Ólafur Ragnar "ofursendiherra"

Fáir ef nokkur Íslendingur hefur jafn víðtæk  alþjóðleg sambönd og forseti lýðveldisins, Ólafur Ragnar  Grímsson.  Ólafur kann að hafa verið umdeildur vegna skoðana en sannarlega ekki vegna  hæfni.

 

 

Forsetar Íslands og Indlands á Þingvöllum

 

 

 

 Dr. Ólafur hafði áður gegnt stöðu prófessors í stjórnmálafræði, verið formaður stjórnmálaflokks, þingmaður og ráðherra. Vegna starfa sinna í alþjóðasamtökum þingmanna hefur hann gríðarleg tengsl um allan heim. Þetta hefur greinilega komið fram í samskiptum við upprennandi stórveldi Asíu.

En Ólafur hefur líka ágæt tengsl í Mexikó en þar býr gamall vinur hans Róbert Guðfinnsson fyrrum stjórnarformaður Þormóðs ramma.

 

 

 

Róbert Guðfinnsson á skíðum 

 

 

 

 

 

 

 

Samvinna Mexíkó og Íslands

Bubbi er orginal

Allir sem þekka  til tónlistar  frá áttunda  áratugnum  til dagsins í dag  vita  að  Bubbi er löngu  búinn að skrifa sig inn í þá sögu með feitu letri.  Auðvitað geta allir haft sína  prívat skoðun á Bubba en  því verður ekki í mótmælt að hann  er orginal  og enginn hefur selt eins mikið af plötum og hann.  Bubbi er frægur af sínum verkum.  Birgir Arnar ritstjóri Monitor tókst að  vekja á sér athygli með því að segja eitthvað  annað.   Hann er í blaðamennsku, flott hjá honum en við vitum auðvitað betur. Það breytir ekki  því að mér finnst Bubbi flottur en fyrst og fremst góður drengur.

 

 

 

 

Bubbi í Hofsá með væna veiði

Bubbi og Biggi í hár saman

Þrjár milljónir útlendinga á Íslandi draumfarir eða martröð?

Ágúst Einarsson, rektor að Bifröst og faðir varaformanns Samfylkingarinnar segist eiga sér þann draum að hingað komi 3 milljónir útlendinga til að setjast hér að.  Þar sannast hið fornkveðna að það er svo margt sinnið sem skinnið. Fyrir flesta yrði  svona draumur óþægileg martröð.  Enda eru flestir  Íslendingar gestrisnir og vilja taka vel á móti gestum sínum og vilja því ekki bjóða fleirum en þeir geta hýst.

 

 

 

 Ágúst upplýsir um draum sinn.

 

 

 

 

 

 

 

 

 

6,8% íbúa erlendir ríkisborgarar

Óvinsæll seðlabankastjóri

Óvinsæll seðlabankastjóri

fimmtudagur, 08 nóvember 2007

Útvarp Saga spurði í skoðanakönnun Stöðvarinnar s.l. sólarhring hvort Davíð Oddsson ætti að hætta sem seðlabankastjóri.

Tæplega 2000 manns svöruðu spurningunni og var niðurstaðan afdráttarlaus þar sem rúm 90% svarenda sögðu að Davíð ætti að hætta hjá Seðlabankanum. Vaxtastefna Seðlabankans undanfarið, að hækka sífellt stýrivexti undir yfirstjórn Davíðs hefur sætt harðri gagnrýni úr öllum áttum og þykir illskiljanleg og illa rökstudd.

Afleiðingar þessarar stefnu felur í sér frekari skuldasöfnun heimilanna, grafið er undan fjárhagsgrundvelli smárra-og meðalstórra fyrirtækja, auk þess sem krónan styrkist og veikir samkeppnisstöðu útflutningsgreinanna.
Hagfræðingar, stjórnmálamenn, verkalýðshreyfingin, samtök atvinnulífsins svo og almenningur eru á móti þessari stefnu eins og niðurstaða skoðanakönnunarinnar sýnir glögglega.

Ofanritað er tekið af vef Útvarps sögu. 

 

Góðar fréttir úr höfuðborginni - Ömmur og afar best á leikskólunum

Haustið 2007 hratt Reykjavíkurborg af stað áætlun um að útvega eldra fólki störf við hæfi og er vinnutíminn  frá 30- 100%.  Gamla fólkið  hefur tekið þessu tækifæri  fagnandi  og það velur sér mismunandi starfsvettvang enda hefur það ólíkan bakgrunn , menntun og reynslu, þannig að það nýtist víða sjálfum sér og öðrum til gagns. Einna best hefur reynslan þó verið á leikskólunum, sem hefur komið sér í sérlega góðar þarfir í manneklunni. Það  er örugglega hollt fyrir eldri kynslóðina og ekki síður þá upprennandi að brúa kynslóðabilið með þessum hætti. 

Börnin hafa líka gaman af að kenna afa og ömmu að púsla, meðan þau hlusta á sögur.

Góð reynsla af eldri borgurum í vinnu hjá borginni

Öryggisráðskönnuninni lokið - Ný könnun

Spurt var hvort fólk vildi nýta  hagnaðinn af loðnuveiðunum til að greiða fyrir setu í Öryggisráðinu

Könnunin stóð í 4 daga alls greiddu 253 atkvæði. Niðurstaðan var afgerandi:

10% svöruðu játandi

84% svöruðu neitandi

og 6% voru hlutlaus 

 Nú birti ég nýja skoðanakönnun: Vilt þú að auðlindir þjóðarinnar verði  áfram í almannaeign?

