Loksins, loksins! Ný flugstöð í Reykjavík

Þá er það loksins frágengið: Samgönguráðherra og borgarstjórinn í Reykjavík hafa handsalað að byggja nýja flugstöð með hraði fyrir innanlands- og Færeyjaflugið.  Skúraræksnin sem að nafninu til hýsa flugið munu hverfa án söknuðar nokkurs manns. Af diplómatískum ástæðum verður flugstöðin kölluð samgöngumiðstöð.  En allir vita að þetta er nagli í líkistu þeirra hugmynda að flytja flugvöllinn úr Vatnsmýrinni. Ég brosi í kampinn yfir því.  

 

Kofaræksnin munu skjótt heyra sögunni til 

Ólafur F. Magnússon, lætur hendur standa fram úr ermum

Það er sem eitur í mínum beinum að sjá miðbæ höfuðborgarinnar drabbast niður. Okkur sem þannig er innanbrjóst er það fagnaðarefni að borgarstjórinn lítur á þetta verkefni sem forgangsmál. Mér er sagt að þess uni sjást greinileg merki nú á allra næstu dögum.

Átakshópur um bætta umgengni í borginni

Fer Árni M. Matthisen í Öryggisráðið? --Aukin harka í kosningabaráttunni

Það færist sífellt meiri þungi í kosningabaráttuna um sætin tvö í öryggisráðuneytinu sem Ísland keppir um við Austurríki og Tyrkland. Hjá utanríkisþjónustunni er valin maður í hverju rúmi og allir leggjast allir á eitt undir styrkri forystu Kristínar A. Árnadóttur. Ingibjörg Sólrún tók við góðu búi af Halldóri Ásgrímssyni, sem stofnað hafði til stjórnmálasambands við fjölda ríkja og auka þannig líkur á kjöri. Má þar nefna Miðbausgíneu, en þar ríkir Teodoro Neguma,  sem telur sig vera Guð og étur kynfæri andstæðinga sinna. Ingibjörg hefur líka staðið sig frábærlega og nú síðast kom hún úr frækinni för til Afganistan og jafnvel er talið mögulegt að Afganistan muni styðja framboð Íslands. Menn eru orðnir svo bjartsýnir að þeir eru í fullri alvöru að gæla við hugmyndina um að Ísland nái kosningu og hvaða stjórnmálamaður hreppi hnossið. Í því sambandi hefur jafnvel verið um Árna Matt, sem verður sífellt óvinsælli og ljóst er að finna verður nýtt starf fyrir hann.

Teodoro Nguema einræðisherra mun styðja Ísland

Löggæsla á Suðurnesjum í molum. Góðar fréttir fyrir verndartollheimtumenn.

Sá gríðarlegi ofvöxtur sem hlaupið hefur í utanríkisþjónustuna (samanber ýta hér), virðist hafa orðið til þess að ríkisstjórnin ákvað að spara á öðrum stöðum. Það sem fyrst og harðast hefur orðið fyrir hnífnum eru fíkniefnahundar, lög- og tollgæsla á Suðurnesjum og Keflavíkurflugvelli. Í gær ályktuðu tollverðir að : Að fíkniefnaeftirlit, tolleftirlit, eftirlit með innflutningi á vopnum og öðrum ólöglegum varningi og innheimta aðflutningsgjalda verði óskilvirkari og versni í kjölfar þeirra breytinga sem ríkisstjórnin boðar.   Nú telur Jóhann R. Benediktsson núverandi lögreglustjóri á Suðurnesjum ástandið svo alvarlegt að hann hefur sagt upp í mótmælaskyni.               

 

 Vonum að Mafían frétti ekki af ástandinu

 

 

Tollverðir og lögregla vinna mikilvæg störf í þágu borgarana.

Lögreglustjóri á Suðurnesjum sagði upp

Frjálslyndir styðja tollverði ekki verndartollverði

Það setur óhug að mörgum við tilhugsunina um þá fjölmenningarlegu stefnu stjórnvalda að gera ekkert til að hindra innstreymi verndartollheimtumanna til landsins. Tillögur frjálslyndra um að hindra aðgang fólks með slæman sakaferil var illa tekið. Góðu heilli hafa stjórnvöld ákveðið  að  sýna ráðdeild en fæstir bjuggust við að spara þyrfti fóður við fíkniefnahunda og skera niður hjá lögreglu og tollvörðum á Keflavíkurflugvelli. Þetta stingur í stúf við gríðarlega eyðslu og vöxt utanríkisþjónustunnar. Margir héldu að toppnum væri náð þegar Halldór Ásgrímsson stofnaði til stjórnmálasambands við mannætu sjá hér   en Ingibjörg  Sólrún virðist hafa einsett sér að verða ekki eftirbátur hans. Tollverðir  ályktuðu eftirfarandi í kvöld: "Tollverðir óttast að fíkniefnaeftirlit, tolleftirlit, eftirlit með innflutningi á vopnum og öðrum ólöglegum varningi og innheimta aðflutningsgjalda verði óskilvirkari og versni í kjölfar þessara breytinga."

