Sigur fyrir tjáningarfrelsið

Það er mjög gott mál að héraðsdómur sýknaði Kastljós í þessu miskabótamáli. Það er hollt fyrir lýðræðið ef fjölmiðlum tekst að veita ráðamönnum aðhald. Samtryggingar  pólitíkusar úr flestum flokkum (Samfylking, Framsókn og Sjálfstæðisflokk) voru samtaka í að vita ekkert um að stúlkan væri tengdadóttir ráðherra og byggi á heimili hans . Það var því hrein tilviljun að þeir afgreiddu málið með öðrum hætti en venja er til.  (Þessu mótmælti Sigurjón Þórðarson fulltrúi Frjálslyndra) "Því var ekki sannað að þeir hefðu haft rangt við".  En ef þeir hefðu fengið fréttamennina dæmda þess til viðbótar fyrir að segja frá, þá hefðu þeir bitið höfuðið af skömminni.-

Starfsmenn Kastljóss sýknaðir

Rottu bjargað frá druknun með munn við munn bástursaðferðinni

Í bókinni Syndin er lævís og lipur eftir Stefán Jónsson, segir frá ýmsum afrekum Jóns kadets í Hjálpræðishernum, sem var kristinn og  mikill dýravinur. Eitt sinn var Jón suður í Tyrklandi við annan mann á rölti eftir götu í mikilli  hitasvækju. Eftir götunni endilangri var opið díki sem klóakinu var veitt út úr húsunum og þar sem þungan og mjög illþefjandi daun upp úr díkinu reyndu flestir að halda sig fjarri því. Þess vegna vakti það undrun þeirra að múgur og margmenni stóð á barmi díkisins og fylgdist ákaft með einhverju sem þar var að gerast. Þegar Íslendingana bar þar að sáu þeir að í klóakinu var ósjálfbjarga og nánast lífvana rotta við það að drukkna. Skipti það engum togum að Jón kadett svipti sér úr jakkanum bretti upp ermarnar og kastaði sér til sunds til að bjarga dýrinu. Þegar hann hafði náð rottunni upp fór mátti heyra samnál detta svo mögnuð var stemningin enda var rottan gjörsamlega lífvana eftir volkið. Brá hann þá á það ráð að bjarga henni með munn við munn blástursaðferðinni. Skemmst er frá því að segja að þegar rottan fékk lífsandann og ljóst var að björgunin hafði tekist giftusamlega brutust út gríðarleg fagnaðarlæti.

Háhyrningi bjargað

Robert Mugabe styður Ísland í öryggisráðið. Uppnám í utanríkisráðuneytinu.

 ISG biðlar nú til einræðisríkja um stuðning til setu í öryggisráðinu. Hún var í síðustu viku í Sýrlandi en sendi ráðuneytisstjóra með fagurgala  til Irans.

Eftirfarandi færsla var áður birt 5. apríl  s.l. og er nú endurbirt enda gekk það eftir sem  spáð hafði verið:

Taliið er víst að Robert Mugabe styðji setu Íslands í öryggisráðinu þetta hefur verið rakið til þess að hann og Halldór Ásgrímsson eiga
sameiginlegan kunningja. Þess utan eiga ríkisstjórnir  Zimbabwe og Íslands það sameiginlegt að hafa sætt ákúrum mannréttindanefndar Sameinuðu þjóðanna fyrir mannréttindabrot á þegnum sínum. Áreiðanlegar heimildir herma að uppnám ríki hjá utanríkisþjónustunni eftir að staða Mugabe veiktist í kjölfar þess að Lýðræðishreyfing vann kosningasigur. Menn binda helst vonir við að Robert Mugabe muni beita hervaldi til að tryggja sér áframhaldandi völd í landinu, enda myndi það styrkja stöðu Íslands. Einnig er mögulegt að ZANU-PF láti fara fram aðra umferð kosninga. 

Merkel gegn Mubgabe

Þórunn flýgur til Hveravalla í loftbelg

Samkvæmt óáreiðanlegum heimildum hefur  Þórunn Sveinbjarnardóttir falið aðstoðarmönnum sínum að undirbúa komu sína ásamt fylgdarliði til Hveravalla. Eina vandamálið í því sambandi er að þar er ekki flugvöllur, þannig að verið er að byggja lendingarpall fyrir loftbelg. Grunur leikur á að þarna sé enn á ferðinni hinn hrekkjótti Hveravallamóri en þetta er grátt gaman hjá honum ef satt reynist auk þess sem hann gæti átt á hættu að vera svæfður og fluttur til Grænlands.

