Borgarmálafélag Frjálslyndra í Reykjavík stofnað

Í kvöld var haldinn framhaldsstofnfundur Borgarmálafélags Frjálslyndra í Reykjavík.  Kjörin var 11 manna samvirk stjórn 50 manna fulltrúaráð Jón Magnússon alþingismaður var sjálfkjörinn. Ég vil óska öllu þessu góða fólki til hamingju og velfarnaðar í störfum  sínum.  Þetta er upptakturinn af því að Frjálslyndir mæti sterkir til leiks í næstu sveitarstjórnarkosningum í Reykjavík.

Þessi "frétt" er uppspuni

Einhver hefur fundið hjá sér hvöt til að spinna upp "frétt" um það að Ólafur F. Magnússon vildi víkja fyrir Margréti Sverrisdóttur til að liðka fyrir Tjarnarkvartett.  Af hvaða hvötum er þetta gert? Allir sem til þekkja vita að Ólafur og Margrét heilsast ekki, hvað þá að þau talist við.  Hitt er annað að Ólafur var tilbúinn til  að víkja úr borgarstjórastólnum til að bjarga málefnasamningnum.  Þetta kom fram í samtali við Ólaf í gærkvöldi. Nú hefur komið í ljós að svokallaðar viðræður Hönnu Birnu og Ólafs í gær og í dag voru aðeins til málamynda og í raun yfirseta Hönnu til að villa um fyrir Ólafi.

Ólafur vildi Tjarnarkvartett

Sanngjörn og réttmæt krafa um kynlíf?

Í Danmörku hefur verið uppi sterk hreyfing sérstaklega innan vinstri flokkana sem heldur því fram "að hver einstaklingur eigi rétt á að fá að stunda kynlíf". Og hver er lausnin ef einstaklingurinn getur ekki orðið sér úti um kynlíf af eigin rammleik?  Jú, þá á hið opinbera að útvega viðkomandi kynlíf með tilvísun frá hjúkrunarfræðingi eða félagsráðgjafa. Þetta hefur verið viðhaft  áratugum saman en nú horfa menn í að kostnaðurinn hefur margfaldast.  Einnig hefur komist upp um svindl þannig að þeir sem hafa fengið tilvísun hafa ekki stundað kynlíf heldur selt tilvísunina og jafnvel keypt sér öl, sem er auðvitað misnotkun á kerfinu af versta tagi. Hjúkrunarforstjórar á elliheimilum og sambýlum fyrir fatlaða verja samt kerfið og segja skjólstæðinga sína vera mun geðbetri einkum þeir sem eiga við geðfötlun að stríða og því megi ekki láta einstaka misnotkun (eða öllu heldur vannotkun) eyðileggja fyrir öllum hinum.  Ekki veit ég hvort þetta yrði til bóta hérlendis en ég þori ekki að nefna þetta við Ólaf borgarstjóra af því að hann er svo siðprúður maður, auk þess þyrfti að flytja inn danskar konur þar sem engar íslenskar konur starfa í þessari grein.

Hvaða Íslendingar njósnuðu um Halldór Laxness

Vitað er að Bjarni Benediktsson hafði frumæði að því að vara bandaríska sendiráðið við  Halldóri Laxness.  Unnið er að því hörðum höndum, bæði hér og vestan hafs, að fá það upplýst hvaða Íslendingar unnu að njósnum gegn Haldóri og fjölskyldu hans og komu í veg fyrir að verk hans yrðu útgefin ytra.  Í ítarlegu viðtali við bókmenntafræðinginn og Íslandsvinin Chay Lemoine greinir hann frá tilraunum sínum til  að fletta ofan af samsæri íslenskra og bandarískra yfirvalda.  Bæði CIA og FIB halda hlífiskildi yfir lúalegum íslenskum handlöngurum sínum, með því að merkja öll skjöl varandi þessi mál þjóðaröryggisleyndarmál.  Fjölskylda Halldórs bindur vonir við að verði Obama kjörinn forseti muni hann aflétta þessari leynd. Að sama skapi hljóta þessir ógeðfelldu ógæfumenn sem lögðu það fyrir sig að njósna um samlanda sína fyrir erlent stórveldi að halda með öðrum frambjóðanda.

Siðgæðisnefndin komin í málið

 Eitt sinn þótti það ekki tiltökumál þótt  íslenskt sveitafólk velti sér nakið upp úr dögginni á jónsmessunótt. Í gær fengu tvær fullornar og mannbærar konur hland fyrir hjartað af því að þær sáu alsnakinn mann á Esjunni "sem var ekki einu sinni í sokkum". Hvílík skömm og hvílík hneisa, vonandi ná þær sér blessaðar konurnar eftir að hafa séð nakinn karlmann í fyrsta sinn og það í björtu. Ekki dugði því  minna en að senda helftina af öllu lögreglu- og hjálparsveitaliði SV- landsins.

Sú var tíðin að kynlegir kvistir gengu um götur og torg. Ég get nefnt dæmi um Lása kokk, Hauk pressara, Valla graða Gvend dúllara og marga fleiri. Allir tóku þessir menn þátt í þjóðfélaginu, sumir voru sendlar aðrir í uppvaski eða við að pressa föt. Núna eru þessir menn umsvifalaust sendir á Klepp! Þvílíkt rugl.  Þegar ég var barn horfði ég á þjóðkunnan stjórnanda symphoníuhjlómsveitarinnar æfa sig alsber  úti í á að stjórna stóru verki. 

