Tími Jóhönnu er liðinn

 Erlent ríki krefst þess að Íslendingar borgi skaðabætur sem eru mun hærri en þjóðin fær risið undir og fyrir liggja samningsdrög þar sem Ísland afsalar sér málskotsrétti og griðum

 Land sem hefur forsætisráðherra sem heldur ekki fram málstað landsins, heldur tönglast í sífellu á málstað gagnaðilans getur ekki vænst stuðnings erlendis.

Öll lögfræðiálitin frá allra færustu sérfæðingum þessa lands. Dr. Elvíra, Prof Stefán Már, Dr. Herdís Þorvaldsdóttir, Próf Sigurður Líndal bara svo einhver nöfn séu nefnd af þeim mikla fjölda lögmanna auk núverandi og fyrrverandi hæstaréttardómara hníga að því að Íslendingar sem þjóð eigi ekki að sæta ábyrgð fyrir afglöp útrásarvíkingana. 

 Gegn þessu stendur eitt keypt minnisblað frá manni sem stendur ekki með tærnar þar sem hinir hafa hælana. 

 

 

 

 

Hagstæð ákvæði Icesave

Ríkisstjórnin lyppast niður fyrir Bretum

 Upp skal boðið Ísland!

Svavar Gestsson lýsti því að afar góður andi hafi ríkt á fundum um Icesave og engar hótanir hafi verið uppi. Nú þegar starfsmenn utanríkisþjónustunnar eru búnir að skála fyrir samningum um Icesave þá tekur alvaran við. Nú þarf að sannfæra Íslendinga um ágæti þessa samnings. Þá er kallaður til nýjasti sendiherranna og fyrrum aðstoðarmaður Ingibjargar Sólrúnar Gísladóttur, Kristín Heimisdóttir, sem þekkir ekki til þorskastríðanna og kallar þessa  deilu "hörðustu milliríkjadeilu Íslandssögunnar!  Ég tók sjálfur þátt í tveimur þeirra og fullyrði að með þessum hugsunarhætti hefði enginn sigur unnist í landhelgisdeilum okkar.  Ríkisstjórnin sem er með allan hugann við ESB lyppaðist niður og kallaði til utanríkisþjónustuna sem gerði það sem hún kann best og dró fram kampavínsglösin.

Milliríkjadeilunni var breytt í einkamál sem má útkljá fyrir breskum dómstól sem getur gengið að öllum eigum ríkisins. Mig langar að benda á skilmerkilega grein um þetta eftir Ívar Pálsson.

 

 

Harðasta milliríkjadeilan

Samfylkingin kemur Íslendingum í samevrópskt skuldafangelsi

Nú sannast hið fornkveðna að lengi getur vont versnað. Hún var svo sem ekki gæfuleg stjórnin sem eikavinavæddi bankana eða og leyfði handhöfum fiskveiðiheimildanna að veðsetja þær í útlöndum. Og ekki var hún betri sem lofsöng bankana um mitt árið 2008 og leyfði útrásarvíkingum, sem kostuðu prófkjörsbaráttu ráðherrana að mergsjúga Ísland.  Stjórnin skipti sér ekki af því en reyndi allt hvað af tók að komast í öryggisráðið viku fyrir hrun og löngu eftir að hrunið var fyrirséð. Þá hélt maður að botninum væri náð. En það var sem sagt hægt að fara úr öskunni í eldinn. Samfylkingin ætlar sér í ESB og ef Íslendingar vilja ekki inn með góðu þá verða þeir meðfærilegri sem skuldaþrælar. 

 

 Börnin skulu borga!

 

Ósáttur við Icesave-lausn

Áætlun ríkistjórnarinnar: Úr hugleiðslu í kóma?

Meðal þess sem ríkisstjórnarflokkarnir lofuðu kjósendum fyrir kosningar var að aflaheimildirnar, sem er úthlutað til eins árs í senn skyldu fyrntar á 20 árum. Nú mánuði eftir kosningar boðar ríkisstjórnin að skipa nefnd til "að hugleiða hagræn áhrif svonefndar fyrningarleiðar" og formaður sjávarútvegsnefndar, Atli Gíslason,  er byrjaður að draga í land varðandi kosningaloforðin og stjórnarsáttmálann og afsalar sér ábyrgðinni til nefndarinnar, sama hver niðurstaða hennar verður.

 Því hefur verið fleygt að Dali Lama hafi haft svo mikil áhrif á suma stjórnarþingmenn að þeir stefni úr hugleiðslu í kóma. Vonandi er það ekki rétt.

Nefnd skoðar áhrif fyrningarleiðar

Ríkisstjórnin festi góða veðrið í sessi

Mér þætti mikils um vert ef okkar ágæta ríkisstjórn, sem nýtur ríflegs meirihluta á þingi myndi taka á sig rögg og festa góða veðrið í sessi a.m.k. fram yfir mánaðamót. Þetta er gríðarlega mikilvægt fyrir sálarheill sárþjakaðra landsmanna og því má ríkisstjórnin einskis láta ófreistað til að ná þessu fram, t.d. með fulltingi okkar ágætu veðurfræðinga og jafnvel erlendra sérfræðinga ef með þarf.

Þá þyrfti ríkisstjórnin, í samráði við aðila vinnumarkaðarins að leita leiða til að jafna aðstöðu þeirra sem stunda innivinnu og hinna sem njóta sólarinnar hvort sem það er í útivinnu eða á atvinnuleysisbótum.

