Hugmyndafræði Sjálfstæðisflokksins um dautt og lifandi fé

Helsti sérfræðingur Sjálfstæðisflokksins í sjávarútvegsmálum, Hannes Hólmsteinn Gissurarson  sagði í frægu kastljósviðtali að fiskurinn sem synti í sjónum væri "dautt fé" og það væri ekki fyrr en búð væri að veðsetja fiskinn sem hann væri orðinn "lifandi fé", sem hægt væri að nota til útrásar. Þessa stefnu má sjá í framkvæmd í fyrirtækinu Soffanías Cecilsson sem var skuldlaust fyrirtæki og einn helsti burðarás í atvinnulífi á Grundarfirði. Fyrirtækið hefur skuldsett sig og sameign þjóðarinnar, fiskana sem synda í Breiðafirðinum og mun fyrirsjáalega enga möguleika hafa til að greiða lánið upp á 10 milljarða.  Íbúunum verður vart um kennt, fiskverkafólkið á ekki leynireikninga áTortola eyjum. Eftir sitja hnípnir íbúar þorpsins í vanda.

Milljarða skuldir umfram eignir

Athugasemdir

[Árni Gunnarsson, 31.5.2009 kl. 15:20]

Sjálfstæðismenn hafa ævinlega haft áhyggjur af "fé án hirðis." Einkum hefur þessi umhyggja núna seinni missirin beinst að því fé sem hefur haft vist í öðrum fjárhúsum en þeirra eigin. 

Þeir eru trúir uppruna sínum því öll erum við komin af mönnum sem stóðu yfir fé í misjöfnum veðrum, héldu því til beitar og fylgdu því í hús.

Glöggir menn á annara fé og hirðuusamir þeir svarabræður Hannes Hómsteinn og Pétur Blöndal.

En liklega var það eitt versta slysið fyrir sveitarfélögin á landsbyggðinni þegar Pétur Blöndal uppgötvaði stofnfé sparisjóðanna. Í mínum huga kemst það næst því gerræði þegar óveiddur fiskur var veðsettur með samþykki stjórnvalda.

Hvenær skyldum við Íslendingar verða svo gæfusöm að eignast stjórnvöld sem mikill hluti þjóðarinnar lítur ekki á sem glæpamenn og landráðamenn?

[Sigurður Þórðarson, 31.5.2009 kl. 15:48]

Þetta gekk allt út á að hirða fé af þjóðinni og skilja hana eftir á vonarvöl.

[Júlíus Björnsson, 31.5.2009 kl. 16:36]

Hvenær skyldum við Íslendingar verða svo gæfusöm að eignast stjórnvöld sem mikill hluti þjóðarinnar lítur ekki á sem glæpamenn og landráðamenn?

Það er stóra spurningin? Eða greind og framsýni og forsjá sem þarf til að vera í brúnni eða í fararbroddi.

[Sigurður Þórðarson, 31.5.2009 kl. 17:00]

Já hvenær verður  það Júlíus?  Við verðum að halda í vonina.

[Magnús Steinar (IP-tala skráð) 1.6.2009 kl. 09:41]

Já hvenær skyldi verða alvöru fólk sem fer með stjórnvölin hér á landi?Ekki er það núna svo mikið er víst.

[Hörður Halldórsson (IP-tala skráð) 1.6.2009 kl. 12:05]

Íslenska efnahags(við)undrið - Hannes Hólmsteinn í Ísland í dag

[Sigurður Þórðarson, 1.6.2009 kl. 12:29]

Fé án hirðis (náttúruauðlindirnar) er eitur í beinum sumra, sem vilja heldur sjá það einkavætt og fjármunina flutta úr land.  Það er kallað að: "Umbreyta dauðu fé í lifandi fé".  

Þessir menn græddu á daginn og grilluðu á kvöldin og skildu eftir sig sviðna jörð!  

[Hörður Halldórsson (IP-tala skráð) 1.6.2009 kl. 21:00]

Þessi stefna Sjálfstæðisflokksins átti lítið skylt við klassíska íhaldssemi eins og ég gæti ímyndað mér að Jón Þorláksson eða Bjarni Benediktsson(eldri) hefðu boðað.

[Rósa Aðalsteinsdóttir, 1.6.2009 kl. 23:39]

Sæll og blessaður

Stærstu mistökin á síðustu öld var að setja kvótann og gera hann að söluvöru.

Þá var nú Framsóknarmaður sjávarútvegsráðherra og hann er frá Vopnafirði.  Hann er á spena íslenska ríkisins í dag.

Takk fyrir skilaboðin.

Vertu Guði falinn.

Kær kveðja/Rósa

[Þórður Már Jónsson, 2.6.2009 kl. 10:57]

Ég býst við að þú sért að tala um stórglæpamanninn Halldór Ásgrímsson sem barðist hatrammlega fyrir því að koma á eiginhagsmunavæðingu nytjastofnanna. Hann var nú frá Hornafirði síðast þegar ég vissi sem og útgerð fjölskyldu hans. Má svo sem vera að hann eigi rætur sínar að rekja til Vopnafjarðar einnig?

[Sigurður Þórðarson, 2.6.2009 kl. 15:30]

Sæll Þórður, hún Rósa veit hvað hún syngur.

Hann flutti með foreldrum sínum suður til Hornafjarðar þegar faðir hanns gerðist kaupfélagsstjóri. 

[Hlédís, 3.6.2009 kl. 08:09]

Þakka pistilinn, Sigurður!

þetta eru nú meiri furðu-ránfuglarnir sem þið lýsið hér.