Kolröng og villandi fyrirsögn! Báturinn var á handfæraveiðum, sem eru ekki ólöglegar.

Ég er svo aldeilis hissa á Morgunblaðinu að birta svona villandi fyrirsögn á vefnum:   "Bátur á ólöglegum veiðum" Mótorbáturinn Júlíana Guðrún GK-313 er með löglegt og gilt haffærisskírteini og var staðinn að handfæraveiðum innan íslensku fiskveiðilögsögunnar. Eigandi bátsins hafði það eitt "til saka unnið" að hafa ekki kreist blóð undan nöglum vinnulúinna handa sinna til að greiða leigu til kvótagreifa. Hefði hann gert það hefði hann virt að vettugi úrskurð Mannréttindanefndar Sameinuðu þjóðanna sem Ísland hefur lofað að virða. Slík háttsemi hefði verið bæði siðlaus og löglaus.

Hitt er aukaatriði að það var flugvél Landhelgisgæslunnar en ekki þyrla sem tók bátinn eins og sést á meðfylgjandi mynd.

Bátur á ólöglegum veiðum

Athugasemdir

[Guðsteinn Haukur Barkarson, 16.7.2008 kl. 23:13]

Ég var að setja saman undirskriftarlista til stuðnings Ásmundar Jóhannssonar, sem ég mun svo afhenda stjórnvöldum þegar að því kemur.

Hann er að finna hér http://www.petitiononline.com/mod_perl/signed.cgi?asmundur 

Fyrirgefðu að þetta kemur greininni einni ekkert við, en ég veit að þú tekur vel í þetta.

[Rósa Aðalsteinsdóttir, 16.7.2008 kl. 23:47]

Sælir strákar.

Þið eruð flottir. Hægt er að kaupa sjóferðarbæn í Kirkjuhúsinu í Reykjavík og einnig í Litla Húsinu á Akureyri. Þessar bænir eru til í ýmsum litum eins og bílabænin.

Bænin: "Vertu hjá mér Drottinn, varðveittu mig og styrktu í störfum, í hverri hættu og raun. Blessaðu skipið og alla sem hér eru innanborðs. Vertu með í för. Hafðu hönd á stýri og leiddu alla heila heim. Í Jesú nafni. Amen."

Friðarkveðjur til ykkar.

Kær kveðja/Rósa

[Sigurður Þórðarson, 16.7.2008 kl. 23:53]

Takk bæði tvö

[Rósa Aðalsteinsdóttir, 17.7.2008 kl. 00:01]

Sæll Siggi minn.

Nú vantar bara Bryndísi hér, þá er flotta partýið allt komið hér á síðuna hjá þér.

Baráttukveðjur/Rósa

[Kolgrima, 17.7.2008 kl. 02:57]

En hvað með þá sem alltaf hafa fylgt leikreglum samfélagsins og virkilega "kreist blóð undan nöglum vinnulúinna handa sinna" til að kaupa eða leigja kvóta, eins og þú orðar það? Hvað á að gera við þá?

[Sigurður Þórðarson, 17.7.2008 kl. 07:48]

Kolgríma, takk fyrir innlitið, það var gott að þú minntist á þetta, það eru miklu fleiri en þú sem hafa fallið í þá gryfju að trúa lygavef.  Það er ekkert til sem heitir varanleg eign kvóta enda er hann þjóðareign. Í fyrstu gr. fiskveiðistjórnarlaganna segir að fiskurinn sé þjóðareign, úthlutunin veiðiheimilda sé til eins árs og "að hún geti aldrei myndað eignarétt."  Legðu þetta nú á minnið Kolgríma mín.

Ég þekki leiguliða í þessu þrælakerfi og ég skal lofa þér því að þeir líta á Ásmund sem hetju. Ég ber venjulega mikla virðingu fyrir leikreglum samfélagsins en þær leikreglur mega ekki byggja á grófum mannréttindabrotum.  Og talandi um að fylgja leikreglum. Ísland hefur skuldbunið sig til að fara að áliti Mannréttindanefndarinnar.  Hvers vegna finnst þér svona sjálfsagt að hundsa þær reglur?

[Kolgrima, 17.7.2008 kl. 14:39]

Hef ég sagt það? Ég spurði þig spurningar og er samstundis gert upp skoðanir á allt öðru máli. Dálítið frjálslyndaflokkslegt. 

