Er forsætisráðherra illa við málsvara Íslands?

Forsætisráðherra hraunar yfir forsetann í laumi:

Forseti Íslands hefur með framgöngu sinni snúið áliti alþjóðasamfélagsins Íslandi í vil og hlýtur að launum illmælgi Hrannars B. Arnarssonar aðstoðarmanns forsætisráðherra, sem bókstaflega hraunar yfir hann á fésabókarsíðu sinni sem er með 1729 áskrifendur.  Skemmst er að minnast þess þegar Jóhanna sleppti Hrannari lausum síðast gegn Evu  Joly fyrir að taka upp hanskann fyrir Ísland.

 Þessi leikþáttur Jóhönnu og Hrannars minnir dálítið á séra Árna Þórarinsson prófast og hinn trygglynda Þórð húskarl hans, sem þekkti í þaula alla lesti þeirra sem prófastinum var í nöp við.

Fésbókarsíðan ekki opinber

Athugasemdir

[Ásthildur Cesil Þórðardóttir, 13.1.2010 kl. 11:40]

Þau eru farin að haga sér þannig að það er spurning hvort ekki þarf að fara að setja þau af.

[Sigurður Þórðarson, 13.1.2010 kl. 11:47]

Sæl Ásthildur.

Dapurleg verkstjórn forsætisráðherra sem virðist ekki geta fundið aðstoðarmanni sínum verðurgra verkefni en að níða vormenn Íslands.

[Árni Gunnarsson, 13.1.2010 kl. 12:04]

Hvernig stendur á að ég er búinn að gleyma þessum þórði húskarli?

[Rannveig H, 13.1.2010 kl. 12:32]

Siggi minn þessi Hrannar er kannski með stærstu vandamálunum í þessari ríkisstjórn og maður tekur ekki einu sinni eftir því. En nú er ég upplýst

En að öðru Siggi!! Hvað eigum við akkúrat að gera? Þú ert með það á glymjandi tæru hvað við eigum ekki að gera!

Ef við björgum ekki núinu þá er framtíðin lítils virði sem slík. Eigum við að bíða endalaust meðan þeir sem eru í stjórnarandstöðu geti baðað sig í pyttinum hrópandi úr glerhúsi?

[H.T. Bjarnason (IP-tala skráð) 13.1.2010 kl. 12:36]

Hann hlýtur að eiga mjög stórt eldhús.

[Sigurður Þórðarson, 13.1.2010 kl. 12:56]

Sæll Árni, ég er nú verulega farinn að ryðga í þessu líka Þórður þessi húskarl var frændi okkar og var orðið Þórðargleði kennt við hann. Hann var sagður illgjarn með afbrigðum t.d. átti hann að hafa glaðst yfir því þegar hlaða brann hjá nágranna hans og eins ef snögg veðrabrigði urðu sem trufluðu heyannir.

Flestar ef ekki allar þessar sögur voru sagðar í gríni sem menn höfðu gaman af. Reyndar segja sumir að hann hafi ekkert aumt mátt sjá en sögurnar eru jafn góðar fyrir því.

[Sigurður Þórðarson, 13.1.2010 kl. 13:07]

Sæl Rannveig, það er rétt hjá þér að ég vil ekki að framtín verði veðsett og börnin okkar skuldsett í kaf. Við höfum einfaldlega ekki leyfi til þess.

Allar hótanirnar hafa reynst innistæðulausar. Það verður heldur engu bjargað í nútíð með því að ákveða að Íslendingar eigi að vera fátækir í framtíðinni. Erlendir vinir okkar hafa varað við því að Bretar og Hollendingar ætli að breyta Íslandi í efnahagslega nýlendu. 

En ég spyr þig Rannveig hverjir verða þá eftir hér til að borga? Myndi unga fólkið ekki flýja land?  Eða af hverju ætti það að vera þrælar eða láglaunamenn í samanburði við aðrar þjóðir til að borga skuldir Björgólfs?

[Sigurður Þórðarson, 13.1.2010 kl. 13:09]

H.T. Bjarnason,

 Ert þú ekki að tala um mötuneytiseldhús ríkisstjórnarinnar?

[Árni Gunnarsson, 13.1.2010 kl. 13:50]

Það skýrir nú margt um innræti Þórðar gamla að hann var frændi okkar beggja! "Illgjarn með afbrigðum og gladdist yfir því þegar hlaða brann hjá nágranna hans." Kannski ættum við núna í hvelli að fara í innri endurskoðun?

-Jafnvel einhverjir fleiri!

En það er snúið hvernig sagan endurtekur sig. Nú eru afkomendur þeirra sem yfirgáfu Noreg vegna skattaáþjánar að flýja til sama lands og af sömu orsök!

[Rannveig H, 13.1.2010 kl. 14:06]

Eru hótanir um efnahagsnýlendur Breta og Holendinga innistæðu meiri? Siggi unga fólkið er að flýja land AKKÚRAT NúNA.

En spurningin liggur eftir hvort réttlæti sé að borga skuldir Bjöggana auðvita er ekkert réttlæti í því. En það þarf að vega og meta hvað er best í stöðunni. Hvað viltu sjá í þessari stöðu? Nú er nokkuð ljóst að samningurinn verður feldur, jafnvel verður mörgum að ósk sinni að stjórnin falli frá.

Stjórnarkreppa jafnvel langvarandi, kosningar hvað viltu í því? Stjórnarskráin gerir ráð fyrir að þjóðstjórn sitji sem stystan tíma.

Draumur fólks er að fá að kjósa á allt annan hátt eða að þurfa ekki að kjósa og það verði utanþingsstjórn er ekki heldur í spilunum en það seiga mér bæði stjórnmálafræðingar og lögspekingar hér á mínum vinnustað.

Hvað er þá í stöðunni þegar lýðræðislega kjörin stjórnvöld undanfarinna ára klúðruðu okkar málum gjörsamlega? Kjósa þau aftur?

Ég vil bara seiga það ef fólk sem er tilbúið að hrópa LANDRÁÐA og FÖÐURLANDSVIKARAR hljóta að vera með plan B og hina einu lausn.