Landvættirnar

Fæstar þjóðir eru jafn heppnar og við Íslendingar að búa í fámennu og ómenguðu landi með tvær auðlindir þ.e. ein gjöfulustu fiskimið heims og endurnýjanlegar en takmarkaðar orkulindir.  Óumdeilt er að  lífsafkoma okkar byggir á þessum tveim  auðlindum. Sagan kennir okkur, og það er jafn víst og sólin kemur upp í austri, að hér munu koma fram tækifærissinnaðir stjórnmálamenn , sem verða tilbúnir til  að gerast feitir þjónar erlendra aðila, sem ásælast þessi verðmæti. Takist það, sem ekki má verða, yrðu Íslendingar indíánar í eigin landi. 

 

 

Þessi fallegi foss í Elliðaánum er í miðri

Reykjavík

 

            

 

 

En hætturnar leynast víðar. Svokallaðir Evrópusinnar vilja fórna fullveldinu fyrir Evru og eiga jafnvel þá draumsýn að flytja til landsins 3 milljónir útlendinga. (rektor Bifrastar) 

 Treysta Íslendingar því að landvættirnar standi þessa vakt einar og óstuddar?

 Auðvitað ætti okkur að renna blóðið til skyldunnar að leggja þeim lið, ekki okkar vegna, heldur vegna barna okkar og niðja þeirra. Komum í veg fyrir að hlutskipti niðja okkar verði að vera indíánarí eigin landi. 

Fyrsta skrefið gæti verið að afnema mannréttindabrot í sjávarútvegi með því að setja X fyrir framan F í næstu kosningum. Hinir flokkarnir gera ekkert í málinu.

Meiri nettóábati af áli en þorski

Flugvöllinn áfram í Vatnsmýrinni

Í leiðara Fréttablaðsins fyrir skömmu var látið að því liggja að fulltrúi F-lista í borgarstjórn, Ólafur F. Magnússon, héldi 14 fulltrúum í borgarstjórninni í gíslingu eins og það var orðað þannig að ekki væri hægt að hrófla við Reykjavíkurflugvelli. Þarna var skringilega að orði komist því fjölmargar kannanir sýna að mikill og vaxandi meirihluti borgarbúa er fyrir því að hafa flugvöllinn áfram í Vatnsmýrinni af þeim kostum sem nefndir hafa verið.   Fyrir því eru margháttaðar ástæður:

 Í fyrsta lagi er brýnt fyrir höfuðborgina að hér sé miðstöð innanlandsflugs.

Í öðru lagi er flugvallarstæðið einstaklega heppilegt, því hefur ekki verið í móti mælt af flugmönnum og veðurfræðingum, þvert á móti.  Önnur flugvallarstæði eru langt frá því að vera eins góð, hvað þá örugg, sem dæmi má nefna Hólmsheiðina sem oftast er nefnd  ýtið hér sjá grein eftir Einar Sveinbjörnsson   aðrir kostir eru verri.  

Í þriðja lagi er mikilvægt öryggisatriði vegna sjúkraflutninga að flugvöllurinn sé staðsettur nálægt væntanlegu háskólasjúkrahúsi.  Það gefur augaleið að það er óásættanlegt að keyra þurfi bráðveika sjúklinga óraleið í miklum umferðaþunga. 

Í fjórða lagi er flugvöllurinn varaflugvöllur og sem slíkur er mikilvægt að lendingarskilyrði séu ávalt góð.

Og í fimmta og síðasta lagi er ekki einfalt að koma umferð til og frá þéttbýlu Vatnsmýrarsvæði ef  svo illa tækist til.  

 

Flugvöllurinn minnkar

Vigdís Finnbogadóttir,

Vigdís  Finnbogadóttir  atti kapp við þekkta of vinsæla einstaklinga um embætti forseta  Íslands og hlaut af þeim ástæðum ekki yfirburðafylgi en kjör hennar var engu að síður mjög happadrjúgt. Hún var jafn íslensk og fjöllin og dalirnir, vel  sigld og glæsileg fjallkona íslenskrar menningar hvar sem hún kom.  Páll Valsson  sem rita mun æviminningar hennar  skrifaði áður  sögu Jónasar Hallgrímssonar og tókst vel til.                 

                                                                   

Vigdís er þjóðlegur náttúruverndarsinni og tókst að hafa mótandi áhrif en jafnframt koma fram sem sameiningartákn.

Ævisaga Vigdísar haustið 2009

Olía og drykkjarvatn blandast ekki

                                             Fréttir berast nú frá Ísafjarðarbæ um að innan 6-8 mánaða muni hefjast stórfeldur útflutningur á drykkjarvatni. Markaðssetning drykkjarvatns byggir ekki hvað síst á hreinleika. Íslendingar eru nú í þeirri ákjósanlegu stöðu að geta valið hvort þeir vilja markaðssetja hreinleikann eða ljá erlendum fyrirtækjum aðstöðu og land fyrir mengandi stóriðju.  Ekki verður bæði sleppt og haldið í þeim efnum.                                                                                                   Hreint vatn er auðlind                                                                                                                                                              

 

Vatnssölusamningur undirritaður