Allsnakinn á Esjunni í 600 metra hæð

Sjávaútvegsráðherra getur leyst efnahagsvandann

Einn reyndasti og besti fiskifræðingur landsins Jón Kristjánsson, skrifaði ágæta grein í Fréttablaðið í dag þar sem hann kom með einu haldbæru lausnina út úr efnahagsvandanum.  Hún fólst ekki í því að taka risa lán í útlöndum á lán ofan heldur að auka tekjur. Tillaga hans er sú að einfaldlega sú að fara að veiða þorsk  og kasta kvótakerfinu fyrir róða.  Hann bendir réttilega á að tilraunastarfsemi Hafrannsóknarstofnunar í 30 ár hafi algjörlega  mistekist.  Því sé ráð að reka þjálfarann og leyfa nýjum mönnum að spreyta sig.  Ef farið yrði úr aflamarkinu myndi brottkast hverfa bara sú aðgerð ein myndi hjálpa gríðarlega.

 

 Afnám kvótakerfisins myndi leysa allan efnahagsvanda og gott betur. Það myndi hleypa nýju lífi í landsbyggðina og leysa öll umferðvandamál í höfuðborginni.

Ég fer í fríið. "Syndsamlega gott veður"

Þegar ég var á unglingsárum, kynntist ég gamalli norskri konu sem lifði meinlætalífi og raulaði fyrir munni sér sálma. Þar sem ég var þá nýbyrjaður að læra dönsku er mér minnisstæð ein ljóðlína: "En glædestund ii dette liv maa betales med sorg paa himmelen" (Seinna frétti ég að þetta væri eftir sjálfan  Björnstein Bjornson eitt mesta sálmaskáld Norðmanna.)  Þegar veðrið var svipað því sem það er núna í dag sagði gamla konan gjarnan að veðrið væri "syndsamlega gott" og hélt sig innandyra, til að falla ekki í freistni.  Blessuð sé minning gömlu konunnar og ég vona innilega að hún njóti nú veðurblíðunnar á himninum, því hún á það svo sannarlega skilið.

Sjálfur get ég ekki beðið svo lengi. Með sól í sinni er ég búinn að taka til ferðabúnaðinn og held með dóttur minni vestur á Snæfellsnes í góða veðrið, þar sem við hittum fyrir restina af fjölskyldunni á "stórættingjamóti".  

Verður þetta til þess að ég þurfi að norpa í  kvenmannslaus í kulda og trekk hinumegin en gamla konun muni halda sig á baðströnd og sötra kók með röri?  Spyr sá sem ekki veit.

Tek nú samt sénsinn á þessu og óska ykkur alls góðs.

Undirskriftalisti til stuðnings Ásmundi Jóhannssyni

http://www.petitiononline.com/asmundur/petition.html

 Ásmundur Jóhannsson hefur lagt eigur sínar í hættu með því að bjóða kerfinu byrginn í þeim tilgangi að hnekkja víðtækum mannréttindabrotum stjórnvalda hér á landi.         

Lífsglaður baráttumaður:

Flugvélin tók Ásmund! Skúbb.

Ásmundur Jóhannsson réri vaknaði snemma í morgun, með sól í sinni og klukkan 05:00 lét hann úr höfn við annan mann frá Sandgerðishöfn í góðu veðri og stefndi happafleyinu, Júlíu Guðrúnu á Flóann.  Þeir voru í ágætis fiski aðallega ufsa og þorsk, þegar þeir voru truflaðir af flugvél Landhelgisgæslunnar TF Sýn og skipað að halda til hafnar. Tveimur tímum seinna eða k.l. 16:00 komu þeir að landi og þar biðu þeirra fílefldir lögregluþjónar. Aflinn var ágætur eða rúm 600 kíló af stórum og fallegum fiski.

Ég vonast til að geta birt myndir í kvöld úr veiðiferðinni. 

 

Hér kemur fyrsta myndin af Ásmundi  úr veiðiferðinni

 

Vinnandi menn þurfa að taka hraustlega til hatar síns.

Flugvél Landhelgisgæslunnar bar að þegar sægarpurinn og kvótabaninn var að matast.

Undirskriftalisti

Alþýðuhetja rær gegn mannréttindabrotum frá Sandgerði

Ásmundur Jóhannsson, fullorðinn Sandgerðingur hefur sagt lénsskipulagi í sjávarútvegi stríð á hendur. Ásmundur sem er grandvar og duglegur sjómaður um nokkurt skeið gert út aflamarkslausan bát sinn án þess að leigja kvóta af sægreifum. Fyrir vikið svipti Fiskistofa hann veiðileyfi sínu og hafa hótað honum. Hann lætur það sem vind um eyrum þjóta og mun fara með málið fyrir Mannréttindadómstól Evrópu ef með þarf.

 Ásmundur er hetja sem berst gegn þjófnaði og mannréttindabrotum eins og hann orðar það og okkur borgurum landsins ber siðferðisleg skylda til að styðja hann í þessari baráttu. 

Mótmælir kvótakerfinu með veiðum