Grunn umfjöllun RUV um ESB

Nokkur aðildarríki ESB hyggja gott til glóðarinnar að fá  Ísland á hnjánum inn í bandalagið og fá auðlindir hafsins sem töpuðust þeim í þorskastríðum nú á silfurfati. Hérlendis hafa handlangarar þeirra, fjölmiðlarnir,  verið sporléttir við að fegra fyrirheitna landið.

Undanfarið hefur RUV verið með svokallaða umfjöllun sem er vægast sagt ótrúlega grunn. Kallaður hefur verið til ESB-sinni og dubbaður upp sem álitsgjafi. Hann hefur ranglega haldið því fram að engin hætta  sé á að við þurfum að deila fiskistofnunum hérlendis með öðrum löndum. Með þessu er álitsgjafinn að  setja undir sama hatt grunnlög sambandsins og tímabundnar reglugerðir sem auðvelt er að breyta.

Núna kemur þessi sami undarlegi álitsgjafi og heldur því fram að matvælaverð muni stórlega lækka hérlendis einungis við að landið gangi í ESB.

Við erum nú þegar í tollabandalagi með ESB í gegn um EES þannig að almenna reglan er að það eru engir tollar á vörur frá ESB. Varðandi sumar landbúnaðarvörur þá eru takmarkanir í formi kvóta og heilbrigðisreglna.

Hvernig getur RUV haldið því fram að vöruverð lækki? Þvert á móti mun vöruverð hækka vegna þess að tolla- og fríverslunarsamningar okkar t.d. við Asíulönd munu falla úr gildi.  ESB aðild mun líka hækka tolla á fiski frá okkur t.d. til Kína og Kóreu.

Ekki víst að ESB setji hvalveiðar fyrir sig

Verjum Ísland

Fáum dylst að  framundan er brimsjór í efnahagslegu tilliti, mistök núna geta orðið komandi kynslóðum dýrkeypt. Þó sagnfræðin skipti máli þá er það framtíðin og þær ákvarðanir sem teknar eru núna og á næstu vikum sem geta skipt framtíð barna okkar og þjóðarinnar öllu máli. Þessu stöndum við frammi fyrir sama í hvaða flokki veið erum eða vorum. Þó Geir og Solla hafi ekki verið jarðtengd og Árni Matt hafi skrifað eitthvað óábyrgt rugl á minnisblað leysir það ekki núverandi og tilvonandi stjórnendur frá því að hugsa sjálfstætt og af ábyrgð.  Það getur til dæmis ekki réttlætt að ráðamenn undirriti skuldbindingar sem allir sjá að þjóðin getur aldrei risið undir.  Þjóðin hefur einfaldlega ekki efni á að leiðtogar hennar hugsi þetta út frá flokkshagsmunum. Núna verða ALLIR að leggja sitt besta fram.

Verjum Ísland!

Hætt við öll útboð í vegagerð

Eva Joly sérstakur heiðursgestur á Nasa.

Eva Joly er elskuð og dáð af íslensku þjóðinni. Hún sækir styrk sinn og umboð til þjóðarinnar sem treystir hvorki embættismönnum né stjórnmálamönnum til að fást við spillinguna, einkum og sérílagi þeim síðarnefndu. Eva er skarpgreind heimskona sem lætur sér fátt um finnast þó einstaka varðhundur spillingarinnar reyni að gelta að henni, eða þegar einhver "stjörnulögfræðingurinn" urrar að henni í von um að bein eða fitubiti hrökkvi af borði einhvers útrásarvíkingsins.

Eva Joly heiðursgestur á Nasa

Hvalkjötið í að borga Icesave?

Sjávarspendýr innbyrða u.þ.b. 20 sinnum meira en við veiðum og því eru hvalveiðar nauðsynlegur þáttur í sjálfbærri nýtingu sjávarauðlindarinnar, matarkistu Íslendinga.  Hvalveiðarnar skapa störf, kjötið er hollt og gott og síðast en ekki síst eru þær gjaldeyrisskapandi. Hvalur 9 gerði góða ferð og kom með tvö væn dýr í morgun og ég óska sjómönnunum og útgerðinni til hamingju. En mér fannst hálfgerð ólund í sjávarútvegsráðherranum í gærkvöldi. Vantar hann ekki gjaldeyri fyrir Icesave víxlinum sem hann ætlar að samþykkja fyrir hönd íslensku þjóðarinnar?

Fyrstu langreyðarnar í land

Grein 16:3 Icesave : Afsal eigna, griðhelgi og fullveldis Íslands

Eftirfarandi er þýðing fyrrum forseta Hæstaréttar Íslands,  Magnúsar Thoroddsen hrl.,  á  grein 16.3 Icesave samningsins við Hollendinga: 

 „ Afsal á griðhelgi fullveldis

Bæði Tryggingasjóðurinn og Ísland samþykkja algerlega hvers konar málsókn gegn sér í sambandi við hvaða deiluefni, sem upp kunna að koma og hvers konar annað réttarúrræði gegn sér, þar á meðal aðför eða fjárnám,  í hvaða eignum eða réttindum ( án tillits til hvaða nota þau eru ætluð) samkvæmt hvers konar úrskurði eða dómi.