Leggðu það á minnið, Sigurður minn, að trilluflotinn er stór og öflugur. Innan hans hafa margir barist áratugum saman við að kaupa kvóta - 20, 50 eða jafnvel 100 tonn. Og leigt þann kvóta sem upp á vantaði. Minni einnig á að aldrei hefur sá sem byrjaði útgerð fyrir aldarfjórðungi fengið að veiða allan þann kvóta sem hann hefur keypt og aldrei hefur sá fengið neitt gefins.

Þetta er fólk sem árum saman neitaði sér um allt, bað aldrei um neitt en setti í herðarnar og fór eftir þeim leikreglum samfélagsins sem það átti engan þátt í að setja.

Kvótagreifar eru þetta nú ekki. Heldur fólk sem hefur þurft að greiða atvinnu sína háu verði. Hærra en kvótaverð á hverjum tima hefur sagt til um því trillukarlar hafa sjaldnast getað greitt sinn kvóta út í hönd.

Hvað með þetta fólk?

[Sigurður Þórðarson, 17.7.2008 kl. 17:47]

Þú baðst mig að leggja á minnið að menn hafi  fjárfest í kvóta áratugum saman fyrir trillur.  Smábátar voru samt ekki endanlega settir í kvóta á síða kjörtímabili.  Þeir hafa sum sé verið ansi framsýnir þessir trillukarlar sem þú þekkir og vitnar til. 

Ef þú hefðir kynnt þér þessi mál þá myndir þú vita að það er ekki hægt að selja varanlegar veiðiheimildir. En vegna þess að þú vissir það ekki sagði ég þér frá því.   En þú virðist samt ekki hafa tekið eftir því. Kannski vegna þess að þú tjáir þig við fólk burtséð frá því hvað það hefur til málanna að leggja?  Kannski langar þig bara til að þrasa?  Hvað veit ég svo sem um það?

[Kolgrima, 17.7.2008 kl. 21:45]

Mig langar ekki til að þrasa, ég vildi gjarnan fá einhvern tíma svör. Þetta er þitt svar, takk fyrir það.

Ég bý í samfélagi sem byggir á smábátaútgerð og hef fylgst grannt með þessum málum allt frá því svarta skýrslan kom út. Mig hefur lengi langað til að vita hvað frjálslyndir vilja gera fyrir þá sem hafa bitið á jaxlinn og spilað eftir leikreglum samfélagsins. Þá sem hafa keypt smákvóta til að geta sótt sjóinn á sínum trillum eða smábátum.

Það sýnir best þína vanþekkingu ef þú heldur að smábátar hafi ekki verið á kvóta fyrr en á síðasta kjörtímabili. 

Ég hef aldrei fengið svar frá neinu ykkar. En orð ykkar hafa virkilega fengið mig til að óttast að vont sé ykkar ranglæti en sýnu verra sé ykkar réttlæti.

Með bestu kveðju frá gamalli vinkonu. 

[Sigurður Þórðarson, 17.7.2008 kl. 22:29]

Kolgríma, ég þekki þig ekki neitt og skil ekki hvaða kikk þú færð út úr því að þykjast misskilja það sem ég er að segja? Einkum og sér í lagi þar sem þú fullyrðir að ég sé fáfróður og sýni einfeldni mína með því  að tjá mig. Samt sækist þú eftir að tuða og snúa út úr því sem ég sagði sbr:  "Smábátar voru samt ekki endanlega settir í kvóta fyrr en á á síða kjörtímabili."   Eins og þú veist, þ.e. ef þú segir það satt að þú búir í sjávarþorpi (hvar?) þá voru flestir smábátar áður takmarkaðir með dögum.

Ég geri ráð fyrir því að þú vitir að frjálslyndir stefna ekki að því að sjómenn og útgerðamenn hætti að stunda sjó.  Ég geri líka ráð fyrir að frjálslyndum er mjög umhugað um velferð sjávarþorpanna.    

Ég tel mig hafa svarað þér, manneskju sem ég þekki ekkert og hefur engin deili sagt á sér, af fyllstu kurteisi og skorast ekki undan því. En ef þú finnur ómótstæðilega hvöt hjá þér til að vera með dónaskap og leiðindi þætti mér betra ef þú myndir vilja vera svo væn að  snúa þér annað.