Siggi ég er ekki SF manneskja eða EBS sinni og ég veit fullvel að þetta er ömurleg aðstaða sem við erum í enda búin að missa bæði mín börn úr landi, en óábyrgar upphrópanir eru ekki traustvekjandi

Stundum finnst mér sjálfri ég ekki sjá muninn á lýðskrumi og lýðræðisástinni hjá þeim sem hæst hafa.

[Sigurður Þórðarson, 13.1.2010 kl. 14:19]

Árni góður!

 Já það er magnað hvað sagan endurtekur sig.

[Sigurður Þórðarson, 13.1.2010 kl. 14:34]

Sæl Rannveig mín

Ég veit vel að  unga fólkið er að flýja núna og varla myndi það draga úr flóttanum ef því væri gert nánast óbærilegt með því að búa hér vegna skuldaáþjánar.  

Það að Ísland verði gert að efnahagsnýlendu Breta og Hollendinga eru ekki mín orð  heldur heimsþekktra hagfræðinga.  Skuldir okkar eru nefnilega við það að verða ósjálfbærar en það þýðir að vextirnir séu svo háir að við munum ekki ná að vinna fyrir þeim hvað þá heldur skuldunum. 

Sjálfur styð ég enga af þessum flokkum og mér er skítsama um þessa ríkisstjórn. En það eru sem betur fer margir góðir einstaklingar í ríkisstjórninni og utan hennar.  

Sjálfur vil ég heldur drekka vattnsþynnta mjólk og borða harða skorpu en að selja börnin mín og barnabörn í þá stöðu að þau neyðist til að afsala auðlindunum. Við höfum hita, húsnæði og mat.  Það er mikil eigingirni af okkur að vilja níðast á framtíinni  til þess að fá einhvern okurvíxil.

Við verðum að sjá hverju fram vindur

[Árni Gunnarsson, 13.1.2010 kl. 17:28]

Jón Ólafsson ritstjóri og skáld, lengi í Winnipeg og dó á Íslandi 66 ára gamall fljótlega upp úr aldamótum 1800- 1900 orti frægt skammarljóð um óþjóðholla landa sína í frelsisbaráttunni sem hollt væri að rifja upp núna.

Þar er margt sem minnir á það ástand sem hér ríkir í dag og misjafna frammistöðu pólitískra radda. Ljóðið ber þess merki að vera ort í uppnámi og tilfinningahita og þess vegna fremur stirt aflesrar og tyrfið. Annars orti Jón margt fallega enda bróðir Páls Ólafssonar.

[Jóhannes Ragnarsson, 13.1.2010 kl. 19:48]

Þórðargleði

Þórður hét maður og bjó á bæ nokkrum í prestakalli mínu. Einn dag á slætti kom hann út á engjar til fólks og fékk þá engu orði upp komið fyrir hlátri: ,,He-he-he-he; he-he-he-he-he! Nú er það skemmtilegt hjá þeim Norðlingum. Ég var að lesa Ísafold. Ekki þornað af strái  í allt sumar þar fyrir norðan. Öll hey grotnuð niður. Enginn baggi kominn í hlöðu og kominn höfuðdagur". Svo hnippir hann í mann, sem hann stóð hjá, og segir ískrandi: - Skratti væri nú gaman að sjá, hvernig þeir taka sig út núna, greyin. He-he-he-he!

Ævisaga Árna Þórarinssonar II. bindi, bls 40. Skrásett af Þórbergi Þórðarsyni.

[Auðun Gíslason, 13.1.2010 kl. 20:22]

Þórður, hinn sanni Íslendingur?  Mér er næst að halda það!

[Sigurður Þórðarson, 13.1.2010 kl. 20:29]

Takk fyrir þennan fróðleik báðir tveir Árni og Jóhannes.

 Árni það væri sannarlega gaman að rifja uppkvæði Jóns Ólafssonar næg eru tilefnin til þess þessa dagana.

Já og takk fyrir þennan gullmola Jóhannes, sem verður til þess að ég  ætla að draga aftur fram þessar afburða góðu bækur, sem ég hef ekki lesið síðan ég var unglingur. Ég gleymi því ekki að maður veltist um úr hlátri oft á hverri síðu. Þarna voru saman komnir menn með einstaka frásagnargáfu. Ekki skemmdi fyrir að Elísabet kona Árna var afasystir mín og amma félaga míns og náfrænda Árna Gunnarssonar. Ekki skemmdi fyrir að sumar þessar sögur hafði maður heyrt í annarri mynd en hvort sem það var Þórbergi eða Árna að þakka þá var alltaf valin skemmtilegasta útgáfan í bækurnar. Algört listaverk í frásögn og stíl.

[Árni Gunnarsson, 13.1.2010 kl. 21:07]

En fjandi voru þær góðar vangavelturnar hennar Rannveigar.

"Stundum finnst mér sjálfri að ég sjái ekki muninn á lýðskrumi og lýðræðisást!"

Meira að segja ég roðnaði.

[Sigurður Þórðarson, 13.1.2010 kl. 21:08]

Sæll Auðun, það skyldi þó ekki vera að sé einhver "Þórður" í okkur öllum en við megum ekki gleyma því að þetta voru gamansögur af bestu sort.

[Sigurður Þórðarson, 13.1.2010 kl. 21:15]

Þetta kann vel að vera Árni en það er afskaplega erfitt að spá í það hvað aðrir hefðu gert ef þeir væru við völd. En jafnvel þó við  gætum ímyndað okkur hið versta þá réttlætir það engin axarsköft.

[Halla Rut , 13.1.2010 kl. 21:57]

Við erum með forsætisráðherra sem talar og vinnur gegn þjóðinni og rakkar alla niður sem reyna að færa okkur orð til hjálpar. Svo er hundur hennar farinn að gelta heima hjá sér og veit ekki að facebook er miðill.

