Góð tillaga um myntsamstarf við Noreg

Í erindi Jónasar Haralds, þess aldna og merka fræðimanns, sem hann flutti nýlega um sögulega þróun krónunnar kom fram að krónan hefur lengst af ýmist verið tengd gullfæti eða öðrum myntum. Ástæðan sé sú að íslenska hagkerfið er dvergvaxið á alþjóðlegan mælikvarða  og auðvelt skotmark fyrir vogunarsjóði. Vissulega hefur  íslenska krónan  liðið fyrir fyrirhyggjulausa efnahagsstjórn sérstaklega undanfarin 7 ár, sem  einkennst hefur af  slakri stjórn ríkisfjármála og eyðslu langt um efni fram. Það er því ekki við flotkrónuna eina að sakast þó saga hennar hafi nú endað með þjóðargjaldþroti. Það er ekki létt verk eftir bannkahrun að koma henni á flot við það bætist að úti standa 500 milljarðar króna í Jöklabréfum sem bíða eftir að komast úr landi. Þessi nýja flotkrónutilraun er því mjög erfið og tvísýn.

Norðmenn hafa ekki hag af því að ganga í ESB frekar en Íslendingar enda eiga þeir mikilvæg fiskimið. Þeim er því mjög í mun að halda í EES samninginn og það geta þeir ekki nema Ísland sé með. Norðmenn hafa því beinan ávinning af því að Ísland brotni ekki. 

Norðmenn og Íslendingar eiga mikið samstarf bæði í EES og EFTA, þar er efnahagslegur stöðugleiki miklu meiri en í ESB auk þess þyrftum við ekki að óttast að Norðmenn myndu ásælast aluðlindir okkar eins og ESB löndin gera.  

Vilja tengja íslensku krónuna við þá norsku

Brunaverðir eða brennuvargar? Tjónvaldur eða slysavarfélag?

Nú hefur það verið upplýst að seðlabankinn varaði Ingibjörgu Sólrúnu og Geir Haarde 6 sinnum við bönkunum frá því í febrúar án þess að þau brygðust við. Ingibjörg ákvað þó að kynna sér ættflokkadeilur í Afganistan en sem betur fer mistókst henni að koma landinu í öryggisráðið. Vöru þau brunaverðir eða brennuvargar?  Alþjóðasamfélagið er nú að lána okkur gríðarlega fjármuni til að koma krónunni af stað og ríkisstjórnin þykist róa að því öllum árum ásamt vinaþjóðum okkar að auka tiltrú á krónunni.  þá koma ungir samfylkingamenn og "kasta krónunni" Samfylkingin rær ekki í takt, hún rær á móti hagsmunum Íslands.       Er Samfylkingin  tjónvaldur eða slysavarfélag?

 

Áfram íslenska þjóð - burt með spillingarliðið!

Ísland hefur ekki efni á spilltum stjórnmálamönnum lengur

Nú þegar sjálfstæðismenn eru búnir að koma landinu á hausinn högum við ekki efni á spilltum stjórnmálamönnum lengur. Þegar Færeyingar lentu í bankakreppunni afnámu þeir kvótakerfið og komust til bjargálna á ný og nú eru þeir aflögufærir.

Áfram íslenska þjóð - burt með spillingarliðið!

Kvótann aftur til þjóðarinnar

Vantraust: Oft var þörf en nú er nauðsyn

Þeir ógæfumenn sem hafa komið landinu á hausinn neita að taka ábyrgð á gerðum sínum og leggja verk sín í dóm kjósenda. Nú eru þessir sömu ógæfumenn að skuldbinda margar komandi kynslóðir til að axla drápsklyfjar vegna þeirra einkavinaspillingu, kæruleysis og óreiðu. Fyrir tilstilli þessara manna er Ísland skuldugast land í heimi, þessir sömu ógæfumenn þykjast einir geta stýrt björgunarleiðangri en það kalla þeir að safna enn meiri skuldum fyrir börnin okkar. Þorgerður Katrín segir að það séu spennandi tímar framundan fyrir sjálfstæðismenn! En þetta eru ekki góðir tímar fyrir þjóðina.                                                                                                Áfram íslenska þjóð - burt með spillingarliðið!

