Ég ætla að kaupa undanrennuduft

Ég hef fyrir satt að bankarnir sitji uppi veð gríðarlegar veðsetningar í kvóta (sameign þjóðarinnar) sem ekki er nokkur leið að selja. Svokallaðar kvótasölur, sem til skamms tíma voru umsvifamiklar hafa ýmist lagt upp laupana eða lagt niður aðra starfsemi en símsvara. Ég hef sparað nokkrar krónur til mögru áranna en treysti bönkunum ekki fyrir þeim við þessar aðstæður og hef því ákveðið að kaupa undanrennuduft í Bónus og geyma það í bílskúrnum.

Birgðir af undanrennudufti þær minnstu í 10 ár

Ríkisstjórnin er í neyslu. Krónan og úrvalsvítalan hækka eftir að botni verður náð.

Það eru góðar fréttir að heimilin eru byrjuð að  spara.  En ríkisstjórnin er í neyslu sem aldrei fyrr  og hækkanir hennar til utanríksráðuneytisins eru í engu samræmi við  tekjur. Það rifjast upp fyrir saga af góðri fjölskyldu sem átti drykkfelldan heimilaföður sem gaf eða veðsetti gamlan fjölskylduarf og braut mannréttindi á fjölskyldu sinni. Fjölskyldan var þrátt fyrir það svo trygglynd að hún rak ekki raftinn, þó hann hafi til þess unnið. Sumir voru jafnvel svo meðvikir að þeir vildu selja íbúðina og  flytja í kommúnu til þess að heimilisfaðirinn gæti haldið áfram að vera fullur tekið þátt í hópslagsmálum í Asíu og gengið í alþjóðlegan heldrimannaklúbb í New York.  Svo fór þó að lokum að fjölskyldan áttaði sig og setti drykkjumanninum úrslitakosti. 

Úrvalsvísitalan lækkar enn frekar

Ætla að byrja þennan dag skynsamlega

Ég heiti sjálfum mér því að um leið a og ég hef skrifað þessa færslu, ætla ég að fá mér 4 hylki af Rauð eðalginsengi, sem innihalda glás af andoxunarefnum og fjölga rauðum blóðkornum sem flytja súrefni m.a. til heilans svo ég muni eftir að fara í ísskápinn og fá mér 2 lýsisskeiðar svo ég verði jafnvel enn skynsamari!

Fiskur gerir börnin greindari

Skilaboð stjórnrandstöðu & Samf. til BB

Það eru allir sammála um þann frábæra árangur sem náðst hefur með samþættingu toll- og löggæslu á Keflavíkurflugvelli. Þeir sem best þekkja til starfsseminnar segja breytingatillögur dómsmálaráðherra vanhugsaðar og líklegar til að setja góðan árangur embættisins í uppnám. Markmiðið með breytingunum er sagt vera að spara einhverjar krónur, það mun þó ekki vera í hendi en ljóst er að áhættan er mikil sem tekin er. Vonandi munu sjálfstæðismenn  sjá að sér.  

Samfylkingin lítt hrifin af áformum dómsmálaráðherra

Krossfarinn Bush fagnar í kvöld

Fimm ár eru síðan Búskur forseti tilkynnti að hann hefði hafið "krossferð" til Íraks (trúarstríð í Írak). Ummæli hans vöktu mikla reiði og skelfingu í hinum muslimska heimi og áttu blaðafulltrúi hans og ráðgjafar fullt í fangi með að leiðrétta mistökin.

Það er þó ekki hægt að segja að þetta hafi allt farið fram undirbúningslaust. Vanbúin íraski herinn féll fljótlega saman gegn bandarísku hernaðarvélinni. Í hverri borgin á fætur annarri mátti sjá mannfjölda fagna innrásarliðinu. Tvær grímur runnu á menn þegar hægt var að  greina sömu brosandi andlitin fagna á mismunandi stöðum í landinu. Öll rataði þessi vitleysa á forsíður blaðanna ásamt skrípafréttinni sem þakti forsíðu Morgunblaðsins að Íslendingar hefðu fundið gereyðingavopn. En það eru takmörk fyrir því hvað heiðarlegir blaðamenn láta plata sig lengi og svo kom að Morgunblaðið snérist gegn innrásinni. Seðlabankastjórinn situr einmana við fótskör meistara síns.

 

Fáir telja að þátttaka Íslands, hafi orðið landinu  til sóma og því vonuðu margir að landið yrði tekið af listanum, hér eru nokkrar ástæður:

Stríðið var undirbúið og rekið á upplognum forsendum.

Innrásin var ólögleg árás á fullvalda ríki. 

Bandaríkjamenn notuðu bannaðar napalm-og fosfórsprengjur inni í borgum.  

Víðtækar og skipulagðar pyntingar fóru fram um allt Írak að undirlagi innrásarliðsins.

Hundruð þúsunda óbreyttra borgara hafa fallið frá því stríðsátökin hófust.

Milljónir manna eru á vergangi sem flóttamenn bæði í Írak og nágrannaríkjum þess.

