IMF í boði ISG brettir upp ermarnar

Stjórn seðlabankans (les stjórn IMF) hefur ákveðið að hækka stýrivexti um 6%.  Búast má við því að þessi ákvörðun muni flýta fjöldaatvinnuleysi, þar sem mörg fyrirtæki sem standa nú þegar höllu fæti munu kikna undan þessum drápsklyfjum.  Ingibjörg Sólrún Gísladóttir verður ekki sökuð um að hafa komið landinu á hausinn, hún hefur það sem af er kjörtímabilinu sinnt brýnum erindum í Afganistan, Palestínu og víða í Afríku.  Um leið og hún frétti að landið væri í vandræðum lýsti hún því yfir að við ættum strax að taka lán hjá IMF en Davíð vildi leita annarra leiða. Ingibjörg og Samfylkingin hljóta því að fagna þessari vaxtahækkun.                     Ingibjörg

Stýrivextir hækkaðir um 6 prósentur

Ótrúleg lygasaga, þóttist vera þýfi

Hann er meir en lítið undarlegur þessi Svíi sem þóttist hafa verið rænt en átti í raun í hjónabandserfiðleikum sem kannski er ekki svo undarlegt. Þetta minnir mig á seinheppinn mafíósa sem hafði í mörg ár sloppið undan réttvísinni með því að skipta um dulargerfi, eða þangað til að þóttist vera barn. 

Svíi laug að lögreglunni að sér hefði verið rænt

Síldin við hafnarkjaftinn

Meðan pólitíkusarnir eru úti í heimi við hvers mans dyr að slá lán berast fréttir frá Bíldudal að þar sé fjörðurinn fullur af fiski en íbúarnir sitja hnípnir með hendur í skauti því enginn í plássinu hefur kvóta.  Úr Hólminum berast líka góðar fréttir þar er vaðandi feit síld við hafnakjaftinn, sem hægt er að moka upp en þorskurinn gleðst yfir þessu líka því nú getur magur þorskurinn fitað sig. 

Þetta er góð búbót nú í kreppunni og menn gleðjast yfir því að þurfa ekki að eyða þessum peningum í öryggisráðið.

Myndin er tekin þegar síldin var fyrir utan Grundarfjörð

Síldin við hafnarkjaftinn

Hvað segja seðlabankastjórar núna

Fyrsta frétt Stöðvar 2 í gær fjallaði um þá fullyrðingu Björgólfs Thor Björgólfssonar um að Bretar hafi viljað stuðla að flýtimeðferð á flutningi Icesave reikningunum til Bretlands en íslenski seðlabankinn hafi staðið gegn því. Bretarnir hafi ekki farið fram á nema 40 milljarða sem er smáaupphæð í samanburði við hvað í húfi var og Landsbannkinn hafi boðið fimmfaldar tryggingar í ríkisskuldabréfum.  Þegar seðlabankinn neitaði hafi  Bretar reiðst. Afleiðingarnar eru mesta efnahagshrun nokkurrar þjóðar. Og ekki bætir úr skák að viðkomandi þjóð er sú skuldugast í veröldinni eftir 17 ára valdasetu Sjálfstæðisflokksins. 

Hvað segir seðlabankastjóri? Hvað segir ríkisstjórnin?

Stjórnmálaskýring: Stjórnmálin eiga eftir að umturnast.

Ég er sannfærður um að Ísland verður ekki samt eftir þær hremmingar sem nú eru að fara í hönd. Sú mikla viðhorfsbreyting sem þegar hefur átt sér stað er að litlu leyti komin fram í fylgi flokka.  Aukið fylgi við Evrópusambandsaðild kemur alltaf eins og dagur á eftir nótt í kjölfar efnahagslægða en hverfur svo  í kjölfar uppgangs. Í því ljósi má skilja uppgang Samfylkingarinnar sem hefur verið bæði í stjórn og stjórnarandstöðu. Samfylkingin hefur verið með hugann við útþenslu utanríkisþjónustunnar og er jafn sek Sjálfstæðisflokknum en eftir að allt fór í kaldakol skóp hún sér sérstöðu með því að vilja semja strax við Breta, IMF, ganga í Evrópusambandið. Flestir átta sig á að kapp er best með forsjá í jafn mikilvægum samningum og vonandi hefur ríkisstjórnin manndóm í sér til að stefna Bretum. Samfylkingin hefur engar tillögur í sjávarútvegsmálum aðrar en þær að skapa störf í símaþjónustu fyrir konur í sjávarþorpum sem eru að fara á hliðina vegna kvótakerfisins. Að öðru leyti hefur hún engar tillögur í atvinnu- og efnahagsmálum aðrar en að ganga í ESB sem myndi koma í veg fyrir að Íslendingar gætu haldið aftur af ofvexti hvalastofna. Auk þessa hefur flokkurinn nú fundið blóraböggul í Davíð Oddssyni seðlabankastjóra, sem þerripappír til að draga athygli frá viðskipta- og bankamálaráðherra. Þessi taktík mun ekki duga til langframa.  Önnur viðhorf hafa breyst. 1. Eftir að karlaveldun í viðskiptalífinu brugðust verða konur líklega meira áberandi. 2. Fólk hefur áttað sig á að einhæfni í atvinnulífi er varasöm og við megum ekki eiga allt undir áli. 3. Síðast en ekki síst er fólki farið að skiljast hversu mikilvægur sjávarútvegurinn er. án hans ættum við enga möguleika á að vinna okkur úr vandanum. Við eigum möguleika á ná miklu meiri arðsemi í greininni með því að innleiða sóknarstýringu sem kæmi m.a. í veg fyrir brottkast tugmilljarða verðmæta á ári hverju. Frjálslyndi flokkurinn er eini flokkurinn á Alþingi sem hefur einarðlega unnið að því. Framtíð þjóðarinnar veltur að miklu leyti á því að talsmenn flokksins nái að leggja mál sitt fyrir hana.