[Sigurður Þórðarson, 13.1.2010 kl. 22:25]

Sæl Halla, þetta er áreiðanlega hverju orði sannara hjá þér. Eða hvort þykir mönnum líklegra að aðstoðarmaðurinn sé í sjálfboðavinnu við að skrifa 1750 manns eitthvað í trúnaði sem Jóhanna og ríkisstjórnin má ekki frétta eða hitt að aðstoðarmaðurinn hlýði húsbónda sínum?

[Hannes, 13.1.2010 kl. 22:28]

Það er ótrúlegt hvernig þetta lið í ríkisstjórninni vinnur. Í siðmenntuðum löndum væri búið að henda þeim út og í Kína væru þau skotin eins og er gert við spillta embætismenn. 

Það er spurning hvort landið er siðmenntaðara land þar sem embætismenn komast upp með allt eða 3 heims land þar sem er tekið hart á spillingu.

[Sigurður Þórðarson, 13.1.2010 kl. 22:38]

Hannes við getum glaðst yfir að forsetinn sá við þeim

[Hannes, 13.1.2010 kl. 22:43]

Sigurður svo sannarlega. Þegar fyrirtæki í Japoan hrynja þá fremja þeir sem bera ábyrgð frekar sjálfsmorð en lifa í skömm það sem eftir er. Því miður þá eru  þessi skítseyði of góð með sig til að skammast sín.

Við eigum að taka Kína okkur til fyrirmyndar þegar verið er að taka á spilltum stjórnmálamönnum.

[Auðun Gíslason, 13.1.2010 kl. 22:44]

Og þjóðin veður skotgröfina fram og til bak!  Mikið djöfull hlýtur sá maður að vera illa innréttaður, sem telur sjálfum sér og öðrum trú um, að stjórnmálamenn þjóðarinnar, hvar í flokki sem þeir standa, séu einskonar málsvarar Breta á Hollendinga!  Og vinni gegn þjóðinni og hagsmunum hennar!  Hvílíkt endemis rugl er þetta!  það hlýtur nú að vera hægt að fá eitthvað við þessum ranghugmyndum!  Og svo hugsar hver fyrir sig:

Ég er gull og gersemi,

gimsteinn elskuríkur.

Ég er djásn og dýrmæti,

Drottni sjálfum líkur.

-Solon Islandus 1820-1895

[Sigurður Þórðarson, 13.1.2010 kl. 22:52]

Hannes hafðu ekki áhyggjur kjósendur eru að sjá í gegnum Einsmálsfylkinguna og munu þakka fyrir samstarfið með viðeigandi hætti.

[Halla Rut , 13.1.2010 kl. 22:54]

Á barnamáli er þetta svona:

Einhver erlendis frá kemur og segir ....Íslendingar eiga ekki að borga þetta....ríkisstjórnin okkar og þeirra fylgifiskar koma þá fram og segja...Jú, víst, við eigum víst að borga. Við viljum að Ísland borgi. Borgi og borgi og borgi svo við getum pínt þá í ESB.

[Sigurður Þórðarson, 13.1.2010 kl. 23:04]

Auðun þú veist vel að meðal allra þjóða er að finna fólk sem vill ganga erlendum öflum á hönd, hvort sem það er til að vera kvístlingar eða bara feitir þjónar. Þessir aðilar spretta alltaf upp einkum á hættutímum eins og núna.

Auðun, telur þú það illgirni að halda að Jóhanna hafi hugmynd um hvað aðstoðarmaður hennar er að skrifa til yfir 1700 manna?

Mikil er trú þín.

[Sigurður Þórðarson, 13.1.2010 kl. 23:06]

Takk Halla þú orðar þetta svo einfalt að jafnvel hinn góðgjarni Auðun mun neyðast til að skilja málið.

[Auðun Gíslason, 13.1.2010 kl. 23:22]

Mér er nú slétt sama um hvað Hrannar bóksali er að fjasa, einsog það sé nú stærsta vandamálið!    Halla Rut!  Grow up!  Enginn vill borga!  En hvaða stjórnmálaafl er það, sem þú heldur að gangi fram fyrir skjöldu nú og segi:  Við borgum ekki!  Heldur þú virkilega að málið snúist um það?  Allir starfandi stjórnmálaflokkar viðurkenna að við verðum að borga!  Hinsvegar deila menn um kjörin!  Haustið 2008 voru verri samningar á borðinu.  Kannski, ef samstaða næst og fólk stendur saman, næst betri samningur en þessi sem nú er á borðinu!

  Sigurður!  Væri ekki bót fyrir þig, og aðra, sem benda fingri að þessari ríkisstjórn segjandi:  Þið gangið erinda útlendinga gegn þjóðinni! að hafa eitthvað haldbært í höndunum!  Hvað finnst þér þá um það fólk sem undirritaði/samþykkti viljayfirlýsinguna 11.10.2008 eða samninginn við ESB 16.11.2008!  Ég hef enga trú á öðru en, að núverandi ríkisstjórn og ríkisstjórn Geirs H. Haarde hafi haft hag íslensku þjóðarinnar að leiðarljósi í öllum sínum verkum!  Það einfaldlega hvarflar ekki annað að mér!  Og ég ætla ekki að taka þátt í að benda fingri að fólki hér, kallandi það kvislinga/föðurlandssvikara!  Og ekki ætla ég að taka þátt í þessum sundrungarleik, sem hrunflokkarnir, B og D, hafa sett af stað til að koma sjálfum  sér til valda!  Því annað vakir ekki fyrir þeim!

Þjóðin veður elginn í skotgröfunum, en hugsar í þessum dúr:

 

Ég er gull og gersemi,

gimsteinn elskuríkur.

Ég er djásn og dýrmæti,

Drottni sjálfum líkur.

-Solon Islandus 1820-1895

[Hannes, 13.1.2010 kl. 23:30]

Sigurður ég er ekki viss um að fólk kjósi eftir sínum hagsmunum.

Þú getur valið slæma flokk verri flokk.  Það er samahvað maður kýsallir flokkar eru gjörspilltir og hugsa um eigið rassgat.

