Vei yður þér verndartollheimtumenn og fjölmenningarlegu farísear

Nú hafa alls 5 verndartollheimtumenn verið handteknir eftir árásina í Keilufelli s.l. laugardag. Sá síðasti var handtekin á Suðurnesjum af lífvörum Ingibjargar Sólrúnar Gísladóttur úr Afganistanferðinni. Sérsveit ríkislögreglustjóra er þrautþjálfuð til ýmissa verkefna allt frá því að fást við Talibana og að handtaka verndartollheimtumenn. Rétt er að vara við því að ókunnugir geta ruglast á verndartöllheimtumönnunum og heiðarlegum iðnaðarmönnum, vegna verkfæranna sem þeir ganga með, sem eru m.a, járnstangir, slaghamrar, sleggjur og axir, svo eitthvað sé nefnt, sem þeir telja gagnlegt við innheimtu á verndartolli. Sem dæmi um að tollverðirnir nýta þessi tæki og tól sín ekki í friðsamlegum tilgangi má nefna að einn liggur stórslasaður með slæma áverka á höfði og samfallið lunga. Tvískinnungur fjölmenningarlegu faríseana felst m.a í því að ekki megi huga að öryggi þess góða fólks sem hingað kemur um langan veg til að leggja hönd á plóg atvinnulífsins og vernda það, með því að loka landinu fyrir verndartollheimtumönnum, sem herja á saklaust fólk. 

"Vei yður þér tollheimtumenn og farísear."

Einn handtekinn eftir húsleit

Afnam Morgunblaðið siðareglurnar?

Eins og alþjóð veit kynnti Morgunblaðið á dögunum splunkunýjar siðareglur sem gengu út að ekki mætti segja frá þjóðerni eða uppruna  grunaðra eða dæmdra brotamananna.  Mörgum  þótti þessi nýja sjálfsritskoðun undarleg  ennfremur töldu aðrir að slík þöggun gæti leitt til leitt til óþarfa fordóma. Nú skömmu síðar greinir Morgunblaðið skilmerkilega frá þjóðerni manns sem kærður var fyrir brot gegn valdstjórninni  og ofbeldi gagnvar lögreglu hafi verið handtekinn  með  með nokkurt magn fíkniefna. Ég er sammála Morgunblaðinu í því að afnema þessa skrýtnu siðareglu.  Ef farið væri út í ystu æsar mætti ekki segja jákvæðar fréttir t.d. að tiltekinn hópur "erlendra aðila" væri löghlýðin, því þá gæti einhver gagnályktað að einhverjir aðrir höguðu sér verr, sem er væntanlega rökrétt. Ef vandamál eru til staðar verða þau ekki leyst með því að setja upp eyrnahlífar og svellþykk sólgleraugu. Persónulega er ég á móti ritskoðun eða fréttasíu, ef slík takmörkun á frétta ætti að hafa áhrif til að breyta eða viðhalda einhverri "æskilegri" skoðun þyrfti slík takmörkun að vera alger.  Ritskoðun hluta fjölmiðla er vanhugsuð aðgerð sem mun væntanlega hafa áhrif í aðra átt en ætlast er til.

Maður sem sló lögreglumann tekinn með fíkniefni

Fjölskylduhjálpin, ómetanlegt starf.

Ásgerður Jóna Flosadóttir, formaður Fjölskylduhjálpar Íslands, hringdi í mig og bað mig, vegna forfalla, um hjálpa til við að útdeila páskamat til nauðstaddra í gær  og var það auðsótt mál. Ég  og mitt fólk hefur aldrei skort nauðsynjar og þó maður hafi heyrt af fátækt kom mér á óvart sár neyð fólks sem vegna sjúkdóma eða fötlunar getur ekki séð sér og börnum sínum farborða.

 

Formaður Fjölskylduhjápar Íslands

 

 Það var óvenju mikið að gera í gær þegar yfir 200 fjölskyldur, sem skrá höfðu sig á biðlista, leituðu aðstoða. Enginn fór tómhentur heim, og það var sterk tilfinning að horfa í augu fátækra og þakklátra barna sem auðsjáanlega höfðu lítið fyrir sig að leggja en gátu hlakkað til páskamatarins eins og önnur börn.-    

                       Fyrir þetta vil ég þakka:

Ég vil þakka Ásgerði Jónu fyrir hennar frumkvæði. Ég vil þakka fyrirtækjum og einstaklingum sem leggja starfseminni til mat og fjármagn. Ég vil þakka sjálfboðaliðunum fyrir að leggja hönd á plóg.    Að lokum vil ég þakka fyrir þá ánægju að fá að gleðja þá sem minna mega sín.