Minnihluti styður stjórnina

Ömmur eru mikilvægastar

John McCain hamast eins og óður maður, sem á lífið að leysa á kosningaferðalögum um norðvesturríkin og Florida. Hver mínúta er skipulögð þar sem  hann heldur marga fundi á dag  og taugaveiklunin er farin að skína í gegn.  Þegar aðeins rúm vika er til kosninga tekur Obama sér hins vegar frí til að heimsækja mikið veika ömmu sína. Hawai er öruggt vígi Demókrata þannig að hann þarf ekki að vinna fylgi þar.  Þetta minnir okkur á hvaða gildi eru mikilvægust í lífinu.

Obama heimsækir Hawaii

Í dag er ég fullur í dag vil ég gefa

Finnst ykkur ekkert bogið við þá stjórnmálamenn sem halda því fram einn daginn að þeir séu fulltrúar ríkis sem býr við velmegun og ríkidæmi og láta allar sparnaðartillögur sem vind um eyru þjóta?  En koma svo eins og heimatrúboðsmenn með þá kenningu að landið eigi að ganga í ESB,  taka risalán og segja okkur til sveitar hjá alþjóðasamfélaginu.

Mjög erfiðir tímar framundan

Genablöndun manna, hesta og kinda = ?

Otto Jespersen, heldur því fram að að Íslendingar séu afsprengi genablöndunar  sauðfjár, hesta og manna. Þar sé komin skýringin á því hvers vegna Íslendingar hafi komið sér í þetta ótrúlega skuldafen. Fyrir stuttu sagði frægur bandarískur hagfræðingur að ólíklegt væri að fólk sem valið væri með slembiúrtaki úr símaskrá gæti klúðrað fjármálum þjóðarinnar jafn illa og stjórnvöld.  Líklega hefur hann ekki vitað að þjóðin er afsprengi genasplæsingar úr sauðfé, hestum og mönnum.

Norðmenn draga Íslendinga sundur og saman í háði

Hommar sem hata homma

Eitt sinn átti ég nágrana, hjón með tvö ung börn, milli okkar varð nokkur kunningsskapur og fórum við stundum saman í bæinn. Ég veitti athygli kenjum eiginmannsins sem gati ekki hugsað sér að fara á allmarga staði vegna þess að það væri stórhætta á að finna einhverja homma þar. Síðar fluttu hjónin í annað byrðarlag en um tveimur árum seinna hitti ég hana eina á ferð og dapra í bragði. Eiginmaðurinn hafði yfirgefið fjölskylduna og flutt heim til sameiginlegs vinar þeirra, sem kom út úr skápnum á sama tíma.

Myndin tengist ekki viðkomandi fjölskyldu

 

Staðfestir ástarsamband við Haider

Er Einar Guðfinnsson ábyrgur sjávarútvegsráðherra?

Það var mesta óhappaverk síðustu ríkisstjórnar að setja smábáta í kvóta sem leiddi til mikillar veðsetningar og vandræða í greininni auk brottkasts sem áður var óþekkt á smábátum.  Ég get því ekki verið sammála Einari K. Guðfinnssyni þegar hann lýsir sjálfum sér sem "ábyrgum sjávarútvegsráðherra".  Þá er dapurlegt að hlusta á ráðherrann leggja á ráðin um að auka kvóta. Þegar frændur okkar Færeyingar voru í mikilli efnahagskreppu fóru þeir þá leið að afnema kvótakerfi sem var sambærilegt við það íslenska, þetta leiddi til afnáms brottkasts og velsældar.

Gott fiskveiðistjórnarkerfi gengur út á að taka úr hafinu með hagkvæmum hætti það sem við teljum óhætt. En til þess þurfum við að vita hvað sé í hafinu og það verður ekki gert nema a.m.k. hluti flotans sé í sóknarstýringu.  Þetta eru almenn sannindi sem allir ættu að geta skilið. EKG, kýs að láta sem hann skilji þetta ekki og það er ekki ábyrgt þegar mikið liggur við fyrir íslenska þjóð.

 

 Lausn efnahagsvandans hjá Færeyingum fólst í afnámi kvótans.

Aukinn þorskkvóti ekki útilokaður