Spillingaröflin ná völdum í Framsóknarflokknum

Í stól varaformanns Framsóknar situr kona, sem lagði til þess að vatnið og orkulindirnar yrðu einkavæddar, kom á lénsskipulagi í sjávarútvegi, sú sem studdi Íraksstríðið, sú sem flokksvinavæddi bankana og féll frá ströngum og verðmótandi útboðsskilmálum  2 vikum eftir að salan var gengin í gegn. Áfram íslenska þjóð - burt með spillingarliðið!

Guðni segir af sér þingmennsku

Brennuvargana burt úr slökkviliðunu!

Það er hvorki heiðarlegt né skynsamlegt að spillingaröflin sem ráðstöfuðu þjóðarauðnum til velþóknanlegra ráði för lengur nú þegar þau hafa stýrt landinu í gjaldþrot með því að sitja aðgerðalaus hjá meðan hraukurinn óx. Kannski áttu þeir erfitt uppdráttar þar sem sumir þessara fjárglæframanna kostuðu prófkjörsbaráttu þeirra en það er ekki gild afsökun.           Það er heldur ekki sanngjarnt gagnvart börnum landsins og komandi kynslóðum að brennuvar klæðist búningum slökkviliðsmanna og skuldsetji þær upp fyrir haus. Til þess eru þessir menn umboðslausir án  undangengna kosninga. Áfram íslenska þjóð - burt með spillingarliðið!

Ávísun á risagjaldþrot ef lán fæst ekki frá IMF

Hver verður formaður Sjálfstæðisflokksins í janúar 2009?

Geir H. Harrde hefur ekki setið lengi í stól formanns Sjálfstæðisflokksins, en þegar er farið að gnauða um hann og það kólnar á toppnum núna. Geir er vænsti maður, en hvernig verður hans minnst?  Verður hans minnst sem forsætisráðherrans, sem stýrði Íslandi á hausinn? Eða verður hans minnst sem forsætisráðherrans sem lenti í hremmingum en stýrði þjóðarskútunni lítt laskaðri í höfn? Samfylkingin vill segja Ísland til sveitar hjá ESB og afhenda fiskveiðiauðlindina í meðgjöf, Samfylkingin fitnar því á vonleysinu. Geir hélt því fram að hann myndi ekki láta kúga sig. Nú reynir ESB að kúga Íslendinga og Samfylkingin reynir að kúga Sjálfstæðisflokkinn.  Verður Geirs minnst fyrir að láta báða þessa aðila kúga sig?  Það vona ég ekki en geri hann það mun það verða hlutverk framsýnna stjórnmálamanna að benda á alla þá möguleika sem Ísland gæti átt með fríverslunarsamningum við  lönd utan ESB, sem eru á hraðri siglingu, ólíkt því sem gerist hjá bandalaginu.

Áfram íslenska þjóð - burt með spillingarliðið!

 

Þokast í átt að lausn á IceSave-deilu

Gott hjá Össuri að kyssa ekki á vöndinn

Maður varð furðu sleginn yfir aulahætti utanríkisráðherra að leggja það í hendur Breta hvort þeir athafni sig með sín hertól hérlendis. Þessi yfirlýsing hennar hlýtur að hafa misboðið öllum Íslendingum með snefil af þjóðarstolti. Álit mitt á Samfylkingunni óx mikið í dag að heyra Össur Skarphéðinsson iðnaðarráðherra segja fullum fetum að hann kyssti ekki á vönd kvalara sinna, eins og svilkona hans, hæstvirtur utanríkisráðherra.  Össsur sagði réttilega að Íslendingum myndi misbjóða að breskir hermenn færu að athafna sig hér við þessar að stæður.

Kyssir ekki á vönd kvalaranna

Er Ingibjörg Sólrún Gísladóttir landráðamaður?

