Opið bréf til allsherjargoða

                                                                                  Ágæti allsherjargoði.

Mörgum er ofarlega í huga hvenær landvættirnar muni grípa í taumana og blanda sér í stjórnmálabaráttuna með afgerandi hætti?

Við ásatrúarmenn og raunar allir Íslendingar aðhyllumst frelsi andans, samt er það æði oft svo að maður leiðir ekki hugann að forræðinu fyrr en það bitnar á manni sjálfum.

Hingað hafa jafnan borist stefnur og straumar utan úr hinum stóra heimi, nú síðast Evrópuhugsjónin, allt hefur þetta gengið yfir eins og flensurnar. 

Forræðishyggjumönnum til yndisauka en gömlum sjómanni, vini mínum til ama eru verjur einungis leyfðar í einni EB-stærð og hefur hann því þurft að útvega sér þessa munaðarvöru frá Ameríku, þar sem enginn amast við því að þessi vöðvi, sem ekki má nefna, sé ekki af staðlaðri stærð.   Við brosum kannski að þessum vandræðum vinar míns sem ber harm sinn í hljóði.

Nái óskir samforræðishyggjumanna  fram að ganga verður Kjartani sægreifa innan tíðar gert að hætta að selja vinsælasta réttinn sinn hvalkjöt.

Hvalveiðimennirnir, segja sambræðingssinnar og yppta öxlum: Geta þeir ekki fundið sér eitthvað annað? Það skapast ný mörg störf þegar fjölgar um rúman helming í ráðuneytunum.

Kannski rekur það mig til að hafa samkennd með þessu fólki að ættingjar mínir hafa komið saman svo lengi sem elstu menn muna og borðað ólöglegar afurðir þ.e. sel, þetta köllum við selskap sem við hugsum ávalt til með mikilli tilhlökkun.  Nú skilst mér að þetta sé þyrnir í augum Evrópuhugsjónamanna sem myndu heldur vilja sjá okkur  Skógarnesinga borða evrópskt svínakjöt.

Allt eru þetta þó smámunir í samanburði við þá fyrirætlan Evrópuhugsjónamanna að gera okkur frjálsborna Íslendinga ásamt óbornum niðjum okkar að Ísþrælum, "sem afsala sér griðum óafturkallanlega og ótímabundið" (Icesave samn.), til þess eins að kaupa aðgöngumiða í "Kæfubelginn Brussel".

Því heiti ég á þig ágæti allsherjargoðai, að þú beitir tafarlaust áhrifum þínum við landvættirnar þannig að  þær bægi þessari ógn, Evrópuhugsjóninni, frá landinu áður en hún veldur hér skaða.

 

 

 

Frestun Icesave slæmur kostur

Óformleg krafa Árna Þórs: "Mældu rétt strákur"

„Ég er alveg stórundrandi á þessu. Þetta fólk er boðað hingað sem lögfræðingar Seðlabankans og þá væntir maður þess að það sé að tala í nafni sinnar stofnunar. Það gefur því auðvitað ákveðna vigt í sjálfu sér. Þau gagnrýna ýmislegt í þessum samningi en gagnrýnin verður að vera á réttum forsendum. Það má ekki villa á sér heimildir,“ segir Árni Þór Sigurðsson.

 Ríkisstjórnin ætlaðist til þess að  Seðlabankinn veitti jákvæða umsög um Icesave samninginn og því var yfirlögfræðingi bankans falið að draga úr  gagnrýninni , það gerði hann svona: 

"Fulltrúar Seðlabankans voru kallaðir á fund þingnefnda vegna Icesave-málsins, í krafti stöðu sinnar, en töluðu samkvæmt bréfi aðallögfræðings Seðlabankans sem einstaklingar."       

Þá vaknar  spurningin hvort aðallögfræðingur Seðlabankans sé sem einstaklingur að skrifa svona furðulegt bréf  í þá einstaklingsins Svavars Gestssonar og einhverra einstaklinga í ríkisstjórninni  sem kunna að vera vinir hans.

Með því að formaður utanríkisnefndar krefjist þess að litið verði á lögfræðinga Seðlabankans sem einstaklinga og haldi því fram að umsögn þeirra lykti af pólitík er hann að krefjast þess að sannleikanum verði hagrætt. Eða er Árni Þór kannski bara einstaklingur að velta óformlega vöngum yfir öðrum einstaklingum?

