Geir hefur þjóðina með sér í þessu máli

Það þarf ekki endilega að felast lánleysi í því að fá ekki lán frá IMF. Íslendingar eru skuldugasta þjóð í heimi og mættu gjarnan fara varlega í að bæta á sig lánum og gangast undir þrælakvaðir og afarkosti, þá er stutt í ófrelsi.

Forfeður okkar vissu hvað það er mikilvægt að ráða sínu búi og í einni vísu Háfamála stendur að "Blóðugt sé hjarta þess er biður sér í mál hvers matar"

Vonandi opnast nú augu einhverra fyrir því að t.d. Bretar  eru ekki mjög uppteknir yfir hagsmunum Íslendinga. Vilja menn virkilega eiga framtíð barna sinna undir þeim?

Bretar voru alltaf súrir yfir að þurfa að yfirgefa landhelgina, þess vegna vilja þeir fá okkur í ESB. Kannski er Gordon Brown nógu klókur til að dýpka kreppuna hér og aðstoða innlenda flokksbræður sína?

Burt með spillingarliðið, hvar í flokki sem það stendur! 

 

Við hættum frekar við lánið

Ekki benda á mig, það voru vinkonur mínar sem áttu hugmyndina.

 

 

 

 

 

 

 

 

 

 

 

 

 

 

 

Burt með spillingarliðið, hvar í flokki sem það stendur! 

Burt með spillingarliðið, hvar í flokki sem það stendur!

Mæt kona vestan af Fjörðum, Ólína Þorvarðardóttir, kom þeim skilaboðum til bloggvina sinna  að þeir  hvetji allir sem einn til aflúsunar íslenskra þjóðmála. Ég vil þakka Ólínu þessa góðu ábendingu sem mér er ljúft að verða við.

Í Samfylkingunni er ágæt sómakona  að nafni Valgerður Bjarnadóttir, sem flutti í byrjun þings breytingatillögu við eftirlaunafrumvarpið (sem hún nefnir réttilega eftirlaunaósómann). Valgerður hefur ekki fengið stuðning flokkssystkina sinna til að koma málinu á dagskrá.

Þær  Valgerður og Ólína fá rós í hnappagatið.

 

 

Burt með spillingarliðið, hvar í flokki sem það stendur!

 

 

Hvert stefnir Ísland? 3 möguleikar til lausnar vandans

Hægt er að laga viðskiptajöfnuðinn með þrennum hætti:  Sparnaði, lántöku eða auknum tekjum. Ríkistjórnin einblínir á auknar lántökur þó við séum nú þegar orðin skuldsettasta þjóð í heimi. Skuldir þjóðarinnar eru orðnar svo miklar að það mun taka nokkrar kynslóðir að borga þær samt halda ráðamenn Íslands áfram að  krjúpa við fótskör allra þeirra þjóðhöfðingja sem þeir komast í færi við.  

En það eru til aðrar leiðir. Fyrrum sjávarútvegsráðherra Færeyja  hefur lýst því í blaðaviðtölum hvernig Færeyingar komust út úr sinni bankakreppu, með því að afnema kvótakerfið og koma á sóknarstýringu, sem varð m.a. til þess að allt brottkast hvarf.

Við gætum líka farið rótækari leið:

Sjávarspendýr éta 20 sinnum meir en við veiðum og við getum dregið úr þeirra hlut meðan við losum okkur við skuldir.  Ef við getum ekki selt hvalkjöt getum við leigt Japönum kvóta. Eittvað getum við veitt sjálf til eldis á fóðurfiski.  Þá myndu Norðmenn grátbiðja um á fá að nota íslenska krónu.

Báðar þessar leiðir eru löglegar og hvorug gengur gegn banni við sölu hvalafurða milli landa. að sjálfsögðu myndum við gæta hófs og stýra þessu vel innan marka sjálfbærrar nýtingar. 

Styðja lán til Íslands

Sjálfstæðisflokkurinn klofinn Varaformaðurinn með bakland í samstarfsflokknum

Varaformaðurinn er ókrýndur leiðtogi þeirra sjálfstæðismanna sem vilja fórna hagsmunum sjávarútvegsins með því að ganga í ESB í von um baunadisk.  Hópur menntamanna innan Samfylkingarinnar, sem aldrei hefur flakað ýsu hvað þá pissað í salt vatn skilja ekki möguleika sjávarútvegsins en sjá sjálfan sig í hyllingum sem vellaunaða starfsmenn í Brussel, fulltrúa fátæks og skuldsetts grjóthólma í N- Atlantshafi. Valdabarátta er hafin innan Sjálfstæðisflokksins og varaformaðurinn á tryggt bakland í samstarfsflokknum.

 Bretar voru hundfúlir að þurfa að hætta að veiða við Íslandsmið. Þess vegna vilja þeir ólmir fá okkur í ESB til að ná fyrri stöðu. Getur verið að þeir Gordon Brown og Darling hafi vísvitandi komið Íslendingum á hné til að aðstoða íslenska flokksbræður sína að klára verkið?