[Sigurður Þórðarson, 13.1.2010 kl. 23:49]

Hvað finnst mér um ríkisstjórn Geirs og Sollu spyrðu. Nú þau voru bæði veik með eitthvað í höfðinu var það ekki? Hún var undir gríðarlegum þrýstingi strax eftir hrunið og Bretarnir gengu á lagið. Mér þykir athyglivert að þú skulir gera minni kröfur til fólks sem er líkamlega er í lagi í höfðinu.

En hver er það sem er að sundra þjóðinni?

Ætlei þeir eigi ekki þátt í því sem eru að eyða dýrmætum tíma, fjámunum og kröftum í tilgangslausar ESB umræður? Eða þeir sem þving þingmenn til að kjósa gegn samvisku sinni og vilja þjóðarinnar?

Nei, það er allt í lagi eða hvað?

[Sigurður Þórðarson, 13.1.2010 kl. 23:50]

Já Hannes, þetta virðist vera að renna upp fyrir mörgum

[Halla Rut , 13.1.2010 kl. 23:51]

Auðunn: 17 ára sonum minn er nú í námi og stefnir á háskólanám. Ef allt gengur eftir þá verður hann búin eftir 7 ár. Já, einmitt, hann kemur ákúrat út á vinnumarkaðinn þegar byrja þarf að boga IceSave og mun eyða bestu árum vinnuævi sinnar í að borga stórann hluta launa sinna til Breta og Hollendinga.

Því hann er bara 17 þá hefur hann ekkert um þetta að segja jafnvel þótt til kosninga komi. Jóhanna verður löngu hætt að vinna þá og þarf ekki að borga krónu en hefur samt allt um þetta að segja. Ekki bara það heldur mun hún sitja að stórum eftirlaunasamningum sem sonum minn þarf einnig að borga. Þetta finnst honum allt annað en sanngjarn og er illur vegna þessa.

[Auðun Gíslason, 13.1.2010 kl. 23:56]

Ég minni þig á að það sátu fleirri í ríkisstjórn Geirs H. Haarde en Geir og ISG!  Hvað segirðu?  Var eitthvað að Geir í höfðinu?  Mikið helvíti nær hausinn á honum ofaní vélinda?  Voru ekki einvherjir 12 ráðherra í ríkisstjórninni?  Varla hafa þau tekið allar ákvarðanir tvö ein, þó ástir væru miklar þeirra í millum!  Og er það ESB sem sundrar þessa dagana? Neir, er það ekki Icesave-myllan?  Taktu nú til í höfðinu á þér gamli!

[Sigurður Þórðarson, 14.1.2010 kl. 00:05]

Góður punktur hjá þér Halla og ég þykist vita að Auðun sé réttsýnn og muni hugleiða þetta vel.

[Hannes, 14.1.2010 kl. 00:05]

Það sem er verst er að þeir sem bera ábyrgð hafa fengið góð laun og eru lausir allra mála og hafa grætt hundriðir milljóna á kostnað okkar og enginn gerir neitt í því.

Halla ég er nokkur viss um það að flestir þeir sem koma úr háskóla á næstu árum munu hafa vit á því að flýja land.

[Halla Rut , 14.1.2010 kl. 00:06]

Mikið rétt hjá þér Auðun. Björgvin var svo sannarlega í ríkisstjórninni líka...bankaráðherrann snjalli.

[Sigurður Þórðarson, 14.1.2010 kl. 00:10]

Fyrirgefðu Auðun en það er nógu slæmt að vera með illkynja krabbamein þó það sé ekki í höfðinu. En þetta er ein hjörð eins og þú veist. Við getum rifjað það upp að hver samfylkingarmaðurinn á fætur öðrum lýsti yfir stuðningi við Æsseif 1 þó engin þeirra hefði svo mikið sem séð samninginn hvað þá lesið hann.  Og finnst þér virkilega trúverðugt að troða öllu þessu liði aftur í stjórn?

[Sigurður Þórðarson, 14.1.2010 kl. 00:12]

Hannes,ég á sjáfur börn á þessum aldri við viljum ekki missa unga fólkið okkar.

[Hannes, 14.1.2010 kl. 00:33]

Sigurður. Þá er að vona að við losnum við að greiða Icesave. fólk fer sjálfkrafa þangað sem lífskjör eru best.

[Auðun Gíslason, 14.1.2010 kl. 00:35]

Já Halla!  Og ekki má gleyma Árna Matt. ("Sjáiði ekki veisluna, drengir"), ekki má gleyma þeim snjalla manni sem skrifaði undir viljayfirlýsinguna 11.10.2008 og líka samninginn við ESB 16.11.2008 ásamt Geir.  Þorgerði Katrínu, Einari K. o.s.frv. 

Já, já, ég á sjálfur börn!  Eina í Englandi, flutti í vor.  Hún býr þar með manni sínum og dóttur, og þau skötuhjú bæði í námi.  Fátt annað að gera fyrir þau eftir hrunið!  Svo á ég eina 10 ára stelpu.  Vonandi að ASG rústi ekki menntakerfinu.  Og svo á ég kisugrey.  Fyrst menn vilja vera að tíunda hér fjölskyldur sínar.

 Varðandi stjórn og hverjir sitja í ríkisstjórn sýnist mér allt stefna í að B og D taki hér við völdum innan skamms!  Til þess var til þessa óvinafagnaðar meðal þjóðinnar stofnað!  Að koma hrunflokkunum aftur til valda.  Og varla verður hróflað við kvótakerfinu þá, eða hvað?  Og varla verður Gaui sérlegur ráðgjafi sjávarútvegsráðherra?  Ég ætla frábiðja mér allar tengingar við Samf..  Verst þykir mér hvað Steingrímur J. hefur alltaf litið D miklum ástaraugum!  Svei mér, ef hann og Davíð áttu ekki í leynilegu ástarsambandi á sínum tíma!

Mál er að linni!

[Sigurður Þórðarson, 14.1.2010 kl. 00:40]

Já Hannes minn þú veist hvernig ég greiði atkvæði.

Því meiri  mun sem við fellum samninginn með því sterkari samningsstöðu fær Ísland

[Sigurður Þórðarson, 14.1.2010 kl. 00:51]

Auðun nú erum við farnir að tala saman.

