Fer Árni M. Matthisen í Öryggisráðið? --Aukin harka í kosningabaráttunni

Það færist sífellt meiri þungi í kosningabaráttuna um sætin tvö í öryggisráðuneytinu sem Ísland keppir um við Austurríki og Tyrkland. Hjá utanríkisþjónustunni er valin maður í hverju rúmi og allir leggjast allir á eitt undir styrkri forystu Kristínar A. Árnadóttur. Ingibjörg Sólrún tók við góðu búi af Halldóri Ásgrímssyni, sem stofnað hafði til stjórnmálasambands við fjölda ríkja og auka þannig líkur á kjöri. Má þar nefna Miðbausgíneu, en þar ríkir Teodoro Neguma,  sem telur sig vera Guð og étur kynfæri andstæðinga sinna. Ingibjörg hefur líka staðið sig frábærlega og nú síðast kom hún úr frækinni för til Afganistan og jafnvel er talið mögulegt að Afganistan muni styðja framboð Íslands. Menn eru orðnir svo bjartsýnir að þeir eru í fullri alvöru að gæla við hugmyndina um að Ísland nái kosningu og hvaða stjórnmálamaður hreppi hnossið. Í því sambandi hefur jafnvel verið um Árna Matt, sem verður sífellt óvinsælli og ljóst er að finna verður nýtt starf fyrir hann.

Teodoro Nguema einræðisherra mun styðja Ísland

Athugasemdir

[Jens Guð, 29.3.2008 kl. 00:58]

  Ég vil að við gefum Árna Matt tilfinningarlegt svigrúm og tíma.  Hann er búinn að mála sig út í horn með hroka,  bulli og málflutningi sem einkennir einræðisherra í Afríku og Asíu.  Honum er ekki sjálfrátt undir þeirri pressu sem hann er frá fólki sem aðhyllist vestrænt lýðræði.  Hann þarf tíma og svigrúm til að ná áttum og ná tökum á yfirvegaðri hugsun.  Gefum honum næði til þess.