Gleðileg jól

Á jólunum minnast heiðnir menn braúðkaups Gerðar Gymnisdóttur (myrkrið) og Freys Njarðassonar (sólin), heinnar eilífu hringrásar og kritnir menn minnast fæðingar Frelsarans frá Nasaret. Hvoru tveggja er óður til lífsins. Hvað um það þá er jólasteikin í ofninum,  pakkarnir undir skreyttu jólatréinu og ég er kominn í hátíðarskap eins og alltaf á þessum tíma þegar fjölskylda og ástvinir njóta þess að vera saman.

Ég sendi  öllum bloggvinum mínum nær og fjær innilegar óskir um gleðileg jól!

Dýralæknir nokkur rannsakaði garnir úr veturgömlum sauð

og við lauslega skoðun garnanna virtist sem kreppan yrði dýpst árið 2009. En það er mikið vandaverk að lesa í garnir, einkum sauðagarnir.  Öldruð kona sagði mér að ef vel ætti að vera þyrfti að fletta görnunum og skoða þær að innanverðu. væri það gert kæmi í ljós að lánin eru afborganalaus næstu þrjú árin (fram yfir ætlað kjörtímabil) og ennfremur sæist að við þurfum að borga vexti strax árið 2011.  Þetta yfirsást dýralækninum, sem á sér fullkomlega eðlilega skýringu, Enda sjást þessu atriði naumast í þeim hluta garnanna sem dýralæknirinn skoðaði. Vandi ríkisstjórnarinnar felst m.a. í því að þar á bæ kann enginn að lesa í garnir svo vel sé, ekki einu sinni dýralæknirinn. Þess vegna lagði minnihluti fjárlaganefndar það til að fluttur yrði inn grænlenskur dýralæknir

Skatan í Sægreifanum

Ég átti erindi í  Tollinn í gær og rann bókstaflega á lyktina eða réttara sagt ilminn af vel kæstri skötu hjá vini mínum honum Kjartani sægreifa, þar sem hann er að undirbúa fiskverslun hjá veitingastaðnum. Skatan er misjafnlega mikið kæst allt eftir smekk hvers og eins. Sjálfur mæli ég með vel kæstri tindabikkju með kartöflum rúgbrauði og vestfirskum hnoðmör með örlítilli flís af selspiki, sem ég vandist á að borða þegar ég var til sjós fyrir vestan.

Þetta úrvalsfæði fæ ég hvergi nema hjá Kjartani sægreifa, sem ólíkt öðrum sægreifum er kvótabani.

„Ætti að vera orðin vel kæst“

Auðveldara að taka upp bandarískan $ en Evru

Lilja Mósesdóttir tók nýlega saman þær skuldir sem íslenska ríkið lagði á þegna sína að borga að kröfu Evrópusambandsins og reiknaði út að þær næmu um 11 milljónum á hvert mannsbarn og rúmlega helmingi hærri upphæð á hvern vinnandi mann á Íslandi. Dálítið rausnarlegt hjá ríkisstjórninni því þetta er rúmlega meðal íbúðaverð á hverja fjögurra manna fjölskyldu.   Að vísu eru lánin afborgunarlaus í fyrstu þrjú árin svo ríkisstjórnin getur andað léttar í bili.  Hvað um það þá er talsvert mikið fyrir almenning að greiða í ofanálag þessa háum stýrivexti sem hér eru.  Ef við horfum til að skipta um mynt er mun auðveldara að taka upp bandaríkjadal. þar sem stýrivextir eru einungis 0,5% en evru því annars eigum við á hættu að vera þvinguð til að ganga í evrópska tollamúrabandalagið, því þá myndu tollar hækka á fiskafurðir frá Íslandi til Asíu. 

Lilja Mósesdóttir lagði á sínum tíma til að við tækjum Rússalán og slepptum IMF láninu, þessu var ISG ósammála, og því munu ófædd börn og komandi kynslóðir þurfa að athafna sig í skuldahlekkjum eða flytja af landi brott.