Mér segir hugur um að við séum sammála um margt fleira en þessi skrif gefa til kynna í fyrstu. Ekki ætla ég að hæla Árna Matt með sína veislu. Já og mikið erum við samm´la um að vona að AGS fari ekki að rústa mennta- og heilbrigðiskerfinu. 

Við erum á sama bát og síst af öllu myndi ég hæla fyrri stjórnvöldum sem stýrðu eða flutu sofandi að feigðarósi. Þó ýmislegt hafi hér flogið spái ég því að við verðum fyrr en þig grunar vopnabræður. Með það leggst ég  koddann og býð ykkur góða nótt. 

[Auðun Gíslason, 14.1.2010 kl. 00:57]

Rétt er það!  Menn eru yfirleitt sammála um fleira en ósammála!  Við, Árni frændi þinn, erum yfirleitt sammála um flest!  Nú er LÍÚ orðið vitlaust eina ferðina enn!  Næsta mál á dagsskrá!  Tæta það í sig!

[Rannveig H, 14.1.2010 kl. 07:47]

Ég get ekki setið á mér að að skrifa nokkur orð hér til viðbótar. "svona er þetta á barnamáli sagði Halla.

Ekki finnst mér Auðun vera sá maður að skrifum að dæma að það þurfi að tala niður til hans og útskýra á barnamáli. 

"Jafnvel hin góðgjarni Auðun mun skilja þetta sagði Siggi. Er maður þá illgjarn ef maður er ekki sömu skoðunar og skilur ekki ykkur Höllu Rut

Er maður slæmt foreldri eða afi og amma ef maður kvittar ekki upp á allt sem skrifað er?

Ekki veit ég hvað við erum að gera með alla okkar stjórnsýslusérfræðinga,stjórnmálasérfræðinga og /eða lögspekinga, sem ekki eru á einu máli, þegar það koma svona alhæfingar fram án nokkra raka  öðrum en þeim að Jóhanna og Steingrímur vilja selja okkur í ánauð.

[Sigurður Þórðarson, 14.1.2010 kl. 09:12]

Kæra Rannveig,

 Orð mín um góðmennsku Auðuns eiga sér tvennar skýringar í fyrsta lagi er ég lengi búinn að kannast við Auðun og þekki hann ekki af neinu nema góðu.  Í öðru lagi missti hann það út úr sér að við værum illgjörn og þá gagnályktaði ég að hann væri góðgjarn.

Við Auðun erum vinir og  þetta skiptir engu máli.

[Sigurður Þórðarson, 14.1.2010 kl. 09:18]

Fyrirgefðu Rannveig þú spurðir:

Er maður slæmt foreldri eða afi og amma ef maður kvittar ekki upp á allt sem skrifað er?  Og ég geri ráð fyrir að þú viljir fá hreinskilið svar.

Svar mitt er já. Ef maður vitandi vits ákveður að sökkva börnum sínum og barnabörnum í óbærilegar skuldir, sem fyrirséð er að þau muni ekki ráða við þá er maður slæmt foreldri, afi eða amma. 

[Anna Sigríður Guðmundsdóttir, 14.1.2010 kl. 16:00]

Spurningin er bara hver réttarstaða óuppgerðs þjófa-þrota-bús Íslands er?

Voru bankarnir yfir-höfuð löglega einkavæddir?

Margt bedir til að svo hafi ekki verið á löglegan hátt, miðað við viðbrögð umheimsins sem telst siðaður og óspilltur miðað við Ísland (sem Ísland getur ekki talist í dag). Semsagt: þjófarnir ganga enn lausir á þeim fölsku forsendum að bankarnir væru einkavæddir? Og síðan ríkisvæddir í fjölmiðlum en ekki á pappírunum á löglegan hátt? Hver er að falsa og ljúga?

Málið er ekki upplýst fyrir allmenning þessa lands né annara og á þeim falska grunni á að halda Íslandi gangandi? Allt á svika-líkum? Enginn veit hvað er svika-lagalega-rétt núna, en að einkavæða allt bankakerfi Íslands bendir ekki til að siðmenntað fólk hafi verið á ferð! Það er ekki siðaðra manna eða þjóða háttur að veðsetja sitt eigið land í topp og langt umfram topp, á nafni fárra óábyrgra einstaklinga. Mér finnst það liggja í augum uppi! Hvað ætti að réttlæta slíkt ábyrgðarleysi? Og þeir gömlu bíða spenntir eftir að halda áfram að kúga almenning á Íslandi þegar þeir halda að núverandi stjórn verði hrakin frá völdum?!

Við verðum að standa gegn svona svika-öflum í öllum flokkum með öllum ráðum. Látum þá ekki plata okkur aftur!

Það er einhver gríðarleg kúgun valda-peninga-afla í gangi. Margt bendir til að kúgararnir séu í toppstöðum í embættum Íslands og á góðum launum. Þeir jafnvel stjórna ríkisstjórninni, Jafnvel með alþjóðlegan, viðurkenndan aðgang að kanabis-ræktun í eldhúskróknum? Í öðru hverju húsi á Íslandi?!

Treystum okkar eigin hugboðum því þau eru sönn. Allir fá hugboð og þau eru rétt ef þau eru byggð á uppbyggilegum hugsunum og réttlæti.  Stöndum með okkur sjálfum og réttlætinu en ekki ó-ábyrgum áróðri svika-sérhagsmuna-svikurum óþróaða Íslands. M.kv. Anna.

[Auðun Gíslason, 14.1.2010 kl. 20:28]

Heyr, heyr, Anna Sigríður!  Ólöglegt og siðlaust!  Það er ekki siðaðra manna háttur að hlaupa frá skuldbindingum sínum og undirskriftum!  Kostnaðurinn af Icesave er svona svipaður og upphæðin sem fyrri ríkisstjórn rétt fjárfestum, sem áttu í peningasjóðunum.  Helmingi minni en kostnaðurinn af gjaldþroti Seðlabanka Íslands á vakt Davíðs Oddssonar (hins sama og einkavæddi bankana).  Hversvegna hafa menn ekki jafn hátt um þau mál?  Kostnaðurinn af þeim er rúmir 600 milljarðar!  Að bæta fjárfestum þessum var ekki byggt á lögum, heldur á tilraun ríkisstjórnar Geirs. H. Haarde til að bjarga andlitinu!  Og efast má um athæfi Davíðs Oddssonar í SÍ!

