"Þorskurinn alltf til vandræða"

Svokölluð fiskihagfræði sem kennd er í Háskóla Íslands gengur út á að hægt sé að ganga að öllum fiskitegundum vísum í hillukerfi vöruskemmu. Þess vegna þurfa fiskiskip að forðast fiskitegundir sem ekki eru til á skrá eða henda þeim. 

Ráðið við þessu er ekki að auka sístækkandi eftirlit heldur afnema hvatann til að henda fiski.

„Þorskurinn til vandræða“

Kínverska ginseng- skákfjölskyldan í Rimahverfi

Ég hitti stolta foreldra þessa unga Íslandsmeistara skömmu fyrir jól á ginsengskynningu í Netto Grafarvogi, en þá var sonurinn að fara að tefla í fjöltefli við Friðrik Ólafsson stórmeistara.   Þau keyptu tvo stóra ginsengspakka og nú verðum við að verðlauna þessa glæsilegu stúlku.

Fyrst að verða Íslandsmeistari

Hafró þakkað sólskinið en ekki regnið

Á þeim 25 árum sem kvótakerfið hefur verið við lýði er talið að þorskstofninn hafi minnkað um 50% en nú telur Hafró að stofninn sé örlítið stærri en á síðasta ári. Atli Gíslason formaður sjávarútvegsnefndar á ekki orð yfir hrifningu sína og segir þetta "augljós merki þess að Hafrannsóknarstofnun sé á réttri leið".

 

Fyrir skemmstu fannst engin ýsa í togararalli, Hafró hafði sem sé týnt ýsunni sem var um allan sjó fyrir þremur árum. Man einhver eftir því að Atli Gíslason hafi tjáð sig um það?

Hafró á réttri leið

Það sem fiskihagfræðingarnir vita ekki

Sjávarþorpin eru þar sem þau eru vegna nálægðar við staðbundin fiskimið.  Þetta vita fiskihagfræðingar ekki, þeir kunna heldur ekkert í líffræði en þeir kunna aftur á móti á Exel sem þeir geta matað með viðurkenndum hagfræðiformúlum og búið þannig til kökur, gröf, línurit og súlur. 

Ekkert af .þessu hefur neitt með raunveruleikann að gera. 

Fiskihagfræðingarnir létu misnota sig af kvótabröskurum til að réttlæta eyðingu sjávarþorpanna. Af hverju  leggja þeir ekki til að slegið verði 5 sinnum á Suðurlandi og hætt að heyja í öðrum landshlutum?

 

Ragnar Árnason fiskihagfræðingur

Bannað að selja burt kvóta úr þrotabúum

Svín með vængi geta líka flogið!

Gunnar Tómasson hagfræðingur hefur kallað virta hagfræðinga til vitnis um að Íslendingar eigi ekki möguleika á að borga Icesave. Eftir pólitíska íhlutun tókst seðlabankanum samt í þriðju tilraun að búa til bjartsýnismódel  þar sem þetta gekk upp. Svín með vængi geta líka flogið.

Þjóðin vill ekki fara í ESB. Þá er spurningin hvort Skattfylkingunni  takist að snúa á þjóðina með því að skuldsetja hana inn í ESB með ÆSSEIF?

 

Gæti sparað 185 milljarða

Álfar eru líka menn!

 Það er rétt hjá herra Karli Sigurbjörnssyni að álfatrúin fylgir þjóðarsálinni.

Það skiptir engu hvort fólk er sannkristið eða trúir á vættir og Æsi, við erum flest álfatrúar. Ég er sammála biskupnum þegar hann segir eftir ömmu sinni að það þurfi að fara varlega í nánd við steina og hóla þar sem huldufólk býr.

 

Álfar eru líka menn!

 

 

Álfatrú Íslendinga til umræðu

Ég fauk í vinnuna. Undur og stórmerki!

Ég gáði til veðurs í morgun og ætlaði að liggja í leti svona einn föstudag í óveðrinu en viti menn:   Það kom allsnörp vindkviða sem feykti mér af stað og  ég fauk alla leið í vinnuna og þar biðu mín verkefni.

Undur og stórmerki!

Snælduvitlaust á Kjalarnesi

Getgátur og dagdraumar

Nú er skeggrætt um hvort fram hafi komið mögulegar getgátur um miklar olíulindir á Drekasvæðinu. Ekki kemur fram í frétt Morgunblaðsins um þetta mál kemur ekki fram hver hafi haft uppi þessar getgátur eða af hverju hann eða hún hefur gert það.  

Það er samt misjafnt hvað svona getgátum er sýndur mikill áhugi. Til samanburðar þegar getgátur voru uppi um að mikil olía væri á Færeyska landgrunninu sóttu öll stærstu olíufélögin um leyfi til rannsókna. Eitt skúffufyrirtæki sótti um leyfi til rannsókna á Drekasvæðinu og er hætt við. 

Kosturinn við að enginn  leggi í rannsóknir er ótvírætt sá að á meðan getum við ornað okkur við getgátur og dagdrauma.

 

Getgátur um gríðarlegar olíulindir á Drekasvæðinu

Ástir górillu og manns Varúð ! Ekki fyrir viðkvæma.

Það er þekkt úr dýraríkinu að spendýr sem öll eru talsvert skyld, eiga það til að flökta á milli tegunda í viðleitni sinni til að fjölga sér. Ekki má líta af hestum og ösnum nú eða köttum og tófum.  Maðurinn er engin undantekning á þessu flippi spendýranna, hann er skyldastur öpum og HIV sýking kemur aðallega úr simpönsum en nú einnig úr górillum. Sama má segja um sárasóttina (sýfilis) sem kom til Evrópu úr lamadýrum  í S-Ameríku sem siðmenntaðir kristnir Spánverjar lögðu undir sig.

Á stríðsárunum voru tveir amerískir úrvalshermenn staðnir að því að hafa samræði við kvígu og var þessi vísa þá ort:  

Ef að þetta úrvalslið// iðkar kálfasmíði//Hverju ætli úrkastið//í Ameríkunni ríði?

Greindist með nýtt afbrigði HIV

Hvalkjötið í að borga Icesave?

Sjávarspendýr innbyrða u.þ.b. 20 sinnum meira en við veiðum og því eru hvalveiðar nauðsynlegur þáttur í sjálfbærri nýtingu sjávarauðlindarinnar, matarkistu Íslendinga.  Hvalveiðarnar skapa störf, kjötið er hollt og gott og síðast en ekki síst eru þær gjaldeyrisskapandi. Hvalur 9 gerði góða ferð og kom með tvö væn dýr í morgun og ég óska sjómönnunum og útgerðinni til hamingju. En mér fannst hálfgerð ólund í sjávarútvegsráðherranum í gærkvöldi. Vantar hann ekki gjaldeyri fyrir Icesave víxlinum sem hann ætlar að samþykkja fyrir hönd íslensku þjóðarinnar?

Fyrstu langreyðarnar í land