 

 

Ekki formleg umsögn Seðlabanka

Góðar fréttir fyrir þjóðarbúið

Það er mikil aukning í krókveiðum hjá aflamarksbátunum sem líklega eru búnir að landa verðmætum fyrir meira en 15 milljarða en  auk þess er góð veiði hjá strandveiðibátunum sem væntanlega mun styrkja krónuna, ekki veitir af. Þessar vistvænu veiðar skila besta fiskinum og kosta minnsta olíunotkun pr veitt tonn af fiski.

Það sem gerir strandveiðarnar sérlega arðvænlegar er að ekki er hægt að veðsetja aflaheimildirnar og því rennur arðurinn ekki óskiptur úr landi í formi vaxta.

Aflaaukning hjá krókaaflamarksbátum

Dómi yfir illræmdum nauðgara verður áfrýjað

Ég fagna því að þessi garmur sem beitti konu sína svo langvarandi, miskunnarlaus og ómanneskjulegu ofbeldi, skuli nú vera kominn á bak við lás og slá. Ég ætla ekki að fara í smáatriði en læt nægja að hafa eftir héraðsdómi:  "Brot mannsins eigi sér enga hliðstæðu í réttarframkvæmd hér á landi og að hann eigi sér engar málsbætur." Að mínu mati er þessi einstaklingur stórhættulegur umhverfi sínu og ég vona að  fundin verði lausn á því.  Refsiramminn var aðeins nýttur til hálfs en ég veit að dómnum verður áfrýjað.

 

Átta ár fyrir gróf og ítrekuð kynferðisbrot

Athyglisvert viðtal við Svavar Gestsson

Vegna aðildar Íslands að EES vorum við skuldbundin til að leyfa Icesave.  Tryggingasjóður innlánsstofnana var líka hannaður s.k.v. evrópskum stöðlum sem við vorum skylduð til að taka upp. Sérfæðingar telja því að sökin liggi hjá Evrópusambandinu a.m.k að stærstum hluta. Í viðtali í Morgunblaðinu skömmu eftir undirritun samningsins sagði Svavar Gestsson að enginn þrýstingur hafi verið að ljúka samningum. Orðrétt sagði hann þetta: "Ég var bara orðinn leiður á að hafa þetta hangandi yfir mér" Svo hló hann.

Í máli hans kom fram að ef þetta hefði ekki verið gert upp hefði allt innistæðukerfi Evrópu hrunið. En nú þurfi menn ekki lengur að hafa áhyggjur af því.  "Við erum í rauninni að bera burt syndir heimsins, eins og sagt var um Jesú Krist" sagði aðalsamningamaður Íslands.

Hvað segja guðfræðingar um þetta?

 

Kjósendur í Suðurkjördæmi segi af sér

Óvenju hátt hlutfall fyrrum þingmanna Suðurkjördæmis og forvera þess forvera þess Suðurlands  og Reykjaneskjördæma hafa hlotið langa refsidóma og tekið út betrunarvist fyrir margvísleg auðgunarbrot allt frá smygli smáþjófnuðum og upp í skjalafals og mútuþægni. Hæst bar þó að kjósendur Suðurkjördæmis endurkusu á þing manninn sem bar ábyrgð á fjármálaeftirlitinu sjálfum bankamálaráðherranum Björgvini Sigurðssyni.

Þess vegna eiga kjósendur í Suðurkjördæmi að íhuga alvarlega afsögn.

Segir af sér vegna Icesave

7 ára "skjólið" reyndist tálsýn og er fokið!

Jæja þá getur íslenska ríkisstjórnin gleymt að gera núlifandi og tilvonandi þegna þessa lands að Ísþrælum með því að staðfesta Icesave samkomulagið. 7 ára biðtíminn þangað til landið yrði gjaldþrota reyndist mun styttri. Stjórnvöld hefðu betur hlustað á ráð Stefáns Más Stefánssonar lagaprófessors og sérfræðings í Evrópurétti, þegar hann hvatti íslensk stjórnvöld að taka til varna vegna gallaðrar löggjafar Evrópusambandsins sem við vorum skylduð til að taka upp. Hann varaði líka við því að hægt væri að fara í mál vegna neyðarlaganna hvenær sem væri og Icesave samkomulagið veitti ekkert skjól gegn því.

Hvernig væri að hvíla diplómata og kalla til sérfræðinga?

Undirbúa lögsókn gegn Íslandi

Loftið út. Birtið Icesavegögnin

Það þarf að lofta út!

