Eftirsjá að Bjarna úr pólitíkinni

Það  er ekki annað hægt en að taka undir með  Bjarna um að það sé undarlegt langlundargeð ef þjóðin ætlar að veita fjórflokknum brautargengi eftir að hann kom þjóðinni á hnén. Mér  finnst mikil eftirsjá að Bjarna Harðarsyni úr pólitíkinni en hann mun vafalaust halda áfram að móta umræðuna og er örugglega ekki búinn að segja sitt síðasta orð.

Hættir við þingframboð

Íslendingar halda áfram að meika það í útlöndum!

Íslendingar eru alltaf að slá í gegn. Núna var Guardian að útnefna okkar mann Geir Haarde í hóp 25 manna í heiminum sem ber ábyrgð á efnahagskreppunni. Þessi tilnefning er lítt umdeild því Geir er ekki bara forsætisráðherra heldur var hann fjármála- og einkavæðingarráðherra þegar bönkunum var ráðstafað til manna með sambönd í flokkana.  Af sinni alkunnu hógværð ánafnaði Geir erlendum aðilum þennan heiður.

 Rússar undir forystu Jeltsíns gerðu t.d. ekki síður  mistök í einkavæðingu  en Sjálfstæðisflokkurinn undir forystu Davíðs og Geirs.

Geir Haarde sagður ábyrgur fyrir hruninu

Kveðjur frá mótmælenda Íslands

Í dag loga eldar réttlátrar reiði um allt samfélagið. Aðal mótmælin fara fram á sjálfu byltingartorginu Austurvelli en einnig er mótmælt viða um land Akureyri, Selfossi, Egilsstöðum og Ísafirði. Allstaðar hljómar krafan: Kosningar strax. 

 En mótmælandi Íslands er nú kominn á Grund. Mann mótmælti í mörg ár þeim Davíð Búss og Halldóri. Öldungurinn fagnaði í gær síðasta starfsdegi Búss og fékk sér kakó. Hann hafði ekki tök á að orna sér við eldinn af jólatrénu en sendi unga fólkinu hlýjar kveðjur. 

Óslóartréð borið á bálið

Gott hjá sjálfstæðismönnum að standa með Árni M. Mathiesen

Það er sjálfsagt til vinsælda fallið að friða lýðinn og auglýsa bankastjórastöðurnar.  En það er gott að sjálfstæðismenn skuli sýna þá staðfestur og drenglyndi að standa með sínum manni Árna M. Mathiesen þó móti blási hjá honum í skoðanakönnunum. Ég er líka ánægður með  Gísla Martein, sem lýsti því yfír Kastljósi að hann styddi heilshugar þá ákvörðun Árna að ráða héraðsdómara sem minnsta hæfni hefði enda væri hann vel ættaður. Rétt væri af Árna að svara umboðsmanni Alþingis og léti hann fá það óþvegið, enda væri valdið óumdeilanlega hjá ráðherra.

 Árni M. Mathiesen, sýndi mikinn kjark og fórnfýsi með því að taka að sér að gerast dómsmálaráðherra part úr degi til þess að ráða son Davíðs í embættið, eins og til var ætlast, enda mátti búast við að þessi ráðstöfun myndi sæta mikilli gagnrýni.  Það væri því mikið ódrenglyndi af sjálfstæðismönnum að láta hann gjalda fyrir trygglyndi sitt og fórnfýsi.

Bankastjórastöður auglýstar

Ilmur Kristjánsdóttir gróf. Heldur áfram sem Gísli Marteinn!

Kastljós var með óvenjulegu sniði í kvöld þegar þau Ilmur Kristjánsdóttir, í gervi Gísla Marteins og Guðmundur Steingrímssonar mættu til að fara yfir fréttir vikunnar. Þátturinn var rosalega fyndinn, allavega til að byrja með en endaði með talsvert gráu gamni. Helgi Seljan er þekktur fyrir að vera  talsvert óvægin við pólitíkusa, þó ég hafi hingað til verið sáttur við hann en núna fannst mér hann ganga of langt í gráu gamni: Í fyrstu lagði Ilmur Gísla þau orð í munn að Sjálfstæðisflokkurinn hafi komið í veg fyrir að fulltrúar hinna flokkana gæfu auðmönnum Orkuveitu Reykjavíkur. En steininn tók út þegar hún lagði borgarfulltrúanum þau orð í munn að Arni M. Mathiessen hafi staðið rétt að skipun héraðsdómara, með því að setja son Davíðs í embættið þó aðrir hæfari en lakar ættaðir hefðu sótt um. Og ekki var síður gróft af henni að leggja Gísla þau orð í munn að sjálfsagt sé að deila við umboðsmann Alþingis.  Þarna gekk Ilmur alltof langt!  Hvað á þetta einelti að þýða? Er Kastljós að reyna að rústa pólitískri framtíð Gísla?

