Íslenskur þjóðkirkjuprestur fyrir aðkasti vegna trúleysis á jólasveina

Það er ekki bara á Ítalíu sem prestar hafa lent í vandræðum vegna trúleysis á jólasveina. Séra Flóki Kristinsson hefur margsinnis lent í útistöðum við safnaðarbörn sín, þar sem hann er haldinn þeirri áráttu að prédika gegn jólasveinum. Það hefur oft verið amast við þessari undarlegu hegðun  bæði meðan hann var í Langholtskirkju og í Borgarfirðinum. Þetta fullkomlega óverðskuldað enda eru jólasveinar gleðigjafar barnanna og hafa algjörlega látið það eiga sig að amast við nokkrum og síst af öllu þjóðkirkjunni.

En auðvitað er þetta kjánaleg afbrýðisemi þar sem jólasveinar eru eftirsóttari en prestar á jólatréskemmtanir,

Heiðarlegur prestur „eyðilagði jólin fyrir börnunum“

Gleðileg jól

Á jólunum minnast heiðnir menn braúðkaups Gerðar Gymnisdóttur (myrkrið) og Freys Njarðassonar (sólin), heinnar eilífu hringrásar og kritnir menn minnast fæðingar Frelsarans frá Nasaret. Hvoru tveggja er óður til lífsins. Hvað um það þá er jólasteikin í ofninum,  pakkarnir undir skreyttu jólatréinu og ég er kominn í hátíðarskap eins og alltaf á þessum tíma þegar fjölskylda og ástvinir njóta þess að vera saman.

Ég sendi  öllum bloggvinum mínum nær og fjær innilegar óskir um gleðileg jól!

Dýralæknir nokkur rannsakaði garnir úr veturgömlum sauð

og við lauslega skoðun garnanna virtist sem kreppan yrði dýpst árið 2009. En það er mikið vandaverk að lesa í garnir, einkum sauðagarnir.  Öldruð kona sagði mér að ef vel ætti að vera þyrfti að fletta görnunum og skoða þær að innanverðu. væri það gert kæmi í ljós að lánin eru afborganalaus næstu þrjú árin (fram yfir ætlað kjörtímabil) og ennfremur sæist að við þurfum að borga vexti strax árið 2011.  Þetta yfirsást dýralækninum, sem á sér fullkomlega eðlilega skýringu, Enda sjást þessu atriði naumast í þeim hluta garnanna sem dýralæknirinn skoðaði. Vandi ríkisstjórnarinnar felst m.a. í því að þar á bæ kann enginn að lesa í garnir svo vel sé, ekki einu sinni dýralæknirinn. Þess vegna lagði minnihluti fjárlaganefndar það til að fluttur yrði inn grænlenskur dýralæknir

Samfélagslegt sorp

Síðastliðinn föstudag héldum við í hverfisráði Breiðholts síðasta fund fyrir jól og fengum góða gesti, því  auk hefðbundinna mála veittum við starfsmönnum sorphirðunnar í Breiðholti viðurkenningu og dálita umbun fyrir samviskusamlega unnin störf í þágu umhverfismála.

 

 Af þessu tilefni bauð hinn vaski formaður okkar Brynjar Fransson (sem stendur á efstu myndinni) gesti okkar velkomna með þessum orðum:    "Ágætu gestir, fyrir hönd hverfisráðs Breiðholts er mér sönn ánægja að bjóða ykkur innilega velkomin til að  taka á móti viðurkenningu fyrir vel unnin störf, sem við erum öll þakklát fyrir. Nú háttar svo til að það er mikið rusl í þjóðfélaginu, flestir finna það á buddunni, enn aðrir finna það á skrokknum og siðast en ekki síst sálinni. Hreinsunarstarfið er hafið, en ég hef enga trú á að það hreinsunarstarf verði unnið af jafn mikilli kostgæfni og þið vinnið ykkar starf. En ef svo verður heiti ég því að  þeir sem að því verki koma munu fá samskonar verðlaun og þið. "

Gerður var góður rómur að þessari snjöllu ræðu og að henni lokinni fengu menn sér hressingu og ræddu um sorphirðu og fleiri þjóðþrifaverk.

