Kína kastar líflínu til Íslands

Utanríkisráðherra verður að manna sig upp í að klára fríverslunarsamninginn við Kína sem er búinn að vera nánast tilbúinn í nokkur ár. Hvað er hann að dreyma?

ZZZZ

Fríverslunarsamningur myndi veita veita Íslendingu öfluga stöðugagnvart Evrópusambandinu þegar það reynir að innlima Ísland.

Ef svo illa tækist til að Ísland yrði innlimað í Sambandið myndum við í fyrsta lagi tapa mikilvægum mörkuðum fyrir vörur sem við getum ekki selt í Evrópu.

(Allir fríverslunarsamningar falla niður, og markaðir munu lokast fyrir loðnuhrogn, hvalaafurðir sæbjúgu úthafskarfa ofl ofl.)

Í öðru lagi bannar Evrópusambandið allar veiðar á sjávarspendýrum sem éta 20 sinnum meira en við veiðum.

Í þriðja lagi missum við forræði yfir okkar mikilvægustu auðlind þ.e. fiskinum í hafinu.

Fylgismenn aðildar, virðast ekki vita af þessu og hafa þess utan ekki getað bent á neinn raunverulegan ávinning. Helst hefur verið talað um evru og lægra matarverð en það eru fuglar í skógi, sem erfitt er að sýna hvað þá að handsama.

Gjaldeyrissamningur við Kína

Athugasemdir

[Ragnar Eiríksson, 9.6.2010 kl. 09:19]

Áttu vð að við inngöngu í Evrópusamb. mundum við tapa mörkuðum osfrv.   eða að við munum tapa á að tengjast Kína? 

Þetta er óljóst af orðanna hljóðan!¨

Kveðja,

Ragnar

PS. Hefurðu fundið nokkuð um vísuna um "Ameríska úrvalsliðið sem iðkar kálfasmíð"???

R

[Sigurður Þórðarson, 9.6.2010 kl. 10:24]

Takk fyrir ábendinguna maður hugsar víst hraðar en maður skrifar.

Jú þú meinar þá vísu um amerísku úrvalshermennina sem laumuðust í fjós.

" Ef að þetta úrvalslið//iðkar kálfasmíði//

hverju ætli úrkastið// í Ameríku ríði?"

[Guðmundur Ásgeirsson, 9.6.2010 kl. 17:06]

Ragnar: Ef við værum í ESB þá gætum við einfaldlega ekki gert svona samninga við önnur ríki, því þá færi Brüssel með samningsvaldið. Ég vil góðfúslega benda ykkur á að skoða stefnuskrá Samtaka Fullveldissina, en ég tilheyri sjálfur þeim samtökum. Eins og gefur að skilja erum við andsnúin ESB-aðild, meðal annars á þessum forsendum að halda sjálfstæði í utanríkismálum, og höfum einmitt bent á Kína sem mögulegan annan valkost í þeim efnum. Þrátt fyrir allt getum við áfram haft viðskipti við Evrópu, meðal annars gegnum EES, og höldum fullu samningsfrelsi gagnvart þeim. Þannig getum við komið okkur í lykilstöðu til að brúa bil milli þessara tveggja risa, en það hefur alltaf reynst Íslandi mjög hagstætt að geta komið sér í slíka stöðu eins og kom á daginn í kalda stríðiðinu svo dæmi sé tekið.

P.S. Ég sagði það í gríni við félaga minn í samtökunum um daginn, að ef farið hefði verið eftir stefnuskrá okkar frá því hún var lögð fram, og t.d. verið sleppt því að eyða púðri í IceSave eða ESB og aðra slíka tímaeyðslu, þá hefðum við náð að komast á þremur mánuðum á sama stað og ríkisstjórnin er komin núna, heilu ári seinna. Næst þegar ég hitti þennan félaga minn á ég eftir að segja við hann að ég taki grínið til baka, en í staðinn meini ég þetta nú í fúlustu alvöru!

[Sigurður Þórðarson, 9.6.2010 kl. 21:42]

Takk kærlega fyrir þitt góða innlegg Guðmundur. Mér líst vel á´stefnuskrá Samtaka fullveldissinna en ég hef ekki tíma til að stafa í fleiri samtökum og með þakklæti óska ég ykkur velfarnaðar.

[Jóhann Elíasson, 10.6.2010 kl. 08:50]

Það er alveg kristaltært að ef Ísland gengur í ESB þá DETTA ALLIR milliríkjasamningar, sem Ísland hefur gert upp fyrir og samningar sem ESB á aðild að taka gildi.

[Sigurður Þórðarson, 10.6.2010 kl. 12:38]

Takk fyrir þetta Jóhann. Þó ótrúlegt sé þá virðast þingmenn ekki vita þetta alla vega ekki þingmenn Samfylkingarinnar.

[Guðmundur Ásgeirsson, 10.6.2010 kl. 14:01]

Þeir vita þetta alveg, og það er einmitt það sem þeir virðast vilja, þ.e. að loka okkur fyrir innan hrörnandi borgarmúra Evrópu. Stefna Samfylkingarinnar er þannig í raun og veru einangrunarstefna!