 

 

 

 

 

 

 

Ómetanlegt starf

Krossfarinn Bush fagnar í kvöld

Fimm ár eru síðan Búskur forseti tilkynnti að hann hefði hafið "krossferð" til Íraks (trúarstríð í Írak). Ummæli hans vöktu mikla reiði og skelfingu í hinum muslimska heimi og áttu blaðafulltrúi hans og ráðgjafar fullt í fangi með að leiðrétta mistökin.

Það er þó ekki hægt að segja að þetta hafi allt farið fram undirbúningslaust. Vanbúin íraski herinn féll fljótlega saman gegn bandarísku hernaðarvélinni. Í hverri borgin á fætur annarri mátti sjá mannfjölda fagna innrásarliðinu. Tvær grímur runnu á menn þegar hægt var að  greina sömu brosandi andlitin fagna á mismunandi stöðum í landinu. Öll rataði þessi vitleysa á forsíður blaðanna ásamt skrípafréttinni sem þakti forsíðu Morgunblaðsins að Íslendingar hefðu fundið gereyðingavopn. En það eru takmörk fyrir því hvað heiðarlegir blaðamenn láta plata sig lengi og svo kom að Morgunblaðið snérist gegn innrásinni. Seðlabankastjórinn situr einmana við fótskör meistara síns.

 

Fáir telja að þátttaka Íslands, hafi orðið landinu  til sóma og því vonuðu margir að landið yrði tekið af listanum, hér eru nokkrar ástæður:

Stríðið var undirbúið og rekið á upplognum forsendum.

Innrásin var ólögleg árás á fullvalda ríki. 

Bandaríkjamenn notuðu bannaðar napalm-og fosfórsprengjur inni í borgum.  

Víðtækar og skipulagðar pyntingar fóru fram um allt Írak að undirlagi innrásarliðsins.

Hundruð þúsunda óbreyttra borgara hafa fallið frá því stríðsátökin hófust.

Milljónir manna eru á vergangi sem flóttamenn bæði í Írak og nágrannaríkjum þess.

Írak er smátt og smátt að breytast í útungunarstöð fyrir hryðjuverkamenn.

Tortryggni milli trúarhópa og hatur á Vesturlöndum hefur aukist í hinum muslimska heimi.  

 

Foreldrar voru neyddir til kynferðislegra athafna á börnum sínum.

 

Ættflokkadeilur Afganistan mikilvæg úrlausnarefni

Geir Haarde og Árni Matt verða að sjá um að leysa efnahags- og mannréttindamál á Íslandi. Önnur og brýnni mál bíða Ingibjargar, þe. gamall ættflokkarígur í Afganistan. Eins og hún sagði sjálf:  Það skiptir mjög miklu máli að þegar svona stórpólitískt mál er rætt á þessum vettvangi, að mér hafi gefist kostur á að hitta stjórnmálamenn, ráðamenn og fulltrúa ýmissa samtaka, svo ég hafi tilfinningu fyrir viðhorfi þarlendra".

Ingibjörg á vandasamt verkefni fyrir höndum að sætta alla þessa ólíku ættbálka.

 

 

 

 

Ingibjörg Sólrún í Afganistan

Skattleysismörk helmingi of lág skv úrteikn. ASÍ

Skattleysismörk helmingi hærri ef persónuafsláttur hefði fylgt launavísitölu

Skattleysismörk væru nærri helmingi hærri í dag ef persónuafsláttur hefði fylgt launavísitölu síðastliðin tólf ár samkvæmt útreikningum ASÍ.

Í nýútkominni skýrslu OECD kemur fram að skattbyrði hér á landi hafi aukist á undanförnum árum. Er meðal annars bent á í því samhengi að persónuafsláttur hafi ekki hækkað í samræmi við verðbólgu - og hafi því í raun rýrnað.

Frá árinu 1996 hefur persónuafslátturinn hækkað um tæpar tíu þúsund krónur. Úr tæpum 25 þúsund krónum í þrjátíu og fjögur þúsund.