Vextir 0-0,25% í Bandaríkjunum

Hver verður þróun álverðs? Sennileg hækkun í febrúar

Ein og sjá má á meðfylgjandi töflum hér hefur álverð hríðlækkað undanfarna 6 mánuði og með ógnarhraða síðustu tvo mánuð, og er nú komið undir 1500$ tonnið, Og þó verð eigi að vera viðskiptaleyndarmál er alveg ljóst að Landsvirkjun er byrjuð að borga með Kárahnjúkavirkjun miðað við óbreytt álverð. Ný álaver hafa verið byggð í Kasakstan, Indlandi og Kína en undanfarna mánuði hafa mörg álver dregið úr framleiðslu og önnur, einkum Kanada og Bandaríkjunum, eru að loka í ársbyrjun 2009. Áhrif þessara lokana ættu að koma fram í verðlagið í febrúar á næsta ári

Hætt við stækkun í Straumsvík

Solla með hreðjatak á Geir Haarde

Sjálfstæðisflokkunin stendur mjög höllum fæti núna og utanríkisráherra tekur vængbrotinn samstarfsflokkinn engum vettlingatökum og lætur hné fylgja kviði:  "Hún sagði líklegt að boðað yrði til þingkosninga áður en kjörtímabilinu lyki ef niðurstaðan yrði sú að ekki verði sótt um aðild að Evrópusambandinu í upphafi næsta árs."  Geir Haarde  stendur sem sagt frammi fyrir afarkostum annað hvort verði sótt um aðild á næsta ári eða boðað til kosninga þar sem Sjálfstæðisflokkurinn stendur  höllum fæti.                                                                              ISG með

 

 

 

 

 

 

 

 

hreðjatak

Ríkisstjórnin verður að svara kalli um breytingar

Guðni Ágústsson í stuði á Kanarí sjá mynd!

Guðni Ágústsson hvílir sig á sorg og sút hér á Fróni og er í miklu stuði á Kanarí eins og myndin sýnir. Eins og sést á náttbuxum unga mannsins virðist hann heillaður af Guðna. En ég held að Guðna lítist ekkert á þennan flagara.

"Ég hef óbilandi trú á Framsóknarflokknum"

Segir Jón Vigfús Guðjónsson, óþekktur maður, sem býur sig fram til formanns.

Hvað getur hann annað sagt?

Jú hann hefði getað sagt að kosturinn við að vera óþekktur sé sá að hann hefur þá ekki tekið þátt í spillingunni, sem viðgengis hefur innan flokksins. 

Jón Vigfús býður sig fram til formanns

Borgarstjórnin daufheyrist enn við óskum Reykvíkinga

Það er kominn tími til að borgarstjórnin fari að hlust á mikinn og vaxandi meirihluta borgarbúa sem vill halda  flugvellinum í Vatnsmýrinni. Allir fagaðilar og sérfróðir menn um fliug eru sammála um að þessi staðsetning henti einstaklega vel veðurfarslega.  Auk þess er öryggisatriði að haf flugvöll  nálæt hátæknisjúkrahúsi. Þessu hafa borgarfulltrúar annarra flokka en F-listans ekki áttað sig á. Þess vegna ákváðu þeir að verðlauna tillögu, "Skoska verðlaunatillagan", sem gerði ráð fyrir að flugvöllurinn færi.  Samkvæmt þeirri tillögu er reynt að þrengja að flugvellinum í þeim tilgangi að takmarka andrými hans. Frjálslyndi flokkurinn mun eftir sem áður gera það sem hann getur til að verja flugvöllinn.

64% Reykvíkinga vilja flug í Vatnsmýri

Lögreglan að vígbúast.

Björn Bjarnason hefur gefið leyfi fyrir 250 nýjum ráðningum í lögregluna. DV greinir frá því að lögreglan sé að vígbúast fyrir kreppuna bæði sérsveit og greiningadeildir muni verða styrktar sérstaklega. Lögreglan ætlar að vera við öllu búin í kreppunni. Keypt hefur verið mikið magn af piparúða og táragas og strætisvagni breytt í tækni- og samskiptamiðstöð.i. Ég heiti á Björn að beita þessu öfluga lögregluliði gegn spillingu

 

Burt með spillingarliðið, hvar í flokki sem það stendur!