Úr 5 í 9% Borgarstjórnin hefur verk að vinna

Aðeins 9% borgarbúa bera traust til borgarstjórnarinnar af þeim sem tóku þátt í skoðanakönnun Gallup en í upphafi síðustu valdaskipta mældist traustið einungis 5%.  Ekki er tekið fram hvort átt er við meiri- eða minnihluta borgarstjórnar.

Ljóst er að borgarfulltrúar eiga verk að vinna að endurheimta traust borgarbúa. Eini borgarfulltrúinn sem blandaðist ekki með einhverjum hætti í REI klúðrið var Ólafur F. Magnússon enda var hann í veikindaleyfi á þeim tíma. 

Hann hefur einsett sér að vinna traust borgarbúa með því að láta gott af sér leiða og verkin tala.  Ég treysti honum til þess.

 

Aðeins 9% treysta borgarstjórn

Athugasemdir

[Ásthildur Cesil Þórðardóttir, 29.2.2008 kl. 23:36]

Þetta er snúin staða, en vonandi allra vegna tekst Ólafi það. 

[Halla Rut , 29.2.2008 kl. 23:37]

Gaman að þú sért ánægður með þetta.

[Sigurður Þórðarson, 29.2.2008 kl. 23:46]

Halla, ég er langt því frá að vera ánægður en við sjáum hvað setur.

Ásthildur, Ólafur tók við erfiðu búi, Margrét gerði það sem hún kann best að brenna allt á undanhaldinu.  En hann heldur sig við kosningastefnuskránna og ætlar að leggja sig allan fram.  Við sjáum hverju fram vindur. 

[Óskar Arnórsson, 1.3.2008 kl. 15:07]

Mér líst alveg stórvel á þennann Borgarstjóra Siggi! Ef verkin verða eins og hann talar, er þá eitthvað að? Í hvaða stjórnmálaflokki er hann? Hef enga hugmynd sjáfur, en þú kannt nú þessa hluti betur en ég..

[Briet (IP-tala skráð) 1.3.2008 kl. 17:58]

Siggi, ég hélt að þú værir í Frjálslynda flokknum en Ólafur í Íslandshreyfingunni. En kannski er ég að misskilja eitthvað. Treystir þú Ástu Þorleifs og Jakobi Frímanni jafn vel ?

Könnunin með 5% gekk út á traust til borgarstjóra en þessi út á borgarstjórn, þannig að það er ekki saman að jafna. Kannski er traust til borgarstjóra bara 2%. 

[Rósa Aðalsteinsdóttir, 1.3.2008 kl. 20:50]

Sæl öll. Ég treysti Ólafi. Hann var víðsfjarri þegar Rei málið var og hét. Heyrði í honum í hádeginu í útvarpinu og fannst mér hann standa sig mjög vel og hann vill leggja sig fram að ná trausti borgarbúa á ný og er það mikið verkefni miðað við öll ósköpin sem hafa gengið á.

[Sigurður Þórðarson, 1.3.2008 kl. 23:05]

Sæll Mannsi,  (fyrirgefðu ég hef aldrei getað lært að kalla þig Óskar) eftir því sem ég veit best er hann utan flokka, umhverfisverndarsinni sem styður hugmyndir frjálslyndra í fiskveiðimálum. Þeir sem þekkja hann best lýsa honum sem alvörugefnum og jafnvel feimnum en mjög vinnu- og samviskusömum.                         Bríet,  það er alveg rétt að ég er í Frjálslynda flokknum og þess vegna er ég ánægður með að stefnuskrá meirihlutans er að 80% eins og kosningastefnuskrá FF. Ég ætla ekki að dæma fólk, sem þú nefnir, sem ég þekki ekki og hef jafnvel aldrei séð. Og Ólaf sem ég þekki til þarf ég sem betur fer ekki að dama af skoðanakönnun í upphafi tímabils.  En það er þó betra að koma illa út í upphafi en þegar hægt er að dæma verkin.                                                                            Rósa, gott að sjá þig hérna og þakka þér fyrir innleggið. Þú ert svo vígaleg þar sem þú stendur í brynjunni en jafnframt svo réttsýn. Ég vona að ég móðgi þig ekki, sannkristna konuna, þó ég segi að  þú minnir mig ásatrúarmanninn á sjálfa  réttlætisgyðjuna.

[Rósa Aðalsteinsdóttir, 2.3.2008 kl. 00:05]

Siggi minn. Nei ég er glöð að geta glatt þig. Á ég að fara milliveginn og fara með myndina til vinar míns og láta setja andlitið mitt inn í  þessa flottu umgjörð? Þá getur Guðsteinn verið sáttur líka og ég hef ykkur þá báða góða.  Ég var inná blogginu hjá Jóni Val og innleggin frá okkur komu á sama tíma. Munaði sekúndubroti að ég var á undan með mitt innlegg. Frjálslyndarfriðarkveðjur