[Árni Gunnarsson, 14.1.2010 kl. 23:17]

Líklega er það rétt sem Auðun segir, að í samanburði við allt klúður fyrri ríkisstjórnar og glórulausan fjáraustur Seðlabankans í bankana sem talsmaður hans hafði áður sagt að yrðu komnir á hausinn innan fárra vikna- þá er Ice.s. bara mistalningsfé í gjaldkeraskúffu.

En smjörklípan virkar! Auk þess réttlætir það ekki heimsku mína þó ég geti bent á annan bloggara heimskari. Þó gæti það verið ómaksins vert að leita!

[Auðun Gíslason, 14.1.2010 kl. 23:46]

Líkur sækir líkan heim!  Þið verðið heima á morgun, er það ekki, Árni minn?  En fer að vera fátt um fína drætti hjá sálartætlingum á moggablogginu.  Jóka búin að taka Bjarna Ben og Sigmund á löpp, og gerir sig allslíklega til að gera slíkt hið sama við Brown og Bros!  Hvernig er það, ætla ekki frændur að hjóla í LÍÚ?  Þann púka þarf að kveða í kútinn, sem allra fyrst!

[Sigurður Þórðarson, 15.1.2010 kl. 00:24]

Ég er sammála Önnu Sigríði um að einkavinavæðingarklúðrið var hrikalegt. Báðir bankarnir  seldir á sama tíma Sjálfstæðisflokkurinn fékk að ráðstafa öðrum en Framsóknarflokkurinn hinum. Um þetta erum við öll vonandi sammála. Síðasta ríkisstjórn var ekki mynduð um siðbót þvert á móti.

Samfylkingin hafði lengi haft minnimáttarkennd gagnvart Sjálfstæðisflokknum ekki vegna þess að hann var stærri heldu vegna þess að hún áleit hann réttilega spilltan og taldi að hann fengi mikla peninga frá auðmönnum það var því ekki fyrr en Samfylkingin var búin að koma sér rækilega í mjúkinn hja´útrásarvíkingum sem hún öðlaðist sjálfsvirðingu. 

En til að enda þetta á jákvæðan hátt vona ég að við öll getum lært eitthvað af þessu.

[Jakob Þór Haraldsson, 15.1.2010 kl. 11:48]

Kæri Sigurður, ég tek heilshugar undir þína gagnrýni: "Dapurleg verkstjórn forsætisráðherra sem virðist ekki geta fundið aðstoðarmanni sínum verðurgra verkefni en að níða vormenn Íslands."  Þessi ríkisstjórn er ítrekað að sýna okkur verkstjórn sem er til háborinnar skammar.  Mega fyndið - sorglega fyndið að bera saman málflutning Evu Joly við málflutning SteinFREÐS & Jóhönnu í IceSLAVE málinu...!

kv. Heilbrigð skynsemi (fun.blog.is)

[Árni Gunnarsson, 15.1.2010 kl. 18:07]

Dálítið athygliverð ályktun, þessi um það hvernig Samfylkingunni tókst að lokum að ná því að efla sjálfsvirðinguna!

[Sigurður Þórðarson, 15.1.2010 kl. 20:03]

Kæra Heilbrigða skynsemi.

Það er spurning hvort forsætisráðherrann hefur nöfnu þína til að bera.

[Auðun Gíslason, 15.1.2010 kl. 20:05]

Samfylking valdi að fara svokallaða 3.leið, þriðju leiðina, sem var einskonar útgáfa Verkamannaflokksins á frjálshyggjunni, tók sem sagt upp thatcherismann og kallaði Blairisma eftir leiðtoga sínum. Þetta hermdu hægrisinnaðir kratar í SF eftir þeim.  Við þetta varð Samfylkingin nær óþekkjanleg frá Sjálfstæðisflokknum.  Hafi SF öðlast einhverja sjálfsvirðingu við að þiggja gjafir frá auðmönnum, þá var sú sjálfsvirðing það sem sumir kalla "fölsk sjálfsvirðing"!

[Sigurður Þórðarson, 15.1.2010 kl. 20:06]

Já Árni, þetta liggur nokkuð ljóst fyrir.

[Sigurður Þórðarson, 15.1.2010 kl. 20:12]

Þetta er fín greining hjá þér Auðun. Ég myndi samt treysta betur heiðarlegum íhaldsmönnum af gamlaskólanum en uppskrúfuðu dressaman drengjunum.

[Auðun Gíslason, 16.1.2010 kl. 03:31]

Heldur þú að t.d. Árni Páll léti sjá sig í galla frá dressaman.  Néi, drengurinn sá hefur einfaldan smekk og verslar hjá Sævari Karli!  Ég myndi líka frekar treysta íhaldsmönnum af gamla skólanum, en hversu heiðarlegir þeir eru veit ég nú ekki.  Menn meiga ekki halda að t.d. óheiðarleiki og spilling í viðskiptum sé eitthvað nýtt fyrirbæri.  Fyrir tveim áratugum og áratugunum þar á undan þótti það sem kallað er spilling og óheiðarleiki bara sjálfsagt mál.  Í kringum 1990 voru slík krosseignatengsl að hverjum manni myndi blöskra í dag, en Jón Ásgeir og vinir hans roðna af öfund.  Eimskipafélag Íslands átti þá skráð fjögur fyrirtæki á eyju í Karabískahafinu.  Þar voru þá skráð tvö af skipum þeirra, og firma á bak við hvort!  Eimskipafélagið átti hlut í langflestum fyrirtækjum sem einvher veigur var í, beint og óbeint.  Fjöldi eignarhaldsfélaga var síst minni þá enn var 2007 miðað við umsvif viðskipta lífsins.  Hinir "andlitslausu" réðu nánast öllu í gegnum innsta hring Sjálfstæðisflokksins og allkyns krókótt viðskiptatengsl.  Topparnir á þessu valdakerfi bárust lítið á, voru lítt þekktir og töldust heiðarlegir íhaldsmenn af gamlaskólanum.  Enda vissu fæstir betur!