Írak er smátt og smátt að breytast í útungunarstöð fyrir hryðjuverkamenn.

Tortryggni milli trúarhópa og hatur á Vesturlöndum hefur aukist í hinum muslimska heimi.  

 

Foreldrar voru neyddir til kynferðislegra athafna á börnum sínum.

 

Neysla Rauðs Eðalginsengs eykur frjósemi

Í Austur- Asíu hefur ginseng um aldir ekki einungis verið notað til hressingar og uppbyggingar líkamlegs og andlegs þreks heldur einnig sem frjósemislyf.

Fyrir nokkru framkvæmdu japanskir vísindamenn undir forystu Dr. Yamamoto, rannsókn á 21 karlmanni sem átt hafði við ófrjósemisvandamál að stríða vegna ónógrar sæðisframleiðslu. Rannsóknin fólst í því að gefa þeim Rautt Eðalginseng frá Kóreu um þriggja vikna skeið.

Skemmst er frá  því að segja að hjá 15 varð nokkur framför og 7 náðu fullum bata á meini sínu.

Ekki er vitað af hverju þetta gerðist en menn geta sér til að líkleg skýring sé að ginsengsneyslan auki kjarnasýruframleiðslu kynkirtla en jafnframt hjálpar það lifrinni að losa sig við eiturefni.  Því geta þetta verið samverkandi áhrif.   Sala á Rauðu Eðalginsengi jókst milli ára. Kannski er þar komin skýringin.  

 

 Undirritaður með fullt fang af rótum

Frjósemi eykst á Íslandi

32% hækkun álverðs frá áramótum

Þegar álverð reis hæst fyrir um 10 dögum hafði það hækkað um 36% frá áramótum í dollurum en síðan hefur það verið á nokkru flökti 2n er nú 32% hærra en um áramót.  Helstu ástæður hækkunarinnar má rekja til aukinnar eftirspurnar á áli í Austur-Asíu og vegna hærra raforkuverðs og síðast en ekki síst kuldakastsins í Kína. Á móti kemur 9% lækkun dollars gagnvart evru.  Haldist verðið þetta hátt út árið svara áhrifin til þokkalegrar loðnuvertíðar og hefur gríðarleg áhrif á rekstur Landsvikjunnar og þjóðarbúsins alls. Því er spáð að álframleiðsla muni aukast um 7% á árinu en eftirspurnin um 8%.

Burt séð frá umhverfisþættinum, sem er umdeildur, þá hljóta þessir framkvæmdir, ef af verður, að verða lyftistöng fyrir Hitaveitu Suðurnesja og Orkuveitu Reykjavíkur. 

 

Norðurál

Engin óvissa vegna orkuöflunar

Vertíðarlok - Stuttri en snarpri loðnuvertíð lokið

Í kvöld var flotinn að veiði upp í landsteinum austan við Heimaey. Loðnan er sest og stuttri en snarpri vertíð er líklega lokið. Gagnrýnt hefur verið hvað vertíðin fór seint í gang og þar sem hver dagur skiptir gríðarlegu máli fyrir þjóðarbúið þykir mörgum undarlegt að ekki skuli vera hægt að taka ákvarðanir um helgar. Starfsfólk útgerðirnar og fiskvinnslan tóku höndum saman um að gera sem mest úr þessum verðmætum, á þessum stutta tíma. 

Sjómenn og fiskverkafólk, við þökkum fyrir okkur 

Við veiðar uppi í landsteinum

Ingibjörg greiðir úr gömlum ættflokkadeilum í Afganistan

Ég er sárhneykslaður fyrir hönd Ingibjargar Sólrúnar Gísladóttur eftir hafa heyrt frænku mína sem er framsóknarkona, reyna að koma af stað kjaftasögu um að Ingibjörg sé í verslunarferð í Afganistan á kostnað íslenska ríkisins! Ef þið heyrið þetta vara ég ykkur við að trúa sögunni, enda er hún í afar brýnum erindum að leysa úr gömlum ættflokkaríg í landinu. Eða eins og Ingibjörg sagði sjálf: „Það skiptir mjög miklu máli að þegar svona stórpólitískt mál er rætt á þessum vettvangi, að mér hafi gefist kostur á að hitta stjórnmálamenn, ráðamenn og fulltrúa ýmissa samtaka, svo ég hafi tilfinningu fyrir viðhorfi þarlendra".

Ingibjörg á vandasamt verkefni fyrir höndum að sætta alla þessa ólíku ættbálka.

 

 

 

 

Fer til Afganistan á sunnudag

Hannes Hólmsteinn fær létta æfingu í að borga skaðabætur

Hæstiréttur hefur dæmt Hannes Hólmstein til að borga ekkju Halldórs Laxness 1,5 milljónir í bætur fyrir brot á höfundarétti. Það má segja að þetta sé létt upphitun fyrir Hannes sem á von á´glaðningi fyrir enskum dómstól, vegna meintra ærumeiðinga gegn Jóni Ólafssyni á vef Háskólans. Fram til þessa hefur Hannes eingöngu tekið til varna á tæknilegum forsendum

Bótaskyldur vegna ævisögu