 

Hvers á Gísli að gjalda?

Jólasveinn reyndi að hleypa fundinum upp

Á tímabili lá viðað syði uppúr á sáttafundinum í Iðnó, þegar friðarsinninn Ástþór Magnússon kom í jólasveinabúning og gerði sitt besta til að hleypa fundinum upp.  Jónasveininum var að lokum vísað á dyr og róaðist fundurinn þá og endaði í friði og spekt. Segja má að mikill órói sé nú í kring um jólasveina því ISG var um það bil búin að koma sér út úr húsi í Samfylkingunni með því að lýsa yfir eindregnum stuðningi við jakkafataklæddan jólasvein í ríkisstjórninni.

Fundi lokið í sátt og samlyndi

Bjöggi velkominn í Dalinn

Bjöggi (Björgólfur Takefusa) er fæddur og uppalinn Þróttari eða köttari eins og við köllum þá okkar á milli. Hann hefur alltaf kunnað best við sig að röndóttur á vellinum en persónulega kann ég þó langbest við hann í lit, enda stóð hann sig alltaf best. Bjöggi er ekki bara mikill markaskorari heldur útsjónasamur dugnaðarforkur á vellinum og auðvitað góður félagi. Góðar kveðjur úr Dalnum.

Björgólfur af stað með KR-ingum

Hafísinn er óvenju fjarri Íslandi

Hafísröndin er hvergi nær landi en hundrað kílómetrar. Þetta er mjög óvenjulegt miðað við árstíma og ekkert útlit er fyrir að breyting verði á þessu. Það má því búast við algerum verkefnaskorti hjá Þórunni Sveinbjarnardóttur,  enda ekki útlit fyrir að nokkur ísbjörn nái landi þetta árið.

Nýtt ár, ný fyrirheit Hvernig þróast Ísland?

Flestir Íslendingar kveðja árið 2008 með blendnum huga. Langvinn spilling og óstjórn í landinu leiddi það af sér að efnahagslægðin kom óvenju hart niður á íslensku þjóðinni og mun hún þurfa að glíma við afleiðingar þess næstu áratugina. Vonandi reynist Páll Skúlason sannspár í því að þjóðin muni nú kasta fyrir róða þeim sérhagsmunagildum sem komu henni á vonarvöl.  En hvernig koma menn á nauðsynlegri siðbót sem fólkið þyrstir eftir og er söguleg nauðsyn ef þjóðin á að komast á lappirnar. Kannski munu menn reyna að laga einhvern þeirra flokka sem fyrir eru. Kosturinn við þetta er sá að flestir flokkarnir hafa góða stefnuskrá og markmiðasetningu. Gallinn við það er sá að  þar sitja á fleti fyrir menn sem ýmist eru sekir um núverandi ástand eða hafa sýnt ótrúlega meðvirkni og hafa engu meiri skilning á þörf byrir breytingar en sjálfir gerendurnir. Ef til vill verður stofnaður nýr stjórnmálaflokkur einn eða fleiri. Þetta er ekki áhlaupaverk, m.a. vegna þess að núverandi stjórnmálaflokkar hafa skapað sér forskot. En á móti kemur að nýir aðilar þurfa ekki að dragnast með fortíðarvanda annarra. Því er það kannski besti kosturinn?

Sjálfur vona ég að ég geti verið betri við fólkið mitt og komið ýmsu þörfu til leiðar sem setið hefur á hakanum alltof lengi  sakir leti. 

 

Ég óska bloggvinum mínum

Gleðilegs árs og vona að komandi ár verði þeim gjöfult og hamingjusamt í einkalífi.

 

Gleðilegt nýtt ár

Gísli Marteinn afhjúpar leyndarmál:

 Gísli Marteinn hefur nú afhjúpað af hverju hann þáði laun þó hann væri ekki búsettur á landinu. Hann og Hanna Birna óttuðust að ef hann færi af launaskrá, teldi fólk að fleygur væri á milli þeirra sjá tilvitnun úr heimasíðu Gísla:

 "Það er til marks um breytta tíma í þjóðmálunum að þegar ég komst inn í Edinborgarháskóla og sagði Hönnu Birnu Kristjánsdóttur og öðrum félögum mínum frá því, voru áhyggjur okkar þær að námið mitt myndi koma út einsog flótti væri brostinn í borgarstjórnarflokkinn. Ég segi einsog stundum er sagt: Ef aðeins það væru áhyggjur okkar núna. En eftir það sem á undan var gengið í borgarmálunum, vildum við ekki að fólk héldi að einhver fleygur væri í samstarfi okkar Hönnu Birnu og borgarstjórnarflokknum héldist ekki á sínu fólki. Okkur fannst því betra að ég myndi vera áfram einn af borgarfulltrúum okkar."

Þetta kemur samt of seint hjá Gísla

Himasíða Gísla Marteins

Gísli Marteinn tekur sér launalaust leyfi