[Sigurður Þórðarson, 16.1.2010 kl. 10:47]

Það er nokkuð til í þessu hjá þér Auðun það var ekki allt gott í gamla daga. Fyrir um 12 árum byrjuðu ruðningar sem margir, töldu af hinu góða. Auðvitað mátti breyta í viðskiptalífinu það var kominn tími á það. En mönnum sást ekki fyrir og græðgi og ósvífni fékk lausan tauminn. Fimmta valdið (auðurinn) keypti einfaldlega upp öll hin völdin.

[Rannveig H, 16.1.2010 kl. 11:52]

Auðun það ber að þakka þér, þú átt það sameiginlegt með frænda þínum Árna að skrifar af skynsemi á upphrópanna og frasa. Ég get kvittað undir allt sem þú segir.

[Árni Gunnarsson, 16.1.2010 kl. 15:03]

Rannveig mín: Enda þótt við Auðun séum góðir vinir og nágrannar þá erum við nú ekki blóðskyldir að neinu ráði. Hinsvegar væri mér engin vansæmd að því nema síður væri. En rétt skal vera rétt.

Sigurður frændi minn og Auðun eiga það sameiginlegt að fara ekki í heitar umræður nema þeir hafi kynnt sér málin áður sjálfir. Það er ómetanlegur eiginleiki á þessum upphlaupstímum.

[Sigurður Þórðarson, 16.1.2010 kl. 15:06]

Sæl Rannveig þegar allt kemur til alls þá er alveg merkilegt hvað við erum sammála og ég tek undir góð orð um Auðun.  Ég og Árni erum náfrændur en ég vissi ekki um Auðun. Hvað með þig sjálfa ert þú bara úr Djúpinu?  Er þetta einhverskonar ættarmót?

[Auðun Gíslason, 16.1.2010 kl. 18:50]

Og gleymdu ekki afnámi regluverksins, sem smíðað var uppá ónýtt!

Sendi ykkur svo 1. kaflann af Icesave-sögunni.  Þar segir frá því hvernig ráðamenn gengu undir okið/skuldbingarnar.  Nú láta þeir hinir sömu sem þeir hafi fyrst heyrt um Icesave í febrúar í fyrra!  Gerðu svo vel, góða skemmtun (nú er ég búinn að setja þetta inn tvisvar hjá þér)!

skarfur

15.1.2010 | 21:11

Niðurstöður frá 2008 sem Bjarni Ben studdi ásamt öllum öðrum þingmönnum Sjálfstæðisflokksins!

Flokksformennirnir semja og semja hver við annan!  Og segjast sumir þeirra hafa góða trú á, að Hollendingar og Bretar fáist að samningaborðinu.  Stjórnarandstöðunni tókst með lýðskrumi að þvinga ríkisstjórnina í viðræður við sig.  Að þeim takist hið sama með Breta og Hollendinga má með réttu efast um.  Hollendingar og Bretar hafa enga þörf fyrir að semja við Íslendinga uppá nýtt.  En Íslendingar verða í mikilli klemmu verði enginn samningur um málið gildur!

„...en ég hef alla tíð verið þeirrar skoðunar að Evrópusambandið hefði átt að standa miklu nær viðræðuferlinu," sagði Bjarni. Bjarna má benda á samning sem ríkisstjórn Geirs H. Haarde gerði 16. nóvember 2008 við ESB. Þar voru lagðar línurnar um samningana, hin umsömdu viðmið. Ríkjunum var svo látið eftir að semja um smáatriðin. Í Viljayfirlýsingu Íslands og AGS 9. grein kemur einnig fram sama afstað. Bjarni Ben hefur endurtekið í sífellu, að samningurinn frá í haust sé ósanngjarn og að engin ríkisábyrgð gildi um innistæðutryggingar. Samt greiddi Bjarni einmitt atkvæði sitt tillögu um ríkisábyrg á innistæðum í íslenskum bönkum á Evrópska efnahagssvæðinu haustið 2008.

AGS hefur verið gagnrýndur fyrir þá afstöðu sem hann tók til endurskoðunar áætlunarinnar um endurreisnina eftir að ÓRG vísaði lögunum til þjóðarinnar.

 Árni Mathiesen þáverandi fjármálaráðherra og Davíð Oddsson þáverandi seðlabankastjóri undirrituðu Viljayfirlýsingu íslenskra stjórnvalda og Alþjóðagjaldeyrissjóðsins. 

Í níundu grein þeirrar yfirlýsingar stendur orðrétt:

„Ísland hefur heitið því að virða skuldbindingar á grundvelli innstæðutryggingakerfisins gagnvart öllum tryggðum innlánshöfum. Þetta byggist á þeim skilningi að unnt verði að forfjármagna þessar kröfur fyrir tilstyrk viðkomandi erlendra ríkja og að jafnt Ísland sem þessi ríki séu staðráðin í að efna til viðræðna á næstu dögum með það að markmiði að ná samkomulagi um nánari skilmála vegna þessarar forfjármögnunar." (15. nóvember 2008). 

Hin umsömdu viðmið í samningi ríkisstjórnar Geirs H. Haarde við ESB.