Rétt er að taka fram að á sama tíma hefur hlutfall staðgreiðslu lækkað úr tæpum 42prósentum í 35,72 prósent - eða um 6 prósentustig.

Skattleysismörkin eru nú rúmar 95 þúsund krónur en fara á næstu tveimur árum upp í 125 þúsund krónur samkvæmt stefnuyfirlýsingu ríkisstjórnarinnar. Á persónuafslátturinn að hækka um 7 þúsund krónur á næstu þremur árum umfram almennar verðuppfærslur.

Forvitnilegt er hins vegar að skoða hvernig persónuafslátturinn hefði þróast ef hann hefði fylgt vísitölu neysluverðs síðastliðinn tólf ár. Þá væri hann nú tæpar 39 þúsund krónur eða um fimm þúsund krónum hærri en hann er í dag samkvæmt útreikingum hagdeildar Alþýðusambandins. Skattleysismörkin væru samkvæmt því um 108 þúsund krónur.

Hefði persónuafslátturinn hins vegar fylgt launavísitölunni hefði hann rúmlega tvöfaldast á síðustu tólf árum og væri nú rétt rúmar 56 þúsund krónur. Skattleysismörkin væru um 157 þúsund krónur eða um þrjátíu þúsund krónum hærri en yfirlýst markmið ríkisstjórnarinnar.

Framkvæmdir hófust í Helguvík í morgun!!

Þau stórtíðindi gerðust í morgun að framkvæmdir hófust í Helguvík, strax eftir að forstjóri Norðuráls fékk afhent byggingarleyfi. (Sjá frétt) Þessar framkvæmdir virðast vera gerðar í fullri andstöðu við hluta ríkisstjórnarinnar ef marka má orð Þórunnar Sveinbjarnardóttur umhverfisráðherra. Núverandi áætlun gerir ráð fyrir að fyrsta áfanga verði lokið árið 2010 og verði þá framleidd150.000. tonn af ál. Næsta víst er að þetta mun stöðva lækkunarferli krónunnar. 

 

 Í Helguvík er mjög góð hafnaraðstaða

 

 

 

 

 

 

 

 

 

 

 

Myndin er af álveri Norðuráls við Grundartanga.

Framkvæmdir hafnar í Helguvík

Vigdís Finnbogadóttir,

Vigdís  Finnbogadóttir  atti kapp við þekkta of vinsæla einstaklinga um embætti forseta  Íslands og hlaut af þeim ástæðum ekki yfirburðafylgi en kjör hennar var engu að síður mjög happadrjúgt. Hún var jafn íslensk og fjöllin og dalirnir, vel  sigld og glæsileg fjallkona íslenskrar menningar hvar sem hún kom.  Páll Valsson  sem rita mun æviminningar hennar  skrifaði áður  sögu Jónasar Hallgrímssonar og tókst vel til.                 

                                                                   

Vigdís er þjóðlegur náttúruverndarsinni og tókst að hafa mótandi áhrif en jafnframt koma fram sem sameiningartákn.

Ævisaga Vigdísar haustið 2009

Vændi er löglegt. Höfnun fatlaðra og feitra ólögleg.

Alþingi samþykkti á dögunum að lögleiða vændi, með þeim einu takmörkunum að þriðji aðili megi ekki hagnast beint af viðskiptunum. Þannig lítur vændi sömu lögmálum og hver önnur þjónustu- og samkeppnisgrein.  Þá ber að greiða skatta af  tekjum af þessari starfsemi  og  jafnframt hlýtur hún að skoðast af heilbrigðiseftirlit i hvers  sveitarfélags eftir því sem tök eru á.  Lögreglan segist vera með þetta til skoðunar en veit ekki  hvað hún á að gera.  Af því tilefni spyr ég:  Er  leyfilegt að  opna atvinnustarfssemi og neita að þjónusta feita  og  fatlaða .  Hvað segir Öryrkjabandalagið , hvað gerir  Sjálfsbjörg?

Vændi á netsíðu

Björk þú ert alltaf flottust!

Náttúrutalent,  skemmtilegur tónlistarmaður,  náttúrutrúar með stórt hjarta, gleymir aldrei  íslensku rótunum, alþýðleg  og kemur eins fram við alla.  Þannig kemur hún mér fyrir sjónir. 

Yfirlýsing frá Björk