Tökum undir þetta styðjum tollverði ekki verndartollheimtumenn 

 

 

Árna M. Mathiesen undirbýr brottför og þarf ekki tiltrú kjósenda

Þá liggur það fyrir að Árni  M. Mathiesen er endanlega búinn að gera það upp við sig að hann þurfi ekki á tiltrú kjósenda að halda. Það hefur verið umdeilt hvort rétt hafi verið af honum sem fjármálaráðherra að varpa allri ábyrgð á verðbólgunni yfir á seðlabankann, þá hefur verið fundið að því að ráðstafa ríkiseigum á Keflavíkurflugvelli undir markaðsvirði til velþóknanlegra. En nú tekur steininn úr, bréf hans til umboðsmanns alþingis er svo dónalegt að reyndir lögmenn halda því fram að það sé algerlega fordæmalaust. Umboðsmaður alþingis var einungis að sinna lögbundinni skyldu sinni og kanna forsendur ráðningar Þorsteins Davíðssonar í stöðu héraðsdómara. Með því að sýna umboðsmanni og kjósendum sínum slíkan hroka gefur hann þeim sögusögnum byr undir báða vængi að hann muni taka við forstjórastól Landsvirkjunar.

Árni notar tækifærið og sýnir umboðsmanni fingurinn 

Vill utandagskrárumræðu um ummæli Árna

Góðar fréttir úr höfuðborginni

Það hefur lengi vantað heildarskipulag fyrir miðbæ Reykjavíkurborgar, með einni undantekningu, sem er Grjótaþorpið og eru menn fyrst nú að vakna upp við vondan draum til að huga að þessu.  Þær sögur ganga fjöllum hærra að braskarar kaupi upp gömul hús, sem hafa menningarsögulegt gildi sem hluti af heildarmynd og sjái hag sínum best borgið með því að þau drabbist niður svo leyfi fáist til að byggja á dýrum lóðum. Nú sjást merki þess að borgararnir séu vaknaðir og séu að ýta við stjórnmálamönnunum. Góðverkssamtökin betri bær hafa málað yfir veggjakrot og sóðaskap í miðborg Reykjavíkur og er það vel. Okkur Reykvíkingum stendur ekki á sama, við viljum ekki slömm í miðbænum.

Máluðu yfir veggjakrot í miðborginni

Vei yður þér verndartollheimtumenn og fjölmenningarlegu farísear

Nú hafa alls 5 verndartollheimtumenn verið handteknir eftir árásina í Keilufelli s.l. laugardag. Sá síðasti var handtekin á Suðurnesjum af lífvörum Ingibjargar Sólrúnar Gísladóttur úr Afganistanferðinni. Sérsveit ríkislögreglustjóra er þrautþjálfuð til ýmissa verkefna allt frá því að fást við Talibana og að handtaka verndartollheimtumenn. Rétt er að vara við því að ókunnugir geta ruglast á verndartöllheimtumönnunum og heiðarlegum iðnaðarmönnum, vegna verkfæranna sem þeir ganga með, sem eru m.a, járnstangir, slaghamrar, sleggjur og axir, svo eitthvað sé nefnt, sem þeir telja gagnlegt við innheimtu á verndartolli. Sem dæmi um að tollverðirnir nýta þessi tæki og tól sín ekki í friðsamlegum tilgangi má nefna að einn liggur stórslasaður með slæma áverka á höfði og samfallið lunga. Tvískinnungur fjölmenningarlegu faríseana felst m.a í því að ekki megi huga að öryggi þess góða fólks sem hingað kemur um langan veg til að leggja hönd á plóg atvinnulífsins og vernda það, með því að loka landinu fyrir verndartollheimtumönnum, sem herja á saklaust fólk. 

"Vei yður þér tollheimtumenn og farísear."

Einn handtekinn eftir húsleit

Verða Íslendingar settir á listann?

Það liggur beint við að álykta að yfirlýsing David Petraeus yfirmanns Bandaríkjahers, sé upptaktur að nýrri innrás í Íran.  Þessa yfirlýsingu verður  að lesa í samhengi við að  Bandaríkjamenn handtóku  íranska diplómata  og  Íranir handtóku  breska sjóliða sem þeir sögðu hafa farið inn fyrir landamæri sín.  Diplómatísk samskipti  eru við frostmark enda  kallaði  Bush  Iran eitt  þriggja  "Öxulvelda  Hins Illa"
Nú er fróðlegt að vita hvort  Ísland verður sett á lista  yfir innrásarþjóðir verði slíkur listi gerður?

Segir Írana bera ábyrgð á árásum

Erlend glæpagengi og fjölmenningarleg slagsmál

Yfirgnæfandi meirihluti útlendinga sem hingað koma til að vinna er gott og gengt fólk. En það eru gömul og ný sannindi að misjafn sauður getur leyst í mörgu fé og skiptir þá ekki máli uppruni fjárins. Til að aðskilja hafra frá sauðum lögðu Frjálslyndir til að heilbrigði og sakaferill erlendra aðila sem hingað flyttust yrði kannaður og hlutu að launum ramakvein vinstriflokkana sem ásökuðu Frjálslynda um rasisma. Jafnvel hinn prúði Geir Haarde tók þátt í þessu og þóttist sárna persónulega vegna þess að hann væri hálf norskur og þótti að sér vegið.  Morgunblaðið fylgdi í kjölfarið og strengdi þess heit að segja ekki frá uppruna meintra brotamanna. Þessi móðursýki er nú rénuð og raunveruleikinn blasir við. Heiðarlegir Pólverjar skelfast að fá lítinn en skuggalegan hóp samlanda sinna sem muni plaga þá og koma á óorði að ósekju. Morgunblaðið sem lofaði að leysa fjölmenningarleg vandamál með þögn birtir í dag fréttina: "Pólsk glæpagengi herja á aðra Pólverja hér"

 

Þessi lífvörður rússnesku mafíunnar er sagður vera illskeyttari en hann lítur út fyrir. Frjálslyndir vilja ekki að hann fái atvinnuleyfi hér. 

Pólsk glæpagengi herja á aðra Pólverja hér