Aldrei á ævi minni hef ég augum barið aumlegri fulltrúa Íslands en birtist á skjánum í kvöld þegar Ingibjörg Sólrún Gísladóttir sagist vilja leggja það í hendur Breta hvort þeir kæmu hingað til lands til að sinna loftferðaeftirliti. Þarna talaði varnarmálaráðherra Íslands á hnjánum sá sami og gagnrýndi fyrrum utanríkisráðherra fyrir undirlægjuhátt.  Er hægt að ganga lengra en að gefa erlendu ríki, sjálfdæmi um það hvort það athafni hersveitir sínar á grund fullvalda ríkis?

Einn þekktasti stuðningsmaður ríkisstjórnarinnar í blaðamannastétt Andrés Magnússon, spyr í fyllstu alvöru hvort þetta jaðri ekki við landráði sjá hér  Hernám Breta væri jú ein leið inn í Evrópusambandið.

Hann var ólíkt myndugri forseti Íslands þegar hann varði sjónarmið þjóðarinnar gagnvart Bretum í Kastljósi kvöldsins.                                 Burt með spillingarliðið, hvar í flokki sem það stendur!

Ekkert samasemmerki á milli umræðu um Rússalán og herstöðina

2 ærlegir menn í Framsóknarflokknum

 Í stól varaformanns Framsóknar situr kona, sem lagði til þess að vatnið og orkulindirnar yrðu einkavæddar, kom á lénsskipulagi í sjávarútvegi, sú sem studdi Íraksstríðið, sú sem flokksvinavæddi bankana og féll frá stöngum og verðmótandi útboðsskilmálum  2 vikum eftir að salan var gengin í gegn.

Tveir ærlegir menn í Framsóknarflokknum skrifuðu bréf til Valgerðar Sverrisdóttur. Ekkert er þar ofsagt. Satt best að segja kemur þar fátt ef nokkuð nýtt fram en hafi einhverjum ekki verið kunnugt um þá hluti sem þar eru skrifaðir á efni þess erindi við þjóðina:

 

Heil og sæl Valgerður, þú varst ögn önug út í okkur flokksbræður þína yfir því að við minntum á, í bréfi 9. okt. s.l.að í þinni ráðherratíð sem viðskiptaráðherra voru bankarnir einkavæddir.

 

 

 

 

Samningur um sölu á tæplega helmingshlut ríkisins í Landsbanka Íslands hf. til Samsonar eignarhaldsfélags ehf. undirritaður á gamlársdag árið 2002 (mbl.is/Kristinn)

Það verður þó varla fram hjá því litið að á því ferli öllu berð þú mikla ábyrgð ásamt því regluverki sem bönkunum var ætlað að starfa eftir. Og minnast má þess að lengi vel var það stefna Framsóknarflokksins að selja ekki bankana og als ekki Símann og margir framsóknarmenn munu enn vera á þeirri skoðun. Nú er úti ævintýr og bankarnir komnir aftur í þjóðareign. Nauðsynlegt er að spyrja hvað hefur þjóðin haft upp úr sölu bankanna og hvað mun hún kosta hana? Fyrireinkavæðingu var þjóðin talin með ríkustu þjóðum í heimi. Þjóðartekjur á mann með því besta sem þekktist. Þegnarnir yfirleitt efnahagslega sjálfstæðir og lífskjör hvergi jafnari en hér á landi. Ofurlaun þekktust ekki. Hvernig er svo ástandið í dag, sem einkavæðingin skilur eftir? Allir bankarnirkomnir í þrot. Af eljusemi og dugnaði höfðu þeir safnað erlendum skuldum er nema tólf til þrettán faldri ársframleiðslu þjóðarinnar. Allt sparifé okkar, sem var í vörslu þeirra var í uppnámi. Setja varð neyðarlög að næturlagi til þess að tryggja spariféð og eðlileg bankaviðskipti í landinu. Mörg hundruð miljarða skuldabaggi er lagður á íslenska þjóð. Okkur finnsta því að þú mættir gjarnan hugleið hvaða áhrif þinn félagslegi og pólitíski framgangur hefur haft fyrir þjóðina og Framsóknarflokkinn. Og hvað um KEA og SÍS? Spyrja má hversu mikið landsbyggðin hefur liðið fyrir hrun Samvinnuhreyfingarinnar.