Vantrauststillaga komin fram

Færeyingar fjármagna sendiráð Íslands erlendis

það er einsýnt að Íslendingingar þurfa að draga úr útgjöldum við kostnaðrsamt félagslífi diplómata á erlendri grund, sem er að sliga þjóðina. Eftir að Færeyingar lögðu af kvótakerfið eru þeir vel aflögufærir  og því fékk Ingibjörg Sólrún þá hugmynd að fá Færeyinga til að taka þátt í rekstri sendiráðanna með því að leigja þeim skrifstofuaðstöðu í íslensku sendiráðunum í Moskvu og Genf.  Jørgen Niclasen núverandi utanríkisráðherra er fyrrv. Landsstýrismaður við fiskivinnumálum   og fékk að stoð Jóns Kristjánssonar fiskifræðings til að leggja niður kvótakerfið. hann hefur lýst því yfir að annars hefðu þeir aldrei komist út úr kreppunni..  Jörgen er því mikill Íslandsvinur.og hefur heimsótt okkur í FF.

Íslensk sendiráð aðstoði Færeyinga

ESB brá hníf á háls Ingibjargar Sólrúnar

og hún brást ljúfmannlega við og enginn var hissa á því, þegar Evrópusambandið hótaði að rifta EES samningnum ef Íslendingar leituðu réttar síns. Hitt vakti meiri undrun að Geir Haarde  sem hafði uppi mörg stór orð um að hann myndi aldrei láta kúga sig  tók þátt í því með ISG að kyssa á vöndinn eftir að þau voru orðin leið á að kyssa hvort annað.

Áfram íslenska þjóð - burt með spillingarliðið!

ESB hefði jafnvel sagt upp EES-samningi við Ísland

Spillingaröflin ná völdum í Framsóknarflokknum

Í stól varaformanns Framsóknar situr kona, sem lagði til þess að vatnið og orkulindirnar yrðu einkavæddar, kom á lénsskipulagi í sjávarútvegi, sú sem studdi Íraksstríðið, sú sem flokksvinavæddi bankana og féll frá ströngum og verðmótandi útboðsskilmálum  2 vikum eftir að salan var gengin í gegn. Áfram íslenska þjóð - burt með spillingarliðið!

Guðni segir af sér þingmennsku

Brennuvargana burt úr slökkviliðunu!

Það er hvorki heiðarlegt né skynsamlegt að spillingaröflin sem ráðstöfuðu þjóðarauðnum til velþóknanlegra ráði för lengur nú þegar þau hafa stýrt landinu í gjaldþrot með því að sitja aðgerðalaus hjá meðan hraukurinn óx. Kannski áttu þeir erfitt uppdráttar þar sem sumir þessara fjárglæframanna kostuðu prófkjörsbaráttu þeirra en það er ekki gild afsökun.           Það er heldur ekki sanngjarnt gagnvart börnum landsins og komandi kynslóðum að brennuvar klæðist búningum slökkviliðsmanna og skuldsetji þær upp fyrir haus. Til þess eru þessir menn umboðslausir án  undangengna kosninga. Áfram íslenska þjóð - burt með spillingarliðið!

Ávísun á risagjaldþrot ef lán fæst ekki frá IMF

Gott hjá Össuri að kyssa ekki á vöndinn

Maður varð furðu sleginn yfir aulahætti utanríkisráðherra að leggja það í hendur Breta hvort þeir athafni sig með sín hertól hérlendis. Þessi yfirlýsing hennar hlýtur að hafa misboðið öllum Íslendingum með snefil af þjóðarstolti. Álit mitt á Samfylkingunni óx mikið í dag að heyra Össur Skarphéðinsson iðnaðarráðherra segja fullum fetum að hann kyssti ekki á vönd kvalara sinna, eins og svilkona hans, hæstvirtur utanríkisráðherra.  Össsur sagði réttilega að Íslendingum myndi misbjóða að breskir hermenn færu að athafna sig hér við þessar að stæður.

Kyssir ekki á vönd kvalaranna

Dulbúnir ráðherrar í jólasveinabúning, þykjast koma af fjöllum

Það er ekki bara Ástþór Magnússon sem getur brugðið sér í jólasveinabúning þessa dagana.  Nú  hafa fjármála- og viðskiptaráðherra brugðið sér í slíkan búning og þykjast koma af fjöllum, já gott ef ekki Grænlandsjökli. "Þeir hafi ekkert frétt af Icesava fyrr en þeir komu til byggða fyrir ekki svo margt löngu".  Sei sei nei þeir eru blásaklausir og grunuðu ekkert, hvað þá að þeir vissu neitt. Vita menn ekki að það er hvorki net eða GSM samband þarna uppi í óbyggðum?                                                                                                          Burt með spillingarliðið, hvar í flokki sem það stendur!   

Ráðherrarnir koma af fjöllum