2/3 Íslendinga vilja draga umsóknina að ESB til baka

Í nýrri könnun sem MMR gerði kemur fram að mikill meirihluti landsmanna vill draga umsókn landsins að ESB til baka. Sjá könnun hér

Ennfremur kom í ljós að mikill meirihluti landsmanna telur að peningum til umsóknar að Evrópusambandinu sé illa varið. 

Evrópusambandið situr við sinn keip og ætlar að hefja aðildarviðræður í óþökk þjóðarinnar 17. júní  en  setur þau skilyrði að  Ísland verði fyrst að semja um Æsseif

Reiðubúnir að hefja aðildarviðræður

Færeyingar og Íslendingar sameinist!

Nú er allt útlit fyrir að Danir muni greiða atkvæði gegn hagsmunum Færeyinga í þágu Evrópusambandsins með því að gera málamiðlun um hvalveiðar.  Vinir okkar Færeyingar eru æfir út í Dani fyrir þennan lúgahátt.  Við eigum að sameinast Færeyingum og fela þeim stjórn sjávarútvegs- og efnahagsmála sem þeir ráða mun betur við.

 Færeyskir stjórnmálamenn spretta úr atvinnulífinu og skammast sín ekki fyrir að spyrða fisk  ef engin eftirspurn er eftir þeim lengur, ólíkt íslenskum stjórnmálamönnum sem krefjast þess að verða sendiherrar eða seðlabankastjórar. Þetta ráðslag Íslendinganna þenur út utanríkisráðuneytið og hvetur til þess að sótt sé um aðild að öryggisráðinu þó það sé dýrt og Evrópusambandinu þó þjóðin tapi  á því.  

Færeyingar æfir út í Espersen

Kína kastar líflínu til Íslands

Utanríkisráðherra verður að manna sig upp í að klára fríverslunarsamninginn við Kína sem er búinn að vera nánast tilbúinn í nokkur ár. Hvað er hann að dreyma?

ZZZZ

Fríverslunarsamningur myndi veita veita Íslendingu öfluga stöðugagnvart Evrópusambandinu þegar það reynir að innlima Ísland.

Ef svo illa tækist til að Ísland yrði innlimað í Sambandið myndum við í fyrsta lagi tapa mikilvægum mörkuðum fyrir vörur sem við getum ekki selt í Evrópu.

(Allir fríverslunarsamningar falla niður, og markaðir munu lokast fyrir loðnuhrogn, hvalaafurðir sæbjúgu úthafskarfa ofl ofl.)

Í öðru lagi bannar Evrópusambandið allar veiðar á sjávarspendýrum sem éta 20 sinnum meira en við veiðum.

Í þriðja lagi missum við forræði yfir okkar mikilvægustu auðlind þ.e. fiskinum í hafinu.

Fylgismenn aðildar, virðast ekki vita af þessu og hafa þess utan ekki getað bent á neinn raunverulegan ávinning. Helst hefur verið talað um evru og lægra matarverð en það eru fuglar í skógi, sem erfitt er að sýna hvað þá að handsama.

Gjaldeyrissamningur við Kína

Hollendingar vita að Íslendingar geta ekki borgað Icesave

Þó hluti ríkisstjórnarinnar telji að það sé leikur einn að greiða Æsseif þá vita Hollendingar betur.En hvers vegna er Bretum og Hollendingum svona mikið í mun að plata Íslendinga til að skrifa undir skuldbindingar sem þeir geta augljóslega aldrei greitt? 

Svarið liggur í augum uppi þeir vilja að Íslendingar greiði með því eina sem þeir eiga þ.e. auðlindirnar. 

Íslendingar „geta ekki borgað Icesave"

Hverjir fengu 800 milljónir í styrkinn?

Í fjárlagafrumvarpinu 2008 er gert ráð fyrir ýmsum kostnaði beint og óbeint í tengslum við framboð Íslands í öryggisráðið, þ.m.t. 800 milljónir til smáeyja. Í vikunni sem hrunið var tilkynnt undi ISG sér ekki hvíldar þar sem hún flaug í einkaþotu Kristínar Ólafsdóttur eiginkonu Björgólfs Thor Björgólfssonar milli smáeyja í Karabíska hafinu til að afla framboði Íslands til öryggisráðsins stuðnings.

Til allrar guðsmildi náði Ísland ekki kjöri. Þar sannaðist hið fornkveðna að "betri er hálfur skaði en allur".

Guðlaugur fékk hæstu styrkina frá Baugi, Fons og FL Group

Hafró þakkað sólskinið en ekki regnið

Á þeim 25 árum sem kvótakerfið hefur verið við lýði er talið að þorskstofninn hafi minnkað um 50% en nú telur Hafró að stofninn sé örlítið stærri en á síðasta ári. Atli Gíslason formaður sjávarútvegsnefndar á ekki orð yfir hrifningu sína og segir þetta "augljós merki þess að Hafrannsóknarstofnun sé á réttri leið".

 

Fyrir skemmstu fannst engin ýsa í togararalli, Hafró hafði sem sé týnt ýsunni sem var um allan sjó fyrir þremur árum. Man einhver eftir því að Atli Gíslason hafi tjáð sig um það?

Hafró á réttri leið

Bankarnir spila enn í lottó.

Seðlabankinn hefur fundið að því við bankna að þeir séu enn að taka ólöglega áhættu í viðleitni til að vinna upp tak undanfarina ára. SÁÁ er með meðferðarúrræði við spilafíkn en deildin er rekin m.a. fyrir sölu á álfinum.

Bankarnir uppfylla ekki reglur FME

Samfylkingin forystulaus!

Sigmundur Ernir Rúnarsson, þingmaður Samfylkingunnar, telur flokkinn forystulausann enda hafi Jóhanna tekið tilneydd við embætti forsætisráðherra.

Samfylking finni nýja forystu

Er allt löglegt leyfilegt?

Þetta gerðu kjörnir fulltrúar almannahagsmuna: 

Á síðasta kjörtímabili þáðu kjörnir fulltrúar í Reykjavík stórfé í eigin vasa ekki einungis frá verktökum heldur aðilum sem leigðu borgini húsnæði eða keyptu af henni eignir. Ef þessir menn hefðu unnið hjá einkafyrirtæki hefðu þeir verið reknir tafarlaust og sennilega lögsóttir

 

Vill hvítflibbafangelsi

Bæjarfíflið

Stundum er sagt að lengi geti vont versnað en einhverstaðar er botni náð. Spillingin í Reykjavík er slík að lengra verður ekki komist.  R-listinn lét miðborgina drabbast og þáði greiðslur frá verktökum og lóðabröskurum. Tveir af helstu oddvitum fjórflokksins þáðu fúlgur fjár. Hanna Birna borgarstjóri var hægri hönd Kjartans Gunnarssonar í Valhöll þaðan sem einkavæðingu Landsbankans var stjórnað enda jukust  áhrif Landsbankans í borgarstjórn. Flest skynsamt fólk sér að það þarf að lofta út.       Myndin af rússneskum peningaseðlum tengist ekki þessu bloggi.

Jón Gnarr vill stólinn