Verða orkulindirnar seldar? "Indíánar í eigin landi"

Pétur Blöndal alþingismaður viðraði þá hugmynd í Silfrinu að  mögulegt væri að selja virkjanir og orkulindir landsins til að mæta væntanlegum skuldaklafa. Ég er algjörlega fráhverfur þessum hugmyndum þingmannsins. Fiskimiðin og orkulindirnar eru þær auðlindir sem eiga eftir að verða okkur til bjargar. Að selja orkulindirnar er jafn fráleitt og að selja útsæðið en búa áfram á jörðinni.  Þá yrðu Íslendingar um ókomna framtíð indíánar í eigin landi.  Ég vara við hugmyndum frjálshyggjumanna að koma börnum okkar og niðjum þeirra í þá ömurlegu stöðu með því að selja frá þeim lífsbjörgina um alla tíð til að greiða fyrir skuldir gulldrengjanna. Nei takk!

Athugasemdir

[Bjarni Kjartansson, 7.10.2008 kl. 08:29]

VAr það ekki Hjörvar, sem lagði þetta til??

Sami Hjörvar sem setti OR í bobba?

Manni flökrar við svona ,,snillingum"

Miðbæjaríhaldið

[Sigurður Þórðarson, 7.10.2008 kl. 10:29]

Rétt hjá þér Bjarni, það hafði farið fram hjá mér að Helgi Hjörvar ámálgaði þetta á undan Pétri. En aðrir hafa gefið þessum hugmyndum undir fótinn t.d. Gísli Marteinn og alltof margir aðrir.   Raunar var þetta komið á fulla ferð með  Geysir Green Energy sem hefur keypt stóran hlut í Hitaveitu Suðurnesja fyrir tilstuðlan stjórnvalda (síðasta ríkisstjórn B+D) sem  freistuðu skuldugra sveitarfélaga. Með því að útlendingar kaupa hlut í félögunum eru þeir orðnir eigendur orkulindanna. Hvar er ættjarðarástin? Eða er það hugtak ekki í tísku lengur?

[Georg P Sveinbjörnsson, 8.10.2008 kl. 00:13]

Allt er falt fyrir fé virðist, ekki hafði ég mikið álit á Pétri né Gísla marteini fyrir en er hissa á heimsku Helga, hélt að það væri meira í kollinum á þeim dreng en reynist síðan.