein og sjá má á meðfylgjandi töflum hér hefur álverð hríðlækkað undanfarna 6 mánuði og með ógnarhraða síðustu tvo mánuð, og er nú komið undir 1500$ tonnið, Og þó verð eigi að vera viðskiptaleyndarmál er alveg ljóst að Landsvirkjun er byrjuð að borga með Kárahnjúkavirkjun miðað við óbreytt álverð. Ný álaver hafa verið byggð í Kasakstan, Indlandi og Kína en undanfarna mánuði hafa mörg álver dregið úr framleiðslu og önnur, einkum Kanada og Bandaríkjunum, eru að loka í ársbyrjun 2009. Áhrif þessara lokana ættu að koma fram í verðlagið í febrúar á næsta ári

Hætt við stækkun í Straumsvík

Mun Garrí Kasparov bjarga Íslandi?

Ég hef mikla trú á Garrí Kasparov og verkefni hans til að koma á umbótum í Rússlandi. En það verkefni er svo viðamikið að ég held við ættum að bjóða honum að koma til Islands og taka létta æfingu fyrst með því að koma lag á hlutina hér á Íslandi. Garrí gæti örugglega lært eitt og annað af því sem myndi nýtast síðar við að koma á lýðræðisumbótum í Rússlandi. Við þurfum að eignast kröftugt stjórnmálaafl, sem vinnur með fólkinu og  í þágu fólksins en ekki sérhagsmuna spillingarafla sem sitja á svikráðum við almenning. Við þörfum að nýta auðlindir okkar betur einkum fiskimiðin en til þess þurfum við að afnema kvótakerfið og alla þá sóum sem því fylgir. Við þurfum að efla virðingu fyrir  þjóðlegri arfleið okkar menningu í besta skilningi þess orðs. Við stöndum nú í brunarústunum og leitum með priki eftir einhverju nýtilegu, þó hálfbrunnið sé. Örsaka brunans má reka til tryllts dans í kring um Gullkálfinn sem ráðamenn þjóðarinnar ýmist klöppuðu eða slógu takt fyrir hamlausa dansara sem sumir fóru í trans en eru nú allir dasaðir.  Einstaka spilafíklar úr stjórnmálastétt spyrja hvort ekki sé til eitthvað meira sem hægt er að veðsetja? Enn aðrir vilja fara í ESB og selja fiskimiðin fyrir evru. Kannski hefur þetta tilgang eftir allt saman?

Kasparov stofnar Samstöðu