"Framboð Íslands út í hött"

Nánast allir Íslendingar nema stjórnvöld og þeir embættismenn sem éta úr lófa þeirra, vissu og létu í ljós að framboð Íslands til öryggisráðsins væri ekki bara peningasóun heldur heldur uppskafnings- og spjátrungsháttur. Til hvers ætlar land með 320.000 íbúa að sækjast eftir því að ákveða við hvaða lönd eigi að fara í stríð við? Einkum og sérílagi þar sem landið hefur ekki aðra leyniþjónustu en greiningardeild eða annan her en Hjálpræðisherinn. Kannski hefði eina gagnið verið að halda utanríkisráðherranum og nánustu fylgifiskum í New York. Gallinn var sá að það hefði verið kostnaðarsamt. "Betri er hálfur skaði en allur"

Framboð Íslands út í hött?

Gjaldeyrissparandi eiturlyfjaframleiðsla

Fíkniefnaverksmiðjan sem var verið að loka í Hafnarfirði var með framleiðslugetu upp á margar milljónir evra. Ég veit ekki hvað þessi markaður er stór eða hvort þetta var ætlað til útflutnings. En ef þetta hefur verið ætlað til að þjóna innanlandsmarkaði þá er ljóst að verksmiðjan hefði sparað milljónir evra í  beinhörðum gjaldeyri. Aðalatriðið er auðvitað að draga úr eiturlyfjaneyslu. En spurningin er hvort lokun einnar verksmiðju, í okkar heimshluta, stuðli að því?

Framleiðslugeta fyrir milljónir evra

"Upp er boðið Ísland"

Eftir 17 ára valdasetu Sjálfstæðisflokksins er svo illa komið fyrir Íslandi að hræætur renna á lyktina og sveima yfir væntanlegri krás, veikburða fórnarlambi.  Á meðan ferðast ráðamenn á fyrsta farrými og skrafa um hvernig hægt sé að koma landinu í öryggisráðið.

 Vel slompaðir diplómatar bjóða kannski í glas og skála fyrir Ísland. "Kosturinn við að vera fullur er sá að maður er ekki timbraður á meðan"

Fjárfestingarsjóður vill yfirtaka rekstur virkjana

Þetta var allt vitað. Skoðið skýrsluna

Bresku hagfræðingarnir, sem spáðu fyrir um bankakreppuna í apríllok og létu ríkisstjórnina fá fullbúna skýrslu um það í júni greindu vandann mjög ítarlega og sögðu kvað væri til ráða til að forða stórslysi.  Engum ráðum var fylgt. Ekkert var gert í málinu annað en að þegja það í hel. Hér er skýrslan

Sjá ennfremur færslu að neðan

Nýr Glitnir stofnaður

Nýtur Árni Mathiesen trausts?

Búast má við að Alþjóðagjaldeyrissjóðurinn setji Íslendingum óaðgengileg skilyrði og jafnvel afarkosti. Reiknað er með því að sjóðurinn taki eindregna afstöðu með Bretum í deilu þeirra við Íslendinga og muni krefjast þess að við semjum við  þá. Þá er ekki ótrúlegt að sjóðurinn krefjist þess að Íslendingar selji náttúruauðlindir sínar. Því er spurt hvort menn treysti Árna, óvinsælasta ráðherra Íslands til að fara með samningsumboð okkar? Árni hefur átt í vök að verjast eftir að Darling tók upp á því að vitna í tveggja manna tal. Árni er með upptöku af samtalinu og ætti ekki að hika við að birta hana og afhjúpa þannig smekklaus ósannindi breska ráðherrans. Það kann heldur ekki góðri lukku að stýra að meðlimir Breska verkamannaflokksins fari með málið fyrir okkar hönd.

Fundað stíft með IMF

Bretar búnir að valda öllu því tjóni sem þeir geta.

Bretar eru búnir að eyðileggja stærsta fyrirtæki á Íslandi og valda öllu samfélaginu ómældu tjóni og munu tæplega geta bætt um betur. Nauðsynlegt er að ræða við öll ríki sem hlut eiga að máli en láta Breta mæta afgangi enda geta þeir ekki valdið meira tjóni úr því sem komið er. Hér eftir treysti ég varlega meðlimum Breska Verkamannaflokksins til að  fara með íslenska hagsmuni.

