Er Einar Guðfinnsson ábyrgur sjávarútvegsráðherra?

Það var mesta óhappaverk síðustu ríkisstjórnar að setja smábáta í kvóta sem leiddi til mikillar veðsetningar og vandræða í greininni auk brottkasts sem áður var óþekkt á smábátum.  Ég get því ekki verið sammála Einari K. Guðfinnssyni þegar hann lýsir sjálfum sér sem "ábyrgum sjávarútvegsráðherra".  Þá er dapurlegt að hlusta á ráðherrann leggja á ráðin um að auka kvóta. Þegar frændur okkar Færeyingar voru í mikilli efnahagskreppu fóru þeir þá leið að afnema kvótakerfi sem var sambærilegt við það íslenska, þetta leiddi til afnáms brottkasts og velsældar.

Gott fiskveiðistjórnarkerfi gengur út á að taka úr hafinu með hagkvæmum hætti það sem við teljum óhætt. En til þess þurfum við að vita hvað sé í hafinu og það verður ekki gert nema a.m.k. hluti flotans sé í sóknarstýringu.  Þetta eru almenn sannindi sem allir ættu að geta skilið. EKG, kýs að láta sem hann skilji þetta ekki og það er ekki ábyrgt þegar mikið liggur við fyrir íslenska þjóð.

 

 Lausn efnahagsvandans hjá Færeyingum fólst í afnámi kvótans.

Aukinn þorskkvóti ekki útilokaður

Sjálfstæðisflokkurinn setur sérhagsmuni ofar þjóðarhagsmunum

Geir Haarde blekkti mig í gærkvöldi þegar hann kom fram í Kastljósinu og sagði að hann ætlaði ekki að láta kúga sig og steypa landinu í skuldafen. Þetta fannst mér ábyrg afstaða, svo ábyrg að mér fannst réttlætanlegt í nafni þjóðarsamstöðu að brennuvargarnir  fengju slökkviliðsbúning  og þjóðin stæði saman sem einn maður. Það var mér því áfall að hlusta á Einar K. Guðfinnsson í hádeginu, sem lýsti því yfir að það kæmi ekki til greina að gera neinar breytingar á kvótakerfinu. Þetta segir Einar þó hann viti að sjávarútvegurinn skuldar nú 400% af ársveltu sinni, veiði dragist stöðugt saman og  fjölmörg þorp að leggjast í eyði. Þjóðin hefur ekki efni á við þessar aðstæður að viðhalda kerfi sem felur í sér að mörgum milljörðum sé hent í hafið á hverju ári til þess eins að Sjálfstæðisflokkurinn geti þjónað sérhagsmunum.

Þess vegna verður að boða til kosninga sem fyrst.

Valur á veiðum

Sjávarútvegurinn skuldum vafinn

Almenningur rændur í skjóli vanhirðu ráðamanna

Stuðningsmenn stjórnarflokkana geta kannski sagt að bankarnir hafi brugðist trausti þeirra. Það er þó ekki nema hálfur sannleikur þar sem ráðamenn voru margsinnis aðvaraðir.

Nær væri að segja að stjórnvöld hafi brugðist almenningi og ekki gætt hagsmuna hans, með því að sinna ekki eftirlitsskyldu sinni.

„Það er búið að þurrausa sjóðinn“

Ísland vann með því að tapa atkvæðagreiðslunni

Það eru sannarlega mikil gleðitíðindi að Ísland hafi tapað með afgerandi hætti í kosningu til Öryggisráðs Sameinuðu þjóðanna.  Með þessu er okkur bjargað frá þeirri skömm sem misvitrir stjórnmálamenn, sem nú eru góðu heilli hættir, komu okkur í. Mikill meirihluti þjóðarinnar var alltaf eindregið á móti þessu en stjórnvöld létu það sig engu varða.  Mér er kunnugt um að mikill fjöldi trúaðs fólks  bað fyrir farsælum lyktum og hefur allt þetta fólk nú verið bænheyrt. Haleluja!  

Til hamingju Íslendingar

Ísland náði ekki kjöri

Gjaldeyrissparandi eiturlyfjaframleiðsla

Fíkniefnaverksmiðjan sem var verið að loka í Hafnarfirði var með framleiðslugetu upp á margar milljónir evra. Ég veit ekki hvað þessi markaður er stór eða hvort þetta var ætlað til útflutnings. En ef þetta hefur verið ætlað til að þjóna innanlandsmarkaði þá er ljóst að verksmiðjan hefði sparað milljónir evra í  beinhörðum gjaldeyri. Aðalatriðið er auðvitað að draga úr eiturlyfjaneyslu. En spurningin er hvort lokun einnar verksmiðju, í okkar heimshluta, stuðli að því?