Festa gengið í 160 - 170

Glæsileg jómfrúarræða Ólínu Þorvarðardóttur

Ég hef alltaf verið áhugasamur um þjóðmál en eftir að ég hætti að styðja nokkurn flokk á alþingi er ég ekki frá því að ég eigi auðveldara með að vera hlutlægur í mati á stefnu og málflutningi stjórnmálamanna.  Meðal nýkjörinna þingmanna er Ólína Þorvarardóttir þjóðháttafræðingur og fyrrverandi skólameistari á Ísafirði, sem hefur meðal annars getið sér gott orð fyrir að standa sig vel í spurningakeppnum, þar sem reynir á almenna þekkingu, sem kvæðamanneskja og síðast en ekki síst fyrir vandað málfar. Ég beið því jómfrúarræðu hennar með nokkurri eftirvæntingu og varð ekki fyrir vonbrigðum. Ólína flutti sköruglega ræðu og sagði m.a. gamla grátkórinn aftur tekinn að hljóma í háværu harmakveini. Þessi málflutningur væri í ætt við sérhagsmunagæslu undir yfirskini stjórnmála.

Þessum orðum er ég sammála og gæti ekki orðað þessa hugsun betur.

Veruleikafirrtur grátkór

Mannúðarmál: Er Alsírbúinn afkomandi Íslendinga?

 Hælisleitandinn Hitchems Mansrís frá Alsír er enn í hungurverkfalli og líður að sögn mjög illa. Efnahagsástand í Alsír er mjög ótryggt og atvinnuleysi mikið. Sú var tíðin að Alsírbúar rændu Íslendingum frá Vestmannaeyjum og áttu þeir niðja sem blönduðust íbúum þar syðra samkvæmt rannsóknum Úlfars Þormóðssonar. Nú hafa stuðningsmenn Hitchems Mansrís leitt að því líkum að hann kunni að eiga íslenska forfeður og sótt um hæli af mannúðarástæðum.

Fái leyfið af mannúðarástæðum

Ríkisstjórnin og kynskiptingar.

Ríkisstjórnin er vel meinandi í jafnréttismálum og henni tókst vel til með því að velja eingöngu konur í störf þingforseta. Henni tókst miður í stefnuyfirlýsingu sinni þar sem fram kemur að ríkisstjórnin styðji kröfur kynskiptinga. Þar yfirsást ríkisstjórninni að ein helsta krafa kynskiptinga er að vera ekki kallaðir kynskiptingar heldur transgender. Þannig að stuðningur ríkisstjórnarinnar við kynskiptinga virðist ekki fara vel af stað.

Styður ríkisstjórnin allar kröfur kynskiptinga af heilum hug?

Allir þingforsetar konur

Fjölmiðlaelítan dásamar nýju fötin keisarans. Vantar vasareiknivél

Steingrímur hafði algerlega rétt fyrir sér.  Í hvert sinn sem Evrópuaðild kemst á dagsrá er "Evrópusérfræðingurinn" Eiríkur Bergmann kallaður til að gefa sitt álit sem felst ávalt  í því að gera lítið úr ókostum Evrópusambandsaðildar.

Þá er Framsókn í raun búin að hafna Evrópusambandsaðild með því að setja skilyrði um  forræði Íslendinga á fiskveiðiauðlindinni. Fjölmiðlamenn vita ekki að ESB mun aldrei samþykkja þetta enda hefur Eiríkur Bergmann ekki sagt þeim frá því. 

Fjölmiðlamenn hafa leyft Samfylkingunni að  komast upp með að svara engu um efnahagsmál en vísa þess í stað á hugmyndir sínar um  aðild að Evrópusambandinu.  Andstæðingar ESB aðildar eru í meirihluta bæði meðal þings og þjóðar.

Eini flokkurinn sem vill sjkja um án skilyrða er Samfylkingin sem hefur 20 þingmenn         Borgarahreyfingin er með óljósar hugmyndir en vill skjóta málinu til kjósenda 4 þingmenn                                           Evrópusinnar samt:                      24 þingmenn

 Andstæðingar Evrópusambandsaðildar eru mun fleiri:

Framsóknarmenn vilja sækja um að uppfylltum skilyrðum um forræði Íslendinga yfir fiskimiðunum, nokkuð sem ESB mun aldrei samþykkja    9  þingmenn

Sjálfst æðismenn telja hag Íslands best borgið utan ESB           16 þingmenn

VG  þelja hag Íslands best borgið utan ESB                             14 þingmenn

Andstæðingar aðildar                                         Samtals       39 þingmenn      

                                            

   

Elítan vill í ESB

Mannlegir skildir mútuþega.

Mér hefur lengi þótt Helgi Hjörvar geðugur maður, já líka þingmaður, en nú veldur hann mér sárum vonbrigðum, með því að neita að gefa upp kostunaraðila sína. Það liggur fyrir að það voru útrásarvíkingar og handbendli þeirra í stjórnmálastétt sem knésettu Ísland.  Ég ætla alls ekki að fara að væna Helga Hjörvar um neitt misjafnt en með því að neita að gefa upp styrkveitendur eru menn að búa til lifandi skildi fyrir hina raunverulegu mútuþega. Það getur ekki verið vilji Helga og því ætti hann að endurskoða ákvörðun sína fyrir kosningar.

Neitar að gefa upp