Makríllinn eyðir seiðum eins og engisprettufaraldur

Evrópusambandið og Norðmenn vilja að við fóðrum makrílinn fyrir þá en veiðum hann ekki þó hann sé í okkar lögsögu. Helst af öllu myndu þeir vilja að við rækjum hann aftur út úr lögsögu okkar eftir að hann er orðinn sýlspikaður af seiðaáti. Makríllinn fer um í tugþúsund tonna torfum í efstu lögum sjávarins og étur seiði, loðnu og raunar alla fiska sem eru smærri.  Þessi krafa Evrópusambandsins er fráleit og ekki dytti okkur í hug að banna Grænlendingum að veiða þorsk sem syndir frá Íslandi í grænlenska lögsögu.

 Makakíllinn er í risatorfum um allan sjó, loðnan er flúin vegna hlýinda og síldin er veik. Íslendingar eru búnir að þéna 12 milljarða á þessu ári fyrir makríl en gætu hæglega margfaldað þá tölu. Auknar tekjur styrkja krónuna og þær má nota til að minnka skuldir þjóðarinnar og verja velferðarkerfið

Ríkisstjórnin verður að velja á milli að afla tekna eða taka lán.

Makríllinn hefur reynst útgerðinni mikil búbót

Jóhanna klagar Framsóknarflokkinn

Þá er Jóhanna búin að birta bréf sitt þar sem hún klagar Framsóknarflokkinn fyrir Stoltenberg m.a. með þessum orðum:

"Við gerum okkur vel ljóst að Lundteigen talar fyrir sig og afstaða norsku ríkisstjórnarinnar er okkur vel kunn. Það gildir hins vegar ekki um alla hér á landi og Framsóknarflokkurinn á Íslandi sakar okkur um að fylgja ekki eftir frumkvæði sínu. "

Jóhanna kvartar ekki við Norðmenn undan Bretum sem vilja ekki leyfa Íslendingum að leita réttar síns fyrir dómstólum.  En ef þetta er afstaða erlendra ríkja  að knésetja eigi Ísland og meina því að leita til dómstóla hvers vegna erum við þá að fóðra mörg hundruð þúsundir tonna af makríl á þorskseiðum í íslenskri lögsögu ókeypis að ósk þessara þjóða? 

Íslendingar geta slegið tvær flugur í einu höggi: Aflað sér tugmilljarða tekna í beinhörðum gjaldeyri og  dregið úr afráni makrílsins á seiðum okkar nytjastofna.

Birtir bréf Jóhönnu

Evrópusinnar deila innbyrðis

Það er brostin á  uppgjöf og flótti í herbúðum Evrópusinna og þeir eru augljóslega byrjaðir að deila innbyrðis fyrst Evrópusinni Nr. 1 Eiríkur Bergmann Eiríksson kvartar undan því að vera skammaður af öðrum Evrópusinnum. Eiríkur telur að það hafi verið glapræði að leggja inn umsókn án þess að kanna baklandið.

 

Skammaður af ESB-sinnum

Gordon Brown tilætlunarsamur við flokksbróur sinn Össur

Össur Skarphéðinsson er ekki sáttur við formann sinn Gordon Brown í Verkamannaflokknum breska og finnst hann vera of tilætlunarsamur. Össur segir að viðsemjendurnir "yrðu að gera sér grein fyrir því að þeir væru að þvinga ríkisstjórnina til að bera fram lausn sem erfitt verði að fá samþykkta á Alþingi."

Þetta er rétt hjá Össuri Hollendingar og Bretar sem beita ESB og AGS fá ekki liprari viðsemjendur en Samfylkinguna. 

Icesave-deilan skekur stjórnina

Íslendingar hafa um tvennt að velja: Tekjuleið eða skuldaleið

Íslendingar hafa um tvennt að velja, þ.e. að nýta auðlindir sínar eða gerast bónbjargarmenn Breta með því að skuldsetja sig á þeirra forsendum.

Við getum stóraukið jafnvel margfaldað tekjur okkar af hafinu t.d. með handfæraveiðum og veiða makríl sem Evrópusambandið telur sig eiga þó hann syndi og nærist í íslenskri lögsögu, við getum nýtt sjávarspendýr sem innbyrða 20 falt það magn sem við veiðum og slegið tvær flugur í einu höggi. Haft tekjur af afurðunum og nálgst jafnvæi í hafinu sem eru stærri hagsmunir. 