Framleiðslugeta fyrir milljónir evra

Stuðningur ESB að undirlagi Breta

Bretar eru að spila þann leik sem þeir kunna best. Með því að fá ESB til að lýsa því yfir að "sýna þurfi Íslandi stuðning í baráttunni við fjárhagslegt hrun". Undanfarið hafa þeir leikið þann leik að senda vinaleg bréf og senda diplómata sem sýna af sér fágun og kurteisi meðan stjórnmálamenn þeirra tala í myndavélarnar og senda okkur tóninn jafnframt því sem þeir beita hryðjuverkalögum og leggja á ráðin að knésetja íslenskt fyrirtæki í Bretlandi. Stuðningurinn sem þeir bjóða er að lána Íslendingum svo stjórnmálamenn geti samið við Breta um að borga allar skuldir bankanna og skuldsett komandi kynsóðir.

 Ég vil trauðla trúa því að Samfylkingin vilji draga landið í þá gildru. Sé það svo, mætti ég þá heldur þiggja ráð Davíðs í þessu máli.

ESB-leiðtogar styðja Ísland

Stefnum Bretum og endurheimtum mannorðið

Þeir Íslendingar sem eiga einhver samskipti við útlönd, hvort sem það er vegna ferðalaga búsetu eða viðskipti hafa með einum eða öðrum hætti mætt andstreymi. Rétt eins og seðlabankastjóri upplifir almenningur í útlöndum útrásarvíkingana og  bankamennina sem "óreiðumenn". Það er sama hvort maður opnar fyrir Sky, BBC eða gluggar í eitthvað blað allt er á eina bókina lært: Íslendingar eru dólgar sem bresk stjórnvöld reyna að hemja. Á þessu forsendum beittu bresk stjórnvöld hryðjuveralögum og knésettu stærsta fyrirtæki Íslendinga.  Íslendingar eiga bara einn kost í stöðunni þeir verða að stefna Bretum. Breski fjármálaráðherrann afsakar hegðun sína með því að  vitna í tveggja manna tal sitt við íslenskan starfsbróður sinn. Árni segir Darling afflytja samtalið og getur vitnað í upptöku því  til stuðnings. Ég trúi okkar manni 

Stefnum Bretum, með því fá Kaupþingsmenn bætur og við Íslendingar endurheimtum mannorðið. 

Vilja ekki íslensku sinfóníuna

ISG sér tækifæri í stóraukinni utanríkisþjónustu

Ingibjörg Sólrún Gísladóttir hefur nú loks tjáð sig um lausn á yfirvofandi skuldafeni. Hún vill ekki pakka í  vörn, nei þvert á móti vill hún ótrauð að blásið verði til sóknar, slá meiri lán og efla utanríkisþjónustuna. Í samræmi við þessa stefnu var öllum starfsmönnum og fulltrúum Sameinuðu þjóðanna boðið í kaffi og rjómapönnukökur í gær. Hvað ætli séu margir meðlimir Breska Verkamannaflokknum innan ríkisstjórnarinnar?

Ingibjörg Sólrún: Fyrst IMF og svo ESB

Nýtur Árni Mathiesen trausts?

Búast má við að Alþjóðagjaldeyrissjóðurinn setji Íslendingum óaðgengileg skilyrði og jafnvel afarkosti. Reiknað er með því að sjóðurinn taki eindregna afstöðu með Bretum í deilu þeirra við Íslendinga og muni krefjast þess að við semjum við  þá. Þá er ekki ótrúlegt að sjóðurinn krefjist þess að Íslendingar selji náttúruauðlindir sínar. Því er spurt hvort menn treysti Árna, óvinsælasta ráðherra Íslands til að fara með samningsumboð okkar? Árni hefur átt í vök að verjast eftir að Darling tók upp á því að vitna í tveggja manna tal. Árni er með upptöku af samtalinu og ætti ekki að hika við að birta hana og afhjúpa þannig smekklaus ósannindi breska ráðherrans. Það kann heldur ekki góðri lukku að stýra að meðlimir Breska verkamannaflokksins fari með málið fyrir okkar hönd.

Fundað stíft með IMF

Bretar búnir að valda öllu því tjóni sem þeir geta.

Bretar eru búnir að eyðileggja stærsta fyrirtæki á Íslandi og valda öllu samfélaginu ómældu tjóni og munu tæplega geta bætt um betur. Nauðsynlegt er að ræða við öll ríki sem hlut eiga að máli en láta Breta mæta afgangi enda geta þeir ekki valdið meira tjóni úr því sem komið er. Hér eftir treysti ég varlega meðlimum Breska Verkamannaflokksins til að  fara með íslenska hagsmuni.

Þokumst nær samkomulagi við Breta