Hálendisbjörn er hugsanlegur

Þórshöfn, Nuuk og Reykjavík

Ég hef alltaf fundið til samkenndar með vinum okkar á Grænlandi og Fjáreyjum, kannski vegna þess að ég var fiskimaður og uppalinn við að borða sigin fisk og selspik en án alls gríns þá eigum við gríðarlega mikla sameiginlega hagsmuni ekki síst í hafinu sem umlykur lönd okkar.  Ég fagna því að borgarstjóri skuli rækta þessi tengsl. Samfylkingarmenn sem virðast hafa minni áhuga á Vest-norrænum tengslum skýrðu gríðarlegan ferðakostnað sinn með því að munurinn á þeim og Ólafi væri sá að þeir sinntu skyldum sínum í fjarlægum löndum en hann (Ólafur) væri flughræddur.

Sýnir þetta ekki að þeir fljúga lágflug eins og þeir virðast best fiðraðir til?

Borgarstjóri í Færeyjum

Sjóræningjar eru plága

Þetta rifjar upp fyrir mér margar andvökunætur sem ég átti með riffil í hönd fyrir utan Lagos þegar ég var stýrimaður á Laxfossi 1981. Við komumst oft í tæri við sjóræningja, sem reyndu fyrir sér á hverri nóttu. Þetta var taugastríð sem gekk út á það að þeir komu ljóslausir að okkur en hurfu frá þegar við settum sírenur og skipsflautur í gang jafnframt því að blinda þá með sterkum ljóskösturum.  Þrautalendingin var að láta þá vita að byssur væru um borð.  Áhafnirnar reyndu líka að verja sig með því að láta skipin reka saman í hnapp til að verja hvert annað. alltaf þótti mikill fengur í að vera nálægt sovéskum, bandaríkum og ísraelskum skipum, sem alltaf voru vel vopnuð. Við gátum fylgst með sjóræningunum á radar og maður missti aldrei augun af þeim enda átti áhöfnin líf sitt undir árvekni okkar.  Það sýnir spillinguna best þarna að sjóræningjarnir voru vel upplýstir um farmskrá skipanna. Ástandið skánaði mikið eftir að í land var komið en það var samt ekki hættulaust. Eitt sinn var rúmlega helmingur áhafnarinnar handtekin af tollvörðum og látið liggja að því að við myndum ekki sjá þá næstu árin. Þá kom fulltrúi frá SÍF sem mútaði tollvörðunum og fóru þeir þá hlæjandi í burtu. Þessi handtaka snéri að misskilningi útflytjandans varðandi mútur ef ég man þetta rétt þurfti að múta lögreglunni til að verjast tollvörðun, hernum til að verjast lögreglunni og að lokum sjóhernum til að verjast hernum en það var jafnframt dýrast.

 

 

 

Myndin sýnir systurskip Laxfoss, sem ég sigldi á með skreið til Nígeríu

Sjóræningjarnir stefna í suður

Hver er afturhaldskommatitturinn?

Davíð Logi Sigurðsson, fyrrum blaðamaður á Mbl sem var um tíma mjög áhugasamur um  Íraksstríðið og fór m.a. í pílagrímsferð þangað en virtist glata áhuganum, skrifaði grein hérna á blogginu og kvartar undan skilningsleysi landa sinna á mikilvægi þess að komast í öryggisráðið.  Honum Mér finnst umræðan um þetta heima svo algerlega út í hött og segir m.a. : "Menn segja þetta sýndarmennsku, peningaeyðslu, að við eigum engan séns, etc. Davíð Oddsson notaði orð um slíkt tal: afturhaldskommatittir!"  Þetta er ekki rétt hjá Davíð Loga, eins og hann ætti að vita manna best.  Nafni hans Oddson notaði þetta orð um menn eins og Davíð Loga sem eru hvorki hráir né soðnir í stuðningi við stríðið. Þetta var fyrir fjórum árum síðan en þá sagði Davíð að  mikill áranagur hefði náðst í Írak enda ríkti friður og ró í 795 héruðum af 800 einungis í 5 héruðum væru smá róstur enn sem komið væri. 

Ingibjörg Sólrún fær prik fyrir þetta.

Það er gott að Ingibjörg Sólrún skuli hafa gefið sér tíma frá kapphlaupinu um að komast í öryggisráðið til að bera hönd fyrir höfuð íslensku bankana. Ingibjörg getur verið skeleggur og öflugur talsmaður þeirra sjónarmiða sem hún berst fyrir. Ég er aftur á móti ekki sammála henni um að okkur sé best borgið í Evrópubandalaginu. Ekki bara vegna þess að það muni rústa sjávarútveginn, heldur vegna þess svigrúms sem við höfum utan þess t.a.m. fyrir bankana.  Talið er að sá mikli uppgangur sem verið hefur í fjármálalífi Írlands og Luxemburg sé brátt á enda vegna þess að Efnahagsbandalagið muni brátt samræma skattastefnu sína.  Í því gæti falist mikil tækifæri fyrir íslenska banka.

Dönsku bankarnir keppa við þá íslensku