Frestum Icesave fram á vor

Ég vil fresta þessu Icesave máli fram á vor til að byrja með.  Þá verður gruggið farið að setjast, markaðir að  róast og margt að skýrast. Auk þess sem þá verða allirbúnir að gleyma Icesave.

 Það hefur verið alltof mikill asi í þessu máli, samanber að Svarvar sagðist  ekki hafa nennt þessu og viljað hespa málinu af.   Það kann ekki góðri lukku að stýra að ætla sér of skamman tíma til úrlausnar mikilvægra mála.

„Ekki mikið tilefni til biðleiks“

Vinnueftirlið skoði undarlega stóla alþingis

Það hefur verið hrífandi að lesa og hlýða á kraftmikla og innihaldsríka pistla öflugra fótgönguliða í VG á borð við Einar Má Guðmundsson, sem hafa ýtt við þjóðinni. Það er því dapurlegt að fylgjast með því hvað sumir liðsmenn Vinstri grænna á þingi ætla að vera léttir í taumi Samfylkingarinnar í ICESAVE/ASG/ESB herleiðingu þjóðarinnar.    Vinnueftirlitið þarf að skoða hvort stólar Alþingis eyðileggi bakið á einstaka þingmönnum. Hjá sumum fer hryggjarsúlan að gefa sig við tilhugsunina eina saman. Þetta er varla eðlilegt?                               

Kýs líklega með Icesave

Var ekki lofað hærra lánshæfismati ef Icesave yrði samþykkt?

Því var haldið fram að ef Æsseif yrði samþykkt myndi erlent lánsfé streyma til landsins, krónan styrkjast osf. osf. Þannig réttlættu stjórnmálamenn að Ísland tæki á sig áratuga skuldbindingar sem myndu ekki leiða erfiðleika yfir okkur heldur næstu kynslóð.  Þessi skammtíma ávinninur er nú ekki að sýna sig öðru nær.

Lánshæfismat ríkisins lækkað

Íslendingar hafa um tvennt að velja: Tekjuleið eða skuldaleið

Íslendingar hafa um tvennt að velja, þ.e. að nýta auðlindir sínar eða gerast bónbjargarmenn Breta með því að skuldsetja sig á þeirra forsendum.

Við getum stóraukið jafnvel margfaldað tekjur okkar af hafinu t.d. með handfæraveiðum og veiða makríl sem Evrópusambandið telur sig eiga þó hann syndi og nærist í íslenskri lögsögu, við getum nýtt sjávarspendýr sem innbyrða 20 falt það magn sem við veiðum og slegið tvær flugur í einu höggi. Haft tekjur af afurðunum og nálgst jafnvæi í hafinu sem eru stærri hagsmunir. 

Í báðum tilvikum  verðum við að taka á okkur lífskjaraskerðingu en sá er munurinn að sé fyrri kosturinn, tekjuleiðin, valin er vandinn tímabundinn auk þess sem við og afkomendur okkar geta staðið upprétt skuldlaus til framtíðar.

 

 

Sameinast um að fordæma hvalveiðar Íslendinga

Álfheiður sendir Ögmundi tóninn

Álfheiður uppskar ráðherraembætti fyrir foringjahollustu sína við Steingrím og tók það fram á sínum fyrsta degi að hún væri ekki verkkvíðin. Með þessu orðum hjó hún í sama knérunn og foringinn sem ásakaði Ögmund um að gefast upp fyrir  aðsteðjandi vanda í heilbrigðiskerfinu.

Allir sem til þekkja vita að þetta er fullkomlega ómaklegt. Ögmundur sagði af sér vegna þess að landstjórinn hefur sett þrýsting á Steingrím og Jóhönnu sem þau bogna undan, ekki síst vegna EB þráhyggju Samfylkingarinnar. Hann gerði þetta fyrir þingræðið vegna þess að hann er mótfallinn því að komandi kynslóðir verði gerðar að Ísþrælum með því að leggja á þær Ísklafa.

Álfheiður verður ráðherra

Lausn ríkisstjórnarinnar: Kosið um Æsseif?

Íslendingar hafa fengið að kjósa um staðsetningu flugvalla, opnumn áfengisútsölustaða, sameiningu sveitafélaga og hundahald. En af einhverjum ástæðum finnst stjórnmáamönnum ekki tilefni til að leyfa almenningi að kjósa um Æsseif þó sami almenningur sé nógu góður til að borga.  

Rökstuðningurinn fyrir Æsseif er sá að íslensk yfirvöld haf slegið slöku við eftirlitsskyldu sína og því verði íslenskur almenningur að borga.