 

   Sjá nánar hér

Gísli Marteinn afhjúpar leyndarmál:

 Gísli Marteinn hefur nú afhjúpað af hverju hann þáði laun þó hann væri ekki búsettur á landinu. Hann og Hanna Birna óttuðust að ef hann færi af launaskrá, teldi fólk að fleygur væri á milli þeirra sjá tilvitnun úr heimasíðu Gísla:

 "Það er til marks um breytta tíma í þjóðmálunum að þegar ég komst inn í Edinborgarháskóla og sagði Hönnu Birnu Kristjánsdóttur og öðrum félögum mínum frá því, voru áhyggjur okkar þær að námið mitt myndi koma út einsog flótti væri brostinn í borgarstjórnarflokkinn. Ég segi einsog stundum er sagt: Ef aðeins það væru áhyggjur okkar núna. En eftir það sem á undan var gengið í borgarmálunum, vildum við ekki að fólk héldi að einhver fleygur væri í samstarfi okkar Hönnu Birnu og borgarstjórnarflokknum héldist ekki á sínu fólki. Okkur fannst því betra að ég myndi vera áfram einn af borgarfulltrúum okkar."

Þetta kemur samt of seint hjá Gísla

Himasíða Gísla Marteins

Gísli Marteinn tekur sér launalaust leyfi

Nú er í tísku að krefjast launalækkunar

Nú er greinilega að komast í tísku að krefjast þess að fá lægri laun. fyrstur var einn bankastjórana, þá komu þingmenn, ráðherrar og nú forsetinn. Vonandi, fyrir okkur skattgreiðendur verður þess skammt að bíða að æðstu embættismenn muni keppast við að hafa lægstu launin á sínum vinnustað?  Á almennum markaði hafa fjöldi manna ýmist beðið um eða samþykkt launalækkun til að halda vinnunni. Ég ég myndi samt ekki endurráða sömu ríkisstjórn þó hún byðist til að halda áfram í sjálfboðavinnu.

 

Ólafur Ragnar fer fram á launalækkun

Enginn niðurskurður í Afganistan

Það er enginn niðurskurður hjá íslenska ríkinu í Afganistan. Fyrr á árinu fór Ingibjörg til Afganistan, til að kynna sér landlægar og aldagamlar ættflokkadeilur þarlendra. Þá ákvað hún að auka þátttöku Íslands hernaðinum og sagði meðal annars:   „Þetta er gríðarlega öflugt, hæft og vel menntað fólk sem ég hitti hér í kvöld. Við getum verið mjög stolt af Íslendingum sem eru að starfa hérna, því þetta er kraftmikið og kjarkmikið fólk.“

 

 

 

 

 

 

 

 

 

 

 

 

Þessir afgönsku lögreglumenn höfðu að sögn aldrei heyrt um öryggisráðið en vildu samt styðja Ísland í það.

Fleiri bandarískir hermenn sendir til Afganistan

Ríkisstjórnin byrjuð að narta í útsæðið

Núna þegar ríkisstjórnin  er búin að samþykkja kröfu Evrópusambandsins um að skuldsetja allra framtíð  ófæddra barna á Íslandi þarf að skera niður, um það er ekki deilt, raunar  hefði mátt spara mun meira. Það er þó algerlega fráleitt að loka dyrunum á unga fólkið sem vill komast til náms. Þetta er óskynsamleg og algerlega röng forgangsröðun hjá útrásar-stjórnmálamönnum sem hafa í meira en eitt ár verið með allan hugann við öryggisráðið.

Ekki hægt að taka inn nýnema

Það er eitthvað geðugt við Jóhannes í Bónus.

Það er eitthvað geðugt við Jóhannes í Bónus, hann er alþýðlegur maður sem hefur alltaf nennt að vinna. Velgengni sína í verslun á hann meðal annars að þakka góðu starfsfólki, sem hann umgengst sem fremstur meðal jafningja.  Fyrir fáum árum var verið að selja ávexti um allan bæ á svipuðu verði og plastpokinn sem þeir fylltu. Þá gengu starfsmenn samkeppniáseftirlitsins brosandi út úr búðum með jafn fullar körfur og hinir.  Núna er Bónus sektaður fyrir að selja ódýra mjólk. Reglur þurfa að vera skýrar og beiting þeirra má ekki vera handahófskennd.  Getur verið að þetta harða viðbragð yfirvalda  núna gegn Bónus sé tekið undir áhrifum bankakreppunnar?

„Dapurleg jólagjöf“

Fá kvótahafar niðurfelldar skuldir?

Flestir hagfræðingar eru sammála um að upphaf ófara Íslands liggi í setningu kvótakerfisins og því að kvótaþegar fóru að veðsetja sameign íslensku þjóðarinnar, óveiddan fisk í hafi. Því þykir mörgum skrítið að forsvarsmenn þeirra fari fram á niðurfellingu skulda. "Friðrik J. Arngrímsson, framkvæmdastjóri Landssambands útgerðarmanna, segir forsvarsmenn margra sjávarútvegsfyrirtækja telja nauðsynlegt að ná samkomulagi um uppgjör samninga." Mikil gengisfelling krónunnar hafi komið mörgum í vandræði segir hann.

Staðið verði við kröfur