Varðar nauðgun á börnum ekki almannaheill?

Sálfur myndi ég svara þessari spurningu játandi. 

Maður þekkir mýmörg dæmi þess að smákrimmar séu dæmdir í öryggisgæslu vegna ítrekaðra brota. Þetta er ekki gert til að verja rannsóknarhagsmuni heldur vegna almannaheilla, þar sem ekki er talið öruggt að viðkomandi láti af ætlaðri iðju sinni meðan hann bíður dóms.

Nú sætir fullorðinn maður rannsókn vegna meintra marítrekaðra brota gegn börnum og ætlaðar sakir eru það alvarlegar að í mörgum slíkum tilvikum missa fórnarlömbin andlega heilsu sína fyrir fullt og allt. Samt er meiningin að sleppa honum lausum! Ég er ósammála því mati að taka beri vægar á þessum brotum en t.d. ítrekuðu hnupli. Eru ekki allir sammála því að þetta varði almannaheill?

Gæsluvarðhaldsúrskurður til Hæstaréttar

Athugasemdir

[Ásdís Sigurðardóttir, 4.7.2008 kl. 12:41]

Jú, ég er sammála þér.

[Sigurður Þórðarson, 4.7.2008 kl. 12:52]

Takk fyrir það Ásdís. Vonandi eru flestir sammála þessu en því miður sér maður það ekki í framkvæmd. Verðum við ekki að reyna að gera eitthvað róttækt til að breyta þessu? Ég lýsi eftir hugmyndum.

[Sigurður Þórðarson, 4.7.2008 kl. 14:11]

Hippókrates, þú ert að tala um hefnd og réttlæti. Það er allt önnur umræða.

En telur fólk óhætt að svona þenkjandi menn gengi lausir????

Eru þessir menn ekki tifandi tímasprengjur? Hvað með öryggi barnanna, einnig þeirra sem ekki hefur en verið nauðgað? Eru menn hræddari Lalla Johnsen eða einhverja veskjaþjófa en barnanauðara?   Spyr sá sem ekki veit.

[Sigurður Þórðarson, 4.7.2008 kl. 14:23]

Hippókrates, takk fyrir innleggin sem eru góð og réttmæt og ég skil þig vel. Menn eru dæmdir í gæsluvarðhald af tveimur ásæðum:

1. Vegna rannsónarhagsmuna

2. Af öryggisástæðum.

Það er líklega búið að rannsaka málið og þá er bara ein lagaleg ástæða eftir. 

[Sigurður Þórðarson, 4.7.2008 kl. 16:18]

Takk, þóttist vita það.

[Heimir Lárusson Fjeldsted, 4.7.2008 kl. 22:42]

Hjartanlega sammála þér.

[Rósa Aðalsteinsdóttir, 4.7.2008 kl. 23:48]

Sæll Siggi minn.

Þetta er hroðalegt dómskerfi og þarfnast viðgerða strax. Hræðilegt að menn skuli komast upp með að drýgja svona glæpi aftur og aftur því refsingar eru vægar og stundum sleppa menn alveg við tukthúsið. þar ættu þeir heima forever.

Guð veri með þér og þínum.

Kær kveðja/Rósa