Gott og vel en hvaða réttlæti er í því að þessi sömu yfirvöld og slógu slöku við ætli að fresta vandanum fram yfir þann tíma sem þau eru við völd og umbreyta Æsseif í erfðasynd fyrir unga og ófædda Íslendinga svo þeir megi sligast út lífið ef þeir flytja ekki af landi brott? 

Nú eru uppi raddir um að kjósa um Æsseif og það gæti bjargað ríkisstjórninni.

Efast um alvöru þingmanna

Góð mæting ávísun á betri Icesave samninga

Oft var þörf en nú er nauðsyn. Bretar sendu harðsnúna samningamenn gegn íslenskum viðvaningum, niðurstöðuna þekkja allir.  Þjóðin er andsnúin þessu hörmulega samningsuppkasti  en bæði ráðamenn og hún sjálf er dofin. Stjórnmálamenn sem hafa gert óteljandi mistök virðast ekki með sjálfum sér.  Hættan er sú að mönnum sé svo mikið í mun "að komast í 7 ára skjól" að þeir semji komandi kynslóðir í skuldaánauð. Það má ekki gerast! Þess vegan verðum við að mæta og sýna stjórnmálamönnunum okkar, sem eru upp til hópa gott fólk, stuðning og aðhald. Þannig og einungis þannig ná þeir betri samningum.

Borgarafundur um Icesave

Grunn umfjöllun RUV um ESB

Nokkur aðildarríki ESB hyggja gott til glóðarinnar að fá  Ísland á hnjánum inn í bandalagið og fá auðlindir hafsins sem töpuðust þeim í þorskastríðum nú á silfurfati. Hérlendis hafa handlangarar þeirra, fjölmiðlarnir,  verið sporléttir við að fegra fyrirheitna landið.

Undanfarið hefur RUV verið með svokallaða umfjöllun sem er vægast sagt ótrúlega grunn. Kallaður hefur verið til ESB-sinni og dubbaður upp sem álitsgjafi. Hann hefur ranglega haldið því fram að engin hætta  sé á að við þurfum að deila fiskistofnunum hérlendis með öðrum löndum. Með þessu er álitsgjafinn að  setja undir sama hatt grunnlög sambandsins og tímabundnar reglugerðir sem auðvelt er að breyta.

Núna kemur þessi sami undarlegi álitsgjafi og heldur því fram að matvælaverð muni stórlega lækka hérlendis einungis við að landið gangi í ESB.

Við erum nú þegar í tollabandalagi með ESB í gegn um EES þannig að almenna reglan er að það eru engir tollar á vörur frá ESB. Varðandi sumar landbúnaðarvörur þá eru takmarkanir í formi kvóta og heilbrigðisreglna.

Hvernig getur RUV haldið því fram að vöruverð lækki? Þvert á móti mun vöruverð hækka vegna þess að tolla- og fríverslunarsamningar okkar t.d. við Asíulönd munu falla úr gildi.  ESB aðild mun líka hækka tolla á fiski frá okkur t.d. til Kína og Kóreu.

Ekki víst að ESB setji hvalveiðar fyrir sig

Hækkað tryggingargjald = hækkað atvinnuleysi.

Nú er farið að kvisast út hverjar ráðstafanir ríkisstjórnarinnar verða. Það fer eins og marga grunaði. það á að skattleggja kreppuna. Tryggingagjald verður stórhækkað til að mæta aukinni þörf atvinnuleysistryggingasjóðs og ábyrgðasjóðs launa. Tryggingargjald er gjald sem fyrirtæki borga fyrir að hafa fólk í vinnu en það er afraksturinn er jafnframt notaður til að greiða atvinnuleysisbætur. Illa stæð fyrirtæki eiga því engra annara kosta völ en að segja upp fólki. Fer þetta því að minna á bóndann sem skar skottið af hungruðum hundi sínum til að gefa honum að éta. 

Ráð ríkisstjórnarinnar er: Að skattleggja kreppuna í burtu!

 

Skattahækkanir úr ríkisstjórn

Landsbankinn er hættur starfsemi!

Nú hafa bresk stjórnvöld góðfúslega tekið Landsbankann af skrá yfir hættuleg hryðjuverkasamtök.  "Tak skal De ha"  Vita þau ekki að Landsbankinn er löngu hættur starfsemi og fyrrum eigendur hafa misst forræði yfir búinu? Til hvers að vera með þrotabú á lista yfir hryðjuverkasamtök?  Vilja þeir ekki frekar setja fyrrum stjornendur bankans á slíkan lista?  

En hverslags lista á að setja stjórnvöld sem ætla að skudsetja komandi kynslóðir þannig að þær fái ekki við það ráðið?

 

Landsbanki ekki lengur á lista