Eiga núlifandi og óbornir Íslendingar ekki rétt á að vita af hverju þeim eru gefnir tveir kostir: Eyða ævinni í að borga drápsklyfjar eða yfirgefa landið eftir 7 ár? Er verið að sýna stjórnarandstöðuunni í trúnaði að hún hafi líka gert mistök? Kannski verða þeir mýkri þá?

Vesaldómurinn og undirlægjuhátturinn er alger hvort heldur hjá nú- eða fyrrverandi ríkisstjórn.Það er rosalegt að lesa og heyra um dýralækninn sem var eins og laminn hundur og svo koma núverandi ráðherrar og skýla sé á bak við að garmurinn skuli hafa skrifað einhverja minnismiða í fáti og sjokki í kjölfar hrunsins. 

Hver er ástæðan?

Vilja einhverjir þvinga þjóðina í Evrópusambandið? 

Fljóta menn með í samtryggingunni?

Eða ætla menn að bjarga sér hver sem betur getur?

 

Fá ekki Icesave-gögnin í hendur

EB fórnar Íslandi vegna eigin kerfisvillu

Því meira sem maður les og kynnir sér málavexti Icesave því augljósar er að við eigum ekki, sem þjóð, að  leggjast á höggstokkinn möglunarlaust. Af frásögn af þessum fundi má marka að fjármálaráðherrar EB höfðu sammælst um að fórna Íslandi vegna hættu á almennri vantrú á bankakerfinu í Evrópu. En hver er forsaga málsins?

Íslandi sem EES ríki var gert að taka upp tilskipun um bankaregluverk sem er nákvæmlega eins og í öllum löndum EB og EES svæðinu. Um þetta höfðum við ekkert að segja. Í þessu fólst að bankar mættu setja upp útibú hvar sem er á svæðinu og stofna skyldi tryggingarsjóð til að tryggja innistæður. Eftir þessu var farið í einu og öllu.  Færustu lögmenn á sviði Evrópuréttar hafa aldrei getað fundið einn stafkrók sem bendir til að þjóðríkin væru ábyrg fyrir þessum tryggingasjóð.  

Dr. Elvíra hefur bent á augljósan galla í löggjöfinni þ.e. að ekki sé gert ráð fyrir kerfishruni, því enginn tryggingasjóður í nokkru landi myndi ráða við slíkt.  Niðurstaðan er þessi:

Íslenska ríkið braut ekki EB lög, þvert á móti liggur vandi okkar í því að íslenska ríkið uppfyllti skyldur sínar og fór að EB tilskipuninni um frjáls bankaviðskipti.

Á að refsa komandi kynslóðum fyrir það?

Árni átti í vök að verjast

Athyglisverð grein um ábyrgð í Icesave

Egill Jóhannsson ritar athyglisverða grein á bloggi sínu um pólitíska ábyrgð á Icesave sjá hér.   

Margir okkar færustu lögmanna hafa fært fyrir því rök að okkur beri ekki að borga Icesave. Gegn þessu stendur klúður ríkisstjórnar Geirs Haarde, loforð ráðamanna og neyðarlögin.  Við gætum haldið því fram að frá því að neyðarlögin voru sett þar til Kaupþing féll leið ein vika og þar komu til aðstæður sem menn sáu ekki fyrir. (heimskreppa & hryðjuverkalög Breta)

Ef allt þetta bregst eigum við til þrautavara traust haldreipi sem er hugtakið "grið" í þjóðarrétti með vísan til Versalasamningana.  Það er nú viðurkennt að Versalasamningarnir voru ósanngjarnir og að ekki megi þvinga þjóð eða stjórnvald ríkis til nauðungarsamninga sem eyðileggja ríkið.   Maður veitir því athygli að í Icesave samningnum eru ákvæði þar sem Íslendingar afsala sér sem þjóð griðum og þar að auki rétti til málshöfðunar!

Því verður ekki trúað að Evrópuþjóðirnar neiti okkur um að láta reyna á rétt okkar en ef þær gera það ættum við að beina viðskiptum annað.  Alþingi getur ekki skrifað undir ríkisábyrgð fyrir mun hærri upphæð en hægt er að standa við og í leiðinni afsalað okkur málsskotsrétti og griðum.

Millileiðin væri sú að leyfa samningnum að standa og án ríkisábyrgðar, afsals málskotsréttar  og griða.  Þá gæti þjóðin borgað þangað til allir vasar eru tómir og blæðir undan nöglunum í einhverja áratugi. Geta "vinaþjóðir" okkar farið fram á meir?

 

Ber okkur í raun að borga?