Þokumst nær samkomulagi við Breta

Hryðjuverk í skjóli hryðjuverkalaga

Gordon Brown beitti fyrir sig hryðjuverkalögum þegar hann réðist inn í Kaupþing í Bretlandi, sem var breskur banki og hafði alltaf staðið við allar sínar skuldbindingar enda stóð bankinn langbest allra íslenskra banka og hafði fengið risa fyrirgreiðslu hjá íslenska og sænska seðlabankanum og margir Eina sýnilega ástæðan var sú að bankinn var í eigu íslenskra aðila.  Það réttlætir ekki þessa aðgerð þó Landsbankinn sem er í eigu íslenskra aðila hafi misstigið sig. Brown hótar að brjótast inn í fleiri íslensk fyrirtæki sem væri ólöglegt og siðlaust.  Nú er Brown sigri hrósandi enda fór Kaupþing á hliðina við þessa aðgerð og getur þar af leiðandi ekki staðið við skuldbindingar sínar. Það hlakkar í Brown sem segir Íslendinga vera gjaldþrota.  Ríkisstjórnin verður að fara með málið fyrir dómstóla og kyrrsetja verðmæti úr bankagjaldþrotunum fyrir væntanlegum skaðabótum.

 

 

Þetta smámenni rústaði stærsta banka á Íslandi og svipti meirihluta Íslendinga stórum hluta af lífeyrissparnaði sínum.

„Sparkað í liggjandi (Ís)land"

Breski forsætisráðherrann sendir Íslendingum tóninn

Bresk  stjórnvöld eru ekki fyrr búin beita hryðjuverkalögum til að senda sérsveit lögreglunnar til að loka Kaupþingi í Bretlandi. Þetta upphlaup stafar af því að Alistair Darling, fjármálaráðherra Bretlands, hringdi í  Árna M. Mathiesen fjármálaráðherra á þriðjudaginn og skildi hann þannig að Íslendingar ætluðu ekki  að standa við skuldbindingar sínar. Nú hefur þetta allt verið leiðrétt og íslendingar sitja upp með hundruð milljarða tjón vegna misskilningsins.  Samt heldur Gordon Brown áfram og segir framgöngu íslenskra yfirvalda óviðunandi og hótar málssókn. Ætla íslensk yfirvöld að láta Gordon vaða yfir sig á skítugum skónum?  Hvað segir Árni M. Mathiesen?                                       

Brown: Viðhorf íslenskra stjórnvalda óviðunandi

Davíð Oddsson æsti Brown upp. -- Geir eyddi deginum í að róa hann

Það voru ummæli Davíðs Oddssona í Kastljósi um að við ætluðum ekki að sópa upp eftir óreiðumenn í útlöndum, sem æstu Gordon Brown upp svo um munaði. Í þessum heimshluta eru menn vanir því að seðlabankastjórar tali af ábyrgð og varkárni en þess utan talaði sá maður sem bar mesta ábyrg allra embættismanna.  Því má segja að þarna hafi höggvið  sá er hlífa skyldi. Davíð þóttist enga ábyrgð bera og sagðist þvert á móti hafa margsinnis varað ríkisstjórnina við.  Enda ættu opinberir aðilar ekki að bera ábyrgð á einkaaðilum.  Bíddu! Var það ekki einmitt DO forsætisráðherra sem sótti fast að Íslensk erfðagreining fengi ríkisábyrgð?  Og ef hann hefði fengið það í gegn væri ríkið um það bil að fara að borga núna.  Davíð sagði líka að bankarnir hefðu verið orðnir of stórir en var það ekki hann sem kom í veg fyrir að þeir flyttu starfsemina út með því að banna þeim að gera upp í erlendri mynnt? Og jókst framboð af jöklabréfum og eftirspurnin eftir myntkörfulánunum einmitt vegna þess hvað stýrivextirnir eru háir? Geir hélt blaðamannafund kl. 16:00 og reyndi að róa Bretana  " some Damage Control"

Brown hótar aðgerðum

Framboð til öryggisráðsins vonandi dregið til baka

Mörgum hefur runnið til rifja sá uppskafningsháttur sem felst í framboði Íslands til öryggisráðsins, sem hefur það hlutverk að ákveðja við hvaða lönd eigi að fara í stríð við.  Þetta er afkáralegt enda höfum við ekki aðra leyniþjónustu en greiningardeild BB og annan her en Hjálpræðisherinn. Vonir standa nú til að framboð Íslands til öryggisráðsins verði nú loks dregið til baka. Það hefur líklega kostað einhverja milljarða með öllu en betri er hálfur skaði en allur.         Ingibjörg Sólrún í útrás.                                                  

Áhrif á framboð til öryggisráðsins óljós