Gleðilega páska!

 

 

Í gær fóru börn á öllum aldri um holt og móa að leita páskaeggja. Í dag brjóta börnin eggin sín og lesa málshætti. Páskalambið er borið fram með Ora grænum baunum og brúnuðum kartöflum og fjölskyldan hreiðrar um sig í stofunni og hlustar á messu sama hverrar trúar menn eru. Þá reikar hugurinn til Pílatusar, sem var heiðingi eins og ég en var þvingaður til að láta krossfesta Krist.  Skyldi hann hafa valið páskana í von um lýðurinn veldi Krist í stað Barrabasar? Spyr sá sem ekki veit.  Ég sendi kristnum vinum mínum og fjölskyldu bestu óskir um gleðilega páska.

 

Guðspjall Mrk 16.1-7        (sumir álíta að þarna sé að finna þungamiðju kristninnar)

Þá er hvíldardagurinn var liðinn keyptu þær María Magdalena, María móðir Jakobs og Salóme ilmsmyrsl til að fara og smyrja hann. Og mjög árla hinn fyrsta dag vikunnar, um sólarupprás, koma þær að gröfinni. Þær sögðu sín á milli: „Hver mun velta fyrir okkur steininum frá grafarmunnanum?“ En þegar þær líta upp sjá þær að steininum hafði verið velt frá en hann var mjög stór. Þær stíga inn í gröfina og sjá ungan mann sitja hægra megin, klæddan hvítri skikkju, og þær skelfdust.
En hann sagði við þær: „Skelfist eigi. Þér leitið að Jesú frá Nasaret, hinum krossfesta. Hann er upp risinn, hann er ekki hér. Sjáið þarna staðinn þar sem þeir lögðu hann. En farið og segið lærisveinum hans og Pétri: Hann fer á undan yður til Galíleu. Þar munuð þér sjá hann eins og hann sagði yður.“

„Upprisan tákn gleði og vonar"

Athugasemdir

[Ásdís Sigurðardóttir, 23.3.2008 kl. 14:05]

Takk fyrir fallega kveðju   Innilega gleðilega páska til þín og þinna.

[Guðmundur Jónas Kristjánsson, 23.3.2008 kl. 14:12]

Gleðilega páska til þín Sigurður og þinna.... 

[Sturla Snorrason, 23.3.2008 kl. 18:05]

Takk fyrir að kíkja á bloggið mitt og gleðilaga páska.

[Sigurður Þórðarson, 24.3.2008 kl. 16:17]

Sæl Ásdís, Guðmundur, Sturla og minn gamli góð skipsfélagi Tryggvi, þakka ykkur innlitin og góðar kveðjur. Mér fannst fara vel á því að heiðinginn ég, væri með guðspjall dagsins.