Í báðum tilvikum  verðum við að taka á okkur lífskjaraskerðingu en sá er munurinn að sé fyrri kosturinn, tekjuleiðin, valin er vandinn tímabundinn auk þess sem við og afkomendur okkar geta staðið upprétt skuldlaus til framtíðar.

 

 

Sameinast um að fordæma hvalveiðar Íslendinga

Þegar neyðin er stærst er hjálpin næst Svartur sjór af makríl

Nú berast fréttir af því að óhemju magn af makríl sé á miðunum bæði fyrir austan og vestan. Gamlir sjómenn segja að þetta minni á síldarárin nema að þetta sé margfallt meira. Fyrir austan eru stórir flekkir á hafinu á hefðbundinni síldarslóð þannig að ekki hefur tekist að veiða síld án þess að fá of mikið af makríl, sem ekki má veiða. Breiðafjörðurinn er bunkaður segja menn og fiskveiðieftirlitsmenn frá Fiskistofu, hafa staðið í ströngu á Grundafirði undanfarið við að hafa hemil á börnum sem veiða makríl á stöng og ætluðu að setja makríinn á markað. Mitt í öllum niðurskurðinum fær sjávarútvegs- og landbúnaðarráðuneytið 7% aukningu. Ekki veitir af.

Makríll gefur milljarða

Til hamingju Evrópusinnar

Svokallaðir Evrópusinnar eru í sjöunda himni, ástæðan er ekki horfur Íslands, heldur afdrif Lissabonsáttmálans, enda eru þeir Evrópumenn.  Sjá hér

Mér gæti ekki staðið meira á sama.

Það væri óskandi að samfylkingarmenn a.m.k. meðan þeir starfa í ríkisstjórn hefði hugann frekar við hagsmuni Íslands en Evrópusambandsins.

67% Íra studdu sáttmálann

Steingrímur með tvo til reiðar

Steingrímur Sigfússon fer utan á morgun á fund AGS í Istanbul með tvo Evrópusinna til reiðar, þá Má Guðmundsson seðlabankastjóra og Jón Sigurðsson samfylkingarmann, sem stýrt hefur lánaviðræðum við Íslands við norrænu ríkin.  Þrátt fyrir að samfylkingarráðherrar þræti eins og sprúttsalar þá vita allir að Bretar og Hollendingar munu þvælast fyrir inngöngu Íslands í ESB ef þjóðin verður ekki skuldsett.

Því spyr maður sig hvort þar sé að finna skýringu á að þessir menn taka málstað Breta og Hollendinga?

Steingrímur á fund AGS í Istanbúl

Jóhanna fúl út í landstjórann.

Jóhanna er greinilega orðin pirruð út í landstjóra AGS á Íslandi sem fór til útlanda og skildi landið eftir stjórnlaust á meðan.  Landstjórinn Franek Roswadowsky, sem vill halda stýrivöxtum óbreyttum og sagði Svavari Gestssyni að Íslendingar geti vel borgað..

Jóhanna: Þolinmæðin á þrotum

Bretarnir sakna Svavars. Dularfullir fyrirvarar við fyrirvara. Allt "leyndó"!

Hollendingar og Bretar sakna Svavars því hann var svo lipur, samþykkti allt og bauð uppá kampavín. „Í þessum samtölum hafa komið fram af hálfu Breta og Hollendinga, "óformlega og í trúnaði", hugmyndir um hvernig þeir hugsa sér að þeir geti staðið að því að samþykkja fyrirvarana. Það er verið að kynna það fyrir stjórnvöldum hér,“ segir Indriði.  Svavar bar samninganefndarmönnum Hollendinga og Breta vel söguna engu hafi verið hótað þvert á móti  sagði hann að viðræðurnar hefðu verið mjög vinsamlegar enda bauð hann uppá kampavín. Steingrímur J. Sigfússon gaf aftur á móti í skyn að Íslendingum hafi verið hótað. Ef það hefur verið gert var það gert óformlega og í trúnaði.

Alþingismenn áttu ekki að fá að sjá samninginn! Í hverra þágu er verið að fara á bak við íslenska þjóð sem þó er ætlað að borga reikninginn?

Hugmyndir Breta og Hollendinga kynntar