Síður en svo ætlum við þér alla ábyrgð á einkavæðingunni og afleiðingum hennar þótt þú kæmir þar verulega við sögu og margir bera ábyrgð á þróun samvinnumála hér á landi. Framsóknarflokkurinn átti sinn góða þátt í uppbyggingu þess samfélags, sem hér náði að þróast á öldinni sem leið. Það samfélag byggði á blönduðu hagkerfi, sem hafnaði öfgum kapitalisma, sem boðaði að markaðurinn ætti að ráða öllu í heimi hér, jafnt og alræðissósíalisma var hafnað. Með formensku Halldórs Ásgrímssonar hefst raunasaga Flokksins, sem endaði með fylgishruni. Halldór klifaði látlaust á því að breyta þyrfti stefnu Flokksins. Hann skipaði framtíðarnefnd. Jón Sigurðsson var ,,kallaður" til þess að hafa umsjón meðþessari stefnumótun, ásamt Sigurði Einarssyni og Bjarna Ármannssyni, sem afþakkaði reyndar þetta boð.

Í þessari nýju stefnu fólst m.a. þetta:

1.  Í stað þess að standa vörð um sjálftæði Íslands og fullveldi átti að gangastundir ESB- valdið í Brussel.
2. Í stað hins blandaða hagkerfis skyldi innleiða ,,frjálst" markaðhagkerfi líkt og í Bandaríkjunum og ESB.
3. Ísland átti að verða ,,alþjóðleg" fjármálamiðstöð og skattaparadís.
4. Frjáls innflutningur á landbúnaðarvörum, átti að vera forsend þess að flokkurinn næði fylgi í þéttbýlinu.
   
   

Allt var þetta í algjöri andstöðu við þau lífsviðhorf og gildismat þess fólks sem Flokkurinn sótti fylgi sitt til. Enginn studdi Halldór formann og þessa nýju stefnu afmeiri alúð en þú, að okkur finnst. Þótt annar hver kjósandi hafi yfirgefið Flokkinn heldur þú áfram á braut, sem leiddi hrun yfir Flokkinn og hörmung yfir þjóðina. Ástandið hefði þó verið sínu verra ef vilji ykkar Halldórs og fyrirmæli um að leggja Íbúðarlánasjóð undir bankanna hefðu ekki verið hundsuð af ágætum flokksbræðrum okkar, Árna Magnússyni, Magnúsi Stefánssyni og Guðmundi Bjarnasyni. Enda nutu þeir, að við höldum, stuðnings annarra þingmannaFlokksins. Þú innleiddir tilskipun ESB um raforkumál, sem kostar fólkið í landinu hundruð miljóna á ári hverju. Og þú orðaðir það svo fallega að þetta gæti verið fyrsta skrefið í einkavæðingu orkugeirans. Og nú rekur þú áróður sem mest þú getur fyrir aðild að ESB og reynir að fiska málinu fylgi í gruggugu vatni svo ekki sé meira sagt. Því til viðbótar hefur þú og sumir af þínum fylgismönnum talað niður gjaldmiðil hagkerfisins, nokkuð sem er mjög alvarlegt mál. Þá viljum við lýsa undrun og óánægju okkar yfir framgöngu þinni gagnvart sitjandi formanni Framsóknarflokksins. Við munum ekki annað eins.

Með framsóknarkveðju.

Gunnar Oddsson Flatatungu 560 Varmahlíð Sigtryggur Jón Björnsson Birkimel 11 560 Varmahlíð

 

Siðtæknileg mistök og önnur alvarlegri mistök

Með afsögn Bjarna Harðarsonar, hverfur af þingi þjóðlegur Sunnlendingur, það er skarð fyrir skildi á hinu háa Alþingi því Bjarni er einn núlifandi þingmanna sérfróður um drauga. Bjarni féll í þá freistni að ætla að dreifa nafnlaust gagnrýni á pólitískan andstæðing innan Framsóknarflokksins. En þegar hann  sendi handlangara sínum bréfið áttaði hann sig ekki á að fjölmiðlarnir voru allir merktir bcc (blind copy) sem þýðir að þeir fengu afrit. Bjarna varð sem sagt að falli að hann er ekki jafn sérfróður um tölvur og hann er um drauga. Nema einhver draugur hafi verið að gera honum lífið leitt. 

Bjarni hefur þó framsóknarmaður sé ekki tekið þátt í pólitískri spillingu svo vitað sé. Valgerður hefur aftur á móti unnið þjóð sinni mikið ógagn t.d. þegar hún var bankamálaráðherra og tók virkan þátt í helmingaskipavæðingu bankana.  Hún féll frá kvöðum að tilboðsgjafar yrðu að eiga bankana í minnst 2 ár. Þannig að fyrirtæki í eigu aldraðrar móður samráðherra hennar gat skipt á bréfum í Búnaðarbankanum innan hálfs  mánaðar frá því kaupin voru gerð og fengið bréf í VÍS, sem voru verðmeiri.  Öll þessi "siðtæknilegu" mistök hafa leitt hörmungar yfir þjóðina.   

Burt með spillingarliðið, hvar í flokki sem það stendur! 

 

 

 

 

 

 

 

 

 

 

 

 

 

Guðni: Bjarni axlar ábyrgð

Dulbúnir ráðherrar í jólasveinabúning, þykjast koma af fjöllum

Það er ekki bara Ástþór Magnússon sem getur brugðið sér í jólasveinabúning þessa dagana.  Nú  hafa fjármála- og viðskiptaráðherra brugðið sér í slíkan búning og þykjast koma af fjöllum, já gott ef ekki Grænlandsjökli. "Þeir hafi ekkert frétt af Icesava fyrr en þeir komu til byggða fyrir ekki svo margt löngu".  Sei sei nei þeir eru blásaklausir og grunuðu ekkert, hvað þá að þeir vissu neitt. Vita menn ekki að það er hvorki net eða GSM samband þarna uppi í óbyggðum?                                                                                                          Burt með spillingarliðið, hvar í flokki sem það stendur!   

Ráðherrarnir koma af fjöllum

Þverpólitísk mótmæli við Austurvöll

Í dag sameinast Íslendingar, fólk úr  öllum flokkum, í friðsamlegum samstöðumótmælum gegn ríkisstjórninn klukkan 15:00 á Austurvellii. Fram til þessa hefur verið áberandi að sjálfstæðismenn hafa látið sig vanta í mótmælin en ég hef haft spurnir af því að nú muni fjölmargir sjálfstæðismenn mæta og sýna félögum sínum í ríkisstjórn samstöðu, með því að taka þátt í mótmælum gegn ríkisstjórninni.  Í upphafi beindust mótmælin ekki síst að seðlabankanum.  Nú situr Davíð og horfir út um gluggann við Kalkofnsveg, algjörlega valdalaus, eftir að IMF tók við stjórn efnahagsmála. 

 

 

Búist er við fjölmenni

Meira að segja Helgi ætlar að mæta. 

 

 

 

 

 

 Burt með spillingarliðið, hvar í flokki sem það stendur!   

Geir hefur þjóðina með sér í þessu máli

Það þarf ekki endilega að felast lánleysi í því að fá ekki lán frá IMF. Íslendingar eru skuldugasta þjóð í heimi og mættu gjarnan fara varlega í að bæta á sig lánum og gangast undir þrælakvaðir og afarkosti, þá er stutt í ófrelsi.

Forfeður okkar vissu hvað það er mikilvægt að ráða sínu búi og í einni vísu Háfamála stendur að "Blóðugt sé hjarta þess er biður sér í mál hvers matar"

Vonandi opnast nú augu einhverra fyrir því að t.d. Bretar  eru ekki mjög uppteknir yfir hagsmunum Íslendinga. Vilja menn virkilega eiga framtíð barna sinna undir þeim?

Bretar voru alltaf súrir yfir að þurfa að yfirgefa landhelgina, þess vegna vilja þeir fá okkur í ESB. Kannski er Gordon Brown nógu klókur til að dýpka kreppuna hér og aðstoða innlenda flokksbræður sína?

Burt með spillingarliðið, hvar í flokki sem það stendur! 

 

Við hættum frekar við lánið