1. Ríkisstjórn Íslands hefur átt viðræðufundi með stofnunum Evrópusambandsins og hlutaðeigandi aðildarríkjum þess um skuldbindingar Íslands samkvæmt samningnum um Evrópska efnahagssvæðið að því er tekur til tilskipunar um innstæðutryggingar 94/19/EB. Aðilar komu sér saman um að tilskipunin um innstæðutryggingar hafi verið felld inn í lög­gjöf­ina um Evrópska efnahagssvæðið í samræmi við samninginn um Evrópska efnahags­svæð­ið og gildi því á Íslandi með sama hætti og hún gildir í aðildarríkjum Evrópusambandsins.
2. Viðurkenning allra aðila á þessari lagalegu stöðu greiðir fyrir skjótri niðurstöðu samninga­viðræðna þeirra sem nú standa yfir um fjárhagsaðstoð við Ísland, þ.m.t. við Alþjóða­gjald­eyris­sjóðinn. Þessar samningaviðræður skulu fara fram með samhæfðum og samræmdum hætti og skal þar tekið tillit til hinna erfiðu og fordæmislausu aðstæðna sem Ísland er í og knýjandi nauðsynjar þess að ákveða ráðstafanir sem gera Íslandi kleift að endurreisa fjármála- og efnahagskerfi sitt.
3. Stofnanir Evrópusambandsins og Evrópska efnahagssvæðisins munu taka áframhaldandi þátt í þessu ferli sem fer fram í samráði við þær. (16. nóvember 2008).
 

[Auðun Gíslason, 16.1.2010 kl. 18:52]

Ég þakka hólið!  Já, það er víst einhver misskilningur þessi meinta frændsemi vor!  En einsog barnið sagði:  Iss, það eru allir Íslendingar skyldir!

[Sigurður Þórðarson, 17.1.2010 kl. 09:31]

Það er alveg merkilegt  Auðun að  þér skuli finnast endalaust í lagi að Steingrímur klúðri málunum vegna þess að hægt sé að benda á einhver mistök annarra.

[Auðun Gíslason, 20.1.2010 kl. 18:07]

Er Steingrímur að klúðra málum?  Hvaða mál eru það? 

[Sigurður Þórðarson, 20.1.2010 kl. 18:40]

Auðun, það var Steingrímur sem skipaði Svavar Gestsson formann samninganefndarinnar og bar alla ábyrgð á klúðrinu.

[Auðun Gíslason, 20.1.2010 kl. 19:09]

Hvernig stendur á að samningurinn á  síðasta ára, Icesave1 og Icesave2, er betri en betri en samningsdrögin frá árinu á undan;  6,7% vextir og byrja að borga strax.  Telur þú að það hefði orðið betri samningur úr því?  það er þannig, að það er erfiðara að semja við raunverulegan andstæðing en að fabúlera um mögulegar og ómögulegar niðurstöður í firringunni hér á moggablogginu.  Hvaða vísbendingar eru fyrir hendi að betri samningur bjóðist eða hafi boðist?  Við erum ekki að semja við okkur sjálfa!

[Sigurður Þórðarson, 20.1.2010 kl. 19:34]

Fyrsti samningurinn sem gerður var var gerður af Svavari.

Samningurinn gat ekki orðið verri en sá sem Svavar gerði en til þess að þú áttir þig á því þarftu að lesa samninginn eða í það minnsta að lesa um hann eitthvað meira en þessa prósentu. 

 Það er einfaldlega betra að gera engan samning og láta málið fara fyrir dóm en að samþykkja eigin aftöku (áratuga fátækt og afsal auðlinda) án dóms. Þetta var einfaldlega landráðasamningu, það er ekkert flóknara.

[Auðun Gíslason, 20.1.2010 kl. 23:59]

Samningsdrög frá haustinu 2008 má sjá á island.is  Ertu nú kominn í hrokadeildina, Siggi minn!..."en til þess að þú áttir þig á því þarftu að lesa samninginn eða í það minnsta að lesa um hann eitthvað meira en þessa prósentu...".   Hvað heldur þú að ég sé búinn að lesa mikið efni hér og annarsstaðar eða hlusta á tugi klukkustunda á þingmenn stjórnarandstöðunnar fara yfir Icesave1 og Icesave2 lið fyrir lið?

Icesave-reikningurinn er 1300 milljarðar, þar af lenda, skv samningnum, 700 milljarðar á Íslandi.  Þar af greiðast ca 90% með eignum Landsbankans.  Þá eru eftir 70 milljarðar og svo vaxtakostnaður, sem fer eftir því hve hratt sala eigna Landsbankans gengur. Samtals ca 200 milljarðar.  Hér hefur samfélagið staðið á haus vegna Icesave.  Fullorðnir menn láta einsog móðursjúkar ungahænur!  Og nánast aðeins minnst á 200 milljarðana í peningamarkaðssjóðina og rúm 300 milljarða í Seðlabanka gjaldþrotið í framhjáhlaupi.  Kostnaðurinn á ári vegna Icesave er 2 1/2 af þjóðarframleiðslunni.  Ofangreindir 500 milljarðar eru þegar lenti á ríkissjóði og kostnaðurinn farinn að tikka,  Vextir, vextir og vextir!  Halli á ríkissjóði!.  Auðvitað vilja hægrimenn í hrunflokkunum/helmingaskiptaflokkunum ekki afgreiða Icesave strax!  Ef það er gert, þá gerist tvennt:  Í fyrsta lagi komast ofangreind klúður, og önnur jafnvel verri, í umræðuna.  Í öðru lagi: þá myndast rými til að fara að ræða skýrsluna væntanlegu.  Þú ættir kannski að skoða þá ástæðu vel og vandlega.  Hvað er betra til að fela eigin afglöp en ein feit smjörklípa!

Fyrir dómsstólana segirðu.  Og þá Neyðarlögin með?  Viltu bíða með alla endurreisn í besta falli í 3 ár?  Og skera bara niður og skera?  Vonandi ertu ekki hlynntur sjálfþurftarbúskap?  Honum fylgir aðeins hnignun á öllum sviðum.  Og hefur ekki þjóðinni hnignað nóg undanfarin "velsældarár"  gengisfölsunar og lífskjara að láni á alþjóðlegum lánamörkuðum?  Nú þarf að fara að borga!  Og svo þarf að fara að ganga að mönnum í talsambandi við einkavæðingarflokkana, ekki bara í Landsbankanum!  Ekki bara á Kjartani og Bjöggunum!  Heldur öllu siðblinda fjárglæfragenginu!

[Auðun Gíslason, 21.1.2010 kl. 00:01]

2 1/2% átti það að vera.  % gleymdist!