Ef  Tryggingasjóðurinn eða Ísland, eða hvers konar eigur eða réttindi þeirra,  eiga rétt á griðhelgi í einhverri lögsögu frá málshöfðun eða birtingu annarra skjala í tengslum við hvaða deilu sem er, eða eiga rétt á hvers konar annarri griðhelgi frá lögsögu, lögsókn, dómi, fjárnámi, kyrrsetningu  ( þótt það sé  áður en dómur gengur til þess að tryggja aðför eða annað réttarúrræði)  eða annars konar lögsókn, þá er hér með óafturkallanlega fallið frá griðhelgi á eins algeran hátt og lög viðkomandi lögsögu leyfa.

Bæði Tryggingasjóðurinn og Ísland lýsa því einnig óafturkallanlega yfir, að þau samþykki, að gera ekki kröfu um griðhelgi sjálfum sér til handa eða vegna eigna eða réttinda hvors um sig.“

 

Icesave-samningar birtir í dag

Ríkisstjórnin lyppast niður fyrir Bretum

 Upp skal boðið Ísland!

Svavar Gestsson lýsti því að afar góður andi hafi ríkt á fundum um Icesave og engar hótanir hafi verið uppi. Nú þegar starfsmenn utanríkisþjónustunnar eru búnir að skála fyrir samningum um Icesave þá tekur alvaran við. Nú þarf að sannfæra Íslendinga um ágæti þessa samnings. Þá er kallaður til nýjasti sendiherranna og fyrrum aðstoðarmaður Ingibjargar Sólrúnar Gísladóttur, Kristín Heimisdóttir, sem þekkir ekki til þorskastríðanna og kallar þessa  deilu "hörðustu milliríkjadeilu Íslandssögunnar!  Ég tók sjálfur þátt í tveimur þeirra og fullyrði að með þessum hugsunarhætti hefði enginn sigur unnist í landhelgisdeilum okkar.  Ríkisstjórnin sem er með allan hugann við ESB lyppaðist niður og kallaði til utanríkisþjónustuna sem gerði það sem hún kann best og dró fram kampavínsglösin.

Milliríkjadeilunni var breytt í einkamál sem má útkljá fyrir breskum dómstól sem getur gengið að öllum eigum ríkisins. Mig langar að benda á skilmerkilega grein um þetta eftir Ívar Pálsson.

 

 

Harðasta milliríkjadeilan

Bjölluundirleikur

Sigumundur lét einleik Ástu Ragnheiðar forseta alþingis á bjöllu trufla sig og slá sig út af laginu meðan hann var í ræðustól.  Sigmundur verður að æfa þetta atriði betur því svona bjölluundirleikur getur í raun dregið fram helstu áherslur í máli ræðumanns.

Óásættanleg framkoma forsetans

Hækkað tryggingargjald = hækkað atvinnuleysi.

Nú er farið að kvisast út hverjar ráðstafanir ríkisstjórnarinnar verða. Það fer eins og marga grunaði. það á að skattleggja kreppuna. Tryggingagjald verður stórhækkað til að mæta aukinni þörf atvinnuleysistryggingasjóðs og ábyrgðasjóðs launa. Tryggingargjald er gjald sem fyrirtæki borga fyrir að hafa fólk í vinnu en það er afraksturinn er jafnframt notaður til að greiða atvinnuleysisbætur. Illa stæð fyrirtæki eiga því engra annara kosta völ en að segja upp fólki. Fer þetta því að minna á bóndann sem skar skottið af hungruðum hundi sínum til að gefa honum að éta. 

Ráð ríkisstjórnarinnar er: Að skattleggja kreppuna í burtu!

 

Skattahækkanir úr ríkisstjórn

Gunnar Birgisson er öflugur og vinsæll

Gunnar Birgisson nýtur víðtæks stuðnings og er óumdeilanlega einn vinsælast foringi sjálfstæðismanna.  Menn sjá í honum leiðtoga sem getur tekið ákvarðanir og margir þakka einmitt honum hve gott er að búa í Kópavogi.  Ýmsir stuðningsmenn ríkisstjórnarinnar hafa óskað sér þess að hún (ríkisstjórnin) hefði á að skipa leiðtoga sem gæti tekið ákvarðanir en á það hefur skort.  Þessi staðreynd hefur leitt til öfundar og ólundar þannig að þyrlað hefur verið upp moldviðri um "dótturfélög" Kópavogsbæjar.

Falið að ræða við Framsókn

Landsbankinn er hættur starfsemi!

Nú hafa bresk stjórnvöld góðfúslega tekið Landsbankann af skrá yfir hættuleg hryðjuverkasamtök.  "Tak skal De ha"  Vita þau ekki að Landsbankinn er löngu hættur starfsemi og fyrrum eigendur hafa misst forræði yfir búinu? Til hvers að vera með þrotabú á lista yfir hryðjuverkasamtök?  Vilja þeir ekki frekar setja fyrrum stjornendur bankans á slíkan lista?  

En hverslags lista á að setja stjórnvöld sem ætla að skudsetja komandi kynslóðir þannig að þær fái ekki við það ráðið?

 

Landsbanki ekki lengur á lista