 

Tilbúin að endurskoða afstöðu

Samfó buffar samstarfsflokkinn sem er vankaður

Þetta er mögnuð staða. Samfylkingin nýtur þess að vera bæði í stjórn og stjórnarandstöðu t.d. með því að framámenn hennar taka þátt í opinberum mótmælum. Sjálfstæðismenn eru vankaðir og milli steins og sleggju því þeir vilja umfram allt ekki kosningar.   Þetta rifjar upp boxlýsingu hjá Bubba og Ómari:  Bubbi æpir: "Hann ver sig ekki" "Hann ver sig ekki". Ómar ákveðinn:  Búð spil,  Bubbi æstur: Hann er vankaður.  Ómar: Hægri, vinstri, upphögg.  Bubbi: Þetta er tær snilld.  Ómar: Þetta er það flottasta sem ég hef séð lengi, nei sjáðu hann er nefbrotinn. Bubbi: "Gargandi snilld"

Samfylking afneitar Davíð

LÍÚ óskar eftir meiri kvóta til að veðsetja

Einn stærsti vandi Íslendinga felst í því að meðlimir LÍÚ eru búnir að veðsetja sameign þjóðarinnar í útlöndum þannig að greinin skuldar nú 400% af ársveltu.  Það er sjálfsagt allt í lagi að auka við veiðiheimildir en það er ástæðulaust að gera það þannig að það auki skuldir landsins í útlöndum.

LÍÚ óskar eftir meiri kvóta

Besti fjárfestingarkosturinn Fjárfest í heilsu

Ég fór á frábæran kynningarfund á Grand hótel í kvöld þar sem komu góðir erlendir gestir frá USA og fjölluðu um hvernig mæetti virkja og styrkja ónæmiskerfið. Ástæðan fyrir því að þeir sáu sér fært að koma var sú að þeir millilentu hér á leið sinni á stóra ráðstefnu í Noregi. Aðalfyrirlesari var Doktor Don Knox sem fjallaði um nýjustu rnannsóknir sínar á slökkvuliðsmönnum en sú rannsókn var styrkt af fjölmörgum háskólum og bandaríska flughernum. Niðurstöður allra rannsóknanna benda í sömu átt að  sjá  wellmune   dragi úr steitu og fækki veikinndadögum.  Aðrar rannsóknir beda allar í sömu átt. 

Í Skandinavíu heitir varan Immiflex sjá 

Stjórnmálaskýring: Stjórnmálin eiga eftir að umturnast.

Ég er sannfærður um að Ísland verður ekki samt eftir þær hremmingar sem nú eru að fara í hönd. Sú mikla viðhorfsbreyting sem þegar hefur átt sér stað er að litlu leyti komin fram í fylgi flokka.  Aukið fylgi við Evrópusambandsaðild kemur alltaf eins og dagur á eftir nótt í kjölfar efnahagslægða en hverfur svo  í kjölfar uppgangs. Í því ljósi má skilja uppgang Samfylkingarinnar sem hefur verið bæði í stjórn og stjórnarandstöðu. Samfylkingin hefur verið með hugann við útþenslu utanríkisþjónustunnar og er jafn sek Sjálfstæðisflokknum en eftir að allt fór í kaldakol skóp hún sér sérstöðu með því að vilja semja strax við Breta, IMF, ganga í Evrópusambandið. Flestir átta sig á að kapp er best með forsjá í jafn mikilvægum samningum og vonandi hefur ríkisstjórnin manndóm í sér til að stefna Bretum. Samfylkingin hefur engar tillögur í sjávarútvegsmálum aðrar en þær að skapa störf í símaþjónustu fyrir konur í sjávarþorpum sem eru að fara á hliðina vegna kvótakerfisins. Að öðru leyti hefur hún engar tillögur í atvinnu- og efnahagsmálum aðrar en að ganga í ESB sem myndi koma í veg fyrir að Íslendingar gætu haldið aftur af ofvexti hvalastofna. Auk þessa hefur flokkurinn nú fundið blóraböggul í Davíð Oddssyni seðlabankastjóra, sem þerripappír til að draga athygli frá viðskipta- og bankamálaráðherra. Þessi taktík mun ekki duga til langframa.  Önnur viðhorf hafa breyst. 1. Eftir að karlaveldun í viðskiptalífinu brugðust verða konur líklega meira áberandi. 2. Fólk hefur áttað sig á að einhæfni í atvinnulífi er varasöm og við megum ekki eiga allt undir áli. 3. Síðast en ekki síst er fólki farið að skiljast hversu mikilvægur sjávarútvegurinn er. án hans ættum við enga möguleika á að vinna okkur úr vandanum. Við eigum möguleika á ná miklu meiri arðsemi í greininni með því að innleiða sóknarstýringu sem kæmi m.a. í veg fyrir brottkast tugmilljarða verðmæta á ári hverju. Frjálslyndi flokkurinn er eini flokkurinn á Alþingi sem hefur einarðlega unnið að því. Framtíð þjóðarinnar veltur að miklu leyti á því að talsmenn flokksins nái að leggja mál sitt fyrir hana.

Minnihluti styður stjórnina

Ömmur eru mikilvægastar

John McCain hamast eins og óður maður, sem á lífið að leysa á kosningaferðalögum um norðvesturríkin og Florida. Hver mínúta er skipulögð þar sem  hann heldur marga fundi á dag  og taugaveiklunin er farin að skína í gegn.  Þegar aðeins rúm vika er til kosninga tekur Obama sér hins vegar frí til að heimsækja mikið veika ömmu sína. Hawai er öruggt vígi Demókrata þannig að hann þarf ekki að vinna fylgi þar.  Þetta minnir okkur á hvaða gildi eru mikilvægust í lífinu.

Obama heimsækir Hawaii