Loksins, loksins! Ný flugstöð í Reykjavík

Þá er það loksins frágengið: Samgönguráðherra og borgarstjórinn í Reykjavík hafa handsalað að byggja nýja flugstöð með hraði fyrir innanlands- og Færeyjaflugið.  Skúraræksnin sem að nafninu til hýsa flugið munu hverfa án söknuðar nokkurs manns. Af diplómatískum ástæðum verður flugstöðin kölluð samgöngumiðstöð.  En allir vita að þetta er nagli í líkistu þeirra hugmynda að flytja flugvöllinn úr Vatnsmýrinni. Ég brosi í kampinn yfir því.  

 

Kofaræksnin munu skjótt heyra sögunni til 

Athugasemdir

[Ásdís Sigurðardóttir, 2.4.2008 kl. 22:11]

Flugstöðin á Húsavík er flottari en kofarnir í bænum og þeir fljúga ekki einu sinni þangað    

[Hólmdís Hjartardóttir, 2.4.2008 kl. 23:14]

Rétt hjá Ásdísi, þegar loksins var komin góð flugstöð lagðist flugið af.

[Sigurður Þórðarson, 2.4.2008 kl. 23:18]

Takk fyrir þetta Dísir. Það er engin hætta á að flug sé að leggjast af í Reykjavík en ég er viss um að þegar framkvæmdir hefjast á